He page hi Zonuam khua leh tui zawng zawngte tan a ni e.
Zonuam veng hi Aizawl khawpui lunlai atanga km 4-5 vel a hla Aizawl tlak lam (Aizawl West) a awm ani a, hmun lar Mizoram University, Food Corporation of India, Tanhril kawng in-a a tan tlang veng a ni. Zonuam veng hi k*m 1987 khan Luangmual Veng atanga indang in, Luangmual Vengthar tih hming pu in k*m 14 vel kalta khan Zonuam ti a thlak a ni a, veng naupang tak ni mahse alo indan nana harsatna nas
a tak tak te paltalng leh huaisen taka harsatna te tuar tlang tawh anih avangin tawnhriat ngah leh veng mipui inlungrual tak tak awmkhawmna veng a ni. Zonuam veng hi khawpui boruak in a tihbuaiphakloh leh khawpui chinchang hrepha leh hlawkna tel pha tawk si a hla a awm anih avangin veng hmasawn chak tak ani a, khawpui zawk atang te pawh a pan hlawh tak niin mipui cheng pawh k*m telin an pung mek a ni. Khawpui boruak thianghlimlo tam tak in a thlenphakloh anih avangin boruak a thiangin thing leh mau hmuhtur a tam a, khawsak a nuam in mizo nihna kawngah thingtlang boruak hnuaia mizo hnam zia chu hmuh theihin; chhiatni leh thatni, tlawmngaihna leh intanpui kawngah fak a hlawh hle thin. Zonuam veng chhungah hian veng chhung inenkawlna pawl hrang hrang te mumal takin a ding a, tlawmngai pawl leh tanpuitu pawl hrang hrang; VC, YMA, MHIP leh Orphanage te pawh mumal takin a ding a, orphanage home a neih Gan Sabra (home of HIV/AIDS affected Orphans) chu Mizoram mai pawh nilo State dang leh India ram mai baka ramdang atang pawha tanpuingaite tanpuitu pawl hrang hrangte hriat hlawh leh tlawh fo thin a ni nghe nghe. K*m 2012 hi Zonuam (Lungmual Vengthar) din champha vawi 25 na Silver Jubilee niin YMA Zonuam Branch chuan ropui takin lawm a tum a, he silver jubile lawm nan hian k*mtir atangin veng chhunga section hrang hrangte intihhlimna leh intihsiakna hrang hrangte a buatsaih dawn a, Dt 14 February hian Silver Jubilee hawnna hun buatsaih a ni ang a, a lawmna hunpui ber YMA Day ah Zonuam veng chhung mi zawng zawng tan ruai ropui takin buatsaih tum ani bawk.
