Mairie De Delmas

Mèsi Mairie De Delmas

Les cours continuent de progresser au niveau de la Bibliothèque Municipale de Delmas, dans une ambiance marquée par la discipline, l’apprentissage et la volonté de réussir. Chaque séance représente une opportunité offerte aux jeunes de renforcer leurs connaissances, de développer leurs capacités et de mieux préparer leur avenir.

Comme l’a toujours souligné le Maire Wilson JEUDY, l’éducation demeure l’un des piliers fondamentaux de son programme d’accompagnement de la jeunesse. Investir dans le savoir, c’est investir dans une génération capable de contribuer positivement au développement de la communauté.

Bureau de communication

Aprè twa (3) jounen fòmasyon ki te dewoule soti mèkredi 20 pou rive vandredi 22 me 2026 la nan Palè Minisipal Delma a, pwogram fòmasyon sa a, ki te òganize nan kad kolaborasyon ant Ministè Komès ak Endistri ak Meri Delma, rive pran fen li nan yon klima satisfaksyon, pataj eksperyans ak angajman renouvle an favè amelyorasyon sèvis piblik yo.

Pandan diferan atelye ak sesyon teknik yo, ajan Meri a, yo te jwenn opòtinite pou aprofondi konesans yo sou kestyon kontwòl pwodwi ak sèvis yo, respè nòm ak estanda yo, ansanm ak mekanis pwoteksyon konsomatè yo. Fòmasyon sa yo vize pèmèt ajan yo pi byen reponn ak responsablite yo nan sèvis piblik la, pandan y ap kontribye nan amelyorasyon kalite sèvis yo ofri popilasyon an.

Biwo Kominikasyon

Nan kad yon kolaborasyon ak minisipalite yo, Ministè Komès ak Endistri lanse yon seri 3 jounen fòmasyon jodi mèkredi 20 me 2026 la nan Palè Minisipal Delma a, pou ajan Meri plizyè komin nan zòn metwopolitèn nan, tankou Delma, Petyonvil, Taba ak Kafou, pami lòt ankò. Inisyativ sa a vize ranfòse kapasite ajan yo nan domèn kontwòl pwodwi ak sèvis yo, pandan l ap ankouraje respè nòm ak estanda ki egzije nan sektè komès ak konsomasyon an.

Aktivite lansman sa a te dewoule an prezans Majistra Wilson JEUDY, Direktè Jeneral Ministè Komès ak Endistri a, Panel Paulemont, ansanm ak reprezantan diferan minisipalite ki te patisipe yo.

Nan diskou ouvèti li, Majistra a, te salye demach kolaboratif sa an ant Meri Delma ak Ministè a, pandan li te souliye enpòtans fòmasyon sa yo pou amelyore mekanis kontwòl ak pwoteksyon konsomatè yo. Li te pwofite renouvle angajman Administrasyon Kominal la pou kontinye apiye tout inisyativ ki kapab kontribye nan pi bon fonksyònman sèvis piblik yo ak byennèt popilasyon an.

Biwo Kominikasyon