ZPM official

PU LALTHANSANGA (PU CHATEA) AIZAWL EAST I BIALTU MLA IN MI THAR THAHNEM TAK A LAWM LUT

Vawiin ni 9 May, 2026 (Inrinni) hian Aizawl East I huam chhung a Muthi leh Nausel ah mi thar lawmluhna hun hman a ni a, Pu Lalthansanga, Minister, EF&CC Department etc, Aizawl East I bialtu MLA ni bawk in s hmanpui.

Pu Lalthansanga chuan ZPM in hna a thawh that avangin ramin hma a sawn chak hle tih sawiin,"Thalai ten kan ram inrel bawl danah beisei na sang tak an nei zel a, party a insawn hi thil harsa tak mai a ni a, chutih laia party dang atanga lawm luh tur kan nei reng mai hi thil lawmawm tak a ni. Kan ram siam tha tura a pawn atanga siam thatu ni lova, a chhung atanga siam tha tura ke pen zel turin kan in sawm duh a ni," a ti a. "Kalphung thar mipui sawrkar siam tura kan in sawi ang ngeiin mipui sawrkar hmel kan hmu zel a, Kohhran upa Chief Minister, Pathian ring tlat mi kan nei hi kan vannei em em a, Health Care tha tak mai kan nei a, sawrkar hnathawkte an thawkrimin an hah hle mai a, kan policy te a hlawhtlin theih nan theihtawp an chhuah a, an chungah pawh lawmthu kan sawi a ni. Engkim tan hun ruat a ni a, ZPM te pawh kan ram enkawl turin Pathianin min ruat a, kan kal zelna turah pawh Pathian malsawm taka hnathawk tur leh khawtlang leh ram tan theihtawp min chhuahpui turin mipuite ka sawm che u a ni," a ti bawk.

Pu Lalthansanga (Chatea) hian Muthi atangin mi thar 55 leh Nausel atangin 28, a vaiin mi thar m3 ZPM ah a lawm lut a ni.

He hun hi Er Vanlalneiha Ralte, Consultant, ZPM General Headquarters leh Pu Laltlanmawia, General Secretary, Organisation Department leh Block hruaituten an tawiawm a ni.

Issued by
Media and Publicity Department
ZPM General Headquarters, Aizawl

Issue No 90 of 2026
Dated 9th May, 2026

ZPM Zonu General Headquarters, President Pi R Lalawmpuii chu AMC ah Deputy Mayor a lo nih tak avangin a dinhmun luah a rem ta lova. Dr.C Malsawmtluangi Ex-Corporator, Hlimen chu Zonu President thar atan vawiin khan ruat a ni. Tluang taka a hna te a hlen theihnan duhsakna sang ber kan hlan e

ZPM General Headquarters Jt Secretary leh party tana mi tangkai tak Pu LC Malsawmkima, K*m 46 Zemabawk chuan Dt.7.5.2026 zing dar 4:00 khan Civil Hospital Aizawlah chatuan ram min pan san kan uiin kan sun tak zet a ni.

A kalsan tak a nupui fanau te Pathian thlamuannain awmpui zel rawh se.

PU C.LALSAWIVUNGA, MINISTER-IN A BIAL AIZAWL SOUTH I HUAM CHHUNGA HSLC & HSSLC TOP 10 A TLINGTE LAWMPUINA A HLAN

_Aizawl, 6th May, 2026 :_ Vawiin chawhnu dar 1:00 khan Pu C.Lalsawivunga, Minister chuan a Office Chamber-ah a bial Aizawl South I huamchhunga tunhnaia result chhuak - HSLC leh HSSLC-a top 10-a tling phakte lawmpuina hun a hmang a, mi 4 hnenah lawmpuina Laptop (Computer) a hlan.

Aizawl South I MLA leh Minister ni bawk Pu Sawivunga chuan, "Zirna hi a pawimawh tawlh tawlh a, Mizoram sorkar hnuaia office hrang hranga hna lian leh pawimawh chinah hnam dang officer an tam em em reng a ni. Zirchhuak satliah ni lo, Mizoramin a chhawr tlak thiamna sang thleng turin duhsakna ka hlan che u a, tunlaiah zirlaiten saptawng an thiam vek tawh a, mahse India rama awm kan nih angin vai tawng pawh kan thiam a ngai a, hei hi kan ngaih pawimawh tak tak a hun tawh a ni,' a ti. Minister chuan, "Zirna kan ngaih pawimawh rualin ruih theih thil leh zuk leh hmuam thlenga fihlim tura kan zir a ngai a, a pawimawh ber chu Pathian malsawm tlaka nun a ni. He hun thleng tura nu leh pa leh chhungte thawhrimna Pathianin mal a sawm a, nasa zawka thawkrim a, Mizoram mai ni, India ram huap thlenga sang zawk thleng turin duhsakna ka hlan che u a ni," a ti.

Aizawl South I bialtu MLA hian a bial chhunga zirna lama hlawhtlingte lawmpuina hun a buatsaih thin a, tun tumah hian mi pathum hnenah hlan phawtin top 10 a tling dang mi 1 hnenah lawmpuina a hlan leh dawn a ni.

_Issued by Media & Publicity Department, ZPM General Headquarters, Aizawl._

Issue No.87 of 2026
Date 6th May, 2016

PU TBC LALVENCHHUNGA, ADVISER TO CHIEF MINISTER-IN A BIAL CHHUNGA HSLC LEH HSSLC EXAMINATION, 2026-A TI THATE LAWMPUINA A HLAN

Dated Aizawl 5th May 2026 : Vawiin May 5, 2026 (Thawhlehni) hian Pu TBC Lalvenchhunga, Adviser to Chief Minister, Aizawl West I bialtu MLA ni bawk chuan a office chamber-ah a bial chhunga HSLC leh HSSLC Examination, 2026-a School 100% pass-te hnenah lawmpuina thilpek a hlan.

Pu TBC Lalvenchhunga chuan, "Zirtirtu thawk rim leh inpe tak takte zarah result tha tak kan nei hi a lawmawm ka ti a, zirtirtu hna hi eizawnna a ni satliah ngawt lo va, Pathian rawngbawlna leh ram rawngbawlna pawimawh tak a ni tih kan hriat a pawimawh a, vawiina zirlai naupangte hi kan ram future an ni a, heng zirlai duhawm tak takte kawng dik kawhhmuh leh mi hlawhtling ni tura zirtir chhuah hi kan mawhphurhna a ni tih hre thar ila, sawrkar pawhin zirna hi a ngai pawimawh a, nasa zawka zirnain hma a sawn theih nana tun aia nasa zawka kan tan rual zel ka duh a ni," a ti a. Khawvel hmasawnna kal chak tak karah zirna pawh hi hmasawn zel tur a ni a, chutiang bawkin zirtirtute pawh kan inzir chhoh ve zel a ngai a, kan mawhphurhna sanzia hriain, kan ram leh hnam tan theih tawp chhuahpuiah ka sawm duh che u a ni," a ti bawk.

Zirtirtute pawhin lawm thu sawiin, "Bialtu MLA fel leh taima kan nei hi kan lawm a, school mai bakah a bial a enkawl danah hian fakawm kan ti a, zirna a ngai pawimawhin zirnain hma a sawn theih nan a rilru zawng zawng a seng tih a hriat a, kan lawm hle a ni," an ti a. "School-in harsatna kan thlen reng reng a chin fel dan tur min ngaihtuahpui zung zing thin a, kan thla a muang thin hle a ni," an ti bawk.

Pu TBC Lalvenchhunga hian a bial chhunga heng Chawlhhmun High School, Phunchawng Secondary School (RMSA) leh Ch Chhunga Senior Secondary School, Luangmual te hnenah lawmpuina ₹ 1,00,000.00 (Nuai khat) theuh a pe a ni.

Issued by
Media and Publicity Department
ZPM General Headquarters, Aizawl

Issue No. 86 of 2026
Dt. 5th May, 2026

SHRI GIRIRAJ SINGH, UNION MINISTER OF TEXTILES LEH PU LALTHANSANGA, MINISTER, SERICULTURE DEPARTMENT TEN SERICULTURE TRAINING INSTITUTE, ZEMABAWK, AIZAWL AN TLAWH

Dated Aizawl 4th May, 2026 : Vawiin ni 4 May, 2026 (Thawhtanni) hian Hon’ble Union Minister of Textiles, Shri Giriraj Singh leh Pu Lalthansanga, Minister, Sericulture Department ten Sericulture Training Institute, Zemabawk, Aizawl an tlawh a, Department hmalakna leh hnathawhte a hmunah an enfiah.

Shri Giriraj Singh chuan Mizoram a district 11 zinga 4 ah hian mumal taka ruahmanna siamin Sericulture-in hmaa a sawn theih nan heng Muga, Mulbery, Tasar leh Eri te hi chinna hmun siam ni se tha a tih thu a sawi a, Muga hi Mizoramah a tha ber a, kan s*k leh leh sa leh leilungin a ngeih em em a, Mizoram hi *Golden Thread Center* ah a siam theih ani. Chumi tur chuan theihtawp chhuah turin state sawrkar leh department bakah kuthnathawktute a fuih bawk. Heng Muga, Mulbery, Tasar leh Eri te hi Multi Cropping hmangin chin theih a ni a, aieng, Sawhthing leh Hmarchate nen pawh a chin pawl vek theih a ni. Sericulture leh EF&CC nen tang kawpa chak zawkin hma a lak theih a, kuthnathawktute ten hlawk zawka an thar chhuah theih nan sawrkar laipui atangin Scheme tha tak tak a awm a, tih tak zeta hnathawkte tan sawrkar chu zau takin a inhawng a, Weavers-te technique thar an zir duh phawt chuan training leh hmanruate sawrkarin a pe zel dawn a ni a ti bawk.

Pu Lalthansanga, Sericuluture Minister pawhin thusawiin tunah Mizoramah hian Sericulture potential thatzia te, eizawn nan a tlakzia te kan hrechiang chho zel a, zau zawk a tih hmasawn pawh tum mek zel a ni. Mizoram leilung, s*k leh sa nena inhne rem em em eizawnna, Sericulture Department kaltlanga eizawngtu (Sericulture farmers) kan pung zel hi hmasawnna lian tak a ni a. Mizote rilrem zawng tak eizawnna niin Mizoram in beiseina sang tak kan nei mek zel a ni. Kan Prime Minister zahawm tak kaihruaihna chak tak hnuaiah India ram chuan nasa takin hma a sawn zel a, he hmasawnna hi Mizoram State ah pawh a aia nasa zawk a hmuh kan beisei a ni. Hma kan sawn zel nan Ministry of Textiles ten min rawn tlawh hi lawmawm ka ti a, Sericulture tharchhuah leh hmasawnna kawngah Mizoram tan rahbi pawimawh tak kan chherchhuah chhoh zel ka beisei a. Mizoram sericulture tihhmasawnna tura CSB leh Ministry in hma min rawn laksak tawhna ah hian kan lawm em em a. Amaherawhchu hei aia nasa zawka Sericulture hmasawnna hna thawh a nih theihna turin infrastructure tih changtlunna lamah hma min laksak turin ka ngen a, hei hian Mizoram a Central Silk Board staff te hnathawhna tur Building te leh an chenna tur hmun remchang a siamsak thei dawn a ni a ti a. Chutiang infrastructure dinna tur a hma min lakpui theih chuan a hmun tur chu State sorkar in hmun a ngaihtuahsak thei dawn a ni. Hmasawnna leh Hmachhawp Pawimawhte: Infrastructure: Mizorama Central Silk Board staff-te hnathawhna tur leh chenna tur infrastructure tha zawk kan mamawh hle a. Central sawrkarin hma min laksak a nih chuan, State sawrkarin a hmun tur (land) hi kan ngaihtuahsak thei reng a ni. Silk Samagra-2: Silk Samagra-2 hnuaiah Pupae Processing Unit leh Raw Silk Testing Unit din tura hmalakna kan kalpui mek a. Hei hian kan tharchhuahte hlutna (value addition) ti sangin, kuthnawktute sum lakluh a tipung dawn a ni. Seed Cocoon Sector: K*m 2025 atang khan Cocoon tharchhuah kawngah hmasawnna nasa tak kan hmu a. Nipui laia state dangin harsatna an tawh laiin, Mizoram chuan North East state dangte chawm nan Muga leh Mulberry seed cocoon te kan pe thei a ni. Mizoram Sawrkar Flagship Program hnuaiah Sericulture hi department pawimawh tak a ni a. He scheme kaltlang hian hlawhtlinna tam tak kan hmu tan tawh a, k*min 2026 khan kan Sericulture farmer Pi Hrangngaihkimi pawhin CM Special Package Award a dawng hial a ni. Mizoram sericulture tihhmasawnna tura Ministry leh CSB-ten hma min laksak tawhna zawng zawngah kan lawm em em a. Kan thawhhona hian rah tha zawk chherchhuah zel kan beisei a ni a ti bawk.

Issued by
Media & Publicity Department
ZPM General Headquarters, Aizawl

Issue No. 84 of 2026

ZPM General Headquarters, Aizawl
Press Release
PR No. ZPM-02/02A/2026/30
Dated Aizawl, the 4th May, 2026

"AMC inthlanah hnehna kan chan theihna hi Pathian remruatna zel a ni.”

– Lalmuanpuia Punte, Vice President, ZPM General Headquarters

AMC inthlan result puan hnua party chhung inkhawm hmasa berah Adviser to CM Pu Lalmuanpuia Punte, Vice President ZPM Gen. Headquarters chuan thu a sawi a. Tun hnaia HPC-D (Lalhmingthanga Sanate Faction) leh sawrkar inremna an siam dan chungchang sawi zauin, “Hun kal tawhah k*m 1994-ah sawrkar leh HPC inremin Sinlung Hills Development Council din a ni a. Chuta lungawi ve loten HPC-D an ti zawm ta zel a. Chumi hnuah hun kal zelin k*m 2018-ah sawrkar leh HPC-D (Pu Sangbera hote) nen an inrem leh a. Sinlung Hills Development Council kha development paihin Sinlung Hills Council an siam leh ta a. Chuta la tel ve lo tlemin April ni 30 khan silai an rawn tung leh ta a. Heng HPC-D (LF) tlem la awmte hian ramri hrul khuaahte inthlan dawnin mipui an la ti thlabar fo thin a, sawrkar tan chuan chu thil chuan rilru a kap ru reng a, hetianga hnam bil hminga silai keng awm tawh miah lova sawrkar leh HPC-D(LF) nen inremna kan nei thei hi kan lawm em em a. State ralmuang bera kan inchhal fona tih dik famkimna, a hling kan phawi kimna chiah a ni hi thil chhinchhiah tlak tak a ni,” a ti.

Pu Muanpuia chuan, “Mizote hi tu mah inti hrang tham kan awm lo va, kan khawsakna hmun azirin Hmar, Lusei leh Paite-ah te kan inchhal mai mai thin. Kan unau Mara leh Lai te pawh unau an ni, an hnam puan leh lam thlengin an inchuh. Pu L. Keivom thukhawchang takin, unau lovin ro an inchuh ngai lo, chu chuan unau kan nih tlanzia a ti lang chiang hle,” tiin, “Kan chhehvel Zohnahthlak unaute hi keiniho hian kan kuah khawm thiam poh leh kan lian tulh tulh mai dawn a ni,” a ti a.

AMC inthlan zawh tak chungchang sawi belhin, “2010 AMC hmasa berah Congress sawrkar khan tangrualin ward 10 chiah an la, AMC vawi hnihna leh vawi thumnaah pawh MNF-in ward 11 chiah lain an sawrkar hram. Tun tuma kan hnehna han thlir hian a sang fal hle a, a lawmawm hle. Chutih rualin keimahni party bil chakna ni lovin neutral-ten min la thlawp hle tih a hriat a. Chutiang taka min thlawp theihna tura chak taka hna thawktu kan Chief Minister leh Minister te, kawngpui tha min petu leh Healthcare scheme tha tak min siamsaktute hi an thawh hlawk hle a ni,” tiin, “Hnehna kan chan theihna atana pawimawh ber chu Pathian kan lamah a tan vang a ni a. Pathian malsawm tlakin, Pathian lamah keini party hi tang zel turin party mipuite pawh kan khawsak dan i fimkhur zel ang u,” a ti.

Vawiina party chhung inkhawm hi Pu Lalbiakhlua Renthlei, Gen. Secretary-in kaihruaiin, Rev L. Rema Venghnuai-in hunserh a hmang a. Party mipui thahnem tak kan kal khawm a ni.

Sd/-
(LALHRUAITLUANGA KAWLNI)
Jt. Secretary
Media & Publicity Dept.
ZPM Gen. Hqrs.

Naktuk party chhung inkhawm programe