DC Sivasagar, Barpukhuri Paar, Sivasagar (2026)

25/09/2026

শিৱসাগৰ জিলাৰ মাননীয় জিলা আয়ুক্ত শ্ৰী মৃদুল য়াদৱ মহোদয়ে আজি ইংৰাজী ২৫-০৯-২০২৬ তাৰিখে 'এডভান্টেজ অসম- ২.০' (Advantage Assam 2.0) -ৰ এক বিস্তৃত পৰ্যালোচনা বৈঠকৰ পাছত জিলা উদ্যোগ আৰু বাণিজ্য কেন্দ্ৰৰ বিষয়াসকলৰ সৈতে 'এডভান্টেজ অসম- ২.০'-ৰ অধীনত বাস্তৱায়িত হোৱা শিৱসাগৰৰ আৰু নাজিৰাৰ কেইটামান প্ৰকল্প পৰিদৰ্শন কৰে।

পৰিদৰ্শন কালত জিলা আয়ুক্ত মহোদয়ে কৰ্মসংস্থাপন সৃষ্টিৰ জৰিয়তে সমাজলৈ আগবঢ়োৱা অৱদানৰ বাবে উদ্যোগীসকলৰ আন্তৰিক শলাগ লয়।

CMO Assam
MyGov Assam
Directorate of Information and Public Relations, Assam
Dipro Sivasagar

25/09/2026

এটি বিশেষ জাননী

১ জানুৱাৰী, ২০২৭ তাৰিখৰ ভিতৰত ৰাজসাহায্যপ্ৰাপ্ত ঘৰুৱা এলপিজি ৰিফিল বুকিং (Subsidised Domestic LPG Refill Booking) কৰিবলৈ Biometric Aadhaar Authentication (BAA) কৰাটো বাধ্যতামূলক হ’ব।

যিসকল গ্ৰাহকে ইতিমধ্যে BAA সম্পূৰ্ণ কৰিছে, তেওঁলোকে পুনৰ কৰিব নালাগে।

আনহাতে, যিসকলে এতিয়াও কৰা নাই, তেওঁলোকে, এলপিজি ডেলিভাৰীৰ সময়ত,
LPG Distributor Showroom -ত, অথবা
Indane ONE/ HelloBPCL/ HP PAY মোবাইল App-ৰ জৰিয়তে BAA সম্পূৰ্ণ কৰিব পাৰিব।

📌 ১ জানুৱাৰী, ২০২৭ৰ পূৰ্বে BAA সম্পূৰ্ণ কৰিবলৈ সকলো এলপিজি গ্ৰাহকক অনুৰোধ জনোৱা হ’ল।

📞 এলপিজি সম্পৰ্কীয় সহায়ৰ বাবে Toll-Free Helpline: 1800 2333 555 -ত যোগাযোগ কৰিব পাৰিব।

Directorate of Information and Public Relations, Assam
DC Sivasagar

25/09/2026

🚨 পথ সুৰক্ষা আৰু যাতায়াত নিয়ন্ত্ৰণ সুনিশ্চিত কৰাৰ বাবে শিৱসাগৰত জিলা প্ৰশাসনৰ কঠোৰ পদক্ষেপ

📣 বিশেষ সমিতি গঠন কৰি নিয়মীয়া নৈশ নিৰীক্ষণৰ ব্যৱস্থা গ্ৰহণ

✍️✍️✍️ শিৱসাগৰ জিলাজুৰি যাতায়াতৰ সুচাৰু নিয়ন্ত্ৰণ সুনিশ্চিত কৰা আৰু পথ সুৰক্ষা বৃদ্ধি কৰাৰ অপৰিহাৰ্য প্ৰয়োজনীয়তাৰ প্ৰতি লক্ষ্য ৰাখি শিৱসাগৰ জিলাৰ মাননীয় জিলা আয়ুক্ত তথা জিলা পথ সুৰক্ষা সমিতিৰ অধ্যক্ষ শ্ৰী মৃদুল য়াদৱ মহোদয়ে ইংৰাজী ২৪-০৯-২০২৬ তাৰিখে জাৰি ককৰা কৰা এক আদেশ মৰ্মে কাৰ্যবাহী দণ্ডাধীশ, আৰক্ষী, পৰিবহন বিভাগৰ বিষয়ববীয়া আৰু পথৰ মালিকীস্বত্ব থকা সংস্থাসমূহ (Road Ownership agencies) -ৰ প্ৰতিনিধিক লৈ আৰক্ষী থানা তথা আৰক্ষী চকী পৰ্যায়ত এক সমিতি গঠন কৰি কেতবোৰ গুৰুত্বপূৰ্ণ দায়িত্ব অৰ্পণ কৰিছে, যাতে তেওঁলোকে প্ৰধান পথ, ঘাইপথ, ট্ৰেফিক জংচন, দুৰ্ঘটনাপ্ৰৱণ অঞ্চল আৰু অন্যান্য সংবেদনশীল স্থানসমূহত নিয়মিত নৈশ নিৰীক্ষণৰ লগতে পথৰ সংকেত বা ফলকসমূহ (Road signs) -ৰ নিৰীক্ষণ কাৰ্য সম্পাদন কৰিব পাৰে।

আৰক্ষী থানা তথা আৰক্ষী চকী ভিত্তিত গঠিত ১৬ টা গোটৰ এই সমিতিৰ সদস্য সকলে প্ৰতি ৭ দিনৰ মূৰে মূৰে তেওঁলোকৰ ক্ষেত্ৰ ভিত্তিক নৈশ নিৰীক্ষণৰ প্ৰতিবেদন জিলা আয়ুক্তৰ ওচৰত দাখিল কৰিব।

এই আদেশ মৰ্মে সমিতিৰ সদস্যসকলে যান-বাহনৰ চলাচল ফলপ্ৰসূভাৱে নিৰীক্ষণ আৰু নিয়ন্ত্ৰণ নিশ্চিত কৰিবলৈ নিশাৰ ভাগত নিয়মীয়াকৈ ক্ষেত্ৰ পৰিদৰ্শন কৰিব। তেওঁলোকে বিশেষকৈ অবৈধ পাৰ্কিং, যান-জঁট আৰু যান-বাহন চলাচলত বাধা, পথত গাঁতৰ উপস্থিতি, বিপদসংকুল স্থানসমূহত বেৰিকেড দিয়াৰ ব্যৱস্থা, বিপদজনকভাৱে বাহন চলোৱা, সুৰাপান কৰি বাহন চলোৱা আৰু যান-বাহন নিয়ম তথা পথ-সুৰক্ষা নীতিৰ উলংঘনৰ ঘটনাৰ ওপৰত চোকা দৃষ্টি ৰাখিব।

তদুপৰি সমিতিৰ সদস্যসকলে জিলাখনৰ অন্তৰ্গত প্ৰধান পথসমূহ (ৰাষ্ট্ৰীয় ঘাইপথ/ ৰাজ্যিক ঘাইপথ/ এক্সপ্ৰেছৱে'), গুৰুত্বপূৰ্ণ চাৰিআলি বা সংযোগস্থল, দুৰ্ঘটনাপ্ৰৱণ স্থান আৰু অন্যান্য কিছু বিশেষ স্থান (strategic locations) -ত পথ- সংকেতসমূহ সময়মতে পৰিদৰ্শন কৰিব। লগতে তেওঁলোকে পথ ব্যৱহাৰকাৰীসকলৰ বাবে যাতে সকলো পথ- সংকেত পৰিষ্কাৰ, সহজে পঢ়িব পৰা, সঠিকভাৱে স্থাপন কৰা আৰু স্পষ্টভাৱে দৃষ্টিগোচৰ হৈ থাকে, সেয়া নিশ্চিত কৰিব।পথ- সংকেতসমূহ আই.আৰ.চি. (IRC) নিৰ্দেশনাৱলী অনুসৰি স্থাপন কৰা হৈছে নে নাই, সেয়াও তেওঁলোকে নিশ্চিত কৰিব। লগতে তেওঁলোকে ক্ষতিগ্ৰস্ত, বিলুপ্ত হোৱা, অস্পষ্ট হৈ পৰা, ঢাকি থোৱা বা অন্য কোনো ধৰণে বিজুতি ঘটা পথ- সংকেতসমূহ চিনাক্ত কৰিব। সংশ্লিষ্ট পথৰ দায়িত্বত থকা অথবা প্ৰকল্প ৰূপায়ণকাৰী সংস্থাৰ দ্বাৰা পথ- সংকেতসমূহৰ প্ৰয়োজনীয় মেৰামতি, পুনৰ স্থাপন, পৰিষ্কাৰ- পৰিচ্ছন্নতা আৰু নতুনকৈ ৰং কৰা কাৰ্য যাতে হাতত লোৱা হয়, সেয়াও সদস্যসকলে নিশ্চিত কৰিব।
নিয়ন্ত্ৰণমূলক (regulatory), সতৰ্কতামূলক (warning) আৰু তথ্যমূলক (informatory) সংকেতসমূহকে ধৰি সকলো পথ-সংকেতৰ পৰ্যাপ্ততা আৰু দৃশ্যমানতাও তেওঁলোকে পৰীক্ষা কৰিব। প্ৰযোজ্য আইন অনুসৰি উপযুক্ত আইনী ব্যৱস্থা গ্ৰহণৰ বাবে পথ-সংকেত বিকৃত কৰা, ক্ষতিসাধন কৰা বা পথৰ সংকেতত বাধা সৃষ্টি কৰাৰ বাবে দোষী সাব্যস্ত হোৱা ব্যক্তিৰ বিৰুদ্ধে আৰক্ষী বিভাগক অৱগত কৰাৰ লগতে
সকলো সদস্যই নিজ নিজ এলেকাৰ ভিতৰত আইন অনুসৰি প্ৰয়োজনীয় ব্যৱস্থা গ্ৰহণ কৰিব আৰু কোনো গুৰুতৰ ঘটনা, নিয়মৰ ধাৰাবাহিক উলংঘন, যান-বাহন সম্পৰ্কীয় জৰুৰীকালীন পৰিস্থিতি বা তৎকালীন পদক্ষেপৰ প্ৰয়োজন হোৱা আন কোনো বিষয় দৃষ্টিগোচৰ হ’লে উপযুক্ত ব্যৱস্থাৰ বাবে তাৎক্ষণিকভাৱে জিলা আয়ুক্তক অৱগত কৰিব লাগিব।

উল্লেখ্য যে, সংশ্লিষ্ট আৰক্ষী বিষয়াসকলে পৰিদৰ্শনৰ সময়ত প্ৰয়োজনীয় সকলো সাহায্য আগবঢ়োৱাৰ লগতে পথৰ ফলক বিকৃত বা ক্ষতিসাধন কৰাৰ দৰে ঘটনাসমূহৰ ওপৰত কঠোৰ দৃষ্টি ৰাখিব আৰু সংশ্লিষ্ট আইনৰ প্ৰাসঙ্গিক বিধান অনুসৰি দোষীসকলৰ বিৰুদ্ধে যথোপযুক্ত ব্যৱস্থা গ্ৰহণ কৰিব।

আনহাতে, জিলা পৰিবহন বিষয়াই পথ-সুৰক্ষা আৰু পৰিবহন আইন বলৱৎকৰণৰ দৃষ্টিকোণৰ পৰা নিয়মীয়া নিৰীক্ষণ সুনিশ্চিত কৰিব আৰু আসোঁৱাহসমূহ সময়মতে সংশোধনৰ বাবে সংশ্লিষ্ট পথৰ গৰাকী সংস্থা বা বিভাগসমূহৰ সৈতে সমন্বয় ৰক্ষা কৰিব।

CMO Assam
MyGov Assam
Directorate of Information and Public Relations, Assam
Dipro Sivasagar

25/09/2026

🚨 পথ সুৰক্ষা সুনিশ্চিত কৰাৰ লগতে পথ দুৰ্ঘটনা ৰোধৰ প্ৰতি অধিক সচেষ্ট শিৱসাগৰ জিলা প্ৰশাসন

📢 জিলা আয়ুক্তৰ দ্বাৰা বিদ্যালয়- মহাবিদ্যালয়ৰ কৰ্তৃপক্ষলৈ নিৰ্দেশনা জাৰি

📣 কঠোৰভাৱে নিৰ্দেশাৱলী পালনৰ ওপৰত গুৰুত্ব আৰোপ

✍️✍️✍️ শেহতীয়াকৈ সংঘটিত হোৱা বৰ্ধিত পথ দুৰ্ঘটনাৰ পৰিপ্ৰেক্ষিতত পথ সুৰক্ষা সুনিশ্চিত কৰাৰ লগতে দুৰ্ঘটনা ৰোধৰ উদ্দেশ্যে শিৱসাগৰ জিলাৰ মাননীয় জিলা আয়ুক্ত শ্ৰী মৃদুল য়াদৱ মহোদয়ে আজি ইংৰাজী ২৫-০৯-২০২৬ তাৰিখে এক আদেশ যোগেদি জিলাখনৰ বিদ্যালয়- মহাবিদ্যালয়ৰ অধ্যক্ষ সকলক উদ্দেশ্যি কঠোৰভাৱে পালন কৰাকৈ তথা তৎকালীনভাৱে বলবৎ হোৱাকৈ কেতবোৰ নিৰ্দেশনা জাৰি কৰিছে।

এই আদেশ মৰ্মে:

👉 হেলমেটৰ ব্যৱহাৰ: দুচকীয়া বাহন চলোৱা সকলো ছাত্ৰ-ছাত্ৰীক বাহন চলোৱাৰ সময়ত মানসম্পন্ন সুৰক্ষামূলক হেলমেট পৰিধান কৰিবলৈ আৰু সেইটো সঠিকভাৱে বান্ধি ল’বলৈ কঠোৰভাৱে পৰামৰ্শ দিব লাগিব। প্ৰযোজ্য আইন অনুসৰি পিছৰ আসনত বহা আৰোহীয়েও (Pillion Rider) হেলমেট পৰিধান কৰিব লাগিব।

👉 ছিট বেল্টৰ ব্যৱহাৰ: গাড়ী তথা অন্যান্য প্ৰযোজ্য বাহনত যাতায়াত কৰা ছাত্ৰ- ছাত্ৰীসকলক সদায় ছিট বেল্ট বান্ধিবলৈ সচেতন কৰি তুলিব লাগিব।

👉 ড্ৰাইভিং লাইচেন্স আৰু বয়স: আইনগতভাৱে নিৰ্ধাৰিত বয়স নোহোৱাকৈ আৰু বৈধ চালকৰ অনুজ্ঞাপত্ৰ (Driving Licence) নথকাকৈ কোনো ছাত্ৰ-ছাত্ৰীক মটৰ বাহন চলাবলৈ অনুমতি বা উৎসাহ দিব নালাগে। শৈক্ষিক প্ৰতিষ্ঠানৰ কৰ্তৃপক্ষই এই সন্দৰ্ভত ছাত্ৰ-ছাত্ৰী আৰু অভিভাৱকসকলক সচেতন কৰিব লাগিব।

👉 তিনিজন উঠা (triple riding): দুচকীয়া বাহনত তিনিজন উঠি যোৱা (triple riding) বা বাহনখনৰ অনুমোদিত ক্ষমতাতকৈ অধিক আৰোহী কঢ়িয়াই নিয়াৰ বিৰুদ্ধে ছাত্ৰ- ছাত্ৰীসকলক কঠোৰভাৱে সতৰ্ক কৰি দিব লাগিব।

👉 অতিদ্ৰুত গতিত বা বিপজ্জনকভাৱে বাহন চলোৱা নিষিদ্ধ: ছাত্ৰ- ছাত্ৰীসকলক অতিদ্ৰুত গতি (overspeeding), বা বিপজ্জনকভাৱে বাহন চলোৱা (rash driving), বিপজ্জনকভাৱে অভাৰটেক কৰা আৰু অন্যান্য সকলো ধৰণৰ অসাৱধানতামূলক আচৰণৰ বা প্ৰৱণতাৰ বিৰুদ্ধে সচেতন কৰি তুলিব লাগিব।

👉 বাহন চলোৱাৰ সময়ত মোবাইল ফোনৰ ব্যৱহাৰ নিষিদ্ধ: বাহন চলোৱাৰ সময়ত মোবাইল ফোন বা মনোযোগ বিঘ্নিত কৰা আন কোনো ডিভাইচ ব্যৱহাৰ নকৰিবলৈ ছাত্ৰ- ছাত্ৰীসকলক কঠোৰভাৱে নিৰ্দেশ দিব লাগিব।

👉 সুৰাপান বা মাদকদ্ৰব্য সেৱন কৰি বাহন চলোৱা নিষিদ্ধ: সুৰাপান কৰি আন কোনো নিচাজাতীয় দ্ৰব্য সেৱন কৰি বাহন চলোৱাটো আইনত নিষিদ্ধ আৰু অতি বিপজ্জনক। এই সন্দৰ্ভত ছাত্ৰ-ছাত্ৰীসকলক সজাগ কৰি তুলিব লাগিব।

👉 ট্ৰেফিক নিয়মাৱলীৰ সঠিক পালন: ছাত্ৰ- ছাত্ৰীসকলক যান-বাহনৰ নিয়মাৱলী, ট্ৰেফিক ছিগনেল, পথ সংকেত, লেনৰ অনুশাসন আৰু ট্ৰেফিক আৰক্ষীয়ে প্ৰদান কৰা নিৰ্দেশনাসমূহ কঠোৰভাৱে মানি চলিবলৈ নিৰ্দেশনা দিব লাগিব।

👉 শৈক্ষিক প্ৰতিষ্ঠানৰ পৰিবহন ব্যৱস্থা: শিক্ষানুষ্ঠানৰ কৰ্তৃপক্ষই নিশ্চিত কৰিব লাগিব যে, ছাত্ৰ-ছাত্ৰী পৰিবহনৰ কামত ব্যৱহৃত বাছ, ভেন আৰু অন্যান্য বাহনসমূহে সকলো প্ৰযোজ্য মটৰ বাহন আইন, সুৰক্ষাৰ মানদণ্ড আৰু নিৰ্ধাৰিত উপযুক্ততাৰ চৰ্ত (fitness requirements) মানি চলে।

👉 নিৰাপদে পথ অতিক্ৰম: য’তেই উপলব্ধ থাকে, ত’তেই ছাত্ৰ-ছাত্ৰীসকলক পথচাৰীৰ পাৰাপাৰ (pedestrian crossings), পদপথ (footpath) আৰু অন্যান্য নিৰ্ধাৰিত সুবিধাসমূহ ব্যৱহাৰ কৰিবলৈ আৰু পথ পাৰ হোৱাৰ সময়ত প্ৰয়োজনীয় সাৱধানতা অৱলম্বন কৰিবলৈ উৎসাহিত কৰিব লাগিব।

👉 পথ সুৰক্ষা, কম বয়সীয়া (underage) লোকে বাহন চলোৱাৰ আইনী পৰিণাম, আৰু হেলমেটৰ বাধ্যতামূলক ব্যৱহাৰ আদিৰ সম্পৰ্কে ছাত্ৰ-ছাত্ৰী আৰু তেওঁলোকৰ অভিভাৱকসকলক সচেতন কৰিবলৈ শিক্ষানুষ্ঠানসমূহৰ মুৰব্বীসকলক আহ্বান জনোৱা হয়। বিশেষকৈ ছাত্ৰ-ছাত্ৰীসকলৰ শিক্ষানুষ্ঠানত উপস্থিত হোৱাৰ আৰু বিদায় লোৱাৰ সময়ছোৱাত বিশেষ গুৰুত্ব দিব লাগিব, আৰু এনে উলংঘন ৰোধ কৰিবলৈ শৈক্ষিক প্ৰতিষ্ঠানৰ চৌহদৰ ভিতৰত তথা প্ৰৱেশ- প্ৰস্থানৰ পথত প্ৰয়োজনীয় ব্যৱস্থা গ্ৰহণ কৰিব লাগিব।

জিলা প্ৰশাসনে সকলো সংশ্লিষ্ট শিক্ষানুষ্ঠানৰ মুৰব্বীক উক্ত নিৰ্দেশনাৱলীসমূহ কঠোৰভাৱে পালন কৰিবলৈ নিৰ্দেশ প্ৰদান কৰাৰ লগতে ছাত্ৰ-ছাত্ৰীসকলৰ মাজত সুৰক্ষিত তথা দায়িত্বশীল পথ আচৰণৰ সন্দৰ্ভত ধাৰাবাহিক সজাগতা সৃষ্টি কৰাৰ বাবে দায়বদ্ধতাৰে পদক্ষেপ গ্ৰহণ কৰিবলৈ আহ্বান জনাইছে।

উল্লেখ্য যে প্ৰযোজ্য ট্ৰেফিক আইনৰ যিকোনো ধৰণৰ উলংঘনৰ ক্ষেত্ৰত নিৰ্ধাৰিত আইনৰ বিধান অনুসৰি ব্যৱস্থা গ্ৰহণ কৰা হ'ব।

CMO Assam
MyGov Assam
Directorate of Information and Public Relations, Assam
DIPRO, Sivasagar

25/09/2026

অসমৰ ঔদ্যোগিক খণ্ডক বিকশিত আৰু শক্তিশালী কৰাৰ লগতে বিনিয়োগৰ পথ প্ৰশস্তকৰণ তথা উদ্যমী উদ্যোগীসকলৰ আৰ্থিক সৱলীকৰণৰ দিশত উৎসাহিত কৰাৰ লক্ষ্যৰে ৰূপায়ণ কৰা "এডভাণ্টেজ অসম ২.০" আঁচনিৰ অধীনত শিৱসাগৰ জিলাৰ অন্তৰ্গত যিসকল বিনিয়োগকাৰী উদ্যোগীয়ে নিজ- নিজ উদ্যোগ স্থাপন আৰু সম্প্ৰসাৰিত কৰাত বৰ্তমানলৈও পিছ পৰি আছে, তেওঁলোকৰ সৈতে শিৱসাগৰ জিলাৰ মাননীয় জিলা আয়ুক্ত শ্ৰী মৃদুল য়াদৱৰ অধ্যক্ষতাত আজি জিলা আয়ুক্ত কাৰ্যালয়ৰ চুকাফা সভাকক্ষত এখন গুৰুত্বপূৰ্ণ বৈঠক অনুষ্ঠিত হয়।

বৈঠকত জিলা আয়ুক্ত গৰাকীয়ে বৰ্তমানলৈ জিলাখনৰ ৩৮ গৰাকী পিছ পৰি থকা বিনিয়োগকাৰী উদ্যোগীসকলৰ সৈতে পোনপীয়াকৈ মত- বিনিময় কৰি তেওঁলোকৰ প্ৰস্তাৱিত উদ্যোগসমূহ কি কি কাৰণ বা অসুবিধাৰ বাবে পিছ পৰি আছে, সেই সন্দৰ্ভত পুঙ্খানুপুঙ্খকৈ খতিয়ান গ্ৰহণ কৰে। তেওঁ ভূমি সংক্ৰান্তীয় সমস্যা যেনে ভূমি পুনঃশ্ৰেণীবিভাজন ইত্যাদি, বেংক ঋণ বা আৰ্থিক সমস্যা, বা অন্যান্য বিভিন্ন কাৰণ বা অসুবিধাৰ বাবে যিসমূহ উদ্যোগ স্থাপন বা সম্প্ৰসাৰণত বাধাৰ সৃষ্টি হৈছে, সেই সমূহৰ সমাধানৰ বাবে বিভাগীয় সমন্বয় আৰু ক্ষিপ্ৰ কাৰ্যকৰীকৰণৰ ব্যৱস্থা গ্ৰহণ কৰিবলৈ সংশ্লিষ্ট বিভাগীয় কৰ্তৃপক্ষক আহ্বান জনায়। তেওঁ জিলা উদ্যোগ আৰু বাণিজ্য কেন্দ্ৰৰ লগতে সংশ্লিষ্ট বিভাগীয় বিষয়াসকলক ঔদ্যোগিক এলেকাসমূহ পৰিদৰ্শন কৰি সামগ্ৰিক ব্যৱস্থাপনাৰ বুজ লোৱাৰ লগতে কাৰ্যক্ষেত্ৰত সন্মুখীন হোৱা বাধা- বিঘিনিসমূহৰ কাৰকসমূহ বিশ্লেষণ কৰি প্ৰয়োজনীয় পদক্ষেপ গ্ৰহণ কৰিবলৈ পৰামৰ্শ দিয়ে।

আজিৰ বৈঠকত জিলা উন্নয়ন আয়ুক্ত শ্ৰী পবিত্ৰ কুমাৰ দাস, জিলা উদ্যোগ আৰু বাণিজ্য কেন্দ্ৰৰ ভাৰপ্ৰাপ্ত সাধাৰণ প্ৰবন্ধক শ্ৰী মৃণাল দাস, অগ্ৰণী বেংক প্ৰবন্ধক শ্ৰী জয়দীপ চৌধুৰী, বিভিন্ন সংশ্লিষ্ট বিভাগৰ বিষয়াসকল আৰু বিনিয়োগকাৰী উদ্যোগীসকল উপস্থিত থাকে।

CMO Assam
MyGov Assam
Directorate of Information and Public Relations, Assam
DIPRO, Sivasagar

24/09/2026

‘স্বচ্ছতা হি সেৱা ২০২৬’- জন ভাগীদাৰী প্ৰচাৰ অভিযান 🌿

শিৱসাগৰ জিলাৰ জনস্বাস্থ্য কাৰিকৰী বিভাগ আৰু আত্মসহায়ক গোটৰ সদস্যসকলৰ দ্বাৰা ঘৰে ঘৰে গৈ গোটা বৰ্জ্য ব্যৱস্থাপনা নিয়ম, ২০২৬ (SWM Rules) সম্পৰ্কে ৰাইজক সজাগ কৰা হয়।

মূল বাৰ্তাসমূহ:
🔹৪-প্ৰকাৰে আৱৰ্জনা পৃথকীকৰণ: উৎসতে জাবৰ সুকীয়াকৈ ৰখা

🔹 ঘৰুৱা পচন সাৰ: পচনশীল আৱৰ্জনাৰ পৰা ঘৰতে সাৰ প্ৰস্তুত

🔹 প্লাষ্টিক বৰ্জন: প্লাষ্টিকৰ সলনি কাপোৰৰ বেগ ব্যৱহাৰ

সজাগতা সুদৃঢ় কৰিবলৈ ঘৰে ঘৰে সজাগতামূলক ষ্টিকাৰো লগোৱা হয়।

আহক, আমি সকলোৱে একেলগে মিলি-জুলি আমাৰ পৰিৱেশ নিকা কৰোঁ! 💚✨

Directorate of Information and Public Relations, Assam
DIPRO, Sivasagar

24/09/2026

📢📢📢 শিৱসাগৰ জিলাত সমাগত দুৰ্গা পূজা উদযাপনৰ প্ৰস্তুতি সন্দৰ্ভত বৈঠক সম্পন্ন

📝 শিৱসাগৰ জিলাৰ মাননীয় জিলা আয়ুক্ত শ্ৰী মৃদুল য়াদৱ মহোদয়ৰ অধ্যক্ষতাত আজি জিলা আয়ুক্ত কাৰ্যালয়ৰ চুকাফা সভাকক্ষত সমাগত দুৰ্গা পূজা উদযাপনৰ প্ৰস্তুতি সন্দৰ্ভত জিলাখনৰ সকলো দুৰ্গা পূজা সমিতিৰ বিষয়ববীয়া আৰু সংশ্লিষ্ট বিভাগীয় বিষয়াসকলৰ সৈতে এখনি বৈঠক অনুষ্ঠিত হয়।

বৈঠকত পূজা উদযাপনৰ সময়ত সৰ্বসাধাৰণ ৰাইজৰ সুৰক্ষা, যান-বাহনৰ নিয়মাৱলী, পাৰ্কিং, পূজা মণ্ডপ সমূহৰ নিৰাপত্তা, পোহৰৰ ব্যৱস্থা, দুৰ্যোগ প্ৰতিৰোধী ব্যৱস্থাপনা, প্ৰতিমা বিসৰ্জনৰ প্ৰক্ৰিয়া আদি বিভিন্ন বিষয়ৰ ওপৰত বিস্তৃত আলোচনা কৰা হয়।

প্ৰতিটো বৰ্ষৰ দৰে এই বছৰো দুৰ্গা পূজা উদযাপনৰ ক্ষেত্ৰত জিলা প্ৰশাসনে কিছু নিয়মাৱলী জাৰি কৰিছে। সেই অনুসৰি পূজা সমিতিসমূহে আগতীয়াকৈ অনলাইন যোগে অসম আৰক্ষীৰ "সেৱা সেঁতু" পৰ্টেলৰ পৰা তথা সংশ্লিষ্ট বিভাগসমূহৰ প্ৰয়োজনীয় অনুমতি সংগ্রহ কৰিব লাগিব। আনহাতে, প্ৰতিটো পূজা মণ্ডপত চিচি টিভি লগোৱাটো বাধ্যতামূলক কৰা হৈছে। লগতে, পূজা মণ্ডপ আৰু ইয়াৰ চৌপাশে পৰ্যাপ্ত পোহৰৰ ব্যৱস্থা কৰিব লাগিব। অগ্নি নিৰ্বাপনৰ সামগ্ৰী পূজা মণ্ডপসমূহত মজুত ৰখাৰ সুব্যৱস্থা কৰিব লাগিব। পূজা মণ্ডপসমূহত পুৰুষ আৰু মহিলাৰ বাবে প্ৰৱেশ আৰু প্ৰস্থানৰ পৃথক- পৃথক ব্যৱস্থা কৰাৰ লগতে বয়োজ্যেষ্ঠ বা বিশেষভাৱে সক্ষম দৰ্শনাৰ্থীৰ সহায়ৰ বাবে স্বেচ্ছাসেৱকক নিয়োজিত কৰিব লাগিব। পূজা মণ্ডপসমূহ আৰু দেৱীৰ প্ৰতিমাসমূহ পৰ্য্যমানে পৰিৱেশ অনুকূল আৰু অগ্নি প্ৰতিৰোধী সামগ্রীৰে নিৰ্মিত হ'ব লাগিব। পূজা মণ্ডপসমূহত প্ৰয়োজনীয় ডাষ্টবিনৰ ব্যৱস্থা কৰাৰ লগতে দৈনিক নিয়মিতভাৱে আৱৰ্জনা নিষ্কাশনৰ ব্যৱস্থা কৰিব লাগিব। নিশা ১০ বজাৰ পৰা পুৱা ৬ বজালৈ উচ্চ প্ৰাবল্যৰ শব্দযন্ত্ৰৰ ব্যৱহাৰ কৰিব নোৱাৰিব।

উল্লেখ্য যে, যান-বাহনৰ ভিৰ নিয়ন্ত্ৰণৰ বাবে শিৱসাগৰ নগৰৰ অসম ৰাজ্যিক পৰিবহন নিগমৰ বাছ আস্থান, মুক্তিনাথ চাৰিআলি, বাবুপট্টি, পানীটেংকী, গায়েন গাওঁ, ৰেড ক্ৰছ ৰোড আৰু নাট্য মন্দিৰৰ সন্মুখ আদি স্থানত ন' এণ্ট্ৰিৰ বোৰ্ড লগোৱা হ'ব। লগতে জিলা পৰিবহন বিভাগে পথ সুৰক্ষাৰ নিয়মাৱলী সম্পৰ্কে জন-সচেতনতা বৃদ্ধিৰ লক্ষ্যৰে ৰাইজৰ চকুত পৰাকৈ ছপাই আঁৰি থোৱাৰ ব্যৱস্থা কৰাৰ লগতে পথ দুৰ্ঘটনা ৰোধ কৰাৰ বাবে পথ-সুৰক্ষাৰ নিৰ্দেশনা উলংঘা কৰা সকলৰ বিৰুদ্ধে আৰক্ষী, পৰিবহন আৰু আবকাৰী বিভাগৰ অভিযান তীব্ৰতৰ কৰা হ'ব। তদুপৰি, আবকাৰী বিভাগে পূজা মণ্ডপসমূহৰ ওচৰে- পাজৰে সুৰাৰ বিক্ৰী আৰু ব্যৱহাৰৰ বিৰুদ্ধে চোকা দৃষ্টি ৰাখিব। জৰুৰীকালীন সেৱা যেনে: আৰক্ষী, অগ্নি নিৰ্বাপক বাহিনী, জিলা দুৰ্যোগ ব্যৱস্থাপনাৰ নিয়ন্ত্ৰণ কক্ষ, এপিডিচিএল, অসামৰিক প্ৰতিৰক্ষা, অসামৰিক চিকিৎসালয় আদিৰ যোগাযোগ নম্বৰসমূহ সকলোৰে দৃষ্টিগোচৰ হোৱাকৈ ছপাই আঁৰি থোৱাৰ ব্যৱস্থা কৰিব লাগিব। আনহাতে, পৰিত্যক্ত/ গৰাকীবিহীন বেগ, সন্দেহজনক লোক বা গতি- বিধি পৰিলক্ষিত হ'লে তাৎক্ষণিকভাৱে আৰক্ষী বিভাগক অৱগত কৰিবলৈও বৈঠকত আহ্বান জনোৱা হয়।

পূজা সমিতিসমূহে পৰ্যাপ্ত স্বেচ্ছাসেৱক নিয়োগ কৰিব লাগিব আৰু স্বেচ্ছাসেৱক সকলৰ নাম, ঠিকনা, যোগাযোগৰ নম্বৰ আদি বিৱৰণসমূহ পঞ্জীয়ন বহীত লিপিবদ্ধ কৰাৰ লগতে পৰিচয় পত্ৰ প্ৰদানৰ ব্যৱস্থা কৰি আগতীয়াকৈ ফটো তথা অন্যান্য বিৱৰণ সংশ্লিষ্ট আৰক্ষী চকী বা থানাত জমা দিয়াৰ উপৰিও স্বেচ্ছাসেৱক সকলক নিজ- নিজ দায়িত্ব সম্পৰ্কে আগতীয়াকৈ অৱগত কৰিব লাগিব। পূজা সমিতিসমূহে নিশা পূজা মণ্ডপত সুৰক্ষাৰ যাৱতীয় ব্যৱস্থা কৰিব লাগিব।

বৈঠকত জিলা আয়ুক্ত গৰাকীয়ে প্ৰতিমা বিসৰ্জনৰ সময়ত প্ৰয়োজনীয় সাৱধানতা অৱলম্বন কৰিবলৈ আহ্বান জনোৱাৰ লগতে প্ৰতিমাসমূহ নিৰ্ধাৰিত সময়ৰ ভিতৰত ঘাট পোৱাটো সুনিশ্চিত কৰি দিনৰ পোহৰতে বিসৰ্জনৰ প্ৰক্ৰিয়া সম্পন্ন কৰিবলৈ কয়।

জিলা আয়ুক্ত গৰাকীয়ে পৌৰসভাৰ কাৰ্যবাহী বিষয়াসকলক পূজা সমিতিসমূহৰ মাজত স্বচ্ছ, পৰিবেশ অনুকূল তথা প্লাষ্টিকমুক্ত পূজা আয়োজনৰ প্ৰতিযোগিতা অনুষ্ঠিত কৰিবলৈ কয়। তেওঁ লগতে সমূহ সংশ্লিষ্ট বিভাগকে সমাগত দুৰ্গা পূজাৰ পৰিপ্ৰেক্ষিতত গ্ৰহণ কৰিবলগীয়া কাৰ্যপন্থা প্ৰস্তুত কৰি অহা ৭ দিনৰ ভিতৰত জিলা প্ৰশাসনৰ ওচৰত দাখিল কৰিবলৈ নিৰ্দেশ দিয়ে। তেওঁ জিলাখনত শান্তি-শৃংখলা বজাই ৰাখি তথা সকলো নীতি- নিৰ্দেশনা সঠিকভাৱে পালন কৰি আগন্তুক দুৰ্গা পূজা সফল আৰু সুন্দৰভাবে অনুষ্ঠিত কৰাৰ ক্ষেত্ৰত সহায়-সহযোগিতা আগবঢ়াবলৈ সংশ্লিষ্ট সকলোকে আহ্বান জনায়।

বৈঠকত অতিৰিক্ত জিলা আয়ুক্ত শ্ৰীমতী গৌৰীপ্ৰিয়া দেউৰীয়ে বিগত বৰ্ষৰ দুৰ্গা পূজা উদযাপন সম্পৰ্কীয় বৈঠকৰ কাৰ্যবিৱৰণী পাঠ কৰে।

আজিৰ বৈঠকত অতিৰিক্ত জিলা আয়ুক্ত শ্ৰীমতী মীনাক্ষী পেৰ্মে, অতিৰিক্ত আৰক্ষী অধীক্ষকদ্বয় শ্ৰী মইদুল ইছলাম আৰু শ্ৰী ঋষভ হান্স, নিৰ্বাচনী বিষয়া শ্ৰী গণেশ চন্দ্ৰ বড়ো, শিৱসাগৰ ৰাজহ চক্ৰৰ চক্ৰ বিষয়া শ্ৰীমতী মিত্ৰাবৃন্দা গগৈ, শিৱসাগৰ আৰু আমগুৰি পৌৰসভাৰ কাৰ্যবাহী বিষয়াদ্বয়, আৰক্ষী বিভাগৰ লগতে বিভিন্ন সংশ্লিষ্ট বিভাগৰ বিষয়াসকল আৰু পূজা সমিতিৰসমূহৰ বিষয়-ববীয়াসকল উপস্থিত থাকে।

Directorate of Information and Public Relations, Assam
DIPRO, Sivasagar

23/09/2026

শিৱসাগৰ জিলাৰ চণ্টক- বিহুবৰ অঞ্চলৰ ৰাজাভেটা গাওঁ পঞ্চায়তত পঞ্চায়ত সভাপ্ৰতি মোহন সিংহ ৰাজপুতৰ সভাপ্রতিত্বত আৰু শিৱসাগৰ জিলাৰ যক্ষ্মা ৰোগ বিভাগৰ সহযোগত যক্ষ্মা মুক্ত পঞ্চায়ত (TB Mukt Panchayat) তথা যক্ষ্মা বিষয়ৰ ওপৰত আজি এখন ৰাজহুৱা তথা সজাগতা সভা অনুষ্ঠিত হয়।

উক্ত সভাত শিৱসাগৰ যক্ষ্মা ৰোগ বিষয়া তথা জিলা এইডছ নিয়ন্ত্ৰণ বিষয়া ডা: দ্বিজেন কোচে যক্ষ্মা ৰোগৰ লক্ষণসমূহৰ লগতে এই ৰোগৰ চিকিৎসা ব্যৱস্থা আৰু প্ৰতিৰোধৰ বিষয়ে সজাগতা বৃদ্ধি কৰাৰ লগতে যক্ষ্মা মুক্ত পঞ্চায়ত অভিযানৰ বিষয়ে ৰাইজক বিতংভাৱে অবগত কৰে আৰু যক্ষ্মা ৰোগৰ বিৰুদ্ধে সজাগ হৈ যুঁজ দিবলৈ ৰাইজক আহ্বান জনায়।

এই সভাত উপস্থিত থাকে আমগুৰি আঞ্চলিক পঞ্চায়তৰ সভানেত্ৰী আছাৱন্তি বদ্ৰা তিৰ্কি। তেখেতৰ ভাষন প্ৰসংগত যক্ষ্মা ৰোগৰ প্ৰতিয়েই নহয় সকলো ৰোগৰ প্ৰতি সজাগ হ'বলৈ সকলো ৰাইজক আহ্বান জনায় আৰু সকলোকে এই ষক্ষ্মা মুক্ত পঞ্চায়ত অভিযানত সহযোগ কৰিবলে আহ্বান জনায়।

ৰাজাভেঁটা স্বাস্থ্যকেন্দ্ৰ কমিউনিটী হেল্থ বিষয়া মধুস্মিতা চেতিয়া আৰু বামুণপুখুৰি চাহবাগিছা স্বাস্থ্যকেন্দ্ৰৰ ফাৰ্মাচিষ্ট উৎপল বৰদলৈয়ে নিজ নিজ বক্তব্যত যক্ষ্মা ৰোগৰ চিকিৎসাৰ ক্ষেত্ৰত ব্যক্তিগত অনুভৱবোৰ আগবঢ়ায়। যিহেতু ৰাইজৰ সহযোগৰ অবিহনে যক্ষ্মা মুক্ত পঞ্চায়ত গঢ়াটো সম্ভৱ নহয়, সেয়ে এই ক্ষেত্ৰত তেওঁলোকে ৰাইজৰ সহযোগিতা বিচাৰে।

শেষত পঞ্চায়তৰ সভাপতি মোহন সিংহ ৰাজপুতে ৰাজাভেটা অঞ্চলত সজাগতা সভা অনুষ্ঠিত কৰা বাবে শিৱসাগৰ যক্ষ্মা বিভাগক শলাগ লয় আৰু তেওঁ প্ৰতিশ্ৰুতি প্ৰদান কৰে যে যক্ষ্মা মুক্ত পঞ্চায়তৰ সকলো কামত ভৱিষ্যতেও সহযোগিতা প্ৰদান কৰিব।

Directorate of Information and Public Relations, Assam
DIPRO, Sivasagar

22/09/2026

ৰাষ্ট্ৰীয় দুৰ্যোগ ব্যৱস্থাপনা প্ৰাধিকৰণৰ জ্যেষ্ঠ উপদেষ্টা (এম.ই. আৰু আই.আৰ.এছ) ব্ৰিগেডিয়াৰ আৰ. গুৰুঙৰ নেতৃত্বত ৰাষ্ট্ৰীয় দুৰ্যোগ ব্যৱস্থাপনা প্ৰাধিকৰণৰ দ্বাৰা মনোনীত এটি কেন্দ্ৰীয় অনুসন্ধানকাৰী দলে আজি শিৱসাগৰ জিলাত উপস্থিত হৈ শেহতীয়াকৈ জিলাখনত হৈ যোৱা বিধ্বংসী বান পৰিস্থিতিৰ সন্দৰ্ভত এখন পৰ্যালোচনা বৈঠকত অংশগ্ৰহণ কৰে।

শিৱসাগৰ জিলাৰ জিলা আয়ুক্ত শ্ৰী মৃদুল য়াদৱৰ উপস্থিতিত জিলা আয়ুক্ত কাৰ্যালয়ৰ চুকাফা সভাকক্ষত অনুষ্ঠিত এই বৈঠকত কেন্দ্ৰীয় অনুসন্ধান দলৰ সদস্যসকল ক্ৰমে চি.ডব্লিও.চি. -ৰ অধীক্ষক অভিযন্তা শ্ৰী শশাংক ভূষণ; আই.এম.ডি. -ৰ বিজ্ঞানী 'এফ' ড° সুমিত দাস; এন.আৰ.এছ.চি. -ৰ বিজ্ঞানী/ অভিযন্তা এছ.এফ., ডি.এম.এছ. জি., আৰ.এছ.এ.এ. ড° এছ.ভি.এছ.পি. শৰ্মা; এন.আই.এইচ. -ৰ বিজ্ঞানী 'জি' আৰু মুৰব্বী ড° পংকজ মণি; এন.ই.এছ.এ.চি. -ৰ বিজ্ঞানী/ অভিযন্তা 'এছ.জি.' ড° দিগন্ত বৰ্মন; অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ প্ৰকল্প প্ৰবন্ধক (ডি.আৰ.আৰ.) শ্ৰী মুক্ত ৰাম ডেকা; জি.আই.এছ. বিশেষজ্ঞ শ্ৰী বীৰেন বৈশ্য আৰু অভিযান্ত্ৰিক পৰামৰ্শদাতা (বান প্ৰশমন) শ্ৰী নৱ ডেকাই অংশগ্ৰহণ কৰে।

বৈঠকৰ আৰম্ভণিতে জিলা আয়ুক্ত শ্ৰী মৃদুল য়াদৱে আদৰণি ভাষণ আগবঢ়ায়। তেওঁ জিলাখনত হৈ যোৱা শেহতীয়া বানৰ প্ৰাৰম্ভিক কাৰণ, প্ৰভাৱ আৰু জিলা প্ৰশাসনৰ তৰফৰ পৰা গ্ৰহণ কৰা উদ্ধাৰ, সাহায্য আৰু পুনৰসংস্থাপনমূলক ব্যৱস্থাপনাৰ বিষয়ে আভাস প্ৰদান কৰে।

জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া ড° বিষয়লক্ষ্মী গগৈয়ে এক পাৱাৰ পইণ্ট প্ৰেজেণ্টেচনৰ জৰিয়তে শেহতীয়া বানপানীৰ বাবে দায়বদ্ধ কাৰিকৰী কাৰকসমূহ, উদ্ধাৰ কাৰ্যৰ বিৱৰণ, ক্ষয়-ক্ষতিৰ মূল্যায়ন, সাহায্য আৰু পুনৰুদ্ধাৰমূলক ব্যৱস্থাপনা আদিৰ বিষয়ে বিস্তৃতভাৱে অৱলোকন দাঙি ধৰে।

বৈঠকত অংশগ্ৰহণ কৰি ৰাষ্ট্ৰীয় দুৰ্যোগ ব্যৱস্থাপনা প্ৰাধিকৰণৰ জ্যেষ্ঠ উপদেষ্টা (এম.ই. আৰু আই.আৰ.এছ) ব্ৰিগেডিয়াৰ আৰ. গুৰুঙে বান পৰিস্থিতি সন্দৰ্ভত জিলা প্ৰশাসন আৰু বিভিন্ন সংশ্লিষ্ট বিভাগে গ্ৰহণ কৰা পদক্ষেপসমূহৰ বিষয়ে বিস্তৃতভাৱে বুজ লয়। নিজ বক্তব্যত তেওঁ উল্লেখ কৰে যে শেহতীয়া দুৰ্যোগৰ অভিজ্ঞতাৰ পৰা শিক্ষা আৰু অভিজ্ঞতা গ্ৰহণ কৰি ভৱিষ্যতে সম্ভাৱ্য বানপানীৰ মোকাবিলা কৰাৰ ক্ষমতা বৃদ্ধি কৰাই হৈছে পৰ্যালোচনা সভাখনৰ মূল উদ্দেশ্য। ইয়াৰ লগতে তেওঁ প্ৰাক-সতৰ্কবাণী ব্যৱস্থা অধিক শক্তিশালী কৰা, ৰাইজৰ মাজত সচেতনতা বৃদ্ধি কৰা, দুৰ্যোগ-সহনশীল আন্তঃগাঁথনি নিৰ্মাণৰ পৰিকল্পনা আৰু বাৰিষাৰ সময়ছোৱাত জিলা পৰ্যায়ত একোটা সক্ৰিয় নিৰীক্ষণ গোট গঠন কৰাৰ ওপৰতো গুৰুত্ব আৰোপ কৰে।

উল্লেখ্য যে বৈঠকত অংশগ্ৰহণ কৰা কেন্দ্ৰীয় অনুসন্ধানকাৰী গোটৰ বিশেষজ্ঞসকলে বানপানীৰ দৰে পৰিস্থিতিৰ মোকাবিলা কৰাৰ ক্ষেত্ৰত বিভিন্ন কাৰিকৰী তথা অভিজ্ঞতাপুষ্ট পৰামৰ্শ আগবঢ়ায়।

আজিৰ বৈঠকত জিলা পৰিষদৰ মুখ্য কাৰ্যবাহী বিষয়া শ্ৰী সতীশ চন্দ্ৰ ঠাকুৰীয়া, মাণ্ডলিক বন বিষয়া শ্ৰী চিৰঞ্জীৱ পি., নাজিৰা আৰু ডিমৌৰ সমজিলা আয়ুক্ত দ্বয় শ্ৰীমতী প্ৰতিভা মেশ্ৰাম আৰু শ্ৰীমতী লুকুমণি বড়া, জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়া শ্ৰীমতী মীনাক্ষী পেৰ্মে, অতিৰিক্ত আৰক্ষী অধীক্ষক শ্ৰী ঋষভ হান্স, সহকাৰী আয়ুক্তসকল শ্ৰীমতী পৰ্চিয়া খনিকৰ, শ্ৰীমতী অন্বেষা ঠাকুৰ, নিৰ্বাচনী বিষয়া শ্ৰী গণেশ চন্দ্ৰ বড়ো,‌ চক্ৰ বিষয়াসকল প্ৰমুখ্যে বিভিন্ন সংশ্লিষ্ট বিভাগৰ বিষয়া- কৰ্মচাৰীসকল উপস্থিত থাকে।

Assam State Disaster Management Authority-ASDMA
Directorate of Information and Public Relations, Assam
DIPRO, Sivasagar

21/09/2026

শিৱসাগৰ জিলাৰ মাননীয় জিলা আয়ুক্ত শ্ৰী মৃদুল য়াদৱ মহোদয়ে আজি শিৱসাগৰ ছোৱালী মহাবিদ্যালয়ত অনুষ্ঠিত দূৰ্যোগ পৰৱৰ্তী প্ৰয়োজনীয়তা নিৰূপণৰ (Post Disaster Need Assessment- PDNA) দ্ৰুত সমীক্ষা পৰীক্ষণৰ ম'বাইল এপ্লিকেচন সম্পৰ্কীয় জিলা পৰ্যায়ৰ প্ৰশিক্ষণ কাৰ্যসূচীত অংশগ্ৰহণ কৰে।

আজিৰ প্ৰশিক্ষণ কাৰ্যসূচীত জিলা প্ৰশাসনৰ বিষয়াসকলৰ লগতে প্ৰশিক্ষাৰ্থীসকল উপস্থিত থাকে।

Directorate of Information and Public Relations, Assam
DIPRO, Sivasagar

DC Sivasagar

25/09/2026

25/09/2026

25/09/2026

25/09/2026

25/09/2026

24/09/2026

24/09/2026

23/09/2026

22/09/2026

21/09/2026

Address

Website

Alerts

Contact The Organization

Shortcuts

Share

Category

Listing takedown request