CM Office, Mizoram

CHIEF MINISTER HOVIN THENZAWL PEACE CITY MASTER PLAN CHUNGCHANG SAWIHO

Aizawl the 4th June 2025: Vawiin khan Chief Minister Pu Lalduhoma Lalduhoma hovin a office-ah Thenzawl Peace City Master Plan chungchang sawihona neih a ni a. Pu K. Sapdanga, UD & PA Minister, Pu Khilli Ram Meena, Chief Secretary leh official pawimawh te an tel.

Chief Minister chuan, Thenzawlah hian tuihna tha tak tak a awm nual a, furah phei chuan chenna in te a chim hial thin. Kan Master planah hian khaw lailia lui mawi tak, dil nalh tak leh a chhehvel ram mawi tak a awm ngei tur a ni a. Sawrkar hmunhma, nakin zela kan la chhawr tangkai tur kan ruahman a ngai bawk ang. Tlang rama plan city, mawi leh khualzin hip tak, chenna atana duhawm si - ruahman ngei kan tum dawn nia, a ti.

Tunah hian Thenzawlah hian mihring singkhat vel cheng anga ngaih a ni a. Ram 108 Sqkm huam chhung velah plan hi siamin, urban area bik chu 82 Sq km ang vel tura chhut ni ta se; mipui bit zawng hi 100 persons per hectare a nih chuan mipui nuaih sawm vel chu thawl nuam takin an khawsak thei tur a ngaih a ni a. A tul anga tihlen chhoh zel theih a ni bawk ang.

Agency rintlak leh hmingtha ngei thlan tum tlat ni se an tih bakah sawrkar atanga peace city buaipuitu tur bik Special Purpose Vehicle pawh din a rel bawk.

Master Plan atan hian Ministry of Housing & Urban Affairs chuan Mizoram sawrkar hnenah Rs. 10 Cr. a rawn phalsak a, a bul tanna tur Rs. 1 Cr (10%) chu an rawn release tawh a. Plan siamtu tur agency thlan fel hunah 25% an rawn release leh ang a, draft DPR submit hunah 35% rawn release in final submit hunah 30% an rawn pe chhuak leh dawn a ni.

Thenzawl Peace City hmalakna hi Aizawl khawpui tawt lutuk tihziaawmna leh Mizoramin khawpui changkang zawk a neih theihna tura Chief Minister Pu Lalduhoma hmalakna a ni a. Mawhphurhna a lak tirh atangin Central sawrkar thuneitute vawi enge maw zat a sawipui tawh a. Tunah hian Master Plan siamna turin cheng vaibelchhe sawm an rawn phalsak ta a ni.

CHIEF MINISTER-IN THLAN TLIN HMEICHHIATE TANA CAPACITY BUILDING AND LEADERSHIP TRAINING HAWNNA INKHAWM HMANPUI

Aizawl, the 21st March 2025: Vawiin chawhma khan Mizoram State Legal Service Authority leh All Mizoram Women Elected Representative te tangkawp chuan I&PR auditorium-ah Capacity building & Leadership Training for elected women representatives an buatsaih a. A hawnna inkhawm hi Chief Minister Pu Lalduhoma chuan a hmanpui.

Thu a sawinaah Chief Minister chuan, ram leh khawtlang hruaitu chu dan hnuaia hnathawk tur a ni a, dan a hriat ve a ngai thin. Dan hriatna lama mi a bengvar tawk loh chuan dan kalha thusawi emaw hma han lak mai te a hlauhawm a, mipuite chanvo a humhalhna kawngah te, inrelbawlna lang tlang leh huapzo a kalpui theih nan te a tangkai vek a ni. Hetiang lam training hi Thlan tlin hmeichhiate chauh ni lovin kan za vaiin kan mamawh a ni. Dan thar te a lo chhuak thin a, tun hnaiah pawh dan thar engmaw zat India ramin kan nei. Heng dan thar lo chhuak te pawh hi kan lo hmelhriat ve thuai thuai a tul thin. Vawiinah State Legal Service Authority te nena tangkawpa Thlan tlin hmeichhia ten training in han buatsaih hi lawmawm ka ti hle.

Vawiina thlan tlin hmeichhiate hi kan hmeichhia zawng zawngte aiawhtu in ni a. Hmeichhiate tihchakna leh an hamthatna lamah hmalaknaah pawh sawrkar tibengvartu ni ula a tha. A tulna apianga hma la turin sawrkar hi kan inkau reng a ni, a ti.

A hawnna inkhawm hi Pi R. Zomuanpuii, President, All Mizoram Elected Women Represenratives chuan kaihruaiin kal khawmte lawmna thu a sawi nghal a. Mizoram chanchina dai tawh lo tur, Mizoram state cabinet Minister atana hmeichhia dah hmasa bertu Pu Lalduhoma hi kan chhuang a, a thil tih hian hmeichhiate min tilawm a ni, a ti.

Pu Vincent Lalrokima, MJS, Member Secretary, Mizoram State Legal Service Authority pawhin thu sawiin, an hmalakna chanchin tlangpui a tarlang a, a mamawhtu mipuite tanpui turin kan inpeih reng a ni, a ti.

A hawnna inkhawm hi Pi Florence Vanlanrengpuii, General Secretary chuan lawmthu sawiin a khar a, chawhnu lamah thupui thlan chhuah pali hmanga dan zirhona an nei zui a ni.

CHIEF MINISTER-IN TBCC TLAWHIN A INKHAWMPUI A CHRISTMAS THILPEK A PE

Dated Aizawl, the 8th December, 2024: Vawiin chawhnu khan Chief Minister Pu Lalduhoma chuan Sakawrtuichhuna Tawngtai Bethel Camping Centre (TBCC) a tlawh a, an chawhnu inkhawm telpuiin Christmas leh k*mthar an lawmna tur cheng nuaih nga (Rs. 5 Lakh) a pe. Pu TBC Lalvenchhunga, bialtu MLA, Adviser to Chief Minister ni bawk chuan Chief Minister hi a tawiawm.

Thu a sawinaah Pu Lalduhoma chuan, Mizorama home hrang hranga enkawl mek te tan sawrkar chuan buhfai kg khat Rs. 6 anga chhutin thla thum danah quintals 6636 vel a pe chhuak thin a. A man a tlawm em avangin han tihsan hlek a, mihring pek zat tihpun kan rilruk mek. Tuna kan pek mek hi mi 14,788 te tana chhut a ni. Home a enkawl hi tlem tial tial se kan duh laiin an pung tial tial mai si a. Buhfai pek chhuah zat hi tihpun a tul hmel.

He hmuna enkawl mekte hnena ka sawi duh chu thuawihna hlutzia hi a ni tiin thuawihna hlutzia a hrilh a. Home enkawltute thu lo awih ngei turin a chah. Vawiina in nun tha lo sim tura buatsaih mek in ni hi nangmahnia 'a rah lo peng' sahthlakna a ni a. Mahni peng sah thlak chu a nain tawrh a har dawn. Nimahsela, huai takin 'a rah lo peng' hi lo sat thla rawh u. In rah tam lehzualna tur a ni. Mi tha zawk ni tura in inbuatsaihna a ni a. Ram nuam zawk panin thlalerah in thang mek a ni.

In nu leh paten an hmangaih che u tih hi ringhlel ngai suh u. Ramsa leh Sava te pawh hian a note te mahnia ding theia an lo puitlin theih nan - hmun hlauhawma chaw zawng turin an nawr chhuak a, thlawh zir turin hmun sang tak atang tein an thlak thin. Nungchate mahin chutianga an tih chuan kan nu leh pate pawhin kan chungah an ti ang tih i ring ang u. An duh loh che u vangin he hmunah hian an tir lo che u. Mahnia ding thei turin an tuaihriam che u a ni zawk. I beidawn khan a tuar nasa ber tu chu nangmah tho kha a ni. Mihring te hi thil thuhmun kan chunga lo thleng kan dawnsawn dan a inang lo fo. Thenkhatten dam dapa an hmachhawn theih laiin midangin hrehawm ti takin a lo hmachhawn thin. An rilru sukthleng dik loh vang a ni. Rilru hrisel tak pu ula, tuar ula, zawm tur apiang zawm ula, hnehtu ni tawh turin lo chhuak ang che u. Chhungkua leh khawtlang tana mi tangkai tak tak in ni leh thei tih hi ringhlel reng reng suh u, tiin a chah a ni.

Inkhawm kaihruaitu Pu TT Zohmingthanga chuan, kan Chief Minister hian lakluh a nih ni khan, ama ina amah lawmpui tura a unau pungkhawm te pawh thlahlel zo lovin he hmun tlawm tak hi a rawn pan hmasa a. Kha a thiltih kha kan theihnghilh thei tawh lo. Christmas thilpek kengin ka lo kal leh dawn e a tih ang ngeiin vawiinah a hmel kan hmu leh ta. A chungah kan lawma Pathianin a hmang a ni tih hi kan chiang a ni, a ti.

Pu TT Zohmingthanga leh a nupui Pi K L Hmangaihzuali ten rinna behchhana an enkawl, ruihhlo ngaite enkawlna hmun, TBCC ah hian mi 1270 vel an awm mek a, Chief Minister Pu Lalduhoma hian Chief Minister atana lakluh a nih ni, December ni 8, 2023 khan ama chenna in pawh a pan hmain a lo zuk tlawh tawh a. Vawiin, a k*m khat cham, December ni 8 hian a tlawh leh ta a ni. Christmas leh k*mthar hmanna tur pawisa a pek avang hian an lo lawm hle.

On , let’s recognize that children’s rights are our guiding compass. Conflict, climate change, and tech disruption threaten their future. 🌍👶 Children have unique ideas for solutions—let’s give them a seat at the table to shape the policies that will secure their world.

Hon'ble Union Minister , Jyotiraditya M Scindia Ji will meet Lalduhoma for an important discussion on Mizoram's growth trajectory and ongoing development initiatives.
For the people of Mizoram, this strong collaboration between the state and the center is opening doors to transformative progress by improving connectivity, infrastructure, and opportunity.

I am Deeply saddened by the passing of Shri Ratan Tata, a true titan of Indian industry whose humility and compassion have left an indelible mark on millions. His ethical leadership and philanthropic spirit will continue to inspire generations. His extraordinary vision, leadership, and kindness have left an indelible mark on India and the world.

Our deepest condolences to the Tata family during this difficult time.

CHIEF MINISTER IN INDIGO AIRLINES AIZAWL - DELHI FLIGHT A LETA TIHPUNNA HAWNG

Dated Aizawl, the 5th October, 2024: Vawiin khan Lengpui Thlawhna Tumhmunah Chief Minister Pu Lalduhoma chuan IndiGo thlawhna Delhi leh Aizawl inkara thlawk thin a leta tihpun (doubling of flights) thar hawnna hmanpuiin, thlawhna thlawk belh hmasa bera chuang tur passenger hnenah Boarding Pass a hlan a, Thlawhna a vai liam bawk.

A hawnna inkhawm tawiah hian Chief Minister chuan, kan mamawhna min hriatpuia hetiang kan neih theih nana hma min laksaktu Ministry of Civil Aviation, Govt. of India leh IndiGo Airlines te chungah lawmthu ka sawi a. Hei hian India ram laili leh Mizoram chu inpawh nasa lehzualin min siam dawn a. Officials chet velna atan te, sumdawngten hma thar an lakna atan te, phai lam pan ngai damlo tan te, leh zirlaite tan te a tangkai em em dawn a. Tin, kan ram mawi tak hi tlawhpawh awl lehzualin min siamsak a, khualzin tan tlawh pawh kan awlsam lehzual dawn a ni, a ti. Mizoram sawrkarin civil aviation hmasawnna lamah hma a la chho zel dawn tih tarlangin, Lengpui Tumhmun a tul anga tuaihnum chhoh zel a nih tur thu te, Mizoram hmun thenkhata Heliports din a nih tur thu te a sawi bawk.

Chief Minister hian Thlawhna thlawk belh hmasa ber tur lawmna cake a zai a, a chuang tur passenger thlan chhuah pakhat hnenah Boarding Pass a hlan a, Thlawhna thlawk chhuak tur hi a vai liam bawk.

IndiGo hian kar khata thlawhna vawi 5 an lo thlawhtir thin chu vawi 10 ah an tipung dawn a. Nitina thlawk a awm bakah Nilaini, Zirtawpni leh Pathianniah vawi hnih thlawk a awm dawn a ni. Hetianga IndiGo in a thlawh zat a leta an tihpun chhan hi k*mtir lama Chief Minister in Ministry of Civil Aviation-a hma a lo lak tawhna rah a ni.

A hawnna inkhawmah hian Pu R K Singh, IAS (Rtd), Special Director, IndiGo pawhin thusawiin, he kan hmalakna hian India ram laili leh Mizote inkarah inunauna tha zawk, inpawhna nghet zawk a siam kan beisei a. Mizoram sawrkar hmalaknaah kan lawm hle a ni. Mizoramin thlai thar hralh tur a neih, Thlawhnaa phurh chhuah theih dan tur pawh kan lo dap ang a. A hranin ruahmanna duan kan lo tum ang, a ti.

He hunah hian Pu Richard Vanlalhmangaiha, MP, Pu H. Lalzirliana, MLA, Dr. Renu Sharma, Chief Secretary, Pu Vanlaldina Fanai, Commissioner & Secretary to Chief Minister bakah Civil Aviation official pawimawh te, IndiGo Airlines thuneitute an tel a ni.


IndiGo

Dated Aizawl, the 23rd September, 2024: Vawiin khan CM Conference Hall ah State Level Committee on SASCI te chu an chairman Pu Lalduhoma , Chief Minister hovin an thukhawm a. Part X of SASCI, 2024-25 atanga Working Women Hostel, hmun pasariha sak dan tur an rel.

Hemi atana PWD lamin ruahmanna an siamte sawifiahna an nei a. A vaia sum sen tur zat hi Rs. 127 crore a ni. SASCI part X hnuaia working hostel te hi sak a nih chuan guidelines in a sawi angin amaha inenkawl zel theia Public Private Partnership anga enkawl zui tur a ni.

A sakna hmun tura rawt te chu: ZMC Complex, Lunglei Ramthar veng, Thenzawl Field Veng, Ramhlun Sports Complex, ITI Complex, Aizawl, Champhai Kahrawt veng leh Khatla, Aizawlah te an ni. An len zawng a inang vek lova, a then chu khum 140 awm theihna tur a nih laiin a then te chu khum 40 awm theihna tur te an ni a, khum awm thei zat tur an inang vek lo.

https://dipr.mizoram.gov.in/page/bana-kaih-booklet

https://dipr.mizoram.gov.in/page/thlai-thar-market-inkaihhruaina