09/08/2024
Ayiti: Elèv Lekòl Nasyonal Canot nan Belladère Resevwa Pen Lenstriksyon Chak Jou Anba yon Pye Bwadòm. Nan lokalite Canot, ki nan Roysec 2e seksyon kominal Belladère, yon lekòl ki pa gen lokal reyini elevè yo anba yon pye bwa pou ba yo pen delentriksyon. Istwa rekonstriksyon lekòl la:
Banque interaméricaine de développement BID finanse pwojè konstriksyon lekòl nasyonal sila a (montan an pa revele), sou sipèvizyon ministè a, BUREC S.A ap ekzekite l.
Se yon pwojè ki kòmanse depi mas 2016 e ki te dwe fini ann oktòb 2016. Nou nan 2019, pwojè a kanpe san okenn eksplikasyon. Pandans tan, legliz Corps du Christ ki te prete lekòl la lokal poul fèladesant, mande enstitisyon eskolè espas la.
Elèv 6e ane yo k ap suiv kou anba yon pye bwadòm oblije mete kaye ak sèvyèt sou tèt yo pou fè fas ak solèy la paske sechrès lakoz tout fèy nan pye bwadòm nan tonbe.
Antretan, direktè lekòl la resevwa paran yo sou yon motosiklèt kòm biwo. Tout dokiman administratif yo nan valiz direktè a pou l vini ak yo chak maten epi tounen ak yo nan aprè midi, kidonk yon direksyon mobil ki tout kote direktè a ye. Orijin istwa sa a ak foto yo: Jounalis afilye Lavwadlamerik, Clement D. G. H. Collegue.