https://www.instagram.com/adv_t_siddique, https://x.com/TsiddiqueINC

T Siddique, MLA Office Kalpetta, Kalpetta (2026)

08/10/2026

മഹാത്മാഗാന്ധി

ജനാധിപത്യ ഇന്ത്യയുടെ കാവലാൾ.
സമരപോരാട്ടങ്ങളുടെ എക്കാലത്തെയും ഊർജ്ജം.

രാജ്ഘട്ടിൽ നിന്ന് സമരത്തുടർച്ചRahul GandhihPriyanka Gandhi Vadrandhi Vadra

#മഹാത്മാഗാന്ധി #രാജ്ഘട്ട്

08/10/2026

70 വയസ്സ് കഴിഞ്ഞുവെന്ന കാരണത്താലും ഗ്യാരന്റർ വേണമെന്ന ബാങ്കുകളുടെ നിബന്ധനയാലും നെല്ല് സംഭരണ തുക ലഭിക്കാതെ കർഷകർക്ക് ബുദ്ധിമുട്ട് നേരിടേണ്ടിവരുന്ന സാഹചര്യം ഒരു കാരണവശാലും അംഗീകരിക്കാനാവില്ല. എസ്.ബി.ഐയിൽ തടസ്സം നേരിട്ട മുതിർന്ന കർഷകരുടെ വിഷയത്തിൽ സപ്ലൈകോ നേരിട്ട് തുക വിതരണം ചെയ്യാൻ നടപടി സ്വീകരിച്ചിട്ടുണ്ട്.

തിരുവനന്തപുരത്ത് സിവിൽ സപ്ലൈസ് വകുപ്പ് മന്ത്രി അനൂപ് ജേക്കബ്, സപ്ലൈകോ എം.ഡി എന്നിവരുമായി ഇക്കാര്യത്തിൽ ചർച്ച നടത്തി.

മുതിർന്ന കർഷകരെ ആദരിക്കുകയും അവർക്ക് അർഹമായ പരിഗണന നൽകുകയും ചെയ്യേണ്ടതിന് പകരം പ്രായത്തിന്റെ പേരിൽ നിയന്ത്രണങ്ങൾ ഏർപ്പെടുത്തുന്നത് ശരിയായ നടപടിയല്ല.

കർഷകർ ഉൽപ്പാദിപ്പിച്ച നെല്ലിന്റെ സംഭരണ തുക ലഭിക്കുന്നതിന് പ്രായത്തിന്റെ പേരിൽ ഒരു തടസ്സവും ഉണ്ടാകാൻ പാടില്ല. മുതിർന്ന കർഷകരോടുള്ള ഈ അനീതി ഒരു കാരണവശാലും അനുവദിക്കില്ല. കർഷകരുടെ അവകാശപ്പെട്ട തുക സമയബന്ധിതമായി ലഭ്യമാക്കുക എന്നതാണ് ഈ സർക്കാരിൻ്റെ നിലപാട്.

08/10/2026

സ്വാതന്ത്ര്യ സമര സേനാനി ക്വിറ്റ് ഇന്ത്യ സമരപോരാളി സോഷ്യോ വാസുവിന് ആദരാഞ്ജലി.

സ്വാതന്ത്ര്യ സമര പോരാട്ടങ്ങളിലെ ആവേശഭരിതമായ ഒരു ഏടിൻ്റെ പേരാണ് സോഷ്യോ വാസു എന്നത്.
ക്വിറ്റിന്ത്യാ സമരത്തിൽ പങ്കെടുത്തതിന്റെ പേരിൽ ബ്രിട്ടീഷ് പൊലീസിന്റെ ക്രൂരമർദ്ദനം അനുഭവിച്ച കരുത്തുറ്റ പോരാളി.

11 വയസ്സ് മാത്രമുള്ളപ്പോഴാണ് അദ്ദേഹം പിതാവിന് ഒപ്പം അന്ന് കോഴിക്കോട് എത്തിയ മഹാത്മാഗാന്ധിയെ കാണാനായി പോകുന്നത്. സ്കൂൾ പഠനകാലത്ത് തന്നെ ഇന്ത്യൻ നാഷണൽ കോൺഗ്രസിന്റെ പ്രവർത്തനങ്ങളിൽ ആകൃഷ്ടനായ വ്യക്തിത്വമാണ്. തൻ്റെ 19-ാം വയസ്സിൽ 1942 ൽ ക്വിറ്റ് ഇന്ത്യ സമരത്തിൻ്റെ ഭാഗമായി കുണ്ടായിത്തോട് മുതൽ ചെറുവണ്ണൂർ വരെ ബ്രിട്ടീഷ് വിരുദ്ധ ജാഥ നയിച്ചതിന് അറസ്റ്റ് വരിച്ച് മൂന്നര മാസം തടവുശിക്ഷ അനുഭവിച്ച സോഷ്യോ വാസുവേട്ടന്റെ പൊതുപ്രവർത്തന ജീവിതം എക്കാലത്തും വലിയ മാതൃകയും പ്രചോദനവുമാണ്.

സ്വാതന്ത്ര്യസമരകാലത്ത് ആവേശഭരിതമായി പോരാടിയ വിപ്ലവകാരിയെയാണ് നമ്മുടെ നാടിന് നഷ്ടമായിരിക്കുന്നത്. സമാനതകളില്ലാത്ത പോരാട്ടവീര്യത്തിന് ആദരം.

08/10/2026

കാലാവസ്ഥാ വ്യതിയാനത്തെ പ്രതിരോധിക്കുന്ന കാർഷിക പ്രവർത്തനങ്ങളിലൂടെ കർഷകർക്ക് കാർബൺ ക്രെഡിറ്റ് ലഭ്യമാക്കുന്നതിനായി കൃഷിവകുപ്പിന് കീഴിൽ കാർബൺ സെൽ രൂപീകരിക്കണമെന്ന് കൃഷിമന്ത്രിയെന്ന നിലയിൽ നൽകിയ നിർദേശം ലോകബാങ്ക് അംഗീകരിച്ചു. ഇതിനായി തുടർന്നുള്ള മാസങ്ങളിൽ യോജിച്ചുള്ള പ്രവർത്തനം ഉണ്ടാകും.

ലോകബാങ്കിന്റെ സാമ്പത്തിക സഹായത്തോടെ കൃഷിവകുപ്പ് നടപ്പാക്കുന്ന കേര പദ്ധതിയുടെ നിർവഹണ പുരോഗതി വിലയിരുത്തുന്നതിനായി കേരളത്തിലെത്തിയ ലോകബാങ്ക് മിഷൻ സംഘവുമായി നടത്തിയ കൂടിക്കാഴ്ചയിലാണ് ഈ നിർദേശം മുന്നോട്ടുവച്ചത്.

കർഷകർ കാലാവസ്ഥാ സൗഹൃദമായ കൃഷിരീതികളിലേക്ക് മാറുന്നതിന് സാമ്പത്തിക പ്രോത്സാഹനം നൽകുന്നതിനൊപ്പം കാർഷിക മേഖലയിലെ കാർബൺ സംഭരണശേഷി വർധിപ്പിക്കാനും കാർബൺ ക്രെഡിറ്റ് സംവിധാനത്തിലൂടെ കർഷകർക്ക് അധിക വരുമാനസാധ്യത സൃഷ്ടിക്കാനും കഴിയണം. കാർഷിക മേഖലയിലെ കാലാവസ്ഥാ പ്രതിരോധശേഷി വർധിപ്പിക്കുന്നതിനുള്ള പ്രവർത്തനങ്ങൾ കേര പദ്ധതിയുടെ ഭാഗമായി കൂടുതൽ ശക്തിപ്പെടുത്തണമെന്നും ആവശ്യപ്പെട്ടു.

2365 കോടി രൂപയാണ് കേര പദ്ധതി വഴി കാർഷിക കേരളത്തിന്‌ ലഭ്യമാക്കുക. നടപ്പുസാമ്പത്തിക വർഷത്തിലെ ശേഷിക്കുന്ന മാസങ്ങളിൽ പദ്ധതിക്കായി അനുവദിച്ച ഫണ്ട് കൂടുതൽ കാര്യക്ഷമമായും ഊർജിതമായും വിനിയോഗിക്കുന്നതിനുള്ള നടപടികൾ സ്വീകരിക്കാനും യോഗത്തിൽ തീരുമാനമായി.

കൃഷിവകുപ്പിന്റെയും ലോകബാങ്കിന്റെയും സംയുക്തമായി നടപ്പാക്കുന്ന സുപ്രധാന പദ്ധതിയാണ് കേര. കേരളത്തിന്റെ കാർഷിക മേഖലയുടെ സമഗ്രമായ പരിവർത്തനത്തിന് വലിയ സാധ്യതകളാണ് പദ്ധതി മുന്നോട്ടുവയ്ക്കുന്നത്.

നാളികേര കൃഷിയുടെ വികസനവും ഉത്പാദനക്ഷമത വർധിപ്പിക്കൽ , കാർഷിക വിപണനം ശക്തിപ്പെടുത്തൽ , കർഷക ഉത്പാദക സംഘടനകളുടെ ശാക്തീകരണവും ബിസിനസ് വിപുലീകരണവും, ഉയർന്ന മൂല്യമുള്ള കാർഷിക വിളകളുടെ മൂല്യശൃംഖല വികസനം എന്നിവ കേര പദ്ധതിയുടെ ഭാഗമായി കൂടുതൽ ശക്തമായി നടപ്പാക്കണമെന്ന് ആവശ്യപ്പെട്ടു.

കൂടുതൽ സ്മാർട്ട് കൃഷിഭവനുകൾ, കൃഷിവകുപ്പിന്റെ സമ്പൂർണ ഡിജിറ്റലൈസേഷൻ, കതിർ പോർട്ടലിന്റെ സമഗ്ര വികസനം, കാലാവസ്ഥാ വ്യതിയാനവും പ്രകൃതിദുരന്തങ്ങളും മൂലം കൃഷി നേരിടുന്ന പ്രതിസന്ധികൾക്ക് പ്രതിരോധവും അതിജീവന സംവിധാനങ്ങളും എന്നിവയും അതീവ പ്രാധാന്യം അർഹിക്കുന്നു.

മുതലമടയിലെ മാവ് കൃഷി, എലവഞ്ചേരിയിലെ ഹൈടെക് പച്ചക്കറി കൃഷി, വയനാട്ടിലെ അവക്കാഡോ കൃഷി തുടങ്ങിയ മേഖലകളിലെ സാധ്യതകളും യോഗത്തിൽ ചർച്ച ചെയ്തു. എൽ നിനോ പ്രതിഭാസം ഉൾപ്പെടെയുള്ള കാലാവസ്ഥാ വ്യതിയാനങ്ങളുടെ പ്രത്യാഘാതങ്ങളെ നേരിടാൻ സർക്കാർ സ്വീകരിച്ചുവരുന്ന നടപടികളും ലോകബാങ്ക് മിഷന്റെ ശ്രദ്ധയിൽപ്പെടുത്തി.

കേരളത്തിൽ തെങ്ങിന്റെ ഉത്പാദനക്ഷമത നിലവിൽ മറ്റ് സംസ്ഥാനങ്ങളെക്കാൾ മെച്ചമാക്കാൻ ആവശ്യമായ സമഗ്രമായ ഇടപെടലുകൾ കേര പദ്ധതിയിൽ അനിവാര്യമായി ഉൾപ്പെടുത്തണമെന്നും പറഞ്ഞു. കൃഷിവകുപ്പും നാളികേര വികസന ബോർഡും നിലവിൽ നടപ്പാക്കുന്ന പദ്ധതികൾ വിലയിരുത്തി, അവയ്ക്ക് പുറമേ ആവശ്യമായ ഇടപെടലുകൾ കേര പദ്ധതി ഏറ്റെടുക്കണമെന്നും നിർദേശിച്ചു.

മഴക്കാലത്തും വേനൽക്കാലത്തും കേരളത്തിലെ കാർഷിക മേഖല നേരിടുന്ന വിവിധ വെല്ലുവിളികളും പ്രകൃതിദുരന്ത സാധ്യതകളും യോഗത്തിൽ ചർച്ചയായി. ദുരന്തങ്ങളെ നേരിടുന്നതിനായി സർക്കാർ വിവിധ വകുപ്പുകളുടെയും തദ്ദേശ സ്വയംഭരണ സ്ഥാപനങ്ങളുടെയും തലത്തിൽ വിപുലമായ തയ്യാറെടുപ്പുകൾ നടത്തിവരുന്നതായും ലോകബാങ്ക് സംഘത്തെ അറിയിച്ചു.

കേരളത്തിലെ കാർഷിക മേഖലയെ സമഗ്രമായി വിലയിരുത്തി ആവശ്യമായ മാറ്റങ്ങളും പുതിയ ഇടപെടലുകളും കേര പദ്ധതിയിൽ ഉൾപ്പെടുത്തണം. ബന്ധപ്പെട്ട എല്ലാ സ്ഥാപനങ്ങളെയും ഏകോപിപ്പിച്ച് പദ്ധതിയുടെ പ്രവർത്തനങ്ങൾ കൂടുതൽ കാര്യക്ഷമമായി മുന്നോട്ടുകൊണ്ടുപോകണമെന്നും നിർദേശിച്ചു.
ലോകബാങ്ക് മിഷൻ സംഘം ഒക്ടോബർ 13 വരെ കേരളത്തിൽ തുടരും. ഈ കാലയളവിൽ കേര പദ്ധതി നടപ്പാക്കുന്ന വിവിധ പ്രദേശങ്ങൾ സംഘം സന്ദർശിച്ച് പദ്ധതിയുടെ പ്രവർത്തന പുരോഗതി വിലയിരുത്തും.

07/10/2026

ഇന്ദിരാജിയുടെ കൊച്ചുമകൾ❤Priyanka Gandhi Vadrara

07/10/2026

ഭരണഘടന നെഞ്ചോട് ചേർത്ത് Priyanka Gandhi Vadra 🔥🔥🔥

ജനാധിപത്യം സംരക്ഷിക്കാനുള്ള പോരാട്ടം ശക്തമായി തുടരുക തന്നെ ചെയ്യും…

07/10/2026

ഭരണഘടന ഉയർത്തിപ്പിടിച്ച് പ്രിയങ്ക ഗാന്ധി.
ജനാധിപത്യം സംരക്ഷിക്കാനുള്ള പോരാട്ടം തുടരുക തന്നെ ചെയ്യും.

07/10/2026

ജനാധിപത്യം സംരക്ഷിക്കാൻ ഉയരുന്ന ശബ്ദവും കൈകളും അടിച്ചമർത്താനാവില്ല..

ജനാധിപത്യ ഇന്ത്യയെ സംരക്ഷിക്കാൻ തെരുവിലിറങ്ങിയ രാഹുൽ ഗാന്ധിയെയും പ്രിയങ്ക ഗാന്ധിയെയും കസ്റ്റഡിയിൽ..

07/10/2026

ആഗ്രികൾച്ചർ ഡ്രോൺ റിമോട്ട് ലൈസൻസ് നേടുന്നതിനുള്ള പരിശീലനം തുടരുകയാണ്. കൃഷിയിൽ ഡ്രോൺ സാങ്കേതികവിദ്യയുടെ സാധ്യതകൾ നേരിട്ട് മനസിലാക്കാനുള്ള അവസരം കൂടിയാണിത്.

റിമോട്ട് പൈലറ്റ് ട്രെയിനിങ് ഓർഗനൈസേഷനായ ഫ്യുസലേജ് ഫ്ലയിങ് ക്ലബ്ബാണ് പരിശീലനം നൽകുന്നത്.

07/10/2026

നന്ദി, ലിയോ❤️

രണ്ട് ദശാബ്ദക്കാലം ഫുട്ബോളിനെ പ്രണയിക്കാൻ കാരണമായവനേ…

നീലക്കുപ്പായത്തിൽ നീ സമ്മാനിച്ച ആനന്ദങ്ങൾക്കും, കണ്ണുനീരിനും, അനിശ്ചിതത്വങ്ങൾക്കും.. എല്ലാം നന്ദി.

മൈതാനത്ത് നീ സൃഷ്ടിച്ച ആ മാന്ത്രിക നിമിഷങ്ങൾ എന്നും ഹൃദയത്തിലുണ്ടാകും.

T Siddique

08/10/2026

08/10/2026

08/10/2026

08/10/2026

07/10/2026

07/10/2026

07/10/2026

07/10/2026

07/10/2026

07/10/2026

Address

Website

Alerts

Contact The Organization

Shortcuts

Share

Listing takedown request