14/12/2023
PHAK TAWK IN SORKAR HMALAKNA DUHKHAWPLOHNA TE SAWIIN LEH MIPUI TANA THA TURA NGAIH TE KAN LO AUCHHUAHPUI VE THIN A.KALPHUNG DIKLO TE COMPLAINT KAN LO SIAM VE TAWH THIN.SORKAR THAR HMALAKNA TUR PUAN CHHUAH TE HI KA VA LAWM EM!.
Vehicle Insurance ah hian Vai ram ah pawisa a luangral nasa a.Sorkar hian Motor insurance pawh buaipui leh rup se ka ti hle mai.
COUNCIL OF MINISTERS MEETING NEIH A NI
3047/2023-2024
Dated Aizawl, the 14th December, 2023: Nimin khan 9th Mizoram State Legislative Assembly Council of Ministers thutkhawm hmasa ber, Assembly Recess Room ah Chief Minister Pu Lalduhoma kaihhruaiin neih a ni a. An thu pawmte zingah heng te hi an tel:
1. Sawrkarin ni 100 chhunga tihtur (100 days programme)a duante, a thawktu department te hnathawh dan viltu tur Monitoring Committee siam a ni a, GAD chu Nodal Department a ni.
2. Sawrkar k*m thar (2024-25) budget-ah thlai thar leina turin Crore 150 dah a ni ang.
3. Sawrkar k*m thar budget (2024-25) ah Hand holding (Bana kaih) Policy atan Finance-ah budget dah a ni ang.
4. The Mizoram Right to Public Services Act, 2015 chu awmze neia kalpui turin department tinte hmalakna nei nghal (immediate action) tura tih an ni.
5. Dan lova Kuva ro phurh kual velna titawp turin a tulna apiangah hmalak nghal tur a ni.
6. Model Code of Conduct (MCC) nun hmaa work order tihchhuah tawh leh hnathawhna tur hmuna hna lo thawh tan tawh te chu an hnathawh lai chhunzawm phal sak an ni a. MCC nun tawh hnua hnathawh tante erawh chu stay an ni a; Work order nei/awm hmasa lova hna lo thawk tan te pawh stay an ni.
7. Fertilizers dealers, an license dik lo taka hmangtute license titawp sak tura hmalak a ni ang.
8. SEDP teacher te chu tun sawrkar k*m kal mek (upto 31st March, 2024) thleng thawh chhunzawm tir remtih a ni a. Thla hnih chhungin thil pawimawh chin fel ngaite chin fel tur a ni. SEDP hnuaia Non-teaching staff te chu an hna tihtawp sak nghal an ni.
9. Resource Mobilization Department chu thiah/tih tawp (abolished) a ni.
10. Empanelment of Consultancy Firms te chungchang Council of Ministers thutkhawm leh hmasa berah pharh tur a ni.
11. Department zawng zawng te chu sawrkar laipui kal tlanga hna an thawh mekte a pending issues, projects and proposals an neih zawng zawng te sawifiahna lehkha (write up) December ni 19 hmaa Planning & Programme Implementation Department a thehlut vek tura tih an ni.
12. Sawrkar pisaa zu leh ruihhlo lam chi reng reng tih (consume) khap bur a ni a. Sawrkar pisa te hi venhimna mumal tak siam a, fai taka enkawl tur a ni. CCTV te hman theiha awmtir tur a ni.
13. Biometric Attendance System department tinah hman tur a ni a. Secretariat-ah a bul tan tur a ni.
14. Solar Panels department hrang hrangten an hman mek te chu tangkai lehzuala hman a nih theih nan Power & Electricity Department in a vil (maintain) ang.
15. Sawrkar hnathawkte mimal hna thawhtir (misuse of Govt. Servant) khap a ni.
16. Lengpui Airport chu Airport Authority of India hnena hlan turin hma lak a ni ang a. Chutiang bawkin Zoram Medical College (ZMC) pawh central sawrkar kuta hlan tura hmalak a ni ang.
Written by: K. Saitluanga, MIS, PIO to Chief Minister
27/09/2023
Shout out to my newest followers! Excited to have you onboard!
Lalrozara RZ, Laltlan Kimi, Albert Lalnunfela Bawlte, Lrmcolneymami Lalrammawii, Rocky Zothanmawia Mapuia, Seventha Chawngthu Mavena, Lalnuntluangi Nuni, Lalramnghaki Chawngthu Tetei
25/09/2023
INDIA RAM IN BUNGTHAR A KAI - WOMEN RESERVATION BILL PASS A NIH THEIHNA TURA HMALA TU NDA SORKAR CHUNGAH KAN LAWM Lalremsangi Fanai State Spokesperson
BJP Mizoram
NDA-BJP kaihhruai hnuai ah kawng hrang hrang in India ram in b**g thar a kai a. Hun rei tak atanga buaipui hlawh Women Reservation Bill pawh Parliament rorelna sangber (Lok Sabha leh Rajya Sabha) inhnihin lungrual leh hneh taka Nari Shakti Vandan Adhiniyam (Women Resservation Bill 2023) a pass hi Mizoram Bharatya Janata Party chuan lawmawm leh chhuanawm a ti. Parliament Building thar chhunga rorelna hmasa ber leh Bill pass hmasa ber, India ram hmeichhiate tana 33 % (1/3) Seats zuahna tur atana Bill pawimawh, Ruling leh Opposition Party pawh sawi lo a, Member zawng zawngte lungrualna hnuaia pass bakah, Opposition lamin a rangthei ang bera hman nghal an duhna hian he Bill pawimawh zia leh pass a tul zia a tilang.
Tun dinhmunah India ram PM Modi kaihhruaina hnuaia khawvela ram hrang hrang Economy hausa tehna (World Economy Ranking 2023) kawnga pangana (5), k*m tina than chhoh dan hrisel duhawm niin, Science & Technology ah pawh Thla leilunga Satelite tum tir a, ram hausa G-20 Presidency ni thei leh chumi ram ropui te khawmpui pawh thleng thei kan ni. Democracy,Demography,Diplomacy kawng dik zawhna atanga hetiang dinhmun thleng thei kan ni. Hmalam Economic than zela chhunglam inbuatsaih sauh sauh nan India ram hruaitute lungrualnate, hnam leh sakhaw inthliarna awm lo “India Secular” zia a lantir bawk a ni.
Democracy rorelna bul thut Panchayaty Raj (Village Council) leh Municipalities rorelna chhungah Women Seat Reservation felfai taka thliar hrangin India ram pumah kalpui vek a ni tawh a. Ram rorelna sang State Legislative Assembly leh Parliament chhunga hmeichhiate dinhmun chawisanna, policy making/ mawhphurhna pek leh dah zahawmna kalpui mek hian India ram ropuina sang lehzual a thlen ngei ang.
Mihring mimal nun, chhungkua, khawtlang leh ram rorelna bakah, khawvel sorkar ropui nihna dinhmuna India ram chawikanna kawng zawh zelna atan Constitution ziak Articles te pawh siamthat(amend) ngai thin a ni. Constitution siamthat dawnin hnam leh sakhaw tlem zawkte chhungah zirtirna diklo insawithaihna a awm thin. India Constitution siam tantirh atanga siamthatna (amended) vawi za chuang awm tawhah hian Hnam tlem emaw Sakhaw zuitu tlemte tana chimral theihna tur hawi zawnga Bill pass/siam a la awm ngailo. Tu pawhin Hnam leh Sakhua Culture & Tradition a nunpui thei a, Sakhua pawh a duhzawng a be thei, tih hi kan hriatchian fo a tul.
He Bill hian India ram chhung hmeichhiate chu State leh National level a rorelna chhunga dinhmun pawimawh lehzual chelhna bakah, Inchhung khur, Social & Community nunphung tinrengah famkimna New India a thlenna chhinchhiah tlak a ni.
He Bill hian thawnthu a ngahin Rajya Sabha in k*m 2010 khan lo pass tawh mahse, Lok Sabha term chhunga pass a nih ve loh vangin, Bill pass awmze nei lo, a thar hlaka Parliament House inhniha put luha pass ve ve ngai a ni. Bill pass a taka kalpui hunah Mizoram State rorelna sangber atanga kawng dik zawha khalh ngilin, rorelna tha leh chhenfakawm lehzual thlen ngei tura beiseina sang tak rilru pu theuh turin Mizoram mipuite kan chah a ni.
16/09/2023
Khaw pakhat atanga ka phone call dawn "Kan fanu Singapore ah a awm a,a contract pawh a zo tawh,a lo haw duhlo,a lo haw theih dan a awm angem?..😀
Harsatna hi kan nei variety mange...😊
