02/06/2026
【 #樓宇安全學生大使計劃2026 現正接受報名！📣】
各位中二至中五嘅同學仔，想唔想為你嘅暑假增添一份既充實又好玩嘅體驗？🌞 屋宇署「樓宇安全學生大使計劃2026」返嚟啦！今次唔單止有嘢學，仲有得親身落場體驗，等你成為真正嘅樓宇安全「實戰派」！💪
今次包含以下三整日嘅活動：
🔹 8月3日：樓宇基礎班 + 長者友善設計體驗
認識樓宇構件、防火、通風及採光同暢通易達設計，下午仲可以親身體驗「以人為本」嘅設計點樣可以提供一個既安全又舒適嘅環境俾長者使用。
🔹 8月4日：驗樓3部曲 + 實地驗樓體驗
驗樓3步曲會先教大家睇圖則，再學點樣分辨樓宇失修同僭建，仲會介紹驗樓工具同最新嘅驗樓科技。下午就係親身去實地驗樓，加深對樓宇嘅認識。
🔹 8月10日：入行好EASY + 市區更新多面睇
與建築專業人士交流，了解點樣入行，仲會分享佢哋嘅日常工作同經歷。下午就去參觀「市區更新探知館」同舊區導賞，仲有「樓宇安全知識大賽」，勝出者有機會羸大獎添！📚
📌 每間學校最多提名 5人（中二至中五）
📅 截止日期：2026年6月30日
🎯 名額有限，先到先得！
每位完成以上活動嘅同學，都會獲頒紀念品同埋完成證書，快啲搵老師提名你啦，或者經以下連結報名都得👇
https://bit.ly/4a8EanJ
#屋宇署
#樓宇安全學生大使計劃
27/05/2026
【「樓宇安全學生大使計劃2025」考察小筆記 📝】
#標丁 睇樓團出發！一連三個星期六， #標丁 同一班「樓宇安全學生大使」分別到咗樂嶺都匯、築角及零碳天地參觀，深入了解樓宇設計、建築方式同背後理念。
樂嶺都匯（長者友善樓宇）🏠👨🏻🦳﹕樓宇設計唔單只係睇靚唔靚，仲要以人為本，處處都講究細節，務求照顧長者各方面嘅需要，確保佢哋出入安全，住得安心。
築•角🏭👷🏻♂️﹕與時並進嘅Smart Office，除咗係用「組裝合成」建築法興建之外，仲有埋注重身心靈健康嘅設施，同時可以透過智能監控，實時mon住整個地盤施工情況，高效精準、全面掌控。
零碳天地🏬🌱﹕零碳建築點止係節能同運用再生能源咁簡單！仲要考慮樓宇座向、選材同園林設計，樣樣都經過精密計算。
#標丁 再次感謝建造業議會、香港建築師學會、香港工程師學會同香港測量師學會嘅鼎力支持，令我哋可以帶領同學仔走出課室，親身體驗建築嘅魅力！
新一屆「樓宇安全學生大使計劃」好快就會招生！想同 #標丁 一齊去睇樓？記得密切留意屋宇署社交媒體嘅公布，第一時間搶先報名啦！
#屋宇署
#樓宇安全學生大使計劃
22/05/2026
【「強制驗樓計劃—註冊檢驗人員」及「進行樓宇大維修須採取的消防安全預防措施」研討會】
為咗幫助業界更有效咁執行強制驗樓計劃，屋宇署喺3月31日舉辦咗一場「強制驗樓計劃—註冊檢驗人員」研討會，同 #註冊檢驗人員 👨🏻🏫進行交流。
研討會內容豐富，先由屋宇署同事講解《註冊承建商作業備考》85 (PNRC 85) 嘅內容同相關要求，接住講清楚進行樓宇大維修必須採取嘅消防安全預防措施。講座後半部分，講者亦分享咗進行樓宇檢驗同監督修葺工程時須注意嘅事項，同埋經驗分享；同時亦介紹屋宇署就監察同規管註冊檢驗人員嘅安排。
隨住屋宇署喺3月16日發出有關《進行樓宇大維修須採取的消防安全預防措施》嘅通告函件，屋宇署喺4月24日再舉辦咗一場「進行樓宇大維修須採取的消防安全預防措施」研討會，目的係向 #註冊承建商 👷🏻👷🏻♂️講解通告函件嘅內容，同提醒業界喺大廈維修工程進行期間須注意嘅消防安全事項，兼講解PNRC 85嘅內容同相關要求。與此同時，屋宇署亦介紹監察同埋規管註冊承建商嘅安排及分享樓宇大維修工程中引致消防安全風險嘅常見違規同不當嘅行為。
喺兩場講座嘅答問環節， #註冊檢驗人員 同 #註冊承建商 都把握機會踴躍發問， 並提出業界嘅專業意見，同屋宇署代表進行交流同討論。
當日講座嘅短片亦已上載到屋宇署嘅網上學習中心，大家可以click以下網址重溫相關內容﹕
「強制驗樓計劃—註冊檢驗人員」研討會﹕https://bit.ly/4tLpceF
「進行樓宇大維修須採取的消防安全預防措施」研討會﹕https://bit.ly/43mljSn
#標丁 將繼續透過唔同渠道同各持份者交流，務求令業界更清楚屋宇署就樓宇安全嘅規範同要求，共同為建造業出一分力!
#屋宇署
08/05/2026
【 #香港斜坡安全展覽｜ #做好斜坡維修🛠️ 住得放心】
早排有老best約 #標丁 去咗由土木工程拓展署舉辦嘅 #香港斜坡安全展覽，同大家一齊去了解一下: 點解斜坡安全同維修係咁重要！
當日仲見到屋宇署嘅屋宇測量師同結構工程師同市民分享私人斜坡維修嘅相關資訊添。
同場亦有「與公眾對話」嘅環節， #標丁 聯同土木工程拓展署、地政總署嘅代表，即場解答市民問題，希望大家由而家開始，知道點樣做好斜坡維修同保養，咁就住得放心。
保障斜坡安全，真係你我都做得到！💪🏽🏞️
#屋宇署
#私人斜坡 #斜坡維修
24/04/2026
【賽馬會鼓掌．創你程計劃】
為期十年嘅「賽馬會鼓掌．創你程計劃」，由香港賽馬會慈善信託基金策劃及捐助，香港教育大學聯合策動。呢個係全港首個結合跨界別資源嘅生涯探索計劃，致力連繫學校、商界同社福機構，透過一套實證有效嘅生涯發展介入模式，支持青年人由學校順利過渡至工作世界。
早前，屋宇署應「賽馬會鼓掌．創你程計劃」邀請，喺屋宇署總部舉辦咗「樓宇知識活動日」。
活動當日，招待咗廿幾位中學生，除咗為佢哋介紹屋宇署嘅日常運作同樓宇安全知識外，同學亦有機會學習點樣睇建築及結構圖則，並親身體驗屋宇署同事平日工作經常用嘅驗樓工具，包括紅外線滲水測試儀器及混凝土反彈錘敲電子測試儀（俗稱石屎槍）。
此外，同學亦有機會駕駛無人機，仲親身體驗無人機和人工智能點樣協助勘察樓宇外牆，從而了解保養同維修樓宇嘅重要性。
#標丁 希望透過今次活動，加深同學對建築行業嘅認識，了解多啲行內職業發展嘅可能性，亦期待日後佢哋有機會加入建築行業👷🏻♂️👷🏻 ，發揮一己所長。
#屋宇署
#賽馬會鼓掌創你程計劃
24/04/2026
20/04/2026