FDA Mizoram

Abusive Pharmaceutical Products chungchang - Food & Drugs Administration Wing, Government of Mizoram

Circular- Sale of Abortion Pills without prescription
~ Food & Drugs Administration Wing, Mizoram

Damdawi ṭhalo laka fimkhur tura hriattirna - Food & Drugs Administration Wing, Mizoram

GST Rate thara damdawi hralh chungchang - FDA Mizoram

HRIATTIRNA PAWIMAWH 🕵

Tun hnaia FDA, Mizoramin damdawi quality endik tura Govt.Analyst, Regional Drug Testing Laboratory, Guwahati-a a thawn zingah Pantop - DSR batch pathumte chu damdawi ţha lo (Not of Standard Quality)-a puan an ni.

Heng Pantop-DSR-ahte hian a capsule maltina damdawi awm tura label-in a tarlan - Pantoprazole leh Domperidone te chu an awm lo (NIL) ţhak vek a ni. Heng batch-te hi an ni :-

1) Pantop-DSR
Batch No. SPM211927

2) Pantop-DSR
Batch No. SPA220030

3) Pantop- DSR
Batch No. SPJ211372

Aristo Pharmaceuticals Pvt.Ltd ah heng damdawite hi zawh fiah tawh a ni a. Aristo Company chuan an siam a nih loh thu chiang takin an sawi a. An insawifiahna hi pawm tlaka ngaih a nih avangin heng damdawi ţha lote hi 'A tak anpuia misual tuten emaw a lem an siam chawp (Spurious)'-a pawm an ni.

Heng damdawi lem siama thehdarhtu hi ngawrh taka chhui zui nghal a ni.

- FDA, Mizoram

*PANTOP-D SR CHUNGCHANGA HEALTH DEPARTMENT THUCHHUAH*
_2510/2022-2023_
FDA Mizoram chuan damdawi chi hrang hrang quality that leh that loh a endik reng a. Tunhnaia Pantop-D SR endikna report-ah 'Damdawi ei tlak loh' (Not of Standard Quality) tia tarlan a ni chuan mipui a tichiai hle tih hriat a ni a, a pawi hle a ni. Damdawi lar leh hriat hlawh a nih avangin mite ngaihven a hlawh zual niin a lang.

He Pantop - D SR quality endik hi Batch No. - SPM211927, Mfg. Date - Dec.2021, Exp. Date - Nov.2023 a ni a. Label-a a lan dan chuan a chhungah Pantoprazole 40 mg (20 mg mum hnih) leh Domperidone pellets 30 mg awm tur a ni. Analysis Report chuan heng damdawi chi hnihte hi a awm lo ve ve (NIL) a ti a. Chuvang chuan quality tha lo/tling lo tih a ni ta a ni.

He Report avang hian Pantop - D SR zawng zawng tha lo vek anga ngaih tur a ni lo va, a batch number tarlan ang pu chauh te 'tha lo' tih hian a k**k zawk a ni. Chuvangin, ei mek tan pawh batch number dang a nih chuan hlauhthawn tur engmah a awm lo ve.

A siamtu anga tarlan ARISTO Pharmaceuticals-ah a tul anga hmalak nghal a ni a. An siam ngei a ni nge misual tuten emaw Aristo Company siam anga lang tura a lem (spurious) an siam tih a hriat theih thuai ang.

Damdawi lar tamtak zingah hian a lem awm theihna chance a sang em em a, a dapchhuah hna hi FDA hmalakna pawimawh tak a ni. Damdawi zuartute pawh zawrh tura damdawi an lakna kawngah an fimkhur hle a ngai a ni.

PANTOP-D SR CHUNGCHANGA HEALTH DEPARTMENT THUCHHUAH FDA Mizoram chuan damdawi chi hrang hrang quality that leh that loh a endik reng a. Tunhnaia Pantop-D SR endikna report-ah 'Damdawi ei tlak loh' (Not of Standard Quality) tia tarlan a ni chuan mipui a tichiai hle tih hriat a ni a, a pawi hle a ni. Damdawi

*Eat Right Mela (Ei leh In chungchang inzirtirna Kutpui) hman a ni*
_1580/2022-2023_

Aizawl 12th August 2022: India ram k*m 75 zet zalenna kan awm lawmna ropui tak India ram puma hman a nih mek denchhenin Eat Right Mela-Aizawl chu August 12-13, 2022 chhungin Food & Drug Administration (H&FW). Confederation of Indian Industry leh Young Indians tang kawp buatsaihin ropui leh hlimawm taka hman a ni.
August 12, 2022 (Zirtawpni) zing dar 6:00 ah Eat Right Walkathon, Vanapa Hall kawt atanga M IN ECO Outdoor GYM thleng neih a ni a. Hetah hian thalai rual thahnem tak an tel a ni. Walkathon hi Dr. Z.R Thiamsanga, ML A & Vice Chairman, Health & Family Welfare Board-in a vai liam a, kawng zawhtute hian ei leh in thianghlim pawimawhna leh ei leh in thalo laka fimkhurna tur thute an aupui a ni.
Mela hawnna inkhawm hi August 12, 2022 chawhma dar 11:00-ah Millenium Centre Exhibition Hall-ah neih a ni a. Pi Esther Lalruatkimi, IRS, Principal Secretary cm Commissioner of Food Safety, Mizoramin khuallian niin a hmanpui a. Food Business Operator (FBO) sawm bikte leh department officer engemaw zat an tel bawk. Hawnna inkhawmah hian ei leh in chungchang thusawi ngaihnawm tak tak mithiamte hnen atangin ngaihthlak a ni a. Panel Discussion-in zuiin, Eat Right Mela thupui hrang hrang - Eat Seasonal, Eat Local, Eat Safe leh Eat Sustainable tih hmangin helama mithiam thlan chhuahten hun an hmang a ni.
School naupang Pawl 3 - 8 tan Painting Competition leh Pawl 9-10 tan Slogan Competition buatsaih a ni a. Mizo chawhmeh Bai leh Bawl chi hrang hrang (Veg & Non-Veg Bai, Veg & Non-Veg Bawl) insiam siakna Cooking Competition buatsaih a ni bawk. Tin, heng bakah hian ei siam thiam tak takte siam Mizo, Nepali, Burmese leh North Indian chaw leh a hmeh chi hrang hrang ei theiha chhawpchhuah a ni bawk a, heng ruahmanna hrang hrangte hi a telten an hlut hle a ni.
Kan ramah Ei leh In chungchang inzirtirna Kutpui (Eat Right Mela) neih a ni hi a hunin a pawimawh hle a. A lohva kan awm theih hauh loh thil a nih avang leh, ei leh inin mihring hriselna a chhe lam emaw a tha lam emawah nghawng a neih nasat theihzia hriaa India rama ei leh in lam thuneitu sang Food Safety & Standards Authority of India (FSSAI)-in ram puma hma a la hi a lawmawm takzet a ni.
Eat Right Mela hmanin a tum bulpui ber chu mipui mimirte hnena ei leh in tha, him leh thianghlim pawimawhna hriattir a ni a. Kan thil ei thinah taksa tana harsatna leh bawrhsawmna thlen thei thil a awm em tih ngaihtuahna leh hriatna nei lovin a mi nawlpui chuan kan hmuh ang ang kan eiin kan in mai thin a. Taksaa harsatna a lan chhuah hnuah chauh ei leh man ngaihtuahna kan seng ta thin a, a tlai hret tawh thin a ni, Hetiang a nih avang hian ei leh in chungchang inzirtir hi a pawimawh a, harsatna nei mek tan hlei hlei a pawimawh zual a ni.
Eat Right Mela-in a tum dang leh chu ei leh in siamtu leh zuara sumdawng (FBO)-te fimkhur zual theihna tur a ni bawk. An kutah mipuite hriselna thuk taka a innghah avangin an thil siam leh enkawl danah an fimkhur hle a ngai a ni.

https://dipr.mizoram.gov.in/post/eat-right-mela-ei-leh-in-chungchang-inzirtima-kutpui-hman-a-ni

Remdesivir Injection (100mg/vial) 'DESREM' chu a lem (Spurious/Counterfeit product) a awm avangin a zuartute leh a hmangtu te kan fimkhur hle a ngai a ni.

Pics: A veilam ami a tak/dik. A dinglam ami a lem.

Note: Remdesivir hi Vaccine a ni lova, Anti-viral injection zawk a ni e.

Mizoram FDA chuan State pawn atanga Apple lo lut tamtak chu Sathau (wax) -a luan a ni tih a hmu chhuak!