CPIM Palakkad, CPIM District Committee Office, Palghat (2026)

09/10/2026

"ഇഡി വേട്ടയെ നിയമപരമായും രാഷ്ട്രീയപരമായും നേരിടും"

09/10/2026

ഒക്ടോബർ 10 ന് ചിറ്റൂർ വടവന്നൂരിൽ വെച്ച് നടക്കുന്ന KSKTU ചിറ്റൂർ ഏരിയ സമ്മേളനത്തിന്റെ ഭാഗമായി സംഘടിപ്പിച്ച സെമിനാർ പാർട്ടി ജില്ലാ സെക്രട്ടറി സ. വി. ചെന്താമരാക്ഷൻ ഉദ്‌ഘാടനം ചെയ്തു.

09/10/2026

പ്രിയ സഖാവ് ഭാസ്കരേട്ടന്റെ സ്നേഹസന്നിധിയിൽ. മുണ്ടൂർ, കേരളശ്ശേരി, കോങ്ങാട് മേഖലകൾ ഒരു ലോക്കൽ കമ്മിറ്റിയുടെ കീഴിലായിരുന്ന കാലത്ത് അതിന്റെ സെക്രട്ടറിയായി പാർട്ടിയെ നയിച്ച സഖാവ് കെ.കെ. ഭാസ്‌ക്കരേട്ടനെ പാർട്ടി നേതാക്കൾ സന്ദർശിച്ചപ്പോൾ. ജില്ലാ സെക്രട്ടറി സ. വി. ചെന്താമരാക്ഷൻ, ഏരിയ സെക്രട്ടറി സ. സി.ആർ. സജീവ്, ജില്ലാ കമ്മിറ്റി അംഗം സ. പി.എ. ഗോകുൽദാസ്, മുതിർന്ന സഖാവ് ടി.എൻ. കണ്ടമുത്തൻ എന്നിവർ ഒപ്പം.

09/10/2026

സിപിഐ(എം) മുണ്ടൂർ ഏരിയ കമ്മിറ്റി സംഘടിപ്പിച്ച രാഷ്ട്രീയ വിശദീകരണ പൊതുയോഗം. മുണ്ടൂർ ചുങ്കത്ത്.

09/10/2026

സിപിഐ(എം) മുണ്ടൂർ ഏരിയ കമ്മിറ്റി സംഘടിപ്പിച്ച രാഷ്ട്രീയ വിശദീകരണ പൊതുയോഗം. മുണ്ടൂർ ചുങ്കത്ത്.

08/10/2026

കേരളത്തിൽ ഭരണം മാറിയിട്ട്‌ നാലുമാസം കഴിയുന്നതേയുള്ളു. അപ്പോൾത്തന്നെ കെടുകാര്യസ്ഥതയുടെയും ബിജെപി വിധേയത്വത്തിന്റെയും പൊലീസ്‌രാജിന്റെയും പര്യായമായി വി ഡി സതീശൻ സർക്കാർ മാറി. സംസ്ഥാനം നാഥനില്ലാക്കളരിയായി മാറുകയാണ്. തികഞ്ഞ അരാജകത്വത്തിലേക്കും ഭരണമില്ലായ്‌മയിലേക്കുമാണ് സംസ്ഥാനം കൂപ്പുകുത്തുന്നത്. അതിനിടയിൽ ഭരണമുന്നണിയിലും പരസ്യമായ ചേരിപ്പോര് ആരംഭിച്ചിരിക്കുന്നു. മുഖ്യമന്ത്രിക്കെതിരെ യുഡിഎഫ് കൺവീനർതന്നെ രംഗത്തുവന്നിരിക്കുകയാണ്.

സംസ്ഥാനത്തെ ഭരണരാഹിത്യത്തിന് പ്രധാന ഉദാഹരണങ്ങളാണ് വൈദ്യുതി, ആരോഗ്യ, വിദ്യാഭ്യാസ വകുപ്പുകളിലെ അവസ്ഥ. യുഡിഎഫ് സർക്കാർ അധികാരമേറി ചുരുങ്ങിയ സമയത്തിനകം പവർ കട്ടിന് തുടക്കമായി. കഴിഞ്ഞ 10 വർഷവും ഇല്ലാത്ത ഈ പ്രതിഭാസമാണ് യുഡിഎഫ് സർക്കാരിന്റെ ആദ്യസംഭാവന. ആവശ്യം കണ്ടറിഞ്ഞ് വൈദ്യുതി ലഭ്യമാക്കുന്നതിൽ വരുത്തിയ വീഴ്ചയാണ് സംസ്ഥാനത്തെ പവർ കട്ടിലേക്ക് നയിച്ചത്.

മുന്നറിയിപ്പ് നൽകാതെ വിവിധ ഘട്ടത്തിലായി പവർ കട്ട് ഏർപ്പെടുത്തിയത് സാധാരണജനങ്ങളെമാത്രമല്ല വ്യവസായങ്ങളെയും വ്യാപാരസ്ഥാപനങ്ങളെയും ഉൾപ്പെടെ പ്രതിസന്ധിയിലാക്കി. ഈ പ്രതിസന്ധി ചൂണ്ടിക്കാട്ടി കൊള്ളവിലയ്ക്ക് വൈദ്യുതി വാങ്ങാനുള്ള ഒരുക്കത്തിലാണ് സർക്കാർ എന്ന വാർത്തയും പുറത്തുവരുന്നുണ്ട്. ആസൂത്രണമില്ലായ്‌മയ്ക്ക് ഉപയോക്താക്കളെ ശിക്ഷിക്കാനാണ് സർക്കാർ ഒരുങ്ങുന്നത്. വൈദ്യുതിമേഖല സ്വകാര്യവൽക്കരിക്കുക എന്ന രഹസ്യ അജൻഡയും സർക്കാരിനുണ്ട്. അത്തരത്തിൽ നീങ്ങിയാൽ ശക്തമായ പ്രതിഷേധം സർക്കാരിന് നേരിടേണ്ടിവരും.

കുത്തഴിഞ്ഞ, നാഥനില്ലാഭരണത്തിന്റെ ഏറ്റവും മികച്ച ഉദാഹരണം ആരോഗ്യവകുപ്പാണ്. എൽഡിഎഫ് ഭരണകാലത്ത് വളരെ കാര്യക്ഷമതയോടെ കൈകാര്യംചെയ്ത വകുപ്പാണിത്. അതുകൊണ്ടാണ് കോവിഡിനെയും നിപായെയും ഫലപ്രദമായി നേരിടാനായത്. ഇപ്പോൾ ഈ വകുപ്പുമായി ബന്ധപ്പെട്ട് ഓരോ ദിവസവും പുറത്തുവരുന്ന വാർത്തകൾ കെടുകാര്യസ്ഥതയുടെ ആഴവും പരപ്പും വ്യക്തമാക്കുന്നതാണ്.

ഈമാസം മാധ്യമങ്ങളിൽ വന്ന വാർത്തകൾ പരിശോധിച്ചാൽമാത്രം ചിത്രം വ്യക്തമാകും. "വയനാട് മെഡിക്കൽ കോളേജിൽ അൾട്രാസൗണ്ട് സ്കാനിങ് നിലച്ചു',"ചികിത്സാപിഴവ്: ശസ്ത്രക്രിയ കഴിഞ്ഞ വീട്ടമ്മ മരിച്ചു' (കോട്ടയം മെഡിക്കൽ കോളേജ് ആശുപത്രിയിൽ ഹെർണിയ ചികിത്സയ്ക്കുശേഷം ചികിത്സയിലായിരിക്കെ വീട്ടമ്മ മരിച്ചു), "കേരളം പനിച്ചുവിറയ്ക്കുമ്പോൾ പാരസെറ്റമോൾ ഗുളികപോലുമില്ല', "മുറിവിൽ വെച്ചുകെട്ടാൻ പഞ്ഞിക്കുപോലും ക്ഷാമം', "വൈദ്യുതിയും ഉപകരണങ്ങളുമില്ലാതെ ശസ്ത്രക്രിയ മുടങ്ങുന്നു', "എൻഡോസൾഫാൻ ദുരിതബാധിതർക്ക് മരുന്ന് മുടങ്ങിയിട്ട് 3 മാസം', "രണ്ടുമാസത്തിൽ 85 എലിപ്പനി മരണം', "തിമിരശസ്ത്രക്രിയയിൽ പിഴവ്: കാഴ്ച പോയി'.

ഈ പട്ടിക ഇവിടെ പൂർണമാകുന്നില്ല. പിണറായി സർക്കാരിന്റെ കാലത്ത് ആരോഗ്യമേഖല വെന്റിലേറ്ററിലാണെന്ന് വസ്തുതാവിരുദ്ധമായി ആക്ഷേപം ഉന്നയിച്ചയാൾ ആരോഗ്യമന്ത്രിയായപ്പോൾ ആരോഗ്യവകുപ്പ് അക്ഷരാർഥത്തിൽ വെന്റിലേറ്ററിലായി എന്ന് തെളിയിക്കുന്ന വാർത്തകളാണ് മേൽസൂചിപ്പിച്ചവയൊക്കെ. പൊതുജനാരോഗ്യമേഖലയുടെ അടിത്തറയാണ് യുഡിഎഫ് സർക്കാർ അട്ടിമറിക്കുന്നത്. ഇതിനുപിന്നിലുള്ളത് സങ്കുചിത താൽപ്പര്യങ്ങളും കോർപറേറ്റ് അജൻഡയുമാണ്.

മരുന്നുസംഭരണത്തിനുള്ള ടെൻഡർ നടപടി വൈകിപ്പിച്ച് മരുന്നുക്ഷാമം സൃഷ്ടിച്ചും ഡോക്ടർമാരെ സ്ഥലംമാറ്റിയും ഭരണനിർവഹണത്തെ ബാധിക്കുംവിധം ജീവനക്കാരെ കൂട്ടത്തോടെ സ്ഥലംമാറ്റിയും സർക്കാർ ആശുപത്രികളുടെ ഗുണനിലവാരം ഇടിച്ച് സ്വകാര്യമേഖലയെ സഹായിക്കുകയാണ്‌. ഇത്‌ നവ ഉദാരവൽക്കരണ കോർപറേറ്റ് ഭരണശൈലിയുടെ ഭാഗമായാണ്. സംസ്ഥാനത്തെ പ്രമുഖ സ്വകാര്യ ആശുപത്രികളെ അമേരിക്കയിലെയുംമറ്റും കോർപറേറ്റുകൾ വിഴുങ്ങുകയാണെന്ന വസ്തുതയും ഇതോടൊപ്പം ചേർത്തുവായിച്ചാൽ ചിത്രം വ്യക്തമാകും. ആരോഗ്യമേഖലയെ തകർക്കുന്ന സർക്കാർ സമീപനത്തിനെതിരെ ശക്തമായ ജനകീയരോഷം ഉയരുകതന്നെ വേണം.

സർക്കാരിന്റെ കെടുകാര്യസ്ഥതയുടെ മറ്റൊരു ഉദാഹരണമാണ് സ്കൂൾ ഗെയിംസ് സംഘാടനത്തിലുണ്ടായ ഗുരുതരവീഴ്ച. തൃശൂരിലെ നീന്തൽ മത്സരവേദി തകർന്ന് അഞ്ചുപേർക്കാണ് പരിക്കേറ്റത്. കുട്ടികൾക്ക് പരിക്കേറ്റിട്ടും സ്ഥലത്ത് ആംബുലൻസിന്റെയോ അഗ്നി രക്ഷാസേനയുടെയോ സേവനം ഉറപ്പാക്കിയില്ല. ടെൻഡർ നൽകാതെയാണ്‌ ഈ മത്സരവേദി ഒരുക്കിയത്‌. അപകടമുണ്ടായിട്ടും പൊലീസ് കേസെടുക്കാൻ തയ്യാറായില്ല.

ഇവിടെ സംഘാടകസമിതിപോലും രൂപീകരിച്ചില്ല. ഏകോപനമൊന്നുമില്ലാതെയാണ് മത്സരങ്ങൾ സംഘടിപ്പിച്ചത്. ഗെയിംസ് മത്സരങ്ങൾ നടത്താനാവശ്യമായ ഫണ്ടുപോലും അനുവദിച്ചില്ല. കുട്ടികൾക്ക് മത്സരത്തിൽ പങ്കെടുക്കാൻ കഴിയാതെ മടങ്ങേണ്ടിവന്നത് അപമാനകരമാണ്. എൽഡിഎഫ് സർക്കാർ സ്കൂൾ ഒളിമ്പിക്സായി നടത്താറുള്ള സ്കൂൾ കായികമേളയാണ് ന്യായീകരിക്കാനാകാത്ത വീഴ്ചയുടെ സാക്ഷ്യപത്രമായി മാറിയത്. പൊതുവിദ്യാഭ്യാസവകുപ്പും കായികമന്ത്രാലയവും കുറ്റകരമായ ഈ അനാസ്ഥയ്ക്ക് ജനങ്ങളോട് മറുപടി പറയേണ്ടിവരും.

യുഡിഎഫ് സർക്കാരിന്റെ ബിജെപി പ്രീണന നയങ്ങളും നിർബാധം തുടരുകയാണ്. ഒക്ടോബർ ആറിന് ചൊവ്വാഴ്ചയുണ്ടായ സംഭവങ്ങൾമാത്രം പരിശോധിച്ചാൽ ഇത്‌ വ്യക്തമാകും. കാപ്പ കേസിൽ ജയിലിലായ ബിജെപി നേതാവും തിരുവനന്തപുരം കോർപറേഷൻ കൗൺസിലറുമായ ആർ സുഗതൻ ജയിൽമോചിതനായത് ജാമ്യം തടയാനാവശ്യമായ രേഖകൾ സർക്കാർ ഹാജരാക്കാത്തതിനെ തുടർന്നാണ്. സർക്കാർ ബോധപൂർവം വീഴ്ചവരുത്തി ബിജെപിയുടെ മുഖം രക്ഷിക്കുകയായിരുന്നു.

വന്ദേമാതരം 150-ാം വാർഷികം പ്രമാണിച്ച് കാസർകോട് കേന്ദ്ര സർവകലാശാലയിൽ സംഘടിപ്പിച്ച ആർഎസ്എസ് അനുകൂല സെമിനാറിന് പൊലീസ് സംരക്ഷണം നൽകിയെന്നുമാത്രമല്ല പ്രതിഷേധിച്ച വിദ്യാർഥികളെ ഭീകരമായി മർദിക്കുകയും ചെയ്തു. ഇതിനുപുറമെ കലിക്കറ്റ് സർവകലാശാലയിലെ ഡി ലിറ്റ് ബിരുദദാനച്ചടങ്ങിലും വന്ദേമാതര ഗാനം പൂർണമായും ആലപിക്കാൻ അനുവദിച്ചു. സംസ്ഥാനത്തിന്റെ പഞ്ചവത്സരപദ്ധതിയെയും മോദിസർക്കാരിന്റെ മാതൃകയിൽ സ്വകാര്യവൽക്കരിക്കുന്ന ഉത്തരവ് ഒക്ടോബർ മൂന്നിനാണ് കേരള സർക്കാർ പുറപ്പെടുവിച്ചത്.

കേന്ദ്രത്തിൽ ആസൂത്രണ കമീഷൻ പിരിച്ചുവിട്ട് മോദിസർക്കാർ നിതി ആയോഗിന് രൂപംനൽകിയതിന്റെ ചുവടുപിടിച്ചാണ് സംസ്ഥാനത്തിന്റെ ചരിത്രത്തിൽ ആദ്യമായി 15–ാം പഞ്ചവത്സരപദ്ധതി രൂപീകരണം സ്വകാര്യവൽക്കരിക്കുന്നത്. ഇനിമുതൽ സ്വകാര്യ ഏജൻസികൾക്കായിരിക്കും പദ്ധതിരൂപീകരണത്തിനുള്ള വർക്കിങ് ഗ്രൂപ്പ് ചർച്ചകളുടെ മേൽനോട്ടച്ചുമതല. നിതി ആയോഗിലെ ഉന്നതതലസംഘം സംസ്ഥാനം സന്ദർശിച്ചതിന് തൊട്ടുപുറകെയാണ് ആസൂത്രണ ബോർഡിനെ നോക്കുകുത്തിയാക്കുന്ന സംസ്ഥാന സർക്കാരിന്റെ തീരുമാനം വന്നത്.

ഇതുമാത്രമല്ല, സെപ്തംബർ 30ന് തിരുവനന്തപുരം വാൻറോസ് ജങ്ഷനിൽ മന്ത്രി കെ എം ഷാജിയെ കാർ തടഞ്ഞ് ഇറക്കിവിട്ട യുവമോർച്ച പ്രവർത്തകർക്കെതിരെ കേസെടുക്കാൻ സർക്കാർ തയ്യാറായില്ല. തനിക്കാണ് തെറ്റുപറ്റിയതെന്ന് കുറ്റസമ്മതം നടത്തി സംഘപരിവാറിനെ രക്ഷിക്കാനാണ് മുമ്പ് അവർക്കെതിരെ ‘യുദ്ധം’ പ്രഖ്യാപിച്ച മന്ത്രി തയ്യാറായത്. മന്ത്രി ജനീഷിനെ തടഞ്ഞ യുവമോർച്ച പ്രവർത്തകർക്കുനേരെയും ഇതേ മൃദുസമീപനമാണ് സർക്കാർ സ്വീകരിച്ചത്.

ജനീഷിനെതിരെ കണ്ണൂർ, കാസർകോട് ജില്ലകളിൽ കരിങ്കൊടി ഉയർത്തി പ്രതിഷേധിച്ച ഡിവൈഎഫ്ഐ പ്രവർത്തകരെ ജാമ്യമില്ലാവകുപ്പുകളിൽ കേസ് ചുമത്തി ജയിലിലടച്ചു. എന്നാൽ, യുവമോർച്ചാ ആക്രമണങ്ങളിൽ കേസില്ല. എടുത്ത കേസാകട്ടെ നിസ്സാര വകുപ്പിലും. സംഘപരിവാറിനോടുള്ള വി ഡി സതീശൻ സർക്കാരിന്റെ സമീപനം എന്തെന്ന് ഇതിൽനിന്ന്‌ വ്യക്ത�മാകും.

നിയമസഭാ തെരഞ്ഞെടുപ്പിലെ വിജയം "ടീം യുഡിഎഫി'ന്റെ വിജയമായാണ് മുഖ്യമന്ത്രി വിശേഷിപ്പിച്ചത്. എന്നാൽ, നാലുമാസത്തിനകംതന്നെ ടീം യുഡിഎഫ് തകർന്നടിയുന്ന കാഴ്ചയാണ്.

മുഖ്യമന്ത്രിക്കെതിരെ കോൺഗ്രസിൽ തുറന്ന യുദ്ധംതന്നെ ആരംഭിച്ചിരിക്കുകയാണ്. മുഖ്യമന്ത്രിക്കെതിരെ പുകയുന്ന ഈ രോഷമാണ് യുഡിഎഫ് കൺവീനർ അടൂർ പ്രകാശ് പ്രകടിപ്പിച്ചത്. തങ്ങളെ മൂലയ്ക്കിരുത്തി തീരുമാനങ്ങൾ ഒറ്റയ്ക്കെടുക്കുകയാണ് മുഖ്യമന്ത്രിയെന്നും ക്യാബിനറ്റ് റാങ്കിലുള്ള നിയമനങ്ങളടക്കം മാധ്യമങ്ങളിലൂടെ അറിയേണ്ട ഗതികേടാണ് തനിക്കെന്നും കെപിസിസി ഓഫീസിൽ വിളിച്ചുചേർത്ത വാർത്താസമ്മേളനത്തിൽ അടൂർ പ്രകാശ് തുറന്നടിച്ചു.

എഐസിസി ആസ്ഥാനത്ത് പോയി പാർടി പ്രസിഡന്റ്‌ മല്ലികാർജുൻ ഖർഗെയ്ക്ക് പരാതി നൽകാനും അടൂർ പ്രകാശ് തയ്യാറായി. യുഡിഎഫ് കൺവീനറെ പിന്തുണച്ചതിന് വി ഡി സതീശൻ അനുകൂലികളുടെ രൂക്ഷമായ സൈബർ ആക്രമണത്തിന് വിധേയയായ മഹിളാ കോൺഗ്രസ് അധ്യക്ഷ ജെബി മേത്തർ എംപി പൊലീസിനും ആഭ്യന്തരമന്ത്രിക്കും പരാതി നൽകിയിരിക്കുകയാണ്. മുഖ്യമന്ത്രിയുടെ നിലപാടുകൾക്കും കടുത്ത അവഗണനയ്ക്കുമെതിരെ കേരള കോൺഗ്രസ് ജോസഫ് വിഭാഗവും രംഗത്തെത്തിയിരിക്കുകയാണ്. അങ്ങനെ എല്ലാ അർഥത്തിലും യുഡിഎഫ് ഭരണം കേരളത്തെ പിന്നോട്ടുനയിക്കുന്ന പിന്തിരിപ്പൻഭരണമായി മാറിയിരിക്കുകയാണ്.

സ. എം വി ഗോവിന്ദൻ മാസ്റ്റർ
സിപിഐഎം സംസ്ഥാന സെക്രട്ടറി

08/10/2026

ജില്ലയിൽ കൊയ്ത്ത് ആരംഭിച്ച് ആഴ്ച്ചകൾ പിന്നിട്ടിട്ടും നെല്ല് സംഭരണം നീണ്ടുപോകുന്നത് വൻകിട മില്ലുടമകളെ സഹായിക്കാനും അതിലൂടെ സർക്കാരിന്റെ സാമ്പത്തിക ബാധ്യത ഒഴിവാക്കാനുമാണ്. സിവിൽ സപ്ലൈസ് കലണ്ടർ പ്രകാരം സെപ്റ്റംബർ ഒന്നിന് ആരംഭിക്കേണ്ട ഒന്നാംവിള നെല്ല് സംഭരണം ഒക്ടോബർ പകുതിയായിട്ടും തുടങ്ങിയില്ല. ഇതിനിടെ കരിമ്പട്ടികയിൽ ഉൾപ്പെടുത്തിയ മില്ലുകളെ സംഭരണത്തിൽ ഉൾപ്പെടുത്താൻ സർക്കാർ അനുമതി നൽകിയത് മില്ലുകാരുടെ സമ്മർദ്ദത്തെ തുടർന്നാണെന്ന സംശയവും ഉയർന്നു. കഴിഞ്ഞ സീസണുകളിൽ സംഭരിച്ച നെല്ലിന്റെ അരി സപ്ലൈകോയ്ക്ക് തിരികെ കൈമാറാതെ കരാർ ലംഘനം നടത്തിയ മില്ലുകളെയാണ് കരിമ്പട്ടികയിലാക്കിയത്. ജില്ലയിൽ കൊയ്ത്ത് ആരംഭിച്ചതോടെ നെല്ല് സൂക്ഷിക്കാൻ കഴിയാത്ത കർഷകർ തുച്ഛമായ വിലയ്ക്ക് സ്വകാര്യ മില്ലുകൾക്ക് വിറ്റുതുടങ്ങി. തെരഞ്ഞെടുപ്പ് പ്രകടന പത്രികയിൽ വാഗ്ദാനം ചെയ്ത 35 രൂപ താങ്ങുവില നൽകാനാവില്ലെന്നുള്ള സൂചനയുമാണ് ഈ വൈകലിന് പിന്നിലെന്നും കർഷകസംഘടനകൾ ആരോപിക്കുന്നു. തിങ്കളാഴ്ചയോടെ സംഭരണം തുടങ്ങുമെന്ന് പ്രഖ്യാപിക്കുന്നുണ്ടെങ്കിലും താങ്ങുവില എത്രയാണെന്നോ നെല്ലിന്റെ പണം എങ്ങനെ കർഷകരുടെ കൈകളിൽ എത്തുമെന്നോ വ്യക്തമാക്കാൻ സപ്ലൈകോയോ സർക്കാരോ തയ്യാറായിട്ടില്ല. പിആർഎസ് അടിസ്ഥാനത്തിലാണോ ബാങ്ക് വഴി നേരിട്ടാണോ പണം നൽകുക എന്നതിലും അനിശ്ചിതത്വം തുടരുകയാണ്. ഒന്നാംവിള നെല്ല് സംഭരണം അട്ടിമറിച്ചതോടെ വളരെ കുറച്ച് കർഷകർക്ക് മാത്രമാണ് ഇത്തവണ സപ്ലൈകോ വഴി സർക്കാർ സംഭരണ തുക നൽകേണ്ടി വരിക. നിലവിലെ സ്ഥിതിയനുസരിച്ച് ഇത് 10,000 കർഷകർക്ക് താഴെയേ ഉണ്ടാകൂ. എന്നാൽ 36,000 കർഷകരാണ് രജിസ്റ്റർ ചെയ്തിട്ടുള്ളത്.

08/10/2026

രാജ്യദ്രോഹികൾ വിദ്യാർത്ഥികളല്ല.
മുഖ്യ തിരഞ്ഞെടുപ്പ് കമ്മീഷണറും ഗവർണറുമാണ്.
ഗവർണർ പറയുന്നതുപോലെ വിദ്യാർത്ഥികളല്ല രാജ്യദ്രോഹികൾ. 'രാജ്യദ്രോഹി പട്ട'ത്തിന് തികച്ചും അനുയോജ്യർ മുഖ്യ തിരഞ്ഞെടുപ്പ് കമ്മീഷണറും ഗവർണറുമാണ്. രാജ്യം കണ്ട ഏറ്റവും വലിയ ദേശവിരുദ്ധൻ സവർക്കറെ വെല്ലുന്ന നടപടികൾ സ്വീകരിക്കുന്ന ആളാണ് ഗവർണർ. തിരഞ്ഞെടുപ്പ് ജനാധിപത്യത്തെ കശാപ്പ് ചെയ്യുകയാണ് മുഖ്യ തിരഞ്ഞെടുപ്പ് കമ്മീഷണർ. ക്യാമ്പസ് ജനാധിപത്യത്തിന്റെ ഘാതകനും മതനിരപേക്ഷ മനസ്സുള്ള കേരളത്തിലെ ക്യാമ്പസുകളെ വർഗീയവൽക്കരിക്കുന്ന വിദ്വേഷകനുമാണ് ഗവർണർ.
ഡൽഹിയിലെ പോരാട്ടം ജനാധിപത്യത്തെ സംരക്ഷിക്കാനാണ്. രാജ്യം തകരാതിരിക്കണമെങ്കിൽ ജനാധിപത്യം സംരക്ഷിക്കപ്പെടണം. ഗ്യാനേഷ് കുമാർ ജനാധിപത്യത്തിന്റെ അന്തകനാണ്. അദ്ദേഹം രാജിവെക്കണം. രാജിവെക്കുന്നില്ലെങ്കിൽ കേന്ദ്രസർക്കാർ പുറത്താക്കണം.
13 കോടി വോട്ടർമാരുടെ പേരുകൾ പട്ടികയിൽ നിന്ന് ഗ്യാനേഷ് കുമാർ നീക്കം ചെയ്തത് ബിജെപി നിർദ്ദേശമനുസരിച്ചാണ്. കാസർഗോഡ് കേന്ദ്ര സർവകലാശാലയിൽ വർഗീയ സെമിനാർ സംഘടിപ്പിച്ചത് ഗവർണറുടെ നിർദ്ദേശത്തിലാണ്, ഒപ്പം ബിജെപിയുടെ ഒത്താശയും. ഇതെല്ലാം ജനാധിപത്യ കശാപ്പിന്റെ ഭാഗമാണ്.
മതരാഷ്ട്രം സൃഷ്ടിക്കാൻ കഴിയണമെങ്കിൽ ജനാധിപത്യവും മതനിരപേക്ഷതയും ഇല്ലാതാക്കണം. അത് വർഗീയവാദികൾക്ക് അറിയാം. അതിനെതിരെയുള്ള ജീവന്മരണ പോരാട്ടമാണ് രാജ്യവ്യാപകമായി നടക്കുന്നത്. എന്തെല്ലാം പ്രതിബന്ധങ്ങൾ ഉണ്ടായാലും ഈ പോരാട്ടം വിജയിക്കുക തന്നെ ചെയ്യും.
സ. എം.വി. ജയരാജൻ

08/10/2026

"ജനാധിപത്യത്തിൻ്റെ കാവലാളാകേണ്ട
മുഖ്യതെരഞ്ഞെടുപ്പ് കമ്മീഷണർ ജനാധിപത്യത്തിൻ്റെ
ആരാച്ചാരാകുന്നു"

08/10/2026

പാലക്കാടും പിടിക്കും

CPIM Palakkad

09/10/2026

09/10/2026

09/10/2026

09/10/2026

09/10/2026

08/10/2026

08/10/2026

08/10/2026

08/10/2026

08/10/2026

Address

Telephone

Website

Alerts

Contact The Organization

Shortcuts

Share

Listing takedown request