Ro Bawm

Edenthar, Aizawlah Skill Training Kalpuina Tur Model Centre Hawn A Ni

https://dipr.mizoram.gov.in/post/edenthar-aizawlah-skill-training-kalpuina-tur-model-centre-hawn-a-ni

Driver Hna Dil Duh Tan

*LENGPUI AIRPORT CHUNGCHANGA THIL PAWIMAWH ZUALTE*
(ZONET buatsaih sawihona aia bengvarthlak zawk chu)

A.TIMELINE
1. K*m 1998-ah hawn ani.
2. K*m 2004 atang khan MNF Sorkar khan AAI hnena hlan tumin hma a la tan.
3. Congress Sorkarin a chhunzawm zel.
4. MNF Sorkar a lo din leh khan bawhzui zelin 2022-ah AAI nen Draft MOU an siam.
5. ZPM a lo sorkar a, he Draft MOU hi Working Committee chuan a nihna anga pawm tlak niin a hre lo.
6. Clause thenkhat ennawn tura indawrna awm chu AAI atanga chhanna dawn a ni lo, reminder pawh chhanna dawn ani zui ta lo.
7. Working Committee chuan Agency hrang hrang a dawr hnuah Indian Air Force (IAF) chu dawr zui tlak berah a ngai.

B. RUAHMAN CHHINNA TLANGPUI
1. A area hi insem tur a ni. ATC, Runaway leh a lehlam pang zawng hi IAF in an chang ang a, an chan tur ram chu an lei emaw, Lease System emaw a pek a ni ang.
2. Runway leh ATC tel lovin a bak zawng chu Sorkar kutah a awm zui ang a. A enkawlna senso chu Sorkarin a tum ang a, a hlawkna pawh Sorkar sum bawmah a lut ang.
3. IAF hian ram mamawh belh an neih chuan a man an tum ang.
4. IAF hian an chan chhung enkawl zuina senso an tum ang a, Aeronautic Services – Landing Charge etc te chu an kutah a lut ang. (Heihi tunah pawh AAI kutah a lut a ni).
5.IAF hian Family Quarter bakah Sikul leh Hospital-te, mipui chhawr theih turin an siam ang.
6.Terminal building te, Security te, thlawhna ticket hralh te, Non Aeronautic Service zawng zawng Mizoram Sorkar kutah a awm zui zel ang.

C. A CHANGTLUN PHAH DAN TUR LAM
1. Runway hi a tlem berah PCN 48-55 tala chhah a ni tur a nih lain tuna kan runway hi PCN 36 chauh a ni. Chuta tan chuan a tlem berah Rs 50 cr a ngai ang. IAF te chuan PCN 58 ni tura siam a, a senso tum vek an inhuam.
2.Runway hi a khat tawka thawm that (recarpetting) ngai a ni a, senso a sang em em a, tunah pawh tih a hun leh hle tawh a ni. IAF in an enkawl chuan anmahni tih vek tur a ni.
3. ILS (Instrument Landing System) kan hman lai hi Catgory I chauh a la ni a, Category II hi vuah thei ila chuan chhum zing vanga tum theih loh a awm tawh mang lo vang. IAF te chuan ILS hi an mahni sensoin siam an duh a ni.
4. Thlawhna tam zawk leh lian zawk tum theih nan Parallel Runway siam belh te kan duh hun a la awm ang a, a senso hi keini State ang tan chuan lu ti hai tu a tling dawn a ni.
5. Airport hi a khat tawk a endik thin a ni a. Tehna chi hrang hrang paltlang tur hian, tlin lo chung chungin Sorkar chuan sum tam tak a seng lo thei lo. SASCI leh SEDP atang ringawt pawhin tam tham tak sen a ni mek a. Hei hian thil danga mipui chanvo tur a ei hek nasa hle.
6. IAF ten Airport tichangtlun an tum dan ang chanve pawh hi keini tan chuan cho rual a ni lo va. Mi dangte chakna kan rinchhan thiam chuan, engtikah emaw chuan International Airport-ah kan la chantir thei ang tih hi Sorkar hmathlir (vision) a ni.
7. He ruahman chhinna hi Cabinet-in a ngaihtuah hmain, NGO hrang hrangte nena sawihona neih tum mek a ni a. Politics-a inbeih nana hmang lovin, kan zavaia thutlukna ngaichang chungin Sorkar chuan kalpui a tum a ni.

*D. NORTH EAST A AIRPORT TE DINHMUN
North East-ah hian Airport 18 a awm a, chung zingah chuan:
9 - State sawrkar ta, AAI leh IAF ten an operate.
2 - Defence Ministry ta, IAF in a operate.
1 - IAF ta, IAF-in an operate.
1 - AAI ta, AAI leh IAF ten an operate.
3 - AAI ta, AAI in an operate.
1 - AAI ta, Adani Group in an operate.
Tichuan State sawrkar ta, state sawrkar in a operate chu Lengpui Airport chauh hi ani.

(Source : Virthli Editorial laktawi)

*VIRTHLI EDITORIAL*

*Lengpui Airport Chungchang CM in min chhan dan*

Chief Minister Pu Duhawma hi Media te thuziak a ngai pawimawh thiam hle thin a, kan Editorial ziak te hi hman lo takin a chhiar chhuak thin niin a lang, a tul angin action a la mai thin a, Hetianga kan ram hruaitu lu ber, kawng tinrenga buai em em in kan ram hmasawnna tura Media te thuziak chhiar a, lo ngai pawimawh thin Chief Minister hi an tam lo khawp mai, a ngaihsan awm a ni - Niminpiah lama Lengpui Airport chungchang ka thuziak pawh a chhiar hnua min lo chhan dan chu hetiang hi -

*LENGPUI AIRPORT CHUNGCHANG* - *1*. Aerodrome hi Union List-a awm a ni. *2*. Lengpui Airport hi ni 12-12-1998-ah L.K.Advani, Dy.Prime Minister-in a hawng. K*m 26-a upa a ni ta. *3*. K*m 2004 atang khan khatih laia Sorkarna chelhtu MNF Sorkar khan AAI hnena hlan tumin hma a la tan a. Congress Sorkarin a chhunzawn leh a. MNF Sorkar a lo din leh khan bawhzui zelin 2022-ah AAI nen Draft MOU an siam. *4*. ZPM a lo sorkar tirh khan a ramri enfiah nghal a ni a. Airport ramri hi vawi thum lai rin nawn a ni a, a zim tual tual a, private encroachment pawh a lo tam hman hle a. ZPM Sorkar chuan a tira a ramri chin dik tak nia hriatah ramri siam tha lehin, tunah hian hung tum mek a ni.

5. *Working Committee* - Ni 1-2-2024 ah Airport dinhmun zir chiang turin Working Comtt, Pu TBC Lalvenchhunga Chairman-na hnuaiah din a ni. He Comtt. hian Sorkar hmasain AAI nena Draft MOU an lo siam chu a nihna anga pawm tlak niin a hre lo va. AAI te chu dawr chhunzawm an ni tho nain clause thenkhat ennawn tura indawrna awm chu AAI atanga chhanna dawn a nih loh avangin reminder thawn leh a ni a, hei pawh hi report thehluh hun thlengin chhanna dawn a ni ta lo a ni. Agency hrang hrang dawra Formal Meeting vawi 7 bakah Virtual Meeting leh Spot Visit te an neih hnuah, ni 31-08-2024 khan Working Comtt. chuan CM hnenah Report kimchang tak a thehlut a. Indian Air Force (IAF) te nena an indawrna chu bawhzui tlak bera ngaih niin, zir chian mek a ni.

6. *North East-a Airport-te dinhmun* - 1) North East-ah hian Airport 18 a awm a. Chung zinga 9 te chu a neitu State Sorkar niin AAI leh IAF ten an operate thung a ni. 2) Along leh Daporijo hi Defence Ministry ta niin IAF in a operate. 3) Aiport 3 – Itanagar, Jorhat leh Agartala te chu AAI ta niin AAI in an operate. 4) Tezpur Airport hi AAI ta niin AAI leh IAF ten an operate. 5) Guwahati Airport hi AAI ta niin Adani Group in an operate. 6) Silchar Airport hi IAF ta niin IAF-in an operate. 7) Lengpui Airport chauh hi State Sorkar ta leh State Sorkarin a operate awmchhun a ni.

7. *Lengpui Airport Senso* - 1) K*m 4 chhung 2020-21 atanga 2023-24 hian Rs 100 cr chuang kan chawi belh. 2) 2023-24 ah erawh hi chuan User Development Fee chu Rs 422 per passenger atangin Rs 938 ah tihsan a nih tak avang leh Manipur buaina avanga passenger an pun tak avangin sum lo lut pawh a pung ta deuh.

8. *Sum sen belh ngaihnate* - 1) Runway hi a tlem berah PCN 48-55 tala chhah a ni tur a nih lain tuna kan runway hi PCN 36 chauh a ni. Chuta tan chuan a tlem berah Rs 50 cr a ngai ang. IAF te chuan PCN 58 ni tura siam an duh a, a senso pawh tum vek an inhuam. 2) Runaway hi a khat tawka thawm that (recarpetting) ngai a ni a, vawi khat thawm that nan Rs 25 cr lai a ngai thin. Heihi tunah pawh tih a hun leh hle tawh a ni. IAF in an enkawl chuan anmahni tih vek tur a ni. 3) ILS (Instrument Landing System) hi Pilot te khawhmuh (visibility) tifiahtu a ni a. License hi kumin December ah renew a hun leh tawh nghe nghe a ni. Tuna kan hman lai hi Catgory I chauh a la nih avangin Visibility hi 1700 M-a thui tal a fiah (clear) a ngai a. Chu aia khaw hmuh tawi (poor visibility) ah chuan tum turin harsatna a awm ta thin a ni. ILS Category II hi vuah thei ila chuan 400 M leka hniam atang pawhin a lang fiah thei dawn a, chhum zing vanga tum theih loh a awm tawh lo vang. IAF te chuan ILS hi International Standard tluk deuh thaw, an mahni sensoin siam an duh a ni. 4) Thlawhna tam zawk leh lian zawk tum theih nan Parallel Runaway siam belh te kan duh hun a la awm ang a, a senso hi keini State ang tan chuan lu ti hai tu a tling dawn a ni.

9. *Ruahman chhinna tlangpui* - 1) A area hi insem tur a ni. ATC, Runaway leh a lehlam pang zawng hi IAFin an chang ang a, an chan tur ram chu an lei emaw, Lease System emawa pek a ni ang. Ram mamawh belh an neih chuan IAF in a man a tum ang. An chan chhung enkawl zuina senso an tum ang a, Aeronautic Services – Landing Charge etc te chu an kutah a lut ang. (Heihi tunah pawh AAI kutah a lut a ni).Family Quarter bakah Sikul leh Hospital-te, mipui chhawr theih turin an siam ang. 2) Runaway leh ATC tel lovin a bak zawng chu Sorkar kutah a awm zui ang a. A enkawlna senso chu Sorkarin a tum ang a, a hlawkna pawh Sorkar sum bawmah a lut ang. Terminal building te, Security te, thlawhna ticket hralh te, Non Aeronautic Service zawng zawng Sorkar kutah a awm zui zel ang.

10. *Hma thlir* - 1) IAF te enkawl Airport tam zawk hi a tirah IAF ta an ni sa a, a hnuah Civil-in an tawm te an ni. Lengpui Airport erawh chu a tirah Sorkar ta a ni a, IAF ten min tawm dawn zawk a ni thung. Hei hian danglamna tam tak a nei a ni. 2) Silchar Airport khu IAF ta leh IAF ten an operate a ni a. Tunah chuan North East-a Airport lun ber 4-na a tling tawh a. Cargo transportation ah phei chuan India rama Airport 335 vel zingah a tha thlan chhuah 46-na an ni hial tawh a. Mipuiin an chhawr em em a ni. 3) IAF ten Airport tichangtlun an tum dan ang chanve pawh hi keini tan chuan cho rual a ni lo va. Mi dangte chakna kan rinchhan thiam chuan, engtikah emaw chuan International Airport-ah kan la chantir thei ang tih hi Sorkar hmathlir (vision) a ni.

11. *Inrawn tawnna* - 1) Airport hi a khat tawh a endik thin a ni a. Tehna chi hrang hrang paltlang tur hian, tlin lo chung chungin Sorkar chuan sum tam tak a seng lo thei lo va. SASCI leh SEDP atang ringawt pawhin tam tham tak sen a ni mek a. Hei hian thil danga mipui chanvo tur a ei hek nasa hle a ni. 2) Tuna ruahman chhinna angah hi chuan senso aiin a hlawkna a tam tawh zawk tura ngaih a ni. 3) He ruahman chhinna hi Cabinet-in a ngaihtuah hmain, NGO hrang hrangte nena sawihona neih tum mek a ni a. Politics-a inbeih nana hmang lovin, kan zavaia thutlukna ngaichang chungin Sorkar chuan kalpui a tum a ni., tiin. an hmalakna tur tur i thlir zel ang u.

dy.pr

Tuisenchhuah & Tuisen Bolia inkâr Lui
Fur lui len lai chuan Tuisenchhuah khua hi kal pawh a har hle. Lei dawh a chim tawh si a.

Saisiak

https://m.facebook.com/story.php?story_fbid=1297029544239044&id=202556490353027&mibextid=Nif5oz