https://www.facebook.com/902941416245579/

CITU - Tadepalligudem, Tadepalligudem (2026)

30/05/2026

సిఐటియు వర్ధిల్లాలి!
కార్మిక వర్గ ఐక్యత వర్ధిల్లాలి!!
ఇంక్విలాబ్ జిందాబాద్!!! ✊

30/05/2026

తాడేపల్లిగూడెం 2026 మే 30:-
*దోపిడీ లేని సమాజం కోసం - సోషలిజం కోసం’ సిఐటియు నిరంతరం పోరాటాలు చేస్తుందని సిఐటియు జిల్లా అధ్యక్షులు కర్రి నాగేశ్వరరావు తెలిపారు* సిఐటియు ఆవిర్భావ దినోత్సవం సందర్భంగా అపరాల మార్కెట్ జట్టు వర్కర్స్ యూనియన్ (సిఐటియు అనుబంధం) ఆధ్వర్యంలో స్థానిక అపరాల ఆఫీసు చుక్కా అప్పలస్వామి భవనం దగ్గర సిఐటియు జెండాను సిఐటియు జిల్లా అధ్యక్షులు కర్రి నాగేశ్వరరావు ఆవిష్కరించారు.*ఈ సందర్భంగా సిఐటియు జిల్లా కార్యదర్శి కరెడ్ల రామకృష్ణ మాట్లాడుతూ* ఈరోజు మే 30. భారత కార్మికవర్గ చరిత్రలో ఒక సువర్ణ అధ్యాయానికి నాంది పలికిన రోజు అని,1970 మే 30న కోల్‌కతాలోని రాణి రాసమణి మైదానంలో వేలాది మంది కార్మికుల సాక్షిగా ‘సెంటర్ ఆఫ్ ఇండియన్ ట్రేడ్ యూనియన్స్ - సిఐటియు’ ఆవిర్భవించిందని ఆయన అన్నారు.అప్పటి కాంగ్రెస్ ప్రభుత్వం, పెట్టుబడిదారీ వర్గంతో కుమ్మక్కై కార్మిక హక్కులను కాలరాస్తుంటే, కొన్ని కార్మిక సంఘాలు కార్మికుల కంటే యాజమాన్యాలకే వత్తాసు పలుకుతుంటే, కార్మికవర్గానికి ఒక నిజమైన పోరాట వారధి అవసరమైందని ‘ఉద్యమాల వారది - శ్రామిక వర్గ సారధి’గా సిఐటియు పుట్టిందని,ఇది కేవలం బోనస్, ఇంక్రిమెంట్ కోసం పుట్టిన సంఘం కాదని, దోపిడీ రహిత సోషలిస్టు సమాజమే అంతిమ లక్ష్యంగా పుట్టిన వర్గ సంఘం అని కొనియాడారు.ఈ 55 ఏళ్లలో సిఐటియు దేశంలోని కోట్లాది కార్మికుల జీవితాల్లో వెలుగులు నింపిందిని తెలిపారు.8 గంటల పనిదినం సాధించిందని,కనీస వేతన చట్టం,ESI, PF, గ్రాట్యుటీ సౌకర్యాలు అమలుకు కృషి చేసిందని,అసంఘటిత రంగ కార్మికులకు గుర్తింపు తెచ్చింది సిఐటియే అని కొనియాడారు. తాడేపల్లిగూడెం పట్టణంలో రైస్ మిల్లు కార్మికుల సమ్మె, ట్రాన్సుపోర్టు కార్మికుల సమ్మె, ఉల్లిపాయలు మార్కెట్ సమ్మె లు ద్వారా ఫలితాలు సాధించిందని, అనేక మార్కెట్ లలో జీతాల పెంపుదల వెనుక సిఐటియు పోరాట ఫలితమే ఉందని కొనియాడారు.ఈరోజు మనం మళ్లీ ఒక ప్రమాదకర మలుపులో ఉన్నామని, కేంద్ర ప్రభుత్వం 4 లేబర్ కోడ్స్ పేరుతో 44 కార్మిక చట్టాలను కాలరాసిందని,8 గంటల పనిదినాన్ని 12 గంటలు చేయాలని చూస్తున్నారని, ప్రభుత్వ రంగ సంస్థలను కార్పొరేట్లకు అప్పగిస్తున్నారని,‘హైర్ అండ్ ఫైర్’ విధానంతో ఉద్యోగ భద్రత లేకుండా చేస్తున్నారని కేంద్ర, రాష్ట్ర ప్రభుత్వాలను దుయ్యబట్టారు.కేరళ మాజీ ముఖ్యమంత్రి పినరయి విజయన్ గారిపై ఈడీ దాడులు ఇందులో భాగమేనని,ప్రజా ఉద్యమాలను, ప్రత్యామ్నాయ విధానాలను అణచివేయడానికే ఈ కుట్రలు చేస్తున్నారని ఆవేదన వ్యక్తం చేశారు.ఈ నేపథ్యంలో సిఐటియు ఆవిర్భావ దినోత్సవం మనకు ఒక పునరంకిత దినం కావాలని ఇంకా సంఘం బయట ఉన్న ప్రతి కార్మికుడిని సిఐటియు గొడుగు కిందకు తీసుకురావాలని,లేబర్ కోడ్స్ రద్దు, కనీస వేతనం ₹26,000, పాత పెన్షన్ పునరుద్ధరణ కోసం ఉధృత పోరాటం చేయాలని, కులం, మతం, ప్రాంతం పేరుతో కార్మికులను విడదీసే శక్తులను ఓడించి వర్గ ఐక్యతను చాటాలని పిలుపునిచ్చారు.సిఐటియు జెండా అంటే ఎర్ర జెండా అని,అది త్యాగానికి, పోరాటానికి, తెగింపుకు గుర్తు అని,ఆ జెండాను ఎత్తుకున్న మనం ఓడిపోయిన చరిత్ర లేదు అని తెలియజేశారు. సిఐటియు 56వ వసంతంలోకి అడుగుపెడుతున్న ఈ సందర్భంగా ‘దోపిడీ లేని సమాజం కోసం - సోషలిజం కోసం’ పోరాటాలు ఉదృతం చేయాలని అందులో కార్మికులు అందరూ భాగస్వాములు కావాలని కోరారు.*సిఐటియు వర్ధిల్లాలి!*కార్మికవర్గ ఐక్యత వర్ధిల్లాలి *ఇంక్విలాబ్ జిందాబాద్!* *అపరాల మార్కెట్ జట్టు కార్మికుల ఐక్యత వర్ధిల్లాలి!* అంటూ పెద్ద ఎత్తున నినాదాలు చేశారు. ఈ కార్యక్రమంలో చిటికిన రాము,అడపా లోవ,యడ్ల శ్రీను, అయినాల సత్యనారాయణ, దాసరి రాజు,సుందరపు అప్పలనాయుడు, వెదుళ్ళ రమణారావు,కరెడ్ల సత్తిబాబు, ఇల్ల గోవిందరావు,పెంటకోట గోవిందు, బద్ది నాగేశ్వరరావు, చిట్టేటి సత్యనారాయణ,బుద్దాల తాతారావు తదితరులు పాల్గొన్నారు.

28/05/2026

తాడేపల్లిగూడెం 2026 మే 28:-
*కేరళ మాజీ సిఎం కామ్రేడ్ పినరయి విజయన్ పై ఈడీ, సీబీఐ దాడులను ఖండిస్తూ సిపిఎం జిల్లా కార్యదర్శి వర్గ సభ్యులు కర్రి నాగేశ్వరరావు బిజెపి ప్రభుత్వాన్ని హెచ్చరించారు.* కేరళ మాజీ సిఎం కామ్రేడ్ పినరయి విజయన్ పై ఈడీ, సీబీఐ దాడులను ఖండిస్తూ కేంద్ర సిపిఎం పార్టీ ఇచ్చిన దేశవ్యాప్త నిరసన లో భాగంగా తాడేపల్లిగూడెం సిపిఎం పట్టణ కమిటీ ఆధ్వర్యంలో స్థానిక పోలీస్ ఐలాండ్ వద్ద నిరసన కార్యక్రమం చేపట్టారు. కాపాడుకుందాం ప్రజాస్వామ్యాన్ని ఖండించండి ఈడీ, సీబీఐ దాడులను,ఆపాలి రాజకీయ కక్ష సాధింపు చర్యలను వెంటనే, పనిచేయనివ్వాలి కేంద్ర సంస్థలను స్వతంత్రంగా, కాపాడాలి ప్రజాస్వామ్య విలువలను, జిందాబాద్ సిపిఎం అంటూ పెద్ద ఎత్తున నినాదాలు చేశారు. *ఈ సందర్భంగా సిపిఎం జిల్లా కార్యదర్శి వర్గ సభ్యులు కర్రి నాగేశ్వరరావు మాట్లాడుతూ* సిపిఎం పొలిట్ బ్యూరో సభ్యులు కేరళ మాజీ ముఖ్యమంత్రి కామ్రేడ్ పినరయి విజయన్ పై ఈడీ, సీబీఐ దాడులను తీవ్రంగా ఖండిస్తున్నామని తెలిపారు. కేరళలో ప్రజా కర్షకపాలన అందించి, దేశానికి ఆదర్శంగా నిలిచిన సిపిఎం పొలిట్ బ్యూరో సభ్యులు కామ్రేడ్ పినరయి విజయన్ ను లక్ష్యంగా చేసుకొని కేంద్ర ప్రభుత్వం ఈడీ, సీబీఐ ని ఉసిగొల్పడాన్ని సిపిఎం పార్టీ తీవ్రంగా ఖండిస్తుందన్నారు. కేంద్రంలోని బిజెపి ప్రభుత్వం రాజకీయంగా ఎదుర్కోలేక సంస్థలను ఒక ఆయుధంగా వాడుకుంటుందని ఎద్దేవా చేశారు. కామ్రేడ్ పినరయి విజయన్ నాయకత్వంలో కేరళ ప్రభుత్వం అమలు చేసిన సంక్షేమ పథకాలు, లౌకికవాద విధానాలు కేంద్రంలోని మతతత్వశక్తులకు మింగుడు పడటం లేదని ఆరోపించారు. పినరయి విజయన్ కేరళలో విద్య వైద్యం మరియు మౌలిక సదుపాయాలు కల్పనలో విప్లవాత్మక మార్పులు తీసుకొచ్చారని, ఇలాంటి నాయకుడిని అవినీతి ఆరోపణలతో భయపెట్టి ఆయన చేస్తున్న అభివృద్ధిని అడ్డుకోవడమే ఈ దాడుల వెనుక అసలు ఉద్దేశం అని తెలిపారు. *సిపిఎం పట్టణ కార్యదర్శి కరెడ్ల రామకృష్ణ మాట్లాడుతూ* ఈడీ, సీబీఐ ని కేంద్ర ప్రభుత్వం ఒక రాజకీయ ఏజెంట్ గా మార్చిందని ఇది దేశ సమైక్య స్ఫూర్తికి విరుద్ధమని దుయ్యబెట్టారు. ప్రజాస్వామ్యంలో విమర్శలు ఉండవచ్చు కానీ దర్యాప్తు సంస్థలును అడ్డుపెట్టుకొని ప్రతిపక్ష నాయకుల గొంతునొక్కడం అత్యంత హేయమైన చర్య అని ఆరోపించారు. సిపిఎం గా మేము ఎలాంటి బెదిరింపులకు భయపడేవాళ్ళం కాదని పినరయి విజయన్ కు మేము అండగా ఉంటామని చెప్పారు. కేంద్రంలోని బిజెపి ప్రభుత్వం తక్షణమే ఈ రాజకీయ కక్షసాధింపులను ఆపాలని, ప్రజాస్వామ్య పద్ధతిలో వ్యవహరించాలని లేనిపక్షంలో ప్రజలు రాబోయే రోజుల్లో తగిన గుణపాఠం చెబుతారని హెచ్చరించారు.ఈ కార్యక్రమం లో సిపిఎం పట్టణ కమిటీ సభ్యులు గొన్నాబత్తుల నాగేశ్వరరావు, జవ్వాది శ్రీను,శిద్దిరెడ్డి శేషుబాబు మరియు నరమాల కృష్ణ,తంగేటి శ్రీను,వడిసెల శ్రీను,పతివాడ నాగేంద్రబాబు,నాగలపల్లి సత్తిబాబు,లచ్చిపతుల శ్రీను,పెంటకోట గోవిందు తదితరులు పాల్గొన్నారు.
*ఇట్లు*
*కరెడ్ల రామకృష్ణ*
*సిపిఎం పట్టణ కార్యదర్శి*
*9492606900*

28/05/2026

తాడేపల్లిగూడెం 2026 మే 19:-
*పెరిగిన పెట్రోల్, డీజిల్, వంటగ్యాస్ ధరలు వెంటనే ఉపసంహరించుకోవాలని సిఐటియు జిల్లా అధ్యక్షులు కర్రి నాగేశ్వరరావు కేంద్ర, రాష్ట్ర ప్రభుత్వాలను డిమాండ్ చేశారు* కేంద్ర, రాష్ట్ర ప్రభుత్వాలు విధిస్తున్న పెట్రోల్, డీజిల్, వంటగ్యాస్ ధరల పెంపును టాక్సీ అండ్ వర్కర్స్ యూనియన్ (సిఐటియు అనుబంధం) తాడేపల్లిగూడెం సిఐటియు పట్టణ కమిటీ ఆధ్వర్యంలో ఆటో లాగుతూ నిరసన కార్యక్రమం చేపట్టారు.స్థానిక ఎన్ కే గ్రౌండ్ సెంటర్ నుండి బయలుదేరి నిరసన ర్యాలీ విజయవాడ టీ సెంటర్ వరకు నిరసన కార్యక్రమం చేపట్టారు.ఆటో డ్రైవర్లు, కార్మికులు "ధరలు తగ్గించు - ప్రజలను ఆదుకో", "ప్రజా వ్యతిరేక విధానాలు రద్దు చేయాలి" "తగ్గించాలి పెరిగిన పెట్రోల్, డీజిల్, వంటగ్యాస్ ధరలను", "జిందాబాద్ సిఐటియు" అంటూ పెద్ద ఎత్తున నినాదాలు చేశారు ఈ సందర్భంగా *సిఐటియు జిల్లా అధ్యక్షులు కర్రి నాగేశ్వరరావు మాట్లాడుతూ*"పెట్రోల్, డీజిల్, గ్యాస్ ధరలు రోజురోజుకు పెంచి ప్రజల నడ్డి విరుస్తున్నారని,దీంతో నిత్యావసర వస్తువుల ధరలు ఆకాశాన్ని అంటుతున్నాయని, ఆవేదన వ్యక్తం చేశారు.ఆటో, టాక్సీ డ్రైవర్లు కడుపు మాడ్చుకుని పని చేస్తున్నా గిట్టుబాటు కావడం లేదని,పెరిగిన ధరలను వెంటనే ఉపసంహరించుకోవాలని కేంద్ర రాష్ట్ర ప్రభుత్వాలను డిమాండ్ చేశారు. ఇరాన్ పై ఇశ్రాయేలు అమెరికా సామ్రాజ్యవాదం చేస్తున్న యుద్ధం కారణంగా మనదేశంలో అధికారంలో ఉన్న బిజెపి ప్రభుత్వం ధరలు పెంచడాన్ని ఎద్దేవా చేశారు. అంతర్జాతీయ మార్కెట్ లో ముడిచమురు ధరలు రేట్లు తగ్గినా కేంద్రం లో బిజెపి ప్రభుత్వం ఎక్సైజ్ సుంకం, రోడ్ సెస్ పేరుతో ప్రజలను దోచుకుంటున్నారని దుయ్యబట్టారు.దీని ప్రభావంతో నిత్యవసర వస్తువులు ధరలు పెంచడాన్ని తీవ్రంగా వ్యతిరేకించారు.కేంద్రంలో బిజెపి ప్రభుత్వం అనుసరిస్తున్న ప్రజా వ్యతిరేక విధానాలను రాష్ట్రంలో టిడిపి కూటమి ప్రభుత్వం ఖండించక పోవడం హాస్యాస్పదం అని ఎద్దేవా చేశారు. పెరిగిన పెట్రోల్, డీజిల్, వంటగ్యాస్ ధరలను వెంటనే ఉపసంహరించుకోవాలని, పెట్రోలియం ఉత్పత్తులను జీఎస్టీ పరిధిలోకి తీసుకురావాలని, పెట్రోల్, డీజిల్ పై కేంద్ర, రాష్ట్ర ప్రభుత్వాలు విధిస్తున్న అదనపు సెస్ లు, వ్యాట్ తగ్గించాలని, ఆటో,టాక్సీ డ్రైవర్లను అసంఘటిత కార్మికులు గా గుర్తించి ఈఎస్ఐ,పిఎఫ్, సౌకర్యాలు కల్పించాలని, పోలీసుల వేదింపులు, అక్రమ పైన్లు ఆపాలని, ఆటో స్టాండ్లలో ప్రాథమిక సౌకర్యాలు కల్పించాలని కేంద్ర, రాష్ట్ర ప్రభుత్వాలను డిమాండ్ చేశారు.లేనిపక్షంలో ఉద్యమాన్ని మరింత ఉధృతం చేస్తాం" అని హెచ్చరించారు. *ట్రాన్స్‌పోర్ట్ వర్కర్స్ యూనియన్ జిల్లా అధ్యక్షులు పబ్బాని సురేష్ కుమార్ మాట్లాడుతూ* డీజిల్ ధర లీటరుకు ₹100 రూపాయలు దాటిందని, పెట్రోల్ ధర లీటరుకు ₹ 113 దాటిందని ఆటోకు రోజుకు ₹200-₹300 అదనపు ఖర్చు అవుతుందని ప్రయాణికుల నుండి ఎక్కువ వసూలు చేస్తే తిట్లు, తక్కువ తీసుకుంటే కుటుంబం గడవడం కష్టం గా ఉందని ఆవేదన వ్యక్తం చేశారు. ప్రభుత్వం వెంటనే స్పందించి ధరలను తగ్గించాలని,ఆటో డ్రైవర్లకు ₹10 వేల నెలసరి భృతి ఇవ్వాలి" అని డిమాండ్ చేశారు. ఈ కార్యక్రమంలో సిఐటియు జిల్లా కార్యదర్శి కరెడ్ల రామకృష్ణ,పట్టణ కన్వీనర్ జవ్వాది శ్రీను,టాక్సీ అండ్ వర్కర్స్ యూనియన్ నాయకులు కవురు శ్రీనివాస్, హెచ్.వినోద్ కుమార్,పి.దుర్గాప్రసాదు,వి.నాగరాజు,ఎమ్.నాగరాజు,ఆటో డ్రైవర్లు, కార్మికులు పెద్ద సంఖ్యలో పాల్గొన్నారు.
*ఇట్లు*
*కరెడ్ల రామకృష్ణ*
*సిఐటియు జిల్లా కార్యదర్శి*
*9492606900*
*తాడేపల్లిగూడెం*

28/05/2026

తాడేపల్లిగూడెం 2026 మే 19:-
*పుచ్చలపల్లి సుందరయ్య ఆశయ సాధనకై మనం కృషి చేయాలని సిపిఎం రాష్ట్ర నాయకులు మంతెన సీతారాం పిలుపునిచ్చారు* దక్షిణ భారత కమ్యూనిస్టు ఉద్యమ నిర్మాత, తెలంగాణ సాయుధ పోరాట యోధుడు కామ్రేడ్ పుచ్చలపల్లి సుందరయ్య 41వ వర్థంతి సభ తాడేపల్లిగూడెం సి.పి.ఎం పార్టీ పట్టణ కమిటీ ఆధ్వర్యంలో స్థానిక పుచ్చలపల్లి సుందరయ్య భవనంలో ఘనంగా జరిగింది.ఈ సభకు *కరెడ్ల రామకృష్ణ* అధ్యక్షత వహించారు. ముందుగా పుచ్చలపల్లి సుందరయ్య చిత్రపటానికి సి.పి.ఎం రాష్ట్ర నాయకులు *మంతెన సీతారాం*, సి.పి.ఎం జిల్లా సెక్రటేరియట్ సభ్యులు *కర్రి నాగేశ్వరావు* పూలమాలలు వేసి ఘన నివాళులర్పించారు. పార్టీ నాయకులు, కార్యకర్తలు ఆయనకు నివాళులు అర్పించారు. అ అనంతరం పుచ్చలపల్లి సుందరయ్య స్మారక చలివేంద్రాన్ని* సి.పి.ఎం పార్టీ రాష్ట్ర నాయకులు *మంతెన సీతారాం* ప్రారంభించారు. ఎండ వేడిమి లో ప్రజల దాహార్తిని తీర్చేందుకు ఏర్పాటు చేసిన ఈ చలివేంద్రం ప్రజలకు ఉచితంగా మజ్జిగ, చల్లని నీరు అందిస్తుందన్నారు. *మంతెన సీతారాం మాట్లాడుతూ* సుందరయ్య జీవితాంతం పేదల, కార్మికుల, రైతుల కోసం పోరాడారని, భూస్వామ్య, దోపిడీ వ్యవస్థకు వ్యతిరేకంగా తెలంగాణ సాయుధ పోరాటాన్ని నడిపించారు అని తెలిపారు. ఆయన ఆశయాలైన సమానత్వం, సామాజిక న్యాయం సాధనకోసం నేటి యువత కదలాలి అని,పెరుగుతున్న ధరలు, నిరుద్యోగం, కార్మిక వ్యతిరేక విధానాలకు వ్యతిరేకంగా పోరాటం ఉధృతం చేయాలి" అని పిలుపునిచ్చారు. *సిపిఎం పట్టణ కార్యదర్శి కరెడ్ల రామకృష్ణ మాట్లాడుతూ* పుచ్చలపల్లి సుందరయ్య గారి త్యాగం, క్రమశిక్షణ, సైద్ధాంతిక నిబద్ధత ప్రతి కమ్యూనిస్టు కు ఆదర్శం అని కొనియాడారు. ఆయన రాసిన 'తెలంగాణ పీపుల్స్ స్ట్రగుల్' గ్రంథం నేటికీ ఉద్యమానికి మార్గదర్శకం" అన్నారు.తాడేపల్లిగూడెం సిపిఎం పార్టీ పట్టణ కమిటీ ఆధ్వర్యంలో ప్రజల దాహార్తిని తీర్చేందుకు పుచ్చలపల్లి సుందరయ్య స్మారక చలివేంద్రం ను దాతలు, సిపిఎం పార్టీ కార్యకర్తలు, ప్రజా సంఘాల కార్యకర్తలు సహకారం తో ఏర్పాటు చేశామని తెలిపారు.ఈ కార్యక్రమంలో సి.పి.ఎం పట్టణ కమిటీ సభ్యులు జవ్వాది శ్రీను, మడకా రాజు,గొన్నాబత్తుల నాగేశ్వరరావు, శిద్దిరెడ్డి శేషుబాబు,కర్రి సాయి శ్రీనివాస్ రెడ్డి,బంకురు యశోదాదేవి, ఎమ్.పావని,చల్లా చంద్రరావు, చిటికిన రాము,నరమాల కృష్ణ, దేశంశెట్టి సతీష్,తేతలి నాగిరెడ్డి మరియు సిఐటియు, డివైఎఫ్ఐ, ఎస్ఎఫ్ఐ, మహిళా సంఘం నాయకులు, కార్యకర్తలు పెద్ద సంఖ్యలో పాల్గొన్నారు.
*ఇట్లు*
*కరెడ్ల రామకృష్ణ*
*సి.పి.ఎం పట్టణ కార్యదర్శి*
*9492606900*
*తాడేపల్లిగూడెం*

28/05/2026

తాడేపల్లిగూడెం 2026 మే 18:-
*పెంచిన పెట్రోల్,డీజిల్, వంటగ్యాస్ ధరలను వెంటనే ఉపసంహరించుకోవాలని తాడేపల్లిగూడెం సిపిఎం పట్టణ కార్యదర్శి కరెడ్ల రామకృష్ణ కేంద్ర, రాష్ట్ర ప్రభుత్వాలను డిమాండ్ చేశారు* కేంద్ర రాష్ట్ర ప్రభుత్వాలు నిరంతరం పెంచుతున్న పెట్రోల్,డీజిల్, వంటగ్యాస్ ధరలను వెంటనే ఉపసంహరించుకోవాలని డిమాండ్ చేస్తూ భారత కమ్యూనిస్టు పార్టీ మార్క్సిస్టు సిపిఎం తాడేపల్లిగూడెం పట్టణ కమిటీ ఆధ్వర్యంలో ఈరోజు స్థానిక బ్రహ్మానందరెడ్డి మార్కెట్ వద్ద నిరసన కార్యక్రమం నిర్వహించడం జరిగింది. *ఈ సందర్భంగా సిపిఎం పట్టణ కార్యదర్శి కరెడ్ల రామకృష్ణ, పట్టణ కమిటీ సభ్యులు జవ్వాది శ్రీను మాట్లాడుతూ* ఐదు రాష్ట్రాలలో ఎన్నికల అనంతరం కేంద్రంలో ఉన్నటువంటి బిజెపి ప్రభుత్వం పెట్రోల్, డీజిల్, వంటగ్యాస్ ధరలు పెంచడాన్ని తీవ్రంగా ఖండించారు. ఇరాన్ పై అమెరికా ఇశ్రాయేలు చేస్తున్న యుద్ధం కారణంగా మన దేశంలో బిజెపి ప్రభుత్వం పేద,మధ్యతరగతి ప్రజల మీద పెట్రోల్,డీజిల్, వంటగ్యాస్ ధరలు పెంపు ద్వారా భారాలు వేయడం ఎంతవరకు సమంజసం అని కేంద్ర, రాష్ట్ర ప్రభుత్వాలను దుయ్యబట్టారు. దేశ ప్రజలకు ఉపాధి లేక,పనులు లేక ఆదాయాలు లేక ఇబ్బందులు పడుతుంటే దేశ ప్రజల మీద భారాలు వేయడం కార్పొరేట్ పెట్టుబడిదారులకు రాయితీలు కల్పించడం బిజెపి చేస్తున్న అరాచకాలకు ప్రతీకగా నిలుస్తుంది అని తెలిపారు. కేంద్రంలో బిజెపి ప్రభుత్వం రాష్ట్ర ప్రజలపై భారాలు వేస్తున్న టిడిపి కూటమీ ప్రభుత్వం కేంద్ర ప్రభుత్వాన్ని ఖండించక పోవడం విడ్డూరంగా ఉందని ఆవేదన వ్యక్తం చేశారు. గత ఆరు నెలల్లో పెట్రోల్ లీటర్ పై పన్నెండు రూపాయలు, డీజిల్ పై పది రూపాయలు గృహ వినియోగ గ్యాస్ సిలిండర్ పై 150 రూపాయలు పెంచి పేద మధ్యతరగతి ప్రజల నడ్డివిరుస్తున్నారని వాపోయారు.అంతర్జాతీయంగా ముడి చమురు ధరలు తగ్గినా దేశంలో మాత్రం ఎక్సైజ్ సుంకం, రోడ్ సెస్ పేరుతో ప్రజలనుదోచుకుంటున్నారని,దీని ప్రభావంతో నిత్యవసర సరుకులు ధరలు రవాణా చార్జీలు విపరీతంగా పెరిగి సామాన్యులు బతకలేని పరిస్థితి ఏర్పడిందని ఆగ్రహాం వ్యక్తం చేశారు. పెంచిన పెట్రోల్,డీజిల్ వంట గ్యాస్ ధరలను వెంటనే ఉపసంహరించుకోవాలని, పెట్రోలియం ఉత్పత్తులను జీఎస్టీ పరిధిలోకి తీసుకురావాలని, కేంద్ర ఎక్సైజ్ సుంకం రాష్ట్ర వ్యాట్ ను తగ్గించాలని, ఉజ్వల పథకం లబ్ధిదారులకు సబ్సిడీతో గ్యాస్ సిలిండర్ అందించాలని,ప్రజా పంపిణీ వ్యవస్థను బలోపేతం చేసి ధరల నియంత్రణకు చర్యలు తీసుకోవాలని కేంద్ర రాష్ట్ర ప్రభుత్వాలను డిమాండ్ చేశారు.పెట్రోల్ డీజిల్ వంటగ్యాస్ ధరలు వెంటనే తగ్గించాలని లేనిపక్షంలో దేశవ్యాప్తంగా ఆందోళన కార్యక్రమాలు చేపట్టి కేంద్ర రాష్ట్ర ప్రభుత్వాలకు తగు బుద్ధి చెబుతామని హెచ్చరించారు.ధరల పెంపును ఆపాలని,ప్రజా వ్యతిరేక విధానాలు నశించాలి అని, జిందాబాద్ సిపిఎం అంటూ పెద్ద ఎత్తున నినాదాలు చేశారు. ఈ కార్యక్రమంలో సిపిఎం పార్టీ పట్టణ కార్యకర్తలు పాల్గొన్నారు.
*కరెడ్ల రామకృష్ణ*
*సిపిఎం పట్టణ కార్యదర్శి*
*9492606900*

28/05/2026

తాడేపల్లిగూడెం 2026 మే 10:-
*కేంద్ర బిజెపి ప్రభుత్వం లేబర్ కోడ్స్ నోట్ పై చేయడాన్ని సిఐటియు జిల్లా అధ్యక్షులు కర్రి నాగేశ్వరరావు తీవ్రంగా వ్యతిరేకించారు* దేశవ్యాప్త కార్మిక సంఘాలు ఇచ్చిన పిలుపులో భాగంగా తాడేపల్లిగూడెం సిఐటియు పట్టణ కమిటీ ఆధ్వర్యంలో స్థానిక పోలీస్ ఐలాండ్ వద్ద కేంద్ర బిజెపి ప్రభుత్వం లేబర్ కోడ్స్ నోట్ ఫై చేయడాన్ని వ్యతిరేకిస్తూ నిరసన కార్యక్రమం చేపట్టారు.లేబర్ కోడ్స్ ప్రతులను దగ్ధం చేశారు.రద్దు చేయాలి లేబర్ కోడ్స్ ను,అమలు చేయాలి కార్మిక చట్టాలను, వ్యతిరేకించండి కేంద్ర, రాష్ట్ర ప్రభుత్వాల మొండి వైఖరి, జిందాబాద్ సిఐటియు అంటూ పెద్ద ఎత్తున నినాదాలు చేశారు. *ఈ నిరసన కార్యక్రమానికి సిఐటియు జిల్లా అధ్యక్షులు కర్రి నాగేశ్వరరావు హాజరై మాట్లాడుతూ* బ్రిటిషు కాలం నుండి పోరాడి సాధించుకున్న 29 కార్మిక చట్టాలను కేంద్రంలో బిజెపి ప్రభుత్వం 4 లేబర్ కోడ్లు గా మార్చడాన్ని సిఐటియు తీవ్రంగా ఖండిస్తుందని తెలిపారు. 29 కార్మిక చట్టాలను నాలుగు కోడ్లు గా కుదించి అమలు చేయడానికి సిద్ధ పడిందని తెలిపారు. కరోనా కాలంలో దేశ ప్రజలు బయటకు రానటువంటి పరిస్థితుల్లో లేబర్ కోడ్లు ను చట్టాలు గా మార్చిందని వాపోయారు. కార్మికుల పొందుతున్న చట్టాలు సంక్షేమ పథకాలు ఈఎస్ఐ, పిఎఫ్ వంటి సౌకర్యాలను కుదిస్తూ లేబర్ కోడ్స్ ను తీసుకువచ్చిందని ఆవేదన వ్యక్తం చేశారు.కేంద్ర ప్రభుత్వం అనుమతి మేరకు రాష్ట్ర ప్రభుత్వం ఎనిమిది గంటల పని దినాలను 12 గంటలకు పెంచిందని వాపోయారు. యజమానులకు అనుకూలంగా కార్మిక శాఖ తయారైందని, కార్మిక శాఖ కార్మికులకు అనుకూలంగా ఉండాలని సూచించారు. అంతర్జాతీయ,జాతీయ కార్పొరేట్ శక్తులకు కార్మికులు ఊడిగం చేసే విధంగా కేంద్ర ప్రభుత్వ విధానాలు ఉన్నాయని, ఈ విధానాలను రద్దు చేయాలని లేకపోతే కార్మికుల యొక్క ప్రతిఘటన వస్తుందని కేంద్ర ప్రభుత్వాన్ని హెచ్చరించారు.*సిఐటియు జిల్లా కార్యదర్శి కరెడ్ల రామకృష్ణ, సిఐటియు పట్టణ కన్వీనర్ జవ్వాది శ్రీను లు మాట్లాడుతూ* బ్రిటీష్ కాలం నుండి పోరాట సాధించుకున్న కార్మిక చట్టాలను కేంద్రంలో బిజెపి ప్రభుత్వం మూడోసారి అధికారంలోకి వచ్చిన తర్వాత 2025 వ సంవత్సరం నవంబర్ 21 వ తేదీన కార్మిక చట్టాల స్థానంలో లేబర్ కోడ్స్ ను తీసుకురావడాన్ని సిఐటియు తీవ్రంగా ఖండిస్తుందని తెలిపారు.ఐదు రాష్ట్రాలలో ఎన్నికల సందర్భంగా లేబర్ కోడ్స్ అమలు వెనక్కి నెట్టి ఎన్నికల ఫలితాలు విడుదలైన సందర్భంగా రేపటినుండి లేబర్ కోడ్స్ ను నోటి ఫై చేయడాన్ని సిఐటియు తీవ్రంగా ఖండిస్తుందని హెచ్చరించారు. యజమానులకు కార్మికులను కట్టు బానిసల్లాగా చేసే లేబర్ కోడ్స్ ను రద్దు చేయాలని కేంద్ర,రాష్ట్ర ప్రభుత్వాలను డిమాండ్ చేశారు. కేంద్ర ప్రభుత్వం తీసుకు వచ్చిన లేబర్ కోడ్స్ వేతనాలు కోడ్ 2019 పారిశ్రామిక సంబంధాలు కోడ్ 2020 సామాజిక భద్రత కోడ్ 2020 వృత్తిపరమైన భద్రత ఆరోగ్యం పరిస్థితులు కోడ్ 2020 తీసుకురావడాన్ని సిఐటియు తీవ్రంగా ఖండిస్తుందని తెలిపారు. ఇప్పటికే కార్మికులకు ఉపాధి లేక తినటానికి తిండి లేక ఇబ్బందులు పడుతున్నారని ఆవేదన వ్యక్తం చేశారు.ఎనిమిది గంటల పని దినాలు 12 గంటలకు పెంచుతూ రాష్ట్ర ప్రభుత్వం ఇచ్చిన హామీని వెనక్కి తీసుకోవాలని లేదంటే ప్రతిఘటన తప్పదని హెచ్చరించారు. ఈజ్ ఆఫ్ డూయింగ్ బిజినెస్ పేరుతో నిబంధనలను అమలుచేసి యంత్రాంగాన్ని నామమాత్రంగా మార్చనుండటమే దీనికి కారణమని తెలిపారు.వారానికి 48 గంటల పని దినాలను కేంద్ర ప్రభుత్వం అమలు చేయాలని, ఎనిమిది గంటల పని దినాన్ని 12 గంటలకు పెంచడాన్ని సిఐటియు తీవ్రంగా ఖండిస్తుందని తెలిపారు. లేబర్ కోడ్స్ రద్దు చేయాలని, కార్మిక చట్టాలు అమలు చేయాలని లేని పక్షంలో దశల వారి ఆందోళన కార్యక్రమాలు చేపట్టి కేంద్ర రాష్ట్ర ప్రభుత్వాలకు తగు బుద్ధి చెప్తామని హెచ్చరించారు. ఈ కార్యక్రమంలో కాలపురెడ్డి కొండలరావు,అడపా లోవ,అయినాల ధర్మారావు,తోట శ్రీను,తంగేటి శ్రీను,వడిసెల శ్రీనివాసరావు, పులిమంతుల రమణ,పకుర్తి చిన్న అప్పారావు, మిద్దే జాన్,పతివాడ నాగేంద్రబాబు తదితరులు పాల్గొన్నారు.
*కరెడ్ల రామకృష్ణ*
*సిఐటియు జిల్లా కార్యదర్శి*
*9492606900*

28/05/2026

తాడేపల్లిగూడెం 2026 మే 1:-
*కార్మిక,కర్షక, ఉద్యోగ,కౌలు రైతు సమస్యల పరిష్కారానికి ఐక్య పోరాటాలే శరణ్యమని ఆంధ్రప్రదేశ్ కౌలు రైతు సంఘం రాష్ట్ర అధ్యక్షులు బి.బలరాం పిలుపునిచ్చారు* తాడేపల్లిగూడెం లో ప్రపంచ కార్మిక దినోత్సవం సందర్భంగా సిఐటియు తాడేపల్లిగూడెం పట్టణ కమిటీ ఆధ్వర్యంలో ఎన్.కె.గ్రౌండ్ వద్ద శుక్రవారం నిర్వహించిన మేడే బహిరంగ సభ అత్యంత ఉత్సాహంగా, పోరాట స్ఫూర్తితో జరిగింది. పట్టణంలో స్థానిక యూనియన్ పని ప్రదేశాలలో నివాస ప్రాంతాలలో జెండా ఆవిష్కరణలు చేశారు.కార్మికులు, కౌలు రైతులు, వివిధ ప్రజాసంఘాల నాయకులు ఈ సభలో పాల్గొన్నారు. ఈ సభకు సిఐటియు పట్టణ కన్వీనర్ జవ్వాది శ్రీను అధ్యక్షత వహించారు.*ముఖ్య అతిథిగా హాజరైన ఆంధ్రప్రదేశ్ కౌలు రైతు సంఘం రాష్ట్ర అధ్యక్షులు బి. బలరాం గారు మాట్లాడుతూ* మేడే అంటే కార్మికుల రక్తంతో రాసిన చరిత్రని, 8 గంటల పనిళదినం కోసం చికాగోలో కార్మికులు ప్రాణాలు అర్పించారని, కానీ ఈరోజు కేంద్ర, రాష్ట్ర ప్రభుత్వాలు కార్మిక చట్టాలను నీరుగారుస్తూ, 12-14 గంటలు పనిచేయించే విధానాలకు తెరలేపుతున్నాయని,ఇది చికాగో అమరవీరులకు చేస్తున్న ద్రోహం” అని ధ్వజమెత్తారు.“రాష్ట్రంలో కౌలు రైతుల పరిస్థితి దయనీయంగా ఉందని,పట్టాదారు పాస్‌పుస్తకాలు లేక, పంట రుణాలు రాక, గిట్టుబాటు ధర లేక కౌలు రైతులు ఆత్మహత్యలు చేసుకుంటున్నారని ఆవేదన వ్యక్తం చేశారు.ఒకవైపు కార్పొరేట్ కంపెనీలకు వేల ఎకరాలు కట్టబెడుతూ,మరోవైపు సాగు చేసే కౌలు రైతును గాలికి వదిలేస్తున్నారని కేంద్ర , రాష్ట్ర ప్రభుత్వాల పై ధ్వజమెత్తారు. కార్మికుడి సమస్యకు, కౌలు రైతు సమస్యకు మూలం ఒక్కటే - కార్పొరేట్ విధానాలు. అందుకే కార్మిక, కర్షక ఐక్యతతోనే ఈ విధానాలను ఓడించగలం” అని పిలుపునిచ్చారు.*సిఐటియు పశ్చిమ గోదావరి జిల్లా అధ్యక్షులు కర్రి నాగేశ్వరరావు గారు మాట్లాడుతూ...* తాడేపల్లిగూడెంలో మున్సిపల్ పారిశుద్ధ్య కార్మికులు, ఆటో డ్రైవర్లు, భవన నిర్మాణ కార్మికులు, షాపు వర్కర్లు తీవ్ర ఇబ్బందులు పడుతున్నారు. కాంట్రాక్ట్, ఔట్‌సోర్సింగ్ పేరుతో శాశ్వత ఉద్యోగాలు లేకుండా చేస్తున్నారని,పెట్రోల్ రూ.110,గ్యాస్ రూ.1130 అయిందని,కానీ కనీస వేతనం మాత్రం రూ.26,000 ఇవ్వడానికి ప్రభుత్వాలకు చేతులు రావడం లేదు” అని విమర్శించారు.కేంద్ర ప్రభుత్వం తీసుకొచ్చిన 4 లేబర్ కోడ్‌లు కార్మికులను మళ్లీ బానిసలుగా మార్చే కుట్ర జరుగుతోందని, 44 చట్టాలను రద్దు చేసి యజమానులకు ‘హైర్ అండ్ ఫైర్’ అధికారం ఇస్తున్నారని దీన్ని సిఐటియు తీవ్రంగా ప్రతి ఘటిస్తుందని తెలిపారు. జిల్లాలోని ప్రతి మండలంలో,ప్రతి పరిశ్రమలలో పోరాటాలు ఉధృతం చేస్తాం” అని హెచ్చరించారు. కనీస వేతనం రూ.26,000 వెంటనే అమలు చేయాలని,కాంట్రాక్ట్, ఔట్‌సోర్సింగ్ విధానాన్ని రద్దు చేసి అందరినీ పర్మనెంట్ చేయాలని,కార్మిక వ్యతిరేక 4 లేబర్ కోడ్‌లను రద్దు చేయాలని,పెట్రోల్, డీజిల్, గ్యాస్ ధరలను సగానికి తగ్గించాలని,కౌలు రైతులందరికీ గుర్తింపు కార్డులు, పంట రుణాలు, గిట్టుబాటు ధర కల్పించాలని, 8 గంటల పని దినం చట్టాన్ని కచ్చితంగా అమలు చేయాలని,అందరికీ ESI, PF, పెన్షన్ సౌకర్యం కల్పించాలని కేంద్ర,రాష్ట్ర ప్రభుత్వాలను డిమాండ్ చేశారు. *సిఐటియు జిల్లా కార్యదర్శి కరెడ్ల రామకృష్ణ మాట్లాడుతూ* బ్రిటిష్ కాలం నుండి పోరాడి సాధించుకున్న 44 కార్మిక చట్టాలను నాలుగు లేబర్ కోడ్ లుగా తయారుచేసి కార్మికులను యజమానులకు కట్టు బానిసలుగా తయారు చేసే ప్రక్రియ కేంద్రంలోని మోడీ ప్రభుత్వం చేపట్టిందని ధ్వజమెత్తారు. కార్మిక చట్టాలు మార్పును వ్యతిరేకిద్ధామనే అనే నినాదాన్ని ఇంటింటికి తీసుకెళ్లాలని సూచించారు. మతోన్మాదాన్ని వ్యతిరేకిద్దాం హిందూ ముస్లిం అని కొట్టుకుంటే లాభపడేది అంబానీ అదానీ మాత్రమే నష్టపోయేది మనమే అని తెలిపారు. మే డే స్ఫూర్తితో ప్రతిజ్ఞ చేద్దామని తల తెగిన మెడవంచమని, హక్కుల సాధించే వరకు పోరాటం ఆపమని ఇది సిఐటియు ఘనతని కొనియాడారు. హక్కులు అడిగితే ఎవరూ ఇవ్వలేదని పోరాడి సాధించుకోవాలని 1886లో చికాగో కార్మికులు తూటాలకు ఎదురొడ్డి నిలబడ్డారని కాబట్టి ఈరోజు మనం 8 గంటల పని దినాన్ని సాధించుకున్నామని తెలిపారు. ఈరోజు మనం రోడ్డు ఎక్కకపోతే మన పిల్లలు రేపు 16 గంటల పని చేయాల్సి వస్తుందని అందుకే ప్రతి కార్మికుడు సిఐటియు లో చేరాలని ప్రతి ప్యాక్టరీ గేట్ ముందు ఎర్రజెండాతో నిలబడాలని సూచించారు. మీ చెమటచుక్క తో ఈ పట్టణం తడిసిందని మీ రక్తంతో ఈ రోడ్లు తడవనివ్వకండని హక్కుల కోసం లేవండని,పోరాడాలని, గెలవాలని, మీ వెనుక సిఐటియు ఎర్రజెండా ఎప్పుడూ ఉంటుందని తెలిపారు.ఈ కార్యక్రమంలో సభ ప్రారంభంలో ప్రజానాట్యమండలి కళాకారులు ప్రదర్శించిన “కార్మిక గీతాలు” అందరినీ ఆకట్టుకున్నాయి. “ప్రపంచ కార్మికులారా ఏకంకండి”, “కార్మికుల ఐక్యత వర్ధిల్లాలి” అనే నినాదాలతో సభా ప్రాంగణం మార్మోగింది. ఈ కార్యక్రమానికి ధనాల వెంకటరావు,సిఐటియు కన్వీనర్ జవ్వాది శ్రీను, కో కన్వీనర్ అల్లు సుబ్బారావు, మడకా రాజు,బి.యశోద, సత్తి కోదండ రామిరెడ్డి,చల్లా చంద్రరావు, చిటికిన రాము, పబ్బాని సురేష్ కుమార్,పైలు చిన్నా,నరమాల కృష్ణ, మరుకుర్తి గంటల రావు, దేశంశెట్టి సతీష్,ఏపూరి శ్రీను,వడిసెల శ్రీనివాసరావు, ముత్యాల సుబ్బారావు,నెల్లి ఆదినారాయణ, సిరపరపు రామారావు,గట్టిం కాశీ తదితరులు పాల్గొన్నారు.
*కరెడ్ల రామకృష్ణ*
*సిఐటియు జిల్లా కార్యదర్శి*
*9492606900*

28/05/2026

తాడేపల్లిగూడెం 2026 ఏప్రిల్ 30:
*మే ఒకటవ తేదీన జరిగే జెండా ఆవిష్కరణలు,బహిరంగ సభ, ర్యాలీ ను జయప్రదం చేయాలని సిఐటియు జిల్లా అధ్యక్షులు కర్రి నాగేశ్వరరావు పిలుపునిచ్చారు* తాడేపల్లిగూడెం సిఐటియు పట్టణ కమిటీ ఆధ్వర్యంలో స్థానిక పుచ్చలపల్లి సుందరయ్య భవనములో మేడే పోస్టర్ ఆవిష్కరణ కార్యక్రమం సిఐటియు పట్టణ కన్వీనర్ జవ్వాది శ్రీను అద్యక్షతన జరిగింది. *ఈ కార్యక్రమానికి సిఐటియు జిల్లా అధ్యక్షులు కర్రి నాగేశ్వరరావు హాజరై మాట్లాడుతూ* ప్రపంచ కార్మిక వర్గ పోరాట చరిత్రకు గుర్తుగా నిలిచే మేడే వారోత్సవాలను జయప్రదం చేయడానికి, ఆ పోరాట స్ఫూర్తిని ప్రతి కార్మికుడి గుండెకు చేర్చడానికి మనం ఈ మేడే పోస్టర్‌ ను ఆవిష్కరిస్తున్నామని ఆయన తెలిపారు.ఈ పోస్టర్‌లో ఉన్న ఎర్రజెండా, కొడవలి-సుత్తి గుర్తు కేవలం ఒక సింబల్ కాదని,అది కార్మికుడి చెమట కు, త్యాగానికి, పోరాటానికి ప్రతీకని,1886లో చికాగో కార్మికులు 8 గంటల పని దినం కోసం తమ ప్రాణాలను అర్పించారని,ఆ రక్తంతో తడిసిన ఎర్రజెండానే ఈరోజు మనం చేతబట్టామని తెలిపారు.ఈ పోస్టర్ ప్రతి వీధిలో,ప్రతి కూడలిలో,ప్రతి ఫ్యాక్టరీ గేటు ముందు కనపడాలని,మేడే వారోత్సవాల్లో పాల్గొనమని. ఇది ఒక హెచ్చరిక - కార్మిక చట్టాలను కాలరాస్తున్న ప్రభుత్వాలకు ఇది ఒక ప్రతిజ్ఞ - కార్మికుల హక్కుల కోసం చివరి వరకు పోరాడతామని తెలిపారు. *సిఐటియు జిల్లా కార్యదర్శి కరెడ్ల రామకృష్ణ మాట్లాడుతూ* ఈ దోపిడీకి చరమగీతం పాడాలంటే కార్మిక వర్గం ఏకం కావాలని, ఆ ఐక్యతకు పిలుపే ఈ పోస్టర్ అని తెలిపారు.ఈ పోస్టర్‌ ను ఇంటింటికి తీసుకెళ్లాలని,ప్రతి కార్మికుడికి మేడే సందేశం చేరాలని తెలిపారు.మే 1 తేదీన జరిగే జెండా ఆవిష్కరణలు, సభలు, ప్రదర్శనలు, సాంస్కృతిక కార్యక్రమాలు జయప్రదం చేయాలని పిలుపునిచ్చారు.మే 1న జరిగే బహిరంగ సభకు కుటుంబ సమేతంగా వేలాదిగా తరలిరావాలని, మన బలం చూపించాలని పిలుపు నిచ్చారు.పోస్టర్ ఆవిష్కరణ అనేది మొదటి అడుగు మాత్రమేమని,అసలైన పోరాటం రేపటి నుండి మొదలవుతుందని,ఈ పోస్టర్ చూసిన ప్రతి కార్మికుడి గుండెలో ఆవేశం రగలాలని. ‘మన హక్కుల కోసం మనమే పోరాడాలి’ అనే స్పృహ కలగాలని కోరారు.కార్మిక వర్గం కదిలితే ప్రభుత్వాలు దిగివస్తాయని,చట్టాలు మారుతాయని,వ్యవస్థలు కదులుతాయని తెలిపారు. పెట్టుబడిదారులకు, కార్పోరేట్ లకు మేడే అంటే భయమని, ఎర్రజెండా అంటే వణుకు అని తెలిపారు.మే 1 వ తేదీన తాడేపల్లిగూడెం పట్టణంలో రోడ్లు ఎర్రజెండాలతో నిండిపోవాలని తెలిపారు.సిఐటియు ఇచ్చే పిలుపు ఒక్కటే - “ప్రతి గుండెలో ఎర్రజెండా ఎగరాలని,ప్రతి గొంతులో కార్మిక నినాదం మార్మోగాలని చెప్పారు.ప్రపంచ కార్మికులారా ఏకంకండి!మేడే వారోత్సవాలు జయప్రదం చేయండి! సిఐటియు వర్ధిల్లాలి!కార్మికుల ఐక్యత వర్ధిల్లాలి! అంటూ పెద్ద ఎత్తున నినాదాలు చేశారు.ఈ కార్యక్రమానికి జవ్వాది శ్రీను, చిటికిన రాము,పోతు శ్రీను, బొడ్డపాటి శివ,పతివాడ నాగేంద్రబాబు,బాణం రమేష్,మిద్దే జాన్,మద్దాల సత్యనారాయణ తదితరులు పాల్గొన్నారు.
*కరెడ్ల రామకృష్ణ*
*సిఐటియు జిల్లా కార్యదర్శి*
*9492606900*

28/05/2026

తాడేపల్లిగూడెం 2026 ఏప్రిల్ 29:-
రాష్ట్రానికి అంటువ్యాధి గా మతోన్మాదం మారిందని, టిడిపి కూటమి ప్రభుత్వం మతోన్మాదాన్ని రాజకీయ ఎజెండాగా మార్చేసిందని సిపిఎం రాష్ట్ర ప్రధాన కార్యదర్శి వి. శ్రీనివాసరావు అన్నారు.ముఖ్యమంత్రి చంద్రబాబును ఆర్ఎస్ఎస్ ఆవహించిందని, మోడీని ప్రసన్నం చేసుకునేందుకు పూనకం వచ్చినట్లు ఏమి మాట్లాడుతున్నారో ఆయనకే తెలియడం లేదని వ్యాఖ్యానించారు. స్థానిక ఛాంబర్ ఆఫ్ కామర్స్ అండ్ ఇండస్ట్రీస్ భవనంలో బుధవారం అమెరికా యుద్ధోన్మాదం కారణాలు ప్రభావాలు అనే అంశంపై సెమినార్ నిర్వహించారు. సెమినార్ సిపిఎం జిల్లా కార్యదర్శి వర్గ సభ్యులు కర్రి నాగేశ్వరరావు అద్యక్షతన జరిగింది. ముఖ్య అతిథి *సిపిఎం రాష్ట్ర ప్రధాన కార్యదర్శి వి.శ్రీనివాసరావు మాట్లాడుతూ* తమిళనాడు ఎన్నికల ప్రచారానికి వెళ్లిన చంద్రబాబు తన సొంత డబ్బా కొట్టుకు వచ్చారన్నారు. రాష్ట్రంలో ఎటువంటి అభివృద్ధి, సంక్షేమం చేయనప్పటికీ ప్రజలను పక్కదారి పట్టించడంలో దిట్ట అన్నారు. ఉత్పత్తి రంగంలో తమిళనాడు నాలుగో స్థానంలో ఉందని, మనం ఎనిమిదో స్థానానికి పరిమితమయ్యామన్నారు. ఆకివీడు ఘటనను క్రిష్టియన్, హిందువులు మధ్య విభేదంగా సృష్టించారని దీనికి డిప్యూటీ స్పీకర్ కనుమూరి రఘురామ కృష్ణరాజు వైఖరే కారణమన్నారు. 2014 ఎన్నికల్లో మోడీ చెప్పిన ఎజెండా కు ప్రస్తుతం చెబుతున్న మాటలకు సంబంధం లేదన్నారు. దేశంలో జిడీపిలో మూడో స్థానం అని చెప్పుకున్న మోడీ ఇప్పుడు ఐదో స్థానానికి చేరుకోవడంపై ఏం సమాధానం చెబుతారని ప్రశ్నించారు. ప్రపంచ దేశాలన్నీ డాలర్ను వ్యతిరేకిస్తుంటే, అదే డాలర్ను ప్రోత్సహిస్తున్న వ్యక్తి మన ప్రధాని మోడీ అని విమర్శించారు. అందుకే రూపాయి విలువ తగ్గిపోతుందన్నారు. ఎస్ఐర్తో దేశంలో మతం ఆధారంగా, ఈ దేశ పౌరుడిగా నిరూపించుకోవాల్సిన దుస్థితి ఏర్పడిందన్నారు. రాజ్యాంగబద్ద ఎన్నికల కమిషన్ ను కూడా రాజకీయ వ్యూహంలో ఉపయోగించడం రాజ్యాంగ విరుద్ధమన్నారు. బిజెపికి ఓటేయకపోతే ఓటు తొలగించే ప్రయత్నం చేస్తున్నారని మండిపడ్డారు. చివరకు సుప్రీంకోర్టుపైన కూడా ప్రజలకు నమ్మకంపోతున్న పరిస్థితులు దాపరించాయన్నారు. మహిళా రిజర్వేషన్లు పేరుతో డీ లిమిటేషన్ బిల్లును తీసుకొచ్చి ప్రభుత్వం కుట్రచేసే ప్రయత్నం చేసిందన్నారు. డీలిమిటేషన్ బిల్లు వల్ల మన రాష్ట్రానికి అన్యాయం జరుగుతుందని, దానిపై పాలకులు రాష్ట్ర ప్రజలకు సమాధానం చెప్పాలని డిమాండ్ చేశారు. చంద్రబాబు నిరంతరం మోడీని ప్రసన్నం చేసుకునేందుకు మోడీ దండకం చదువుతున్నారన్నారు. మోడీ లొంగుబాటు వల్ల మన దేశంలో ఏ వ్యాపారం చేసుకోవాలో, ఏ సరుకులు ఎగుమతులు, దిగుమతులు చేసుకోవాలో ట్రంప్ నిర్ణయిస్తున్నాడని, అంటే మన దేశ సార్వదు.. వినాశకర పాత్ర భౌమత్వాన్ని దెబ్బతీయడమేనని
విమర్శించారు. ఆయిల్ పై ఆధిపత్యం కోసమే గల్ఫ్ దేశాలపై ట్రంప్ యుద్ధం చేస్తున్నారని, దీన్ని ఇరాన్ గట్టిగా ప్రతిఘటిస్తుందని అన్నారు. అమెరికా ఆధిపత్యానికి వ్యతిరేకంగా చిన్న దేశాలు కూడా నిలబడుతుంటుంటే మన దేశ ప్రధాని మాత్రం అమెరికాకు సాగిలపడుతున్నారని విమర్శించారు. ఉపాధి కల్పన, పేదరిక నిర్మూలన, అభివృద్ధిని పక్కనబెట్టి మత రాజకీయాలు చేయడంపై ప్రజలందరూ ఐక్యంగా పోరాడాలని పిలుపునిచ్చారు. రాష్ట్రంలో ప్రజలందరూ ముగ్గురు పిల్లల్ని కనాలని ముఖ్యమంత్రి చంద్రబాబు పిలుపునిస్తున్నారని, ప్రజలకంటే ముందు తన తనయుడు లోకేష్బాబుకు ఆ సలహా ఇవ్వాలని హితవు పలికారు. ఎక్కువమంది పిల్లల్ని కంటే వారి భవిష్యత్కు చంద్రబాబు గ్యారంటీ ఇస్తారా అని ప్రశ్నించారు.

దళిత క్రైస్తవులను ఎస్సీలుగానే గుర్తించాలి...***

దళిత క్రైస్తవులను ఎస్ సిలుగానే గుర్తించాలని శ్రీనివాసరావు డిమాండ్ చేశారు. క్రైస్తవ మతంలోకి మారినంత మాత్రాన కులం పోతుందా అని ప్రశ్నించారు. దళితుల్లో ఎవరైనా చనిపోతే పూడ్చి పెట్టడానికి కూడా కనీసం శ్మశానవాటికలు కూడా లేవన్నారు. దళితులు కులవ్యవస్థ చట్రంలోనే నలిగిపోతున్నారని తెలిపారు. రాష్ట్రంలో సామాజిక న్యాయం కోరుకునే ఏ రాజకీయ పార్టీ అయినా దళిత క్రైస్తవులను ఎస్సిలుగా గుర్తించాలనే డిమాండ్ చేయాలని కోరారు. అయితే దీనిపై రాష్ట్రంలో టిడిపి, జనసేన-వైసిపి ఎందుకు మాట్లాడటం లేదని ప్రశ్నించారు.

కార్పొరేట్లకు భూ పందేరం..***

రాష్ట్రంలో కార్పొరేట్లకు భూపందేరం సాగిస్తున్నారని శ్రీనివాసరావు విమర్శించారు. ఇష్టం వచ్చినట్లు భూములు కేటాయిస్తున్నారని మండిపడ్డారు. బలవంతపు భూసేకరణకు ఒప్పుకోకపోతే అరెస్టులు చేస్తున్నారన్నారు. ప్రశ్నిస్తున్న వారిపై కేసులు పెట్టడమే కాకుండా పీడీ యాక్టును సైతం బనాయిస్తున్నారన్నారు. విజన్-2047 పేరుతో విలువైనా భూములను దారాదత్తం చేస్తున్నారని ఆరోపించారు. అభివృద్ధి అంటే ఒక్క పరిశ్రమలే కాదని అన్నారు. వ్యవసాయం తీవ్ర సంక్షోభంలో ఉందన్నారు. సంక్షేమానికి గ్యారెంటీ లేదన్నారు. పెట్టుబడులన్నీ వెనక్కి వెళ్లిపోతున్నాయని, చంద్రబాబు మాత్రం లేనిది ఉన్నట్లు చూపించి ప్రజలను మోసగిస్తున్నారని విమర్శించారు.ఈ కార్యక్రమానికి జిల్లా ముస్లీం జేయేసి నాయకులు షేక్ నౌషాద్ మొహీద్దున్, సిపిఎం పట్టణ కార్యదర్శి కరెడ్ల రామకృష్ణ, పెంటపాడు మండల కన్వీనర్ సిరపరపు రంగారావు,రైతు సంఘం జిల్లా అధ్యక్షులు చిర్ల పుల్లారెడ్డి, సిపిఎం పట్టణ నాయకులు జవ్వాది శ్రీను మరియు సిపిఎం పార్టీ శ్రేణులు పాల్గొన్నారు.
*కరెడ్ల రామకృష్ణ*
*సిపిఎం పట్టణ కార్యదర్శి*
*9492606900*

CITU - Tadepalligudem

30/05/2026

30/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

Address

Website

Alerts

Shortcuts

Share

Category

Listing takedown request