E&M Young Ambassador 機電青少年大使

🚇【鐵路安全】呢個港鐵月台窄到得約6米？！😳

原來香港有個港鐵站，月台出名「的骰」！
講緊嘅，就係海怡半島站～
因為車站位置同地底空間有限，所以月台設計得特別緊湊👀

📍 有幾窄？
海怡半島站個島式月台，最窄位置大約只有6米左右！😳
即係大約等於：
👣一個成年人大約行11步左右就到另一邊、
🚌 一架巴士車身長度嘅一半左右
或者
🏸 一個雙打羽毛球場闊度～

雖然月台比較窄，車站一樣做到安全同實用💡

🏝️ 車站採用「島式月台」設計👇
🚆 列車喺兩邊
🚉 月台喺中間

呢種設計可以更有效利用空間，方便乘客上落車～

🤖 站內同時設有自助客務機📞
透過視像同語音系統，乘客都可以即時聯絡職員求助！

其實香港好多鐵路設計，
背後都有好多貼心嘅工程智慧😆

下次搭去海怡半島站，
不妨數下自己幾多步可以由一邊月台行到另一邊月台🤣

你又知唔知香港仲有邊個港鐵站好特別？👇

#鐵路冷知識 #港鐵 #香港之最 #海怡半島站 #機電知識

【 】「氫」建未來，用科技傳遞愛！💡🌱

由提交計劃書，參與工作坊，社區研習到比賽日，歷時近半年由機電工程署聯同騰訊基金會一齊主辦嘅「氫建未來．小紅花科創向善挑戰賽」終於劃上最完美嘅句號！
今次比賽分為「低碳生活」同「氫能應用」兩大類別，吸引超過 1,500名中學生👥踴躍參與，收到近百件充滿創意同心血嘅科創作品🧠，見證年青人對環保同低碳生活滿滿嘅熱情❤️！

👑 恭喜 保良局李城璧中學 憑住超有創意嘅《橙生綠黏寶》（利用橙皮提取物合成膠水）勇奪冠軍寶座！🏆🍊
🥈 亞軍：香港教師會李興貴中學《氫能仿生樹》🌲
🥉 季軍：拔萃女書院《智能回收監察專家》📊
🏅 殿軍：德貞女子中學《家居智能O₂ BAR》💨
🌸小紅花科創家大獎：明愛聖若瑟中學《氣息地圖》🗺️

每一位同學都用行動證明咗，科技唔單止可以創新，仲可以解決真實嘅社區問題，做到「科技向善」！💪 等我哋一齊期待呢班科創未來主人翁，繼續用創意同熱情去「氫」建更美好、更綠色嘅香港！🌍💚

#氫建未來 #小紅花科創向善挑戰賽 #科技向善 #碳中和 #低碳生活 #氫能 #機電工程署 #騰訊基金會 #青年科創

【 #香港之最 ...最長鐵路綫🚊】

🐻：寶寶，考吓你！知唔知咩馬係最長㗎？
🤖：屯馬綫吖嘛👀尋晚已經見到你諗緊鐵路冷笑話啦❄️

喺2021年全綫開通嘅屯馬綫，貫通新界東西，同時連繫九龍東，成為全港最長鐵路綫！鐵路綫全長56公里，共有27個車站，當中包括6個轉綫站，接駁東鐵綫、觀塘綫、東涌綫及荃灣綫，如果搭晒全程由屯門站去到烏溪沙站，需要差唔多74分鐘㗎⏰

喺啤粉sss可以好C服咁坐屯馬綫四圍去嘅背後，其實仲有地球基地一班專業嘅師兄師姐密切監察住鐵路系統安全運作㗎ʕ￫ᴥ￩ʔ，等啤啤我都搵日同寶寶嚟嗰本地鐵路遊先😚
- - - - - - - - - - - - - - - - - - - - - - -
🥰Follow我哋Instagram : emsdwittybear
📲「E&M Connect」令你生活更方便、更寫意：https://bit.ly/3atAOgg
⭐️下載「機智啤啤 & 智析寶寶」WhatsApp Sticker：https://bit.ly/4fhwNKJ

#機電工程署 #機智啤啤 #智析寶寶 #機電知識 #機電安全 #機電冷知識 #香港之最 #最長鐵路綫 #屯馬綫

【電力及氣體安全】屋企裝固定電力裝置／爐具？呢啲要搵「合資格人士」先得⚡🔥

裝修屋企、換電熱水爐、換新氣爐？
唔好貪方便自己嚟，或者搵冇註冊嘅人幫手安裝，否則一旦出事就好危險！😱

✅ 電力篇：
所有唔經插座供電嘅電器（例如：電熱水爐）
➡️ 必須由註冊電業承辦商接駁電源
➡️ 完工後會發出《完工證明書》(WR1)，證明裝置符合規定

安裝電熱水爐要注意：
💧 電力裝置由註冊電業承辦商安裝
🚿 水管部分由水務署認可人士處理
❌ 避免用設有「開關水掣」嘅花灑頭，否則壓力太高會爆！

🔥 氣體篇：
⚠️ 氣體爐具小提醒：
使用氣體產品前記得保持通風良好
購買時要認明有「GU」標誌嘅爐具
每 18 個月 安排安全檢查，確保冇洩漏、冇老化，安全放心！

安裝、更換、維修都要搵
👉 註冊氣體工程承辦商僱用嘅註冊氣體裝置技工進行
違反《氣體安全條例》或自行安裝氣體設備，係犯法㗎！🙅‍♂️

屋企安全，由認證專業開始💪

#電力安全 #氣體安全 #家居安全 #機電署 #安全安裝

🔌【 #電力安全】網購要精明，安全要放第一！⚠️

網購真係方便，但買電器之前，唔好淨係望價錢或者賣相，仲要望清楚有冇符合本港電力供應規格！✅

🛍️ 選購提示：
✨ 插頭要適合香港插座（三腳插頭）
✨ 額定電壓要與香港標準一致（220V 交流電）
✨ 要有清晰標記（品牌、型號、額定電壓／功率／頻率等）

🧸 小提醒：
再吸引嘅廣告，都要記住「停一停、諗一諗」🙌
買電器前要留心，確保用得安全又放心。

安全上網購物 = 保護自己 + 保護屋企人 💪

#電器安全 #網購小心 #安心用電 #安全第一

【EMYA】雙月會訊
上期會訊我哋同各位機電青少年大使探討過香港鐵路🚇嘅小知識。而今期會訊就帶大使們了解一下💡目前香港已經有部分地區應用緊嘅「區域供冷系統」（District Cooling System）！

近年全球暖化🌍🌡️同極端天氣🥵嘅問題越來越嚴重，香港特區政府同樣關注相關事件，而且喺2021年10 月發布✍️《香港氣候行動藍圖 2050》，推動低碳發展以持續改善環境並帶動綠色經濟發展💚。而機電工程署嘅工作之一就喺規劃及推行「區域供冷系統」💧。

想知咩喺「區域供冷系統」？一齊嚟吓今期會訊啦！😆
https://emya.emsd.gov.hk/tc/newsletter/index.html

#機電工程署 #機電青少年大使 #區域供冷系統 #香港氣候行動藍圖2050

🔥【氣體安全】住宅式氣體用具要有「GU」標誌，千祈唔好跨境網購！⚠️😳

網上購物係好方便，又可能較抵買💸
但購買住宅式氣體爐具時，千祈唔可以只係睇價錢！

🚨 大家要留意法例規定：所有喺香港供應或者售賣嘅住宅式氣體用具（包括氣體熱水爐🛁、氣體煮食爐🍳、卡式石油氣爐等），都必須獲得批准，先可以入口香港同埋喺香港使用。

認清「GU」標誌✅：已獲批准嘅住宅式氣體用具都會附有「GU」標誌，方便大家識別，買得更安心！🧐

法例嚴格監管📜：雖然跨境網購嘅產品外表睇落差唔多，但如果無「GU」標誌，就絕對唔可以入口香港使用！❌

跨境產品未必符合香港安全規格🛡️： 無「GU」標誌嘅住宅式氣體用具，喺產品設計同安全規格方面，未必符合香港嘅嚴格要求，會構成安全風險🛑。香港嘅註冊氣體裝置技工，亦唔會幫忙安裝任何無「GU」標誌嘅住宅式氣體用具。🔧

⚠️ 無「GU」標誌 = 未經批准嘅住宅式氣體爐具，有以下潛在安全風險：
* 未必配合香港使用嘅氣體壓力同成分  燃燒不完全  一氧化碳中毒💨
* 接駁不匹配  增加漏氣風險
* 無安全裝置或不匹配嘅安全裝置  過熱或失效🔥
* 欠缺本地維修支援  衍生安全風險

唔安全嘅住宅式氣體爐具，有機會引致火警。大家要記住：
⚠️千祈唔好
* 見平就買💸❌
* 以為所有爐具都一樣❌
* 自行安裝氣體爐具❌

✅一定要
* 睇清楚住宅式氣體爐具一定要有「GU」標誌 ✔️
* 喺香港購買有「GU」標誌嘅住宅式氣體爐具✔️

記得搵註冊氣體工程承辦商，安排註冊氣體裝置技工安裝及維修氣體爐具
👉安全，真係要揀啱。

#氣體安全 #家居安全 #住宅式氣體爐具唔可以跨境購買 #機電知識 #用氣安全

【密室沖涼事件📝】 #啤啤日誌

🐻：浴室❗沖涼❗零通風❗喺呢個密室之中，真相只有一個🫵 就係 一 氧 化 碳 中 毒 ☠️

無論使用咩氣體爐具都好，都要記得保持室內空氣流通💨！⁠通風不足會令氣體不完全燃燒，隨時會引致一氧化碳中毒☠️，好危險㗎❗各位啤粉sss使用嗰陣一定要注意安全啊～

✅選購已獲得機電工程署批准並附有「 G U 」標誌嘅氣體爐具
✅安排註冊氣體裝置技工進行安裝、測試同維修氣體爐具
✅⁠每18個月聯絡註冊氣體工程承辦商為氣體爐具進行安全檢查
✅建議更換2003年前安裝嘅住宅式氣體爐具，避免因爐具老化而出現潛在故障及發生氣體事故嘅風險
❎千祈唔好使用任何非原廠爐具生產商供應嘅配件，例如煮食爐上面嘅節能環
- - - - - - - - - - - - - - - - - - - - - - -
🥰Follow我哋Instagram : emsdwittybear
⭐️下載「機智啤啤 & 智析寶寶」WhatsApp Sticker：https://bit.ly/4fhwNKJ

#機電工程署 #機智啤啤 #智析寶寶 #機電知識 #一氧化碳中毒 #氣體熱水爐 #氣體煮食爐 #氣體爐具 #保持空氣流通 #定期安全檢查 #真相只有一個 #密室沖涼事件

【YPEC青年科技專才展覽及比賽2026】🏆

科技創新正急速改變我哋嘅世界🌍，而新一代工程師將會成為推動未來發展嘅重要力量💪。各位對科技充滿熱誠嘅年輕人，宜家就係展現你哋創意同技術嘅最佳時機！青年科技專才展覽及比賽(YPEC)為中學生提供一個絕佳平台，可以令大家將創新意念轉化為實際方案，為社會帶來正面影響！✨

🪧參賽詳情
參賽對象：中學生 👦
作品主題📋：須以工程科目為主題，涵蓋以下 6 大範疇：
1. 信息與控制技術 💻
2. 電子與通信📱
3. 工程管理 ⚙️
4. 製造及工業工程🏭
5. 電力和能源⚡
6. 鐵路和交通🚄

參賽形式🖱️：個人或隊伍形式（每隊人數上限為 8 人）👥
關鍵日期📢
截止日期：2026年5月24日（報名及提交摘要）📝
活動日期：2026年7月19日 📅

參賽名額有限，先到先得，大家一定要把握機會參加啦！想知道更多比賽詳情，可以瀏覽活動網頁👉https://ietypec.org/ 。如有查詢，請電郵至[email protected] 與YPEC聯絡📧。