Kannur City Police, Kannur (2026)

05/10/2026

മട്ടന്നൂരിൽ വൻ ലഹരി വേട്ട;153.379 ഗ്രാം എംഡിഎംഎ പിടികൂടി ഡാൻസാഫ് ടീമും മട്ടന്നൂർ പോലീസും

മട്ടന്നൂർ: പാലോട്ട് പള്ളിക്ക് സമീപം വെച്ച് കണ്ണൂർ സിറ്റി ഡാൻസാഫ് സംഘവും മട്ടന്നൂർ പോലീസും നടത്തിയ പരിശോധനയിൽ കോമേഴ്സ്യൽ അളവിൽ എംഡിഎംഎ പിടികൂടി. സംഭവുമായി ബന്ധപ്പെട്ട് പള്ളിക്കുന്ന് സ്വദേശി നിസാം എ.പി. (35) പിടിയിലായി.

പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ പ്രതിയിൽ നിന്നും 153.379 ഗ്രാം എംഡിഎംഎ പിടിച്ചെടുത്തിട്ടുണ്ട്. സ്പീക്കറിനുള്ളിലും കീചെയിനിലും കുപ്പിവെള്ളത്തിനകത്തുമായി അതീവ രഹസ്യമായി ഒളിപ്പിച്ച നിലയിലായിരുന്നു ലഹരിമരുന്ന് സൂക്ഷിച്ചിരുന്നത്.

കണ്ണൂർ സിറ്റി പോലീസ് കമ്മീഷണർ ബി.വി. വിജയ ഭരത് റെഡ്ഡി ഐ.പി.എസ്, കൂത്തുപറമ്പ് എ.എസ്.പി ശിവം ഐ.പി.എസ് എന്നിവരുടെ നിർദ്ദേശപ്രകരം എസ്.ഐ. ഷജീം ജെ.-യുടെ നേതൃത്വത്തിൽ അടങ്ങുന്ന ഡാൻസാഫ് സംഘവും, മട്ടന്നൂർ പോലീസ് സ്റ്റേഷൻ എസ്.എച്ച്.ഒ. പ്രകാശൻ വി.കെയുടെ നേതൃത്വ

03/10/2026

കണ്ണൂരിൽ സ്കൂട്ടർ മോഷ്ടിച്ച പ്രതി ഏർണാകുളത്ത് പിടിയിൽ

കണ്ണൂരിൽനിന്ന് സ്കൂട്ടർ മോഷ്ടിച്ചു കടന്നുകളഞ്ഞ പ്രതി പിടിയിലായി. കണ്ണൂർ സിറ്റി സ്റ്റേഷനിലെ പോലീസ് സംഘം ഏർണാകുളത്തുനിന്നാണ് പാലക്കാട് സ്വദേശിയായ പ്രതി എസ്. ആദിത്യനെ (23) പിടികൂടിയത്.

ഓഗസ്റ്റ് 11-നായിരുന്നു കേസിനാസ്പദമായ സംഭവം. കണ്ണൂർ ജില്ലാ ആശുപത്രിക്ക് സമീപമുള്ള മൈത്രി മെഡിക്കൽസ് ഉടമ സി.എം. ഷംഷീറിന്റെ സ്കൂട്ടറാണ് കടയുടെ മുൻവശത്തുനിന്ന് മോഷണം പോയത്. സ്കൂട്ടറിലുണ്ടായിരുന്ന 2000 രൂപ വിലവരുന്ന മരുന്നുകളും നഷ്ടപ്പെട്ടിരുന്നു.

കണ്ണൂർ സിറ്റി എസ്.എച്ച്.ഒ വൈഷ്ണവ് രാമചന്ദ്രന്റെ നേതൃത്വത്തിൽ എസ്ഐ സജീവൻ സിവിൽ പോലീസ് ഓഫീസർമാരായ മിഥുൻ, അനീസ് എന്നിവരടങ്ങുന്ന സംഘമാണ് അന്വേഷണ സംഘത്തിലുള്ളത്.

02/10/2026

ഗാന്ധിജയന്തി ദിനത്തിൽ ശുചീകരണം: തലശ്ശേരി കടൽപാലം പരിസരം വൃത്തിയാക്കി പോലീസും എസ്.പി.സി, എൻ.എസ്.എസ് വിദ്യാർത്ഥികളും പൊതുസമൂഹവും

തലശ്ശേരി: മഹാത്മാഗാന്ധിയുടെ 'ശുചിത്വഭാരതം' എന്ന സ്വപ്നത്തിന് സാക്ഷാത്ക്കാരമേകി ഗാന്ധിജയന്തി ദിനത്തിൽ തലശ്ശേരിയിൽ മാതൃകാപരമായ ശുചീകരണ യജ്ഞം നടന്നു. ചരിത്രപ്രസിദ്ധമായ തലശ്ശേരി പൈതൃകം നിലനിൽക്കുന്നതും, നിരവധി സഞ്ചാരികളും പ്രദേശവാസികളും ഒത്തുചേരുന്നതുമായ കടൽപാലം പരിസരമാണ് പോലീസിന്റെയും വിദ്യാർത്ഥികളുടെയും നേതൃത്വത്തിൽ ശുചീകരിച്ചത്.

തലശ്ശേരി എ.എസ്.പി. ഡോ. നന്ദഗോപൻ എം.ഐ.പി.എസിന്റെയും അഡ്വ. അൻവിതയുടെയും നേതൃത്വത്തിലാണ് ഈ മഹത്തായ ശുചീകരണ യജ്ഞത്തിന് ഔദ്യോഗികമായി തുടക്കമായത്. രാഷ്ട്രപിതാവിന്റെ ഓർമ്മ ദിനത്തിൽ നാടിനെ ശുചിയായി സൂക്ഷിക്കുക എന്ന സന്ദേശവുമായി പോലീസ് സേനയും വിദ്യാർത്ഥി സമൂഹവും കൈകോർത്തത് ഏറെ ശ്രദ്ധേയമായി. തലശ്ശേരി എ.എസ്.പി ഓഫീസിലെ പോലീസ് ഉദ്യോഗസ്ഥർ, സേക്രഡ് ഹാർട്ട് ഗേൾസ് ഹയർ സെക്കൻഡറി സ്കൂളിലെ എസ്.പി.സി (സ്റ്റുഡന്റ് പോലീസ് കാഡറ്റ്) കേഡറ്റുകൾ, തലശ്ശേരി ഗവ. ബ്രണ്ണൻ കോളേജിലെ എൻ.എസ്.എസ് (നാഷണൽ സർവീസ് സ്കീം) വിദ്യാർത്ഥികൾ, അധ്യാപകർ, പൊതുജനങ്ങൾ എന്നിവർ പരിപാടിയിൽ സജീവമായി പങ്കെടുത്തു. പഴമയുടെ പ്രൗഢി വിളിച്ചോതുന്ന തലശ്ശേരി കടൽപാലവും പരിസരവും പ്ലാസ്റ്റിക് മാലിന്യവിമുക്തമാക്കാനും പൊതുസ്ഥലങ്ങളുടെ ശുചിത്വം ഉറപ്പുവരുത്താനും ലക്ഷ്യമിട്ടായിരുന്നു ഈ ശുചിത്വ യജ്ഞം.

02/10/2026

*മണ്ണിലേക്കിറങ്ങി കേഡറ്റുകൾ; മലപ്പട്ടം എ.കെ.എസ്.ജി.എച്ച്.എസ്.എസിൽ ൽ രണ്ടാം വിള നെൽകൃഷിക്ക് തുടക്കം”*

മലപ്പട്ടം: എ.കെ.എസ്.ജി.എച്ച്.എസ്.എസ് മലപ്പട്ടം
KNC 510 സ്റ്റുഡന്റ് പോലീസ് കേഡറ്റ് (SPC) പദ്ധതിയുടെ നേതൃത്വത്തിൽ “രണ്ടാം വിള നടീൽ ഉത്സവം” സംഘടിപ്പിച്ചു. നെൽകൃഷിയോടും കാർഷിക സംസ്കാരത്തോടും വിദ്യാർഥികൾക്ക് താൽപര്യം വളർത്തുക, മണ്ണിനെയും കൃഷിയെയും അടുത്തറിയാൻ അവസരമൊരുക്കുക എന്നീ ലക്ഷ്യങ്ങളോടെയാണ് പരിപാടി സംഘടിപ്പിച്ചത്.
സെപ്റ്റംബർ 30ന് രാവിലെ 9 മണിക്ക് ചൂളിയാട് നവോദയ വായനശാല പരിസരത്ത് നടന്ന പരിപാടി കാർഷിക സംസ്കാരത്തിന്റെ പ്രാധാന്യം വിദ്യാർഥികളിലേക്ക് എത്തിക്കാൻ സഹായകരമായി.
ചടങ്ങിൽ HM ശ്രീമതി ബിന്ദു കെ. (ചെയർമാൻ SPC പ്രോജക്ട്, AKSGHSS മലപ്പട്ടം)സ്വാഗതം വഹിച്ചു. മലപ്പട്ടം ഗ്രാമപഞ്ചായത്ത് പ്രസിഡന്റ് ശ്രീ പി.പി. ലക്ഷ്മണൻ അധ്യക്ഷത വഹിച്ചു .. SPC പ്രോജക്ട് ശ്രീ ഷാജി വർഗീസ്( അഡീഷണൽ സൂപ്രണ്ട് ഓഫ് പോലീസ് കണ്ണൂർ സിറ്റി, ജില്ലാ നോഡൽ ഓഫീസർ,-SPC പ്രോജക്ട് )പരിപാടി ഉദ്ഘാടനം ചെയ്തു.
മലപ്പട്ടം കൃഷി ഓഫീസർ ശ്രീ അജീഷ് വി.വി. പദ്ധതി വിശദീകരണം നടത്തി.
ശ്രീ ഐ വി ഒതേനൻ(ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ) ശ്രീ നിജിൽ രാജ്(SI , മയ്യിൽ പോലീസ് സ്റ്റേഷൻ), ശ്രീ K രാജേഷ് (ADNO, SPC പ്രോജക്ട്-കണ്ണൂർ സിറ്റി), ശ്രീ സജിത് ചൂളിയാട് ( PTA പ്രസിഡൻ്റ്)ശ്രീമതിഷിനി എ വി(മദർ PTA), ശ്രീ K K നാരായണൻ(സെക്രട്ടറി പാടശേഖര സമിതി),ശ്രീ K V വിജയൻ(പാടശേഖര സമിതി പ്രസിഡണ്ട്),ശ്രീ L M മധുസൂദനൻ (കൃഷി അസിസ്റ്റൻ് മലപ്പട്ടം,കൃഷിഭവൻ) എന്നിവർ ആശംസ അർപ്പിച്ച് സംസാരിച്ചു...ശ്രീമതി വത്സല C (CPO-SPC പ്രോജക്ട്) ചടങ്ങിന് നന്ദി പ്രകാശിപ്പിച്ചു.
വിദ്യാർഥികളിൽ കൃഷിയോടുള്ള താൽപര്യം വളർത്തുക, കാർഷിക അറിവ് പ്രായോഗികമായി നേടാൻ അവസരമൊരുക്കുക, നെൽകൃഷിയുടെ പ്രാധാന്യം മനസ്സിലാക്കുക തുടങ്ങിയ ലക്ഷ്യങ്ങളോടെയാണ് പരിപാടി സംഘടിപ്പിച്ചത്. ഞാറ് നടുന്നതുൾപ്പെടെയുള്ള കാർഷിക പ്രവർത്തനങ്ങളിൽ വിദ്യാർഥികൾ സജീവമായി പങ്കാളികളായി.
കൃഷിയിടത്തിൽ രണ്ടാം വിള നെൽകൃഷിക്ക് തുടക്കം കുറിച്ചതോടെ വിദ്യാർഥികൾക്ക് മണ്ണിനോടും കൃഷിയോടും കൂടുതൽ അടുപ്പം നേടാനുള്ള അവസരമായി പരിപാടി മാറി.SPC പ്രോജക്ടിന്റെ നേതൃത്വത്തിൽ അധ്യാപകരുടെയും രക്ഷിതാക്കളുടെയും കർഷകരുടെയും സഹകരണത്തോടെയാണ് പരിപാടി സംഘടിപ്പിച്ചത്.

02/10/2026

ഒക്ടോബർ 2 ഗാന്ധി ജയന്തി

01/10/2026

*ഓപ്പറേഷൻ തൂഫാൻ*
*13 വർഷമായി ഒളിവിൽ കഴിഞ്ഞ ലഹരി കടത്ത് കേസിലെ പ്രതി പിടിയിൽ, കണ്ണൂർ സിറ്റി പോലീസ് ആന്ധ്രാപ്രദേശിൽ നടത്തിയ ഓപ്പറേഷൻ*
*ജോസ് ആന്ധ്രയിൽ ജീവിച്ചത് കൊറ ജോഷ് ബാബു എന്ന പേരിൽ*

കണ്ണൂർ: ഓപ്പറേഷൻ തൂഫാന്റെ ഭാഗമായി കണ്ണൂർ സിറ്റി പോലീസ് നടത്തിയ പ്രത്യേക അന്വേഷണത്തിൽ, സംസ്ഥാനത്തെ വിവിധ പോലീസ് സ്റ്റേഷനുകളിൽ രജിസ്റ്റർ ചെയ്ത കഞ്ചാവ് കടത്ത് കേസുകളിൽ പ്രതിയായി 13 വർഷത്തോളം ഒളിവിൽ കഴിഞ്ഞിരുന്ന ഇരിട്ടി മട്ടിണി സ്വദേശി കിഴക്കുമ്പുറം കെ.ടി. ജോസ് (56) പിടിയിലായി.

കണ്ണൂർ സിറ്റി പോലീസ് കമ്മീഷണർ വിജയ് ഭാരത് റെഡ്ഡി ഐ.പി.എസ്.യുടെ നിർദേശപ്രകാരം രൂപീകരിച്ച പ്രത്യേക അന്വേഷണ സംഘമാണ് ആന്ധ്രാപ്രദേശിൽ നടത്തിയ സമർത്ഥമായ അന്വേഷണത്തിനൊടുവിൽ പ്രതിയെ പിടികൂടിയത്. ആന്ധ്രാപ്രദേശിൽ “കൊറ ജോഷ് ബാബു” എന്ന പേരിൽ കഴിഞ്ഞുവരികയായിരുന്നു ഇയാൾ.

മുൻകാലങ്ങളിൽ കേരളത്തിലേക്ക് വാണിജ്യാടിസ്ഥാനത്തിൽ ലഹരി വസ്തുക്കൾ കടത്തിയിരുന്നവരെ കണ്ടെത്തുന്നതിനായി സിറ്റി പോലീസ് കമ്മീഷണറുടെ നിർദേശപ്രകാരം പ്രത്യേക സംഘം നടത്തിയ അന്വേഷണത്തിലാണ് കെ.ടി. ജോസിനെക്കുറിച്ചുള്ള നിർണായക വിവരങ്ങൾ ലഭിച്ചത്. കണ്ണൂർ ടൗൺ, തലശ്ശേരി, ഇരിട്ടി, ഉളിക്കൽ, പാലക്കാട് ടൗൺ സൗത്ത് എന്നീ പോലീസ് സ്റ്റേഷനുകളിൽ രജിസ്റ്റർ ചെയ്ത കഞ്ചാവ് കടത്ത് കേസുകളിൽ ഇയാൾ പ്രതിയാണ്.

2012-ൽ ഇരിട്ടി പോലീസ് സ്റ്റേഷൻ പരിധിയിലെ മട്ടിണിയിലുള്ള ജോസ് താമസിച്ചിരുന്ന വീട്ടിൽ നിന്ന് 8 കിലോ കഞ്ചാവ് പിടികൂടിയിരുന്നു. കേസിൽ അറസ്റ്റിലായ ശേഷം ജാമ്യത്തിൽ പുറത്തിറങ്ങിയ ഇയാൾ പിന്നീട് ഒളിവിൽ പോവുകയായിരുന്നു. തുടർന്ന് വിവിധ സ്ഥലങ്ങളിൽ നടത്തിയ അന്വേഷണത്തിൽ ഇയാളെ കണ്ടെത്താൻ കഴിയാതിരുന്നതിനെ തുടർന്ന് കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചു.

ഓപ്പറേഷൻ തൂഫാന്റെ ഭാഗമായി കണ്ണൂർ റേഞ്ച് ഡി.ഐ.ജി. കെ. കാർത്തിക് ഐ.പി.എസ്.യുടെ മേൽനോട്ടത്തിലും സിറ്റി പോലീസ് കമ്മീഷണറുടെ നേതൃത്വത്തിലും നടത്തിയ പ്രത്യേക അന്വേഷണമാണ് പ്രതിയിലേക്ക് എത്തിയത്. പ്രത്യേക അന്വേഷണ സംഘം പ്രതിയുടെ സ്വദേശമായ ഇരിട്ടി മട്ടിണിയിൽ നടത്തിയ അന്വേഷണത്തിൽ, ജാമ്യത്തിൽ പുറത്തിറങ്ങിയ ശേഷം ജോസ് പിന്നീട് നാട്ടിൽ തിരിച്ചെത്തിയിട്ടില്ലെന്നും, മാതാവിന്റെയും സഹോദരന്റെയും മരണസമയത്ത് പോലും നാട്ടിലെത്തിയിട്ടില്ലെന്നും കണ്ടെത്തി. ഇതോടെ ഇയാൾ മരണപ്പെട്ടിരിക്കാമെന്ന തരത്തിലുള്ള വിവരങ്ങളും അന്വേഷണ സംഘത്തിന് ലഭിച്ചിരുന്നു.

തുടർന്ന്, 2012-ൽ ഒളിവിൽ പോകുന്നതിന് മുമ്പ് ജോസ് ജോലി ചെയ്തിരുന്ന സ്ഥലങ്ങളെക്കുറിച്ചും സുഹൃത്തുക്കൾ, പരിചയക്കാർ തുടങ്ങിയവരെക്കുറിച്ചും വിശദമായ അന്വേഷണം നടത്തി. ശാസ്ത്രീയ അന്വേഷണത്തിലൂടെ ഇയാൾ വയനാട്, പാലക്കാട്, തിരുവനന്തപുരം ജില്ലകളിൽ വിവിധ കാലയളവുകളിൽ ഒളിവിൽ കഴിഞ്ഞിരുന്നതായി കണ്ടെത്തി.

മാസങ്ങൾ നീണ്ട അന്വേഷണത്തിനൊടുവിലാണ് അന്വേഷണ സംഘം ആന്ധ്രാപ്രദേശിലേക്ക് എത്തിയത്. ആന്ധ്രാപ്രദേശ്–ഒഡീഷ അതിർത്തിയിലെ ഒരു ഗ്രാമത്തിൽ ചിക്കൻ ഫാം നടത്തി താമസിക്കുന്ന ഒരാളെക്കുറിച്ചുള്ള വിവരങ്ങളാണ് അന്വേഷണത്തിൽ നിർണായകമായത്. തുടർന്ന് നടത്തിയ അന്വേഷണത്തിൽ “കൊറ ജോഷ് ബാബു” എന്ന പേരിൽ ആന്ധ്ര സ്വദേശിയായി കഴിഞ്ഞുവരുന്നയാൾ യഥാർത്ഥത്തിൽ കെ.ടി. ജോസ് തന്നെയാണെന്ന് അന്വേഷണ സംഘം സ്ഥിരീകരിച്ചു.

ഒളിവിൽ പോയതിന് ശേഷം ഒരിക്കൽ പോലും ഇരിട്ടിയിലേക്ക് മടങ്ങിവരാതിരുന്ന ഇയാൾ, പിടിക്കപ്പെടാതിരിക്കാനായി പേരും വിലാസവും മാറ്റി പുതിയ വ്യക്തിത്വത്തിൽ വർഷങ്ങളായി അവിടെ താമസിച്ചുവരികയായിരുന്നു. തുടർന്ന് അന്വേഷണ സംഘം ആന്ധ്രാപ്രദേശ്–ഒഡീഷ അതിർത്തിയിലെ ഇയാൾ താമസിച്ചിരുന്ന ഗ്രാമത്തിലെത്തി ദിവസങ്ങളോളം രഹസ്യമായി നിരീക്ഷണം നടത്തി. പ്രതിയുടെ നീക്കങ്ങൾ സ്ഥിരീകരിച്ചശേഷം ഇയാൾ താമസിച്ചിരുന്ന വീട് വളഞ്ഞ് പിടികൂടുകയായിരുന്നു. ചോദ്യം ചെയ്യലിൽ, “കൊറ ജോഷ് ബാബു” എന്ന പേരിൽ കഴിഞ്ഞുവന്നത് താൻ തന്നെയാണ് എന്ന് ഇയാൾ സമ്മതിച്ചു.

കണ്ണൂർ സിറ്റി പോലീസ് കമ്മീഷണറുടെ കീഴിൽ രൂപീകരിച്ച പ്രത്യേക അന്വേഷണ സംഘത്തിൽ നാർക്കോട്ടിക് സെൽ എ.സി.പി. വി.വി. മനോജ്, കണ്ണൂർ എ.സി.പി. എം.പി. ആസാദ് എന്നിവരുടെ നേതൃത്വത്തിൽ എസ്.ഐമാരായ വിനോദ്, ഷാജി, എ.എസ്.ഐമാരായ രാജീവൻ, സ്നേഹേഷ്, സജിത്ത്, ലെവൻ, സിവിൽ പോലീസ് ഓഫീസർമാരായ നാസർ, അനൂപ്, ഷംസീർ അഹമ്മദ് എന്നിവർ ഉണ്ടായിരുന്നു.

01/10/2026

ഓപ്പറേഷൻ തൂഫാൻ: ചൊക്ലിയിൽ ലഹരിവിരുദ്ധ ബോധവൽക്കരണ പരിപാടികൾ സംഘടിപ്പിച്ചു

ചൊക്ലി: ഓപ്പറേഷൻ തൂഫാൻ – ദ നാർക്കോ ഹണ്ടിന്റെ ഭാഗമായി ജനമൈത്രി പോലിസ് സ്റ്റേഷൻ ചൊക്ലിയുടെയും ചൊക്ലി രാമവിലാസം ഹയർ സെക്കൻഡറി സ്കൂൾ, പെരിങ്ങത്തൂർ NAM HSS എന്നിവയുടെയും സംയുക്ത ആഭിമുഖ്യത്തിൽ വിവിധ ലഹരിവിരുദ്ധ ബോധവൽക്കരണ പരിപാടികൾ സംഘടിപ്പിച്ചു. സെപ്റ്റംബർ 23ന് രാവിലെ 11ന് ചൊക്ലി പോലിസ് സ്റ്റേഷനിൽ നടന്ന പരിപാടിയിൽ ചൊക്ലി രാമവിലാസം ഹയർ സെക്കൻഡറി സ്കൂളിലെ 50 അംഗങ്ങളടങ്ങിയ ഹയർ സെക്കൻഡറി വിഭാഗം NSS തൂഫാൻ കമാൻഡോസിന് ഓപ്പറേഷൻ തൂഫാനുമായി ബന്ധപ്പെട്ട ബോധവൽക്കരണ ക്ലാസ് സംഘടിപ്പിച്ചു. ചൊക്ലി SIയും SHOയുമായ ശ്രീ. രാകേഷ് ആർ. പരിപാടി ഉദ്ഘാടനം ചെയ്തു. ചൊക്ലി പോലിസ് സ്റ്റേഷൻ അസിസ്റ്റന്റ് സബ് ഇൻസ്പെക്ടർ ശ്രീ. സുതി കെ. എ. ബോധവൽക്കരണ ക്ലാസ് നയിക്കുകയും ലഘുലേഖകൾ വിതരണം ചെയ്യുകയും ചെയ്തു.

അതേ ദിവസം വൈകിട്ട് 3.30ന് പെരിങ്ങത്തൂർ NAM HSSൽ NSS തൂഫാൻ കമാൻഡോസിനായി ബോധവൽക്കരണ ക്ലാസ് സംഘടിപ്പിച്ചു. ചൊക്ലി പോലിസ് സ്റ്റേഷൻ അസിസ്റ്റന്റ് സബ് ഇൻസ്പെക്ടർ ശ്രീ. സുതി കെ. എ. ക്ലാസ് നയിച്ചു. ലഹരി ഉപയോഗത്തിനെതിരായ ബോധവൽക്കരണവും യുവാക്കളിൽ ലഹരിവിരുദ്ധ സന്ദേശം എത്തിക്കുന്നതുമായിരുന്നു പരിപാടികളുടെ ലക്ഷ്യം.

സെപ്റ്റംബർ 24ന് രാവിലെ 10ന് കാഞ്ഞിരത്തിൻ കീഴിൽ നിന്ന് ചൊക്ലി ടൗൺ വരെ വാക്കത്തോണും സംഘടിപ്പിച്ചു. വാക്കത്തോണിന്റെ ഭാഗമായി പൊതുജനങ്ങൾക്ക് ലഹരിവിരുദ്ധ സന്ദേശങ്ങൾ അടങ്ങിയ ലഘുലേഖകൾ വിതരണം ചെയ്തു. ഓപ്പറേഷൻ തൂഫാന്റെ ഭാഗമായി സംഘടിപ്പിച്ച പരിപാടികൾ ലഹരിക്കെതിരെ വിദ്യാർഥികളിലും പൊതുജനങ്ങളിലും അവബോധം സൃഷ്ടിക്കുന്നതിനും ലഹരിവിരുദ്ധ പ്രവർത്തനങ്ങളിൽ യുവജനങ്ങളുടെ പങ്കാളിത്തം ഉറപ്പാക്കുന്നതിനും ലക്ഷ്യമിട്ടുള്ളതായിരുന്നു.

01/10/2026

*നഷ്ടപ്പെട്ട 20 മൊബൈൽ ഫോണുകൾ കണ്ടെത്തി ഉടമസ്ഥർക്ക് തിരികെ നൽകി വളപട്ടണം പോലീസ് സ്റ്റേഷൻ*

വളപട്ടണം പോലീസ് സ്റ്റേഷന്റെ മാതൃകാപരമായ ഇടപെടലിൽ നഷ്ടപ്പെട്ട ഇരുപത് മൊബൈൽ ഫോണുകൾ കണ്ടെത്തി ഉടമസ്ഥർക്ക് തിരികെ നൽകി.

വളപട്ടണം സ്റ്റേഷൻ പരിധിയിൽ വിവിധ സമയങ്ങളിൽ നഷ്ടപ്പെട്ട മൊബൈൽ ഫോണുകൾ സി.ഇ.ഐ.ആർ പോർട്ടൽ വഴി നടത്തിയ ശാസ്ത്രീയ അന്വേഷണത്തിലാണ് ഫോണുകൾ കണ്ടെത്താനായത്. കേരളത്തിന് പുറമേ ബീഹാർ, ഉത്തർപ്രദേശ്, പശ്ചിമ ബംഗാൾ, ഹരിയാന, ജാർഖണ്ഡ് തുടങ്ങിയ ഇതര സംസ്ഥാനങ്ങളിൽ എത്തിയ ഫോണുകളാണ് പോലീസ് കണ്ടെടുത്തത്. ഇതിൽ ചില ഫോണുകൾ പോലീസ് സംഘം നേരിട്ട് പോയി ശേഖരിച്ചപ്പോൾ മറ്റു സംസ്ഥാനങ്ങളിലുള്ളവ കൊറിയർ മാർഗമാണ് സ്റ്റേഷനിൽ എത്തിച്ചത്.

കണ്ണൂർ സിറ്റി പോലീസ് കമ്മീഷണർ ബി.വി. വിജയ ഭരത് റെഡ്ഡിയുടെ നിർദേശപ്രകാരം വളപട്ടണം പോലീസ് സ്റ്റേഷനിൽ എസ്.എച്ച്.ഒ വിപിൻ ടി.എമ്മിന്റെ നേതൃത്വത്തിലാണ് പ്രത്യേക ടീമിനെ രൂപീകരിച്ചത്. വളപട്ടണം സ്റ്റേഷൻ എ.എസ്.ഐ ഷമീം കെ.പിയുടെ നേതൃത്വത്തിലുള്ള സംഘമാണ് ഫോണുകൾ കണ്ടെടുക്കുന്നതിൽ നിർണായക പങ്ക് വഹിച്ചത്.

വളപട്ടണം പോലീസ് സ്റ്റേഷനിൽ നടന്ന ചടങ്ങിൽ അർഹരായ ഉടമസ്ഥർക്ക് ഫോണുകൾ കൈമാറി. സ്റ്റേഷൻ എസ്.എച്ച്.ഒ ശ്രീ. വിപിൻ ടി.എം സ്വാഗതം ആശംസിച്ച ചടങ്ങിന് സർക്കിൾ ഇൻസ്പെക്ടർ ശ്രീ. വിജേഷ് അധ്യക്ഷത വഹിച്ചു. വാർഡ് മെമ്പർ ശ്രീ. ഷഹീർ ഉദ്ഘാടനം നിർവഹിച്ച ചടങ്ങിൽ, കണ്ണൂർ സിറ്റി അഡീഷണൽ എസ്.പി ശ്രീ. ഷാജി വർഗ്ഗീസ് ഫോണുകളുടെ വിതരണോദ്ഘാടനം നിർവഹിച്ചു. ഒരു പോലീസ് സ്റ്റേഷൻ തലത്തിൽ ഇത്രയധികം ഫോണുകൾ കണ്ടെത്തി നൽകുന്നതിന് വളപട്ടണം പോലീസിന്റെ പ്രവർത്തനം അഭിനന്ദനാർഹമാണെന്നും അദ്ദേഹം വ്യക്തമാക്കി. ഫോണുകൾ നഷ്ടപ്പെടുമ്പോൾ സ്വകാര്യ വിവരങ്ങൾ ചോർന്നുപോകാതിരിക്കാൻ സ്വീകരിക്കേണ്ട മുൻകരുതലുകളെക്കുറിച്ചും അദ്ദേഹം സംസാരിച്ചു. എ.എസ്.ഐമാരായ ശ്രീ. ഷമീം കെ.പി, ശ്രീ. ഷാജി, എസ്.സി.പി.ഒ മാരായ ശ്രീ. ജാഫർ ഷെരീഫ്, ശ്രീ. ജയ്സൺ തുടങ്ങിയവരും ചടങ്ങിൽ സംസാരിച്ചു.

*മൊബൈൽ ഫോണുകൾ നഷ്ടപ്പെടുന്നവർ ചെയ്യേണ്ട നടപടികൾ*

ഫോൺ നഷ്ടപ്പെട്ടാൽ ഉടൻ തന്നെ സിം കാർഡിന്റെ ഡ്യൂപ്ലിക്കേറ്റ് എടുത്ത ശേഷം ബന്ധപ്പെട്ട പോലീസ് സ്റ്റേഷനിൽ പരാതി നൽകണം. തുടർന്ന് പരാതി രസീത് ഉപയോഗിച്ച് സി.ഇ.ഐ.ആർ പോർട്ടൽ (https://www.ceir.gov.in) വഴി ഫോണിലെ ഐ.എം.ഇ.ഐ നമ്പറുകൾ നൽകി ബ്ലോക്ക് ചെയ്യാം. ഈ ഫോണുകളിൽ ആരെങ്കിലും പുതിയ സിം കാർഡ് ഉപയോഗിച്ചാൽ ലൊക്കേഷൻ ട്രേസ് ചെയ്യാൻ സാധിക്കും. കൂടാതെ, സെക്കൻഡ് ഹാൻഡ് ഫോണുകൾ വാങ്ങുന്നവർ സഞ്ചാർ സാത്തി (https://sancharsaathi.gov.in) വെബ്സൈറ്റിലെ 'Know Genuineness of Your Mobile Handset' എന്ന ഓപ്ഷൻ വഴി ഐ.എം.ഇ.ഐ നമ്പർ പരിശോധിച്ച് ഫോണിന്റെ ആധികാരികത ഉറപ്പുവരുത്തണമെന്നും പോലീസ് അറിയിച്ചു.

30/09/2026

കാപ്പ ചുമത്തി ജയിലിലടച്ചു

കണ്ണൂർ: നിരവധി ക്രിമിനൽ കേസുകളിൽ പ്രതിയും അറിയപ്പെടുന്ന ഗുണ്ടയുമായ ചാവശ്ശേരി സ്വദേശി കെ.കെ. നൗഷാദിനെ (46) കേരള സാമൂഹിക വിരുദ്ധ പ്രവർത്തനങ്ങൾ തടയൽ (കാപ്പ) നിയമപ്രകാരം കണ്ണൂർ സെൻട്രൽ ജയിലിലടച്ചു.

കണ്ണൂർ സിറ്റി പോലീസ് കമ്മീഷണറുടെ ശുപാർശപ്രകാരം കണ്ണൂർ ജില്ലാ കളക്ടറാണ് കരുതൽ തടങ്കലിന് ഉത്തരവിട്ടത്. മട്ടന്നൂർ, ഇരിക്കൂർ, തലശ്ശേരി, ചക്കരക്കൽ, ബാലുശ്ശേരി, പാനൂർ, മയ്യിൽ തുടങ്ങി നിരവധി പോലീസ് സ്റ്റേഷനുകളിലായി മയക്കുമരുന്ന്, മാലപൊട്ടിക്കൽ, കവർച്ച, മോഷണം, തട്ടിക്കൊണ്ടുപോകൽ തുടങ്ങിയ 19 കേസുകളിൽ പ്രതിയാണ് ഇയാൾ.

കണ്ണൂർ സിറ്റി പോലീസ് കമ്മീഷണർ ബി.വി. വിജയ ഭരത് റെഡ്ഡി ഐ.പി.എസിന്റെ നിർദ്ദേശപ്രകാരം മട്ടന്നൂർ പോലീസ് സ്റ്റേഷൻ എസ്.എച്ച്.ഒ. പ്രകാശൻ വി.കെ.യുടെ നേതൃത്വത്തിലാണ് പ്രതിയെ കണ്ണൂർ സെൻട്രൽ ജയിലിലേക്ക് മാറ്റിയത്.

03/09/2026

*ഓപ്പറേഷൻ ഗ്രിപ്പ്: ഭാര്യാസഹോദരനെ കുത്തിക്കൊലപ്പെടുത്തിയ കേസിൽ പിടികിട്ടാപ്പുള്ളി പിടിയിൽ*

*ഓപ്പറേഷൻ ഗ്രിപ്പിന്റെ ഭാഗമായി കണ്ണൂർ സിറ്റി പോലീസ് നടത്തിയ പ്രത്യേക അന്വേഷണത്തിൽ വർഷങ്ങളായി കോടതിയിൽ ഹാജരാകാതെ ഒളിവിൽ കഴിഞ്ഞിരുന്ന നാല് പ്രതികളെ കഴിഞ്ഞ രണ്ടുമാസത്തിനിടെ പിടികൂടി.*

കണ്ണൂർ: 2010ൽ പറശ്ശിനിക്കടവ് മാങ്കടവിൽ ജലാലിനെ കുത്തിക്കൊലപ്പെടുത്തിയ കേസിൽ ഒളിവിൽ കഴിഞ്ഞിരുന്ന പിടികിട്ടാപ്പുള്ളി അറസ്റ്റിൽ. വാഴയിൽ മുഹമ്മദ് അലി (55)യെയാണ് കണ്ണൂർ സിറ്റി പോലീസിന്റെ പ്രത്യേക അന്വേഷണ സംഘം കാസർഗോഡ് ഉപ്പളയിൽ നിന്ന് പിടികൂടിയത്.

2010 സെപ്റ്റംബർ 17നാണ് കേസിനാസ്പദമായ സംഭവം. പറശ്ശിനിക്കടവ് മാങ്കടവിൽ മൊയ്തുവിന്റെ മക്കളായ ജലാലിനെയും ജ്യേഷ്ഠൻ ഷംസീറിനെയും സഹോദരിയുടെ ഭർത്താവായ മുഹമ്മദ് അലി സ്വത്ത് തർക്കത്തെ തുടർന്നുണ്ടായ വൈരാഗ്യത്തിൽ കൊലപ്പെടുത്തണമെന്ന ഉദ്ദേശത്തോടെ കുത്തിപ്പരിക്കേൽപ്പിക്കുകയായിരുന്നു. ഗുരുതരമായി പരിക്കേറ്റ ജലാൽ പിന്നീട് മരണപ്പെടുകയും ഷംസീറിന് ഗുരുതര പരിക്കേൽക്കുകയും ചെയ്തു.

സംഭവത്തിൽ വളപട്ടണം പോലീസ് കേസെടുത്ത് മുഹമ്മദ് അലിയെ അറസ്റ്റ് ചെയ്തിരുന്നു. എന്നാൽ ജാമ്യത്തിലിറങ്ങിയ ശേഷം ഇയാൾ ഒളിവിൽ പോകുകയായിരുന്നു. വിവിധ സ്ഥലങ്ങളിൽ അന്വേഷണം നടത്തിയെങ്കിലും കണ്ടെത്താൻ കഴിയാത്തതിനെ തുടർന്ന് കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചു. ഓപ്പറേഷൻ ഗ്രിപ്പ് പദ്ധതിയുടെ ഭാഗമായി കണ്ണൂർ റേഞ്ച് ഡി.ഐ.ജി കെ. കാർത്തിക് ഐ.പി.എസിന്റെ മേൽനോട്ടത്തിലും കണ്ണൂർ സിറ്റി പോലീസ് കമ്മീഷണർ വിജയ് ഭാരത് റെഡ്ഡി ഐ.പി.എസിന്റെ നിർദേശപ്രകാരവും നടത്തിയ പ്രത്യേക അന്വേഷണത്തിലാണ് പ്രതിയെ കണ്ടെത്തിയത്. കൊലപാതകത്തിന് ശേഷം മുഹമ്മദ് അലി കേരളത്തിലും കർണാടകയിലുമായി വിവിധ സ്ഥലങ്ങളിൽ താമസിച്ചുവരികയായിരുന്നു. ഫുട്പാത്ത് കച്ചവടക്കാരനായും പാചകത്തൊഴിലാളിയായും ജോലി ചെയ്താണ് ഇയാൾ കഴിഞ്ഞിരുന്നത്.

കണ്ണൂർ സിറ്റി പോലീസ് കമ്മീഷണറുടെ നിർദേശപ്രകാരം നാർക്കോട്ടിക് സെൽ എ.സി.പി വി.വി. മനോജിന്റെയും കണ്ണൂർ ടൗൺ എ.സി.പി ആസാദിന്റെയും നേതൃത്വത്തിലുള്ള പ്രത്യേക അന്വേഷണ സംഘം മാസങ്ങൾ നീണ്ട അന്വേഷണത്തിനൊടുവിലാണ്, ഒളിവിൽ പോയതിനു ശേഷം സ്വന്തം കുടുംബവുമായോ സുഹൃത്തുക്കളുമായോ ബന്ധം പുലർത്താതെ ഉപ്പളയിൽ മറ്റൊരു വിവാഹം കഴിച്ചു ജീവിച്ചു വരികയായിരുന്ന മുഹമ്മദ് അലിയെ കണ്ടെത്തി അറസ്റ്റ് ചെയ്തത്.

എസ്.ഐ വിനോദ്, ഷാജി. എ.എസ്.ഐമാരായ സ്നേഹേഷ്, സജിത്ത്, ലെവൻ, സിവിൽ പോലീസ് ഓഫീസർ മാരായ നാസർ, അനൂപ്, ഷംസീർ അഹമ്മദ് എന്നിവരാണ് പ്രത്യേക അന്വേഷണ സംഘത്തിൽ ഉണ്ടായിരുന്നത്.

ഓപ്പറേഷൻ ഗ്രിപ്പിന്റെ ഭാഗമായി കണ്ണൂർ സിറ്റി പോലീസ് നടത്തിയ പ്രത്യേക അന്വേഷണത്തിൽ വർഷങ്ങളായി കോടതിയിൽ ഹാജരാകാതെ ഒളിവിൽ കഴിഞ്ഞിരുന്ന 5 കൊലപാതക കേസുകളിലായി നാല് പ്രതികളെ കഴിഞ്ഞ രണ്ടുമാസത്തിനിടെ പിടികൂടി. പാനൂർ പോലീസ് സ്റ്റേഷനിൽ 2001-ൽ രജിസ്റ്റർ ചെയ്ത വെറ്റുമ്മൽ രതീഷ് വധക്കേസിലെ പ്രതിയായ അഷ്‌റഫിനെ കുറുമാത്തൂരിൽ വച്ചും, കണ്ണൂർ ടൗൺ പോലീസ് സ്റ്റേഷനിലെ ഇരട്ടക്കൊലപാതകക്കേസിൽ ഉൾപ്പെട്ട് ഏകദേശം 20 വർഷമായി കോടതിയിൽ ഹാജരാകാതെ ഒളിവിൽ കഴിഞ്ഞിരുന്ന രാഗേഷിനെ ബംഗളൂരുവിൽ വച്ചും, കണ്ണൂർ കെ.എസ്.ആർ.ടി.സി. കോംപ്ലക്സിൽ ഇളനീർ കൊണ്ട് തലക്കടിച്ച് ഒരാളെ കൊലപ്പെടുത്തിയ കേസിലെ പ്രതിയായ അബ്ദുള്ളയെ മലപ്പുറത്ത് വച്ചും, 2010-ൽ പറശ്ശിനിക്കടവ് മാങ്കടവിൽ ജലാലിനെ കുത്തിക്കൊലപ്പെടുത്തിയ കേസിൽ ഒളിവിൽ കഴിഞ്ഞിരുന്ന മുഹമ്മദ് അലിയെ ഉപ്പളയിൽ വച്ചുമാണ് കണ്ണൂർ സിറ്റി പോലീസ് പിടികൂടിയത്.

വർഷങ്ങളായി ഒളിവിൽ കഴിഞ്ഞിരുന്ന പ്രതികളെ കണ്ടെത്തുന്നതിനായി നടത്തിയ നിരന്തര അന്വേഷണവും രഹസ്യവിവര ശേഖരണവുമാണ് പ്രതികളെ പിടികൂടാൻ സഹായിച്ചത്. ഓപ്പറേഷൻ ഗ്രിപ്പിന്റെ ഭാഗമായി കോടതിയിൽ ഹാജരാകാതെ ഒളിവിൽ കഴിയുന്ന പ്രതികളെ കണ്ടെത്തുന്നതിനുള്ള പ്രത്യേക അന്വേഷണം കണ്ണൂർ സിറ്റി പോലീസ് ശക്തമാക്കിയിട്ടുണ്ട്.

Kannur City Police

05/10/2026

03/10/2026

02/10/2026

02/10/2026

02/10/2026

01/10/2026

01/10/2026

01/10/2026

30/09/2026

03/09/2026

Address

Website

Alerts

Contact The Organization

Shortcuts

Share

Listing takedown request