20/03/2026
ਈਰਾਨ-ਇਜ਼ਰਾਈਲ ਅਤੇ ਅਮਰੀਕਾ ਦੀ ਜੰਗੀ ਸਿਆਸਤ ਨੇ ਆਮ ਭਾਰਤੀ ਬੰਦੇ ਦੀ ਜੇਬ ਨੂੰ ਅੱਗ ਲਗਾ ਦਿੱਤੀ ਹੈ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਮਹਿੰਗਾਈ ਦਾ ਅਜਿਹਾ ਭਿਆਨਕ ਤੁਫਾਨ ਆਉਣ ਵਾਲਾ ਹੈ ਜੋ ਹਰ ਘਰ ਦਾ ਬਜਟ ਤਬਾਹ ਕਰ ਕੇ ਰੱਖ ਦੇਵੇਗਾ ਕਿਉਂਕਿ ਭਾਰਤ ਆਪਣੀ ਲੋੜ ਦਾ 45 ਫੀਸਦੀ ਕੱਚਾ ਤੇਲ ਜਿਸ ਈਰਾਨੀ ਸਮੁੰਦਰੀ ਰੂਟ (Strait of Hormuz) ਰਾਹੀਂ ਮੰਗਵਾਉਂਦਾ ਸੀ ਉਹ ਜੰਗ ਕਾਰਨ ਹੁਣ ਪੂਰੀ ਤਰ੍ਹਾਂ ਬੰਦ ਹੋ ਚੁੱਕਾ ਹੈ ਜਿਸ ਕਰਕੇ ਸਾਨੂੰ ਹੁਣ ਦੂਰ-ਦੁਰਾਡੇ ਦੇ ਦੇਸ਼ਾਂ ਤੋਂ ਬਹੁਤ ਮਹਿੰਗੇ ਭਾਅ 'ਤੇ ਤੇਲ ਖਰੀਦਣਾ ਪੈ ਰਿਹਾ ਹੈ ਅਤੇ ਉਸ ਨੂੰ ਲਿਆਉਣ ਦਾ ਸਮੁੰਦਰੀ ਖਰਚਾ ਤੇ ਬੀਮਾ ਵੀ ਕਈ ਗੁਣਾ ਵਧ ਗਿਆ ਹੈ ਜਿਸ ਦਾ ਸਿੱਧਾ ਬੋਝ ਸਾਡੇ ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 'ਤੇ ਪਵੇਗਾ ਅਤੇ ਜਦੋਂ ਡੀਜ਼ਲ ਮਹਿੰਗਾ ਹੋਇਆ ਤਾਂ ਸਬਜ਼ੀਆਂ, ਫਲ, ਦੁੱਧ ਅਤੇ ਰਾਸ਼ਨ ਦੀਆਂ ਕੀਮਤਾਂ ਨੂੰ ਅਸਮਾਨੀ ਚੜ੍ਹਨ ਤੋਂ ਕੋਈ ਨਹੀਂ ਰੋਕ ਸਕੇਗਾ। ਇਸ ਤੋਂ ਵੀ ਵੱਡੀ ਚਿੰਤਾ ਦੀ ਗੱਲ ਇਹ ਹੈ ਕਿ ਮਹਿੰਗਾ ਤੇਲ ਖਰੀਦਣ ਲਈ ਸਾਨੂੰ ਡਾਲਰਾਂ ਵਿੱਚ ਵੱਧ ਭੁਗਤਾਨ ਕਰਨਾ ਪੈ ਰਿਹਾ ਹੈ ਜਿਸ ਨਾਲ ਅੰਤਰਰਾਸ਼ਟਰੀ ਬਜ਼ਾਰ ਵਿੱਚ ਭਾਰਤੀ ਰੁਪਿਆ ਬੁਰੀ ਤਰ੍ਹਾਂ ਡਿੱਗ ਜਾਵੇਗਾ ਅਤੇ ਦੇਸ਼ ਦੀ ਆਰਥਿਕਤਾ ਇੱਕ ਡੂੰਘੇ ਖੂਹ ਵਿੱਚ ਜਾ ਡਿੱਗੇਗੀ ਜਿੱਥੇ ਸਿਰਫ਼ ਗਰੀਬ ਅਤੇ ਮੱਧ ਵਰਗੀ ਪਰਿਵਾਰ ਹੀ ਪੀਸਿਆ ਜਾਵੇਗਾ। ਦੂਜੇ ਦੇਸ਼ ਮੌਕੇ ਦਾ ਫਾਇਦਾ ਚੁੱਕ ਕੇ ਸਾਨੂੰ ਲੁੱਟ ਰਹੇ ਹਨ ਅਤੇ ਸਾਡੀ ਸਰਕਾਰ ਕੋਲ ਇਸ ਦਾ ਕੋਈ ਠੋਸ ਹੱਲ ਨਜ਼ਰ ਨਹੀਂ ਆ ਰਿਹਾ ਜਿਸ ਦਾ ਮਤਲਬ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਆਮ ਜਨਤਾ ਨੂੰ ਆਰਥਿਕ ਗੁਲਾਮੀ ਅਤੇ ਭਾਰੀ ਕਰਜ਼ਿਆਂ ਦੇ ਬੋਝ ਹੇਠ ਦੱਬਣਾ ਪਵੇਗਾ। ਇਹ ਸਿਰਫ਼ ਤੇਲ ਦੇ ਰੇਟ ਦਾ ਵਾਧਾ ਨਹੀਂ ਹੈ ਬਲਕਿ ਇਹ ਆਮ ਬੰਦੇ ਦੀ ਹੱਕ-ਹਲਾਲ ਦੀ ਕਮਾਈ 'ਤੇ ਸਿੱਧਾ ਡਾਕਾ ਹੈ। ਅਤੇ ਹੁਣ ਉਹ ਲੋਕ ਵੀ ਜ਼ਰਾ ਧਿਆਨ ਨਾਲ ਵੇਖਣ ਜਿਹੜੇ ਕਹਿੰਦੇ ਸੀ ਕਿ 'ਜੰਗ ਤਾਂ ਲੱਗ ਹੀ ਜਾਣੀ ਚਾਹੀਦੀ ਹੈ', ਹੁਣ ਆਉਣ ਵਾਲੇ ਦਿਨਾਂ ਵਿੱਚ ਉਹਨਾਂ ਨੂੰ ਪਤਾ ਲੱਗੇਗਾ ਕਿ ਜੰਗ ਦਾ ਅਸਰ ਕੀ ਹੁੰਦਾ ਹੈ, ਜਦੋਂ ਕਿ ਸਾਡੇ ਆਪਣੇ ਦੇਸ਼ ਵਿੱਚ ਤਾਂ ਜੰਗ ਲੱਗੀ ਹੀ ਨਹੀਂ, ਫਿਰ ਵੀ ਅਸੀਂ ਉਸ ਦੀ ਕੀਮਤ ਆਪਣੀ ਰੋਟੀ-ਰੋਜ਼ੀ ਤੋਂ ਚੁਕਾ ਰਹੇ ਹਾਂ।
#ਮਹਿੰਗਾਈ #ਤੇਲ_ਦੀ_ਮਾਰ #ਜਾਗੋ_ਜਨਤਾ
