AMC NAGAR

👉 “‘अ’ म्हणजे अहिल्यानगरचा अभिमान, अखंड कार्याचा ध्यास आणि अचूक जनगणनेचा विश्वास! चला, जनगणना 2027 यशस्वी करण्यासाठी एकत्र येऊया.” 🙏📋✨

#जनगणना2027 #अहिल्यानगरमहानगरपालिका

"शहराचे सौंदर्य जपूया... अनधिकृत फ्लेक्समुक्त अहिल्यानगर घडवूया!"

अहिल्यानगर शहराचे सौंदर्य अबाधित राखण्यासाठी, सार्वजनिक ठिकाणांचे विद्रूपीकरण रोखण्यासाठी तसेच नागरिकांच्या सुरक्षिततेच्या दृष्टीने अहिल्यानगर महानगरपालिकेच्या अतिक्रमण विभागामार्फत दि. १ जून २०२६ रोजी विशेष अनधिकृत फ्लेक्स जप्ती मोहीम राबविण्यात आली. या मोहिमेत शहरातील प्रमुख रस्ते, चौक आणि सार्वजनिक ठिकाणी परवानगीशिवाय उभारण्यात आलेले फ्लेक्स, होर्डिंग्ज आणि जाहिरात फलक हटवून जप्त करण्यात आले.

प्रभाग समिती क्र. ३ अंतर्गत प्रोफेसर कॉलनी, गुलमोहर रोड, सुरभी हॉस्पिटल परिसर, वसंत टेकडी, नामदेव चौक, श्रीराम चौक, पाईपलाईन रोड, भिस्तबाग चौक, सोना नगर चौक, गुलमोहर कॉर्नर, समर्थ शाळा ते तारकपूर रोड आणि सिव्हिल हॉस्पिटल परिसरातील अनधिकृत जाहिरात फलकांवर कारवाई करण्यात आली. या प्रभागात ३ मोठे फ्लेक्स आणि १ मोठे होर्डिंग हटविण्यात आले. तसेच प्रभाग समिती क्र. १ (सावेडी) अंतर्गत ९ मोठे फ्लेक्स आणि ३२ लहान बोर्ड, प्रभाग समिती क्र. २ मध्ये ११ मोठे फ्लेक्स आणि लाईटच्या खांबांवरील ४६ लहान बोर्ड, तर प्रभाग समिती क्र. ४ मध्ये ६ मोठे फ्लेक्स आणि लाईटच्या खांबांवरील ३९ बोर्ड हटवून जप्त करण्यात आले.

या विशेष मोहिमेत महानगरपालिकेने एकूण २९ मोठे फ्लेक्स, ५ मोठे होर्डिंग फ्लेक्स आणि १३९ लाईटच्या खांबांवरील व इतर लहान जाहिरात फलक हटवून जप्त केले. अनधिकृत फ्लेक्स आणि जाहिरात फलकांमुळे शहराचे सौंदर्य बाधित होते, वाहतूक चिन्हे व महत्त्वाच्या सूचना झाकल्या जातात, तसेच वाहनचालकांचे लक्ष विचलित होऊन अपघातांचा धोका निर्माण होतो. याशिवाय पावसाळा आणि वादळी वाऱ्याच्या काळात हे फ्लेक्स कोसळून नागरिकांच्या जीवित व मालमत्तेसाठी गंभीर धोका निर्माण करू शकतात.

शहर अधिक स्वच्छ, सुंदर, सुरक्षित आणि नियोजनबद्ध ठेवण्याच्या उद्देशाने अहिल्यानगर महानगरपालिका अशा अनधिकृत जाहिरातींविरोधातील कारवाई सातत्याने सुरू ठेवणार असून नागरिकांनी कोणतेही फ्लेक्स, बॅनर किंवा जाहिरात फलक उभारण्यापूर्वी आवश्यक परवानगी घेऊन महानगरपालिकेला सहकार्य करावे, असे आवाहन करण्यात येत आहे.

📢 नागरिकांनो कृपया लक्ष द्या!

शहर पाणी पुरवठा योजनेचा वीज पुरवठा खंडित झाल्यामुळे काही भागांतील पाणी पुरवठा विस्कळीत झाला आहे. संबंधित भागांमध्ये नियोजित वेळेनुसार पाणी पुरवठा पुढील दिवशी करण्यात येईल.

💧 पाण्याचा वापर जपून व काटकसरीने करा.
🤝 आपल्या सहकार्याबद्दल मनःपूर्वक धन्यवाद.

"नागरिकांच्या सुरक्षेसाठी प्रत्येक क्षणी सज्ज... अहिल्यानगर महानगरपालिका!"

दि. ३१ मे रोजी रात्री वादळी वाऱ्यासह झालेल्या पावसामुळे अहिल्यानगर शहरातील विविध भागांमध्ये झाडे उन्मळून पडणे, विद्युत तारा तुटणे तसेच वाहतुकीस अडथळे निर्माण होण्याच्या घटना घडल्या. या पार्श्वभूमीवर अहिल्यानगर महानगरपालिकेच्या अग्निशमन विभाग, उद्यान विभाग, विद्युत विभाग व इतर संबंधित आपत्कालीन यंत्रणांनी तात्काळ प्रतिसाद देत युद्धपातळीवर मदतकार्य राबविले.

महानगरपालिकेच्या पथकांनी राधाबाई काळे रोड, जुनी मनपा परिसर, अशोका हॉटेल ब्रिजजवळील पेट्रोल पंप समोर, रामवाडी, नशीबन कॉलनी रोड, समर्थ नगर, वृंदावन कॉलनी, पारिजात चौक, पाईपलाईन रोड (यशोदा नगर समोर), झरेकर गल्ली, आयुर्वेद महाविद्यालय परिसर, भिस्त गल्ली, भाऊसाहेब फिरोदिया गेट समोर, सर्जेपुरा रंगभवन परिसर, अमरधाम, समर्थ शाळा परिसर, हॉटेल सायंतारा परिसर तसेच सिद्धीदाता कॉलनी (प्रोफेसर चौक) या ठिकाणी तात्काळ कार्यवाही करून पडलेली झाडे व फांद्या हटविणे, तुटलेल्या विद्युत तारा व कंडक्टर दुरुस्त करणे, रस्ते वाहतुकीसाठी खुले करणे तसेच नागरिकांच्या सुरक्षिततेसाठी आवश्यक उपाययोजना केल्या.

वृंदावन कॉलनी येथे झाड पडल्याने घरात अडकलेल्या नागरिकांना सुखरूप बाहेर काढण्यात आले, तर सिद्धीदाता कॉलनी, प्रोफेसर चौक येथे पडलेल्या झाडामुळे बंद झालेला रस्ता लवकरात लवकर सुरळीत करण्यासाठी कार्यवाही सुरू आहे.

अहिल्यानगर महानगरपालिकेचे सर्व विभाग समन्वयाने कार्यरत असून आपत्कालीन परिस्थितीत नागरिकांच्या मदतीसाठी सदैव तत्पर आहेत.

📞 नागरिकांनी झाड पडणे, विद्युत तारा तुटणे, आग, पाणीपुरवठा किंवा इतर नागरी समस्यांबाबत तक्रार नोंदविण्यासाठी महानगरपालिकेने अधिकृत समाजमाध्यमांवर प्रसिद्ध केलेल्या आपत्कालीन संपर्क क्रमांकांचा वापर करावा.

महत्त्वाची सूचना 💧

विज पुरवठा खंडित झाल्यामुळे नियोजित काही भागांतील पाणीपुरवठा होऊ शकणार नाही. संबंधित भागांना पाणीपुरवठा मंगळवार दि. ०२/०६/२०२६ रोजी करण्यात येईल.

नागरिकांनी उपलब्ध पाण्याचा वापर काटकसरीने करून महानगरपालिकेस सहकार्य करावे.

🚭 तंबाखूला नकार, निरोगी आयुष्याचा स्वीकार!
जागतिक तंबाखू निषेध दिनानिमित्त तंबाखूमुक्त समाज घडवण्यासाठी एकत्र येऊया.
आरोग्यदायी जीवनासाठी आजच तंबाखू सोडण्याचा संकल्प करा.

🌳🚒 "आपत्कालीन परिस्थितीत तत्पर प्रतिसाद, नागरिकांच्या सुरक्षिततेसाठी अखंड प्रयत्न!" 🚒🌳

प्रकाशपूर (तारकपूर) मेघाग्नी चौक येथे रस्त्यावर पडलेल्या झाडामुळे वाहतुकीस अडथळा निर्माण झाला होता. याची माहिती मिळताच अहिल्यानगर महानगरपालिकेच्या अग्निशमन दलाने तात्काळ घटनास्थळी धाव घेतली.

अग्निशमन दलाच्या कर्मचाऱ्यांनी वूड कटरच्या साहाय्याने पडलेले झाड सुरक्षितपणे कापून बाजूला केले व रस्ता वाहतुकीसाठी पूर्णपणे मोकळा करून नागरिकांची गैरसोय दूर केली.

अहिल्यानगर महानगरपालिका नागरिकांच्या सुरक्षिततेसाठी व आपत्कालीन सेवांसाठी सदैव तत्पर आहे.

#आपत्कालीनसेवा #अग्निशमनदल #नागरिकसुरक्षा #तत्परसेवा

पुण्यश्लोक अहिल्यादेवी होळकर यांच्या जयंतीनिमित्त विनम्र अभिवादन. 🙏✨
त्यांच्या न्यायप्रिय, दूरदर्शी आणि लोककल्याणकारी कार्याचा आदर्श सदैव प्रेरणादायी राहो. 🌸

🧹 "स्वच्छ गटार, स्वच्छ परिसर निरोगी शहराकडे अहिल्यानगरचा प्रवास!" 🌿

🚜 ईदगाह मैदान समोरील बाजूस डी.पी. ते उड्डाणपूल दरम्यान गटार सफाई मोहीम सुरू

मा. आयुक्त श्री. यशवंत डांगे यांच्या मार्गदर्शनाखाली अहिल्यानगर महानगरपालिकेमार्फत ईदगाह मैदान समोरील बाजूस डी.पी. ते उड्डाणपूल या दरम्यान असलेल्या गटाराची साफसफाई व गाळ काढण्याचे काम युद्धपातळीवर सुरू करण्यात आले आहे.

या कामामुळे पावसाळ्यात पाण्याचा निचरा सुरळीत होण्यास मदत होणार असून परिसरातील स्वच्छता व नागरिकांचे आरोग्य सुरक्षित ठेवण्यास हातभार लागणार आहे.

🤝 स्वच्छ व सुंदर अहिल्यानगर घडविण्यासाठी नागरिकांनीही सहकार्य करावे.

📢 महत्त्वाची सूचना

जिल्ह्यात लागू असलेल्या आचारसंहितेमुळे सोमवार, दि. १ जून रोजी आयोजित करण्यात येणारा जिल्हास्तरीय लोकशाही दिन आयोजित केला जाणार नाही.

नागरिकांनी याची कृपया नोंद घ्यावी. लोकशाही दिनासंदर्भातील पुढील सूचना प्रशासनामार्फत योग्य वेळी जाहीर करण्यात येतील.

🤝 आचारसंहितेचे पालन करूया.
🤝 प्रशासनाच्या सूचनांना सहकार्य करूया.

कृपया ही माहिती जास्तीत जास्त नागरिकांपर्यंत पोहोचवा.

#अहिल्यानगरमहानगरपालिका