Barpeta District ABSU

दिनै , 15/02/2026
गाहाय मावख ::: बालापारा,बरपेटा ।
बरपेटा जिल्ला दुलाराय बर' फरायसा आफाद
======================
दिनै 15 फेब्रुवारि दुलाराय बर' फरायसा आफादनि गायसनथाय सान । 1967 मायथाइनि 15 फेब्रुवारि थामहिनबा दिनैनि सानावनो कक्राझार नि tribal house आव दुलाराय बर फरायसा आफादआ दाफुंजादोंमोन ।
दिनै बरपेटा जिल्ला दुलाराय बर फरायसा आफादआ पाका दखरा एबसुनि हेफाजाबाव 3नं सत'लापाम गामियाव हाबाफारिखौ लायो ।
बे हाबाफारियाव हाबाफारि बायदियै आफादनि फिरफिलाखौ आफादगिरि जादब बर' आ बिरहोयो आरो पाका द'खरानि लोगो आफादगिरि तरेन बर' हेफाजाब होफायो ,बड'फानो बिबार बावजेनो गाहाय नेहाथारि बिदिन्था ब्रह्म आरो हेफाजाब होयो पाका द'खरा नि गाहाय नेहाथारि भुमिधर गयारि बिथांआ , मुंख्लं फोरनो बिबार बावजेनो 3नं सत'लापाम गामिनि समाज सिबियारि मोनसे समनि पाका दखरानि सोद्रोमा आरो गोख्रों समाज सिबियारि रुपम चन्द्र बर बिथांआ आरो हेफाजाब होयो जिल्ला आफादनि लोगो गाहाय नेहाथारि सोमदोन बसुमथारि बिथांआ। हाबाफारियाव बाहागो लादोंमोन 3 नं ब्लक सतलापाम गामिनि आफादगिरि , नेहाथारि आरो समाजनि मानगोनां बिथांमोनहा ।
बे हाबाफारिजोंनो लोब्ला लाखिनानैनो समासारि सांग्रांथि आरो सोलोंथाइ सांग्रांथिखौ लोब्बा लाखिनानै गेवलां मेल आव सावरायनाय लानाय जायो । गेवलां मेलखौ दैदेनलांङो बरपेटा जिल्ला आफाद नि बुंथिगिरि सनजिब नारजारि बिथांआ। हाबाफारियाव मेलनि थांखिखौ बेखेवना होयो जिल्ला आफादनि गाहाय नेहाथारि बिदिन्था ब्रह्म बिथांआ आरो बे हाबाफारियावनो बिबुंथि लाखिलांङो जिल्ला आफादनि आफादगिरि जादब बर आरो जिल्ला आफादनि लोगो गाहाय नेहाथारि सोमदोन बसुमटारि बिथांआ आरो जोबथारनायाव मेल सालायगिरिया बिबुंथि होनानै दिनैनि 59थि दुलाराय ब'र फरायसा आफादनि गायसनथाय सान फालिनानि गेवलां मेल आ जोबनानै थांङो । बे हाबाफारियाव गामिनि दैदेनगिरि बिथां मोनजों लोगोसे गामिनि सोद्रोमाफोरा बाहागो लाफानानै हाबाफारिखौ जाफुंहोनायाव हेफाजाब होफैयो।

बेहाबाफारिनिनो मोनाबिलि समाव बरपेटा जि.दु.ब.फ.आफाद नि लांगोना मोखांआव गं 59 था आलारि बाथि सावनानै दिनैनि हाबाफारिखौ फोजोबनाय जायो ।।।।

बरपेटा जि.दु.ब.फ.आ निफ्रा मिरु रोंगौसा सायख' आनजाद आव उथ्रिसार जानो हानाय जोंनि आंगो फंबाय बिनानाव मोनहा बान्था आजावनाय नुथाय ।

बरपेटा जिल्ला एबसु, बालापारा।
14 दिसेम्बर, 2025
गुनगोनां सोलोंथाइ मावथांखिखौ बिथा खालामनानै दुलाराय बर' फरायसा आफादनि बान्जायनायाव खुंनाय 10थि मिरु रोंगौथि सायख' आनजादखौ 2025 इं. दिनै बरपेटा जिल्ला एबसुआबो द'खरा आफादफोरखौ लानानै खुंनाय जायो ।

11 /12/2025
गाहाय मावख बरपेटा जि.दु.ब.फ .आ, बरपेटा, बलापारा ,आसाम

BTR गोजोन गोरोबथा नि दफाफोरखौ मावफुंनांगौनि थाखाय बरपेटा जिल्ला एबसुआ मिरु एबसुनि बिथोन बायदियै दिनै आखायाव बन्जार लानानै हान्जा सुरनाय हाबाफारि लादों ।
बे हाबाफारियाव बरपेटा जिल्लानि बरनि मोनफ्रोमबो समाजारि आफादफोरा लोब लोब फैनानै हाबाफारिखौ जाफुसार होनायाव मदद खालामो।
बे हाबाफारियाव बरपेटा जिल्ला एबसुनिफ्राय आफादगिरि बिथां आरो बरपेटा जिल्लाबर' थुनलाइ आफादनि आफादगिरि बिथांमोनहा बेसेन गोसा बिबुंथि लाखिनानै हाबाफारिखौ फोजोबो।

22 नभेम्बर, 2025
: गाहाय मावख बरपेटा जिल्ला आफाद, बालापारा, बरपेटा, आसाम:

: दुलाराय बर' फरायसा आफादनि 21/11/2025 खालार खालि बान्जायनायाव गोदान दिल्लीनि जन्टर मन्टरआव बिटिआर गोजोन गोरोबथानि दफाफोरखौ मावफुंनानै भारत संबिजितनि 280 आर्टिकेलनि 125 सोदांनानै बिलखौ सोदांनानै थोंजों द'थि फारि खुंथायाव थोंजों रांखान्थियारि गोहो होनायखौ लख'सभानि जथुमाव बिल लाबो नांगौनि थाखाय 3धन्टा खुद्रिसारनाय हाबाफारि लानाय जायो।
बे हाबाफारियाव बाहागो लायो दुलाराय बर' फरायसा आफादनि बिबानगिरिफोर, बर' थुनलाइ आफाद, खौसेथि बर' सुबुं आफाद, बारग' एनडिएपबि आफादनि दैदेनगिरि बिथांमोनहा।
बे हाबाफारियाव बरपेटा जिल्ला एबसुनिफ्राय लोगो आफादगिरि क्रिस्न कान्त बर आरो गाहाय नेहाथारि बिदिन्था ब्रह्म बिथांमोनहा बाहागो लायो।

।। जै बर हारिनि जै ।।

बरपेटा जिल्ला दुलाराय बर' फरायसा आफादा फैगौ 20,21 नबेम्बर 2025 इं.गोदान दिल्लीआव जानो गोनां एबसुनि सावरायनो गोनां आरो बिग्रायनाय हाबाफारियाव बाहागो लानो थांगनायनि सावमुं।

गाहाय मावख'
बालापारा , बरपेटा जिल्ला
अक्ट':- 10 नभेम्बर 2025

आसामनि जौगानाय आरो गोबां सुबुं सानखो थानाय मोन 6 हारिनो सरखारा ST Status होनो थांखि लानाया बर' माहारिजों लोगोसे रायजोनि थाखानाय गासै ट्राइबेल हारिफोरनि गेदेरथार खहा लाबोगोन बिखौनो नोजोर बोनानै दिनै CCTOA (Tribal Organizations of Assam) आफादा गुवाहाटी सनाफुराव थानाय Mini Stadium आव गोदानै ST होनो लानाय थांखिनि हेंथायै गेदेरथार सुबुं गौमा दिन्थिफुङो।

बे हाबाफारियावनो बरपेटा जिल्ला दुलाराय बर' फरायसा आफादनिफ्रायबो जिल्लानिफ्राय गाहाय नेहाथारि बिदिन्था ब्रह्मनि दैदेननायजों दुरामारि दखरा आफाद निफ्राय आफादगिरि लासित बर आरो बालापारा दखरानि गाहाय नेहाथार भुमि गयारि बिथांमोननि दैदेन्नायजों जिल्लानि मोनफ्रोमबो दखरा फोरनि मैखोमै बाहागो लानाया मदद जाफाहैयो।

बरपेटा जि.दु.ब.फ.आ
2/11/25

दुलाराय बर'फरायसा आफाद जों खुंजानाय Under -13 boys जोलुर बादायलायनाय हाबाफारियाव बरपेटा जि.दु.ब.फ आफादाबो बाहागो लाहैयनाय जादोंमोन ।
बे बादायलायनायाव गवालपारा जि.दु.ब.फ आफाद जों जोंनि बरपेटा जि.दु.ब.फ.आ गेलेदोंमोन ।

बर' गोरोबथा 2020 नि दफाफोरखौ मावफुंनायनि थाखाय हानजा सुरनाय।
बरपेटा जि.दु.ब.फ
अक्ट' : - 29 अक्ट'बर, 2025

दुलाराय बर' फरायसा आफादनि बानजायनायाव दिनै आसाम नाङैनो गासै मोन 22 जिल्लानि गाहाइ मावख'आव बर' गोरोबथा 2020 नि दफाफोरखौ आबुङै मावफुंजोबनांगौनि थाखाय हानजा सुरनायजों लोगोसे मानगोनां भारतनि नखर मन्थ्रि अमित शाह आरो आसामनि मानगोनां गिबि मन्थ्रि ड० हिमन्त बिस्व शर्मानो गोसोखां बिलाइ गथायनाय जायो।

1. 2025 मायथाइनि गोजां बोथोरनि पार्लियामेन्टनि जथुम्मानि समाव 2019 मायथाइनि 125थि (संबिजित) सोदांनाय बिल बायदियै दंफां 280 आरो संबिजिदनि द'थि फारिलाइखौ सोदांनाय।
2. कार्बि आंलं आरो दिमा हासाव जिल्लायाव थानाय बर' - कछारी सुबुंफोरनो फारियाव सोजानाय सुबुं जनजाति (हाजो) नि मोनथाय होनाय।
3. BKWAC खौ आबुं गनायथि होनाय, गामि फोसावनाय, सिमा थि खालामनाय आरो बिसायख'थि खुंनाय।
4. BTR आरो BTR बायजोयाव थानाय बर' बिजोंनि फरायसालिफोर आरो फरायसालिमाफोरखौ सोरखारि खालामनाय।
5. सनितपुर आरो बिस्वनाथ जिल्लानिफ्राय BTR आव गोबां गामि सोदेरनाय आरो BTR नि खोला बाहागोनिफ्राय उफ्रा गामिफोरखौ सोफादेरनाय।
6. हाग्रा मोन्थाय आयेन (FRA), 2006 नि सिङाव ट्राइबेल हारिफोरनि थाखाय हानि मोनथाइ होनाय।
7. इनफ्रास्ट्राकसार जौगाथायनि थाखाय 1500 कौटि रांनि जर'खा जौगाखां पेकेज फोसावनाय।
8. जोब्थेसालियाव थानाय एन.डि.एफ.बि. फोरखौ उदां खालामनाय आरो एन.डि.एफ.बि फोरनि केसफोरखौ बोखांना लाफिननाय।

बे हानजा सुरनाय हाबाफारियावनो
बरपेटा जिल्लायाव मिरु एबसु नि मानगोनां सोलोंथाय नेहाथारि मुस्रि सोमावसार बसुमतारी, बिथांमोना बाहागो लायो।