CPIM Kakkayangad

19/10/2025

കേരളത്തിലെ കമ്യൂണിസ്റ്റ് പ്രസ്ഥാനത്തിന്റെ അതുല്യ നേതാവായിരുന്ന സി എച്ച് കണാരൻ നമ്മെ വിട്ടുപിരിഞ്ഞിട്ട് 53 വർഷം പൂർത്തിയാകുന്നു. സിപിഐ എം സംസ്ഥാന സെക്രട്ടറിയായിരിക്കെ 1972 ഒക്ടോബർ 20ന്‌ ആണ് അദ്ദേഹം വേർപിരിഞ്ഞത്. ബഹുജനങ്ങളെ സംഘടിപ്പിക്കുന്നതിലും അച്ചടക്കവും കരുത്തും കേഡർ സ്വഭാവവുമുള്ള പ്രസ്ഥാനമായി പാർടിയെ മാറ്റുന്നതിലും സി എച്ച് കാട്ടിയ മാതൃക എന്നും സ്‌മരിക്കപ്പെടുന്നതാണ്.
കോഴിക്കോട് ജില്ലയിലെ അഴിയൂരിലാണ് സി എച്ച് ജനിച്ചത്. പുന്നോലിലെ സർക്കാർ സ്‌കൂളിലെ പ്രാഥമിക വിദ്യാഭ്യാസം കഴിഞ്ഞ് തുടർപഠന വേളയിൽത്തന്നെ ദേശീയ പ്രസ്ഥാനത്തിന്റെ ആശയം സ്വാധീനം ചെലുത്തി. ജന്മി നാടുവാഴിത്തത്തിന്റെയും ബ്രിട്ടീഷ് കൊളോണിയലിസത്തിന്റെയും മർദകവാഴ്ചയുടെ കാലത്തായിരുന്നു സി എച്ചിന്റെ പൊതുപ്രവർത്തനം ആരംഭിക്കുന്നത്. ആദ്യകാലത്ത് അധ്യാപകനായി പ്രവർത്തിച്ചുകൊണ്ടായിരുന്നു അദ്ദേഹം രാഷ്ട്രീയപ്രവർത്തനം നടത്തിയത്. അതുവഴി വിപുലമായ ജനവിഭാഗവുമായി ബന്ധം സ്ഥാപിക്കാൻ കഴിഞ്ഞു. അക്കാലത്ത് ഉയർന്നുവന്ന നവോത്ഥാന പ്രസ്ഥാനത്തിന്റെ ഭാഗമായി പ്രവർത്തനങ്ങൾ ഏറ്റെടുക്കുന്നതിന് അദ്ദേഹം മുന്നിലുണ്ടായിരുന്നു.
ജാതി ആചാരങ്ങൾക്കും യാഥാസ്ഥിതികത്വത്തിനും എതിരായി അന്ന് വലിയ സമരങ്ങൾതന്നെ ഉയർന്നുവന്നിരുന്നു. പുരോഗമന ജനാധിപത്യ മതനിരപേക്ഷ ഉള്ളടക്കത്തോടെയുള്ള നിലപാടുമായാണ് സി എച്ചും സഹപ്രവർത്തകരും പ്രവർത്തിച്ചത്. നവോത്ഥാന ആശയങ്ങൾ പ്രചരിപ്പിക്കാനും അന്ധവിശ്വാസങ്ങൾക്കും അനാചാരങ്ങൾക്കുമെതിരെ പ്രതികരിക്കാനും രൂപംകൊണ്ട കോട്ടയം താലൂക്ക് സ്വതന്ത്ര ചിന്താ സമാജത്തിന്റെ ആഭിമുഖ്യത്തിലായിരുന്നു സി എച്ചിന്റെയും മറ്റും പ്രവർത്തനം. നിലനിന്ന പലവിധ അനാചാരത്തെയും ശക്തിയുക്തം എതിർക്കാൻ അവർ തയ്യാറായിരുന്നു. നവോത്ഥാനവാദികളോട് ആദ്യഘട്ടത്തിൽ വെറുപ്പും വിദ്വേഷവും പ്രകടിപ്പിച്ചവരെത്തന്നെ പിന്നീട് അനാചാരങ്ങൾക്കെതിരായി ശബ്ദിക്കാൻ തയ്യാറാകുന്നവിധം നയിക്കാൻ സി എച്ചിന് കഴിഞ്ഞു. ശ്രീനാരായണ ഗുരുവിന്റെ ദർശനങ്ങൾ സി എച്ചിന്റെ സാമൂഹ്യവീക്ഷണത്തെ സ്വാധീനിച്ചു. ജാതി ആചാരങ്ങൾക്കും സാമൂഹ്യതിന്മകൾക്കും എതിരായ ആദ്യകാല പ്രവർത്തനങ്ങളിൽത്തന്നെ ഇത് കാണാനാകും.
തലശേരിയിലെ തിരുവങ്ങാട് ശ്രീരാമസ്വാമി ക്ഷേത്രത്തിൽ അവർണവിഭാഗങ്ങളെ പ്രവേശിപ്പിക്കാൻ നടത്തിയ സവിശേഷമായ ഇടപെടൽ ഏറെ ശ്രദ്ധിക്കപ്പെട്ടതാണ്. ക്ഷേത്രവിലക്ക് ലംഘിച്ച് ക്ഷേത്രക്കുളത്തിൽ കുളിച്ചത് മറ്റൊരു പ്രധാന സംഭവമാണ്. പിന്തിരിപ്പൻ ജാതി, വർഗീയ ശക്തികൾ കേരളത്തെ വീണ്ടും അന്ധവിശ്വാസ ജടിലമായ ഭൂതകാലത്തേക്ക് നയിക്കാൻ ശ്രമിക്കുന്ന കാലമാണിത്. ഈ ഘട്ടത്തിൽ സി എച്ചിനെപ്പോലുള്ളവരുടെ ഇടപെടലിലൂടെ മുന്നേറിയ നവോത്ഥാന സമരങ്ങളിൽനിന്ന് നാം ഊർജം സ്വീകരിക്കേണ്ടതുണ്ട്.
ബ്രിട്ടീഷ് കൊളോണിയലിസത്തിനെതിരെ പ്രസംഗിച്ചതിന്റെ പേരിലാണ് സി എച്ചിനെ പൊലീസ് ആദ്യമായി അറസ്റ്റ് ചെയ്തത്. 1932ൽ. തുടർന്ന് ജയിലിൽ അടയ്ക്കപ്പെട്ട വേളയിലാണ് വിപ്ലവകാരികളുമായി അടുത്തിടപഴകുന്നത്. ആ ഘട്ടത്തിലാണ് കമ്യൂണിസ്റ്റ് ആശയം ആഴത്തിൽ പതിയുന്നത്. 1942ൽ ബോംബെ പാർടി പ്ലീനത്തിലും പങ്കെടുത്തിരുന്നു. ജയിലറകളും കേസുകളുമൊന്നും സി എച്ചിലെ പോരാളിയെ ദുർബലപ്പെടുത്തിയില്ല. കൂടുതൽ കരുത്തോടെ പ്രവർത്തനരംഗത്ത് സജീവമാകുന്നതിനാണ് ഇതൊക്കെ കാരണമായത്.
ഇന്ത്യയിലെ കമ്യൂണിസ്റ്റ് പാർടിക്കകത്ത് രൂപപ്പെട്ട വലതുപക്ഷ അവസരവാദ രാഷ്ട്രീയ സമീപനത്തിനെതിരെ നിരന്തര സമരമാണ് സി എച്ചിന്റെ നേതൃത്വത്തിൽ നടന്നത്. റിവിഷനിസത്തിനെതിരായി പാർടിയിൽ സുചിന്തിതമായി നിലപാടെടുക്കുകയും വിശദീകരിക്കുകയും ചെയ്ത നേതാക്കളിൽ പ്രമുഖനായിരുന്നു അദ്ദേഹം. ഇ എം എസ് അദ്ദേഹത്തെ വിശേഷിപ്പിച്ചത് ‘ഞാൻ കണ്ട ഏറ്റവും മികച്ച സംഘാടകൻ’ എന്നാണ്.

17/10/2025

CPIM കണ്ണൂർ ജില്ലാ കമ്മിറ്റി ഓഫീസ് അഴീക്കോടൻ സ്മാരക മന്ദിരം ഒക്ടോബർ 20 ന് പാർട്ടി പോളിറ്റ് ബ്യൂറോ അംഗവും മുഖ്യമന്ത്രിയുമായ സ: പിണറായി വിജയൻ ഉദ്ഘാടനം ചെയ്യും.
ഉദ്ഘാടന പരിപാടിയിലേക്ക് രക്തസാക്ഷി സ: എം എച്ച് മുഹമ്മദ് ഇസ്മായിലിൻ്റെ കുടുംബാംഗങ്ങളെ ക്ഷണിച്ചു. ലോക്കൽ സെക്രട്ടറി എ ഷിബു, ഏറിയ കമ്മിറ്റി അംഗങ്ങളായ പി കെ സുരേഷ് ബാബു, എം ബിജു , ബ്രാഞ്ച് സെക്രട്ടറി വിജിൻദാസ് എന്നിവരും പങ്കെടുത്തു.

17/10/2025

CPIM കണ്ണൂർ ജില്ലാ കമ്മിറ്റി ഓഫീസ് അഴീക്കോടൻ സ്മാരക മന്ദിരം ഒക്ടോബർ 20 ന് പാർട്ടി പോളിറ്റ് ബ്യൂറോ അംഗവും മുഖ്യമന്ത്രിയുമായ സ: പിണറായി വിജയൻ ഉദ്ഘാടനം ചെയ്യും. ഉദ്ഘാടന പരിപാടിയിലേക്ക് കാക്കയങ്ങാട് ലോക്കലിലെ മുതിർന്ന നേതാവും മുൻ ലോക്കൽ സെക്രട്ടറിയുമായ സ: വി വി ഭാസ്കരൻ മാസ്റ്ററെയും കുടുംബാംഗങ്ങളെയും ക്ഷണിച്ചു. ലോക്കൽ സെക്രട്ടറി എ ഷിബു, ഏറിയ കമ്മിറ്റി അംഗങ്ങളായ പി കെ സുരേഷ് ബാബു, എം ബിജു എന്നിവരും പങ്കെടുത്തു.

17/10/2025

CPIM കണ്ണൂർ ജില്ലാ കമ്മിറ്റി ഓഫീസ് അഴീക്കോടൻ സ്മാരക മന്ദിരം ഒക്ടോബർ 20 ന് പാർട്ടി പോളിറ്റ് ബ്യൂറോ അംഗവും മുഖ്യമന്ത്രിയുമായ സ: പിണറായി വിജയൻ ഉദ്ഘാടനം ചെയ്യും.
ഉദ്ഘാടന പരിപാടിയിലേക്ക് കാക്കയങ്ങാട് ലോക്കലിലെ മുതിർന്ന നേതാവും മുൻ ലോക്കൽ കമ്മിറ്റി അംഗവുമായ എം മധുസൂദനനെയും കുടുംബാംഗങ്ങളെയും ക്ഷണിച്ചു. ലോക്കൽ സെക്രട്ടറി എ ഷിബു, ഏറിയ കമ്മിറ്റി അംഗങ്ങളായ പി കെ സുരേഷ് ബാബു, എം ബിജു , ബ്രാഞ്ച് സെക്രട്ടറി വിജിൻദാസ് എന്നിവരും പങ്കെടുത്തു.

17/10/2025

CPIM കണ്ണൂർ ജില്ലാ കമ്മിറ്റി ഓഫീസ് അഴീക്കോടൻ സ്മാരക മന്ദിരം ഒക്ടോബർ 20 ന് പാർട്ടി പോളിറ്റ് ബ്യൂറോ അംഗവും മുഖ്യമന്ത്രിയുമായ സ: പിണറായി വിജയൻ ഉദ്ഘാടനം ചെയ്യും.
ഉദ്ഘാടന പരിപാടിയിലേക്ക് രക്തസാക്ഷി സ: നരോത്ത് ദിലീപൻ്റെ കുടുംബാംഗങ്ങളെ ക്ഷണിച്ചു. ലോക്കൽ സെക്രട്ടറി എ ഷിബു, ഏറിയ കമ്മിറ്റി അംഗങ്ങളായ പി കെ സുരേഷ് ബാബു, എം ബിജു , ലോക്കൽ കമ്മിറ്റി അംഗവും ബ്രാഞ്ച് സെക്രട്ടറിയുമായ സംഗീത് കെ എന്നിവരും പങ്കെടുത്തു.

14/10/2025

സിപിഐഎം മുൻ കണ്ണൂർ ജില്ലാ കമ്മിറ്റി അംഗം സ: വയക്കാടി ബാലകൃഷ്ണൻ അന്തരിച്ചു
ആദരാജ്ഞലികൾ🌹🌹🌹

12/10/2025

12/10/2025

തദ്ദേശ സ്വയംഭരണ സ്ഥാപനങ്ങളിലേക്ക് നടക്കുന്ന തെരഞ്ഞെടുപ്പുമായി ബന്ധപ്പെട്ട് ഇടതുപക്ഷ ജനാധിപത്യ മുന്നണി തയ്യാറാക്കുന്ന തെരഞ്ഞെടുപ്പ് മാനിഫെസ്റ്റോയിലേക്ക് ജനങ്ങളുടെ അഭിപ്രായം സ്വീകരിക്കുന്നതിനുവേണ്ടി അഭിപ്രായപ്പെട്ടി സ്ഥാപിച്ചു. മുഴക്കുന്ന് പഞ്ചായത്ത് തല ഉദ്ഘാടനം സിപിഐഎം ജില്ലാ കമ്മിറ്റിയംഗം അഡ്വ. എം രാജൻ നിർവ്വഹിച്ചു. എൽ ഡി എഫ് നേതാക്കളായ എം ബിജു , സി പ്രദീപൻ, എ ഷിബു, പി കെ സുരേഷ് ബാബു, ടി പ്രസന്ന, ഒമ്പാൻ മുനീർ, എൻ എൻ ബാലകൃഷ്ണൻ, കെ പ്രദീപ്കുമാർ തുടങ്ങിയവർ സംസാരിച്ചു.

06/10/2025

സിപിഐ (എം) കണ്ണൂർ ജില്ലാ കമ്മിറ്റി ഓഫീസ് അഴീക്കോടൻ സ്മാരക മന്ദിരം ഒക്ടോബർ 20 ന് പാർട്ടി പോളിറ്റ് ബ്യൂറോ അംഗവും കേരള മുഖ്യമന്ത്രിയുമായ സ: പിണറായി വിജയൻ ഉദ്ഘാടനം ചെയ്യും. പാർട്ടി പോളിറ്റ് ബ്യൂറോ അംഗവും സംസ്ഥാന സെക്രട്ടറിയുമായ സ: എം വി ഗോവിന്ദൻ മാസ്റ്റർ ഉൾപ്പെടെയുള്ള നേതാക്കൾ പങ്കെടുക്കും.

30/09/2025

സഖാവ് കോടിയേരി ബാലകൃഷ്ണൻ നമ്മെ വിട്ടുപിരിഞ്ഞ് ഒക്ടോബർ ഒന്നിന് മൂന്ന് വർഷം തികയുന്നു. വിദ്യാർത്ഥി രാഷ്ട്രീയത്തിലൂടെ പൊതുപ്രവർത്തനത്തിലേയ്ക്ക് കടന്നുവന്ന യുവാവായ സഖാവ് കോടിയേരി പിന്നീട് കേരളത്തിന്റെ രാഷ്ട്രീയ ചരിത്രത്തിൽ സുപ്രധാന സ്ഥാനമുള്ള നേതാവായി വളർന്നു. അസാമാന്യമായ നേതൃപാടവവും സംഘാടനശേഷിയും നയതന്ത്രജ്ഞതയും അദ്ദേഹത്തിന് പാർടി പ്രവർത്തകരുടെ ഹൃദയങ്ങളിൽ ഉന്നതമായ ഇടം നേടിക്കൊടുത്തു. പ്രതിസന്ധികളിൽ പാർടിയെ ഉലയാതെ കാക്കുന്ന, ദിശാബോധം തെറ്റാതെ മുന്നോട്ടു നയിക്കുന്ന നേതാവായി സഖാവ് കോടിയേരി നിലകൊണ്ടു.
തൊഴിലാളി - കർഷക പോരാട്ടങ്ങളുടെ മുൻനിരയിലുണ്ടായിരുന്ന സഖാവ് കോടിയേരി ബാലകൃഷ്ണൻ വർഗബഹുജന സംഘടനകൾ നേടിയ വളർച്ചയിലും നേതൃപരമായ പങ്കു വഹിച്ചു. എതിരാളികളിൽ പോലും ആദരവുണ്ടാക്കിയ വ്യക്തിപരമായ ഔന്നത്യം അദ്ദേഹത്തെ ജനകീയനായ നേതാവാക്കി. പാർടിയ്ക്കു വേണ്ടി സ്വയം സമർപ്പിച്ച സഖാവായിരുന്നു കോടിയേരി ബാലകൃഷ്ണൻ. രോഗപീഢയുടെ ഘട്ടത്തിലും പാർടിയോടുള്ള സ്നേഹവും കൂറുമായിരുന്നു അദ്ദേഹത്തിന്റെ ആദ്യത്തെ പരിഗണനകൾ. പ്രക്ഷോഭ പാതകൾക്ക് എന്നും ഊർജം പകർന്ന സഖാവിന്റെ സ്മരണ നമുക്ക് ഏത് പ്രതിസന്ധിഘട്ടത്തിലും കരുത്തേകും. ആ അമര സ്മരണകൾക്കു മുന്നിൽ രക്തപുഷ്പങ്ങൾ.