Khagrabari Primary BSS

#खालार #- 29/12/2024
दिनै भेरगाव जिल्ला बर' थुनलाइ आफादनि द'थि मावफुं मेल लानाय जायो।जायगा -इउ एन एकादेमी भेरगाव।

खालार -22/12/2024
दिनै खाग्राबारि गुदि बर' थुनलाइ आफादनि खुंगा 33 थि बोसोरारि जुथुमाखौ सानसेनि हाबाफारिनि गेजेरजों खाग्राबारि जनता गोजौ फरायसालिआव खुंफुंलांनाय जायो। थान्दै मेलखौ बेखेवनानै होयो भेरगाव जिल्ला बर' थुनलाइ आफादनि नेहाथारि मुस्रि बाबुल अखाफोर बर' आरो गाहाइ आलासि महरै नुजाथि फैयो मिरु बर' थुनलाइ आफादनि नेहाथारि मुस्रि कामेस्वर बर' बिथाङा।

खालार=02 नभेम्बर 2024 #
दिनै सोनाब कालाइगाव गुदि बर' थुनलाइ आफादनि सिङाव थानाय दानसोरां गुदि फरायसालि भुयाखातआव भेरगाव जिल्ला बर' थुनलाइ आफादनि मोनसे मावफुं मेल लानाय जायो।

# खालार=07/10/2024(रबिबार)

फोरोंगिरि सावराय जुथुम
भेरगाव जिला बर' थुनलाइ आफादनि बानजायनायाव
थांनाय 6अक्ट'बर आव जानानै थाङो।बे मेलाव भेरगाव महकुमानि बेन्दोंआव थानाय गुदि निफ्राय लानानै गोजौसिन फरायसालि सिम फोरोंगिरि मोना बाहागो लायो।

18 मे बर' बिजों सानजों लोब्बा लाखिनानै भेरगाव जिल्ला बर' थुनलाइ आफादनि दैदेननाय आरो खाग्राबारि गुदि बर' थुनलाइ आफादनि बानजायनायाव मोनसे खन्थाइ जुथुम लानाय जायो। खन्थाइ जुथुम खौ बेखेवना होयो बि टि आरनि मावफुं सोद्रोमा मानिनां मुस्रि दावबायसा बर' बिथाङा। हाबाफारियाव बाहागो लानानै थुलुंगा होफैयो अदालगुरि जिल्ला BJP नि नेहाथारि मुस्रि जौस्रां बर' बिथाङा।बे हाबाफारियावनो' हालामनि बाख्रि ' नैथि बोसोर नैथि बिसानखौबो बेखेवनाय जायो।

#खालार -25 नबेम्बर 2023 #
खाग्राबारि गुदि बर' थुनलाइ आफादनि गोदान मावफुं आफादनो दिनै आलांगा मेलनि गेजेरजों गोहो गथायनाय जायो। बोसोर 2023-2026 नि गोदान मावफुं आफादाव आफादगिरि महरै मुस्रि बिग्रायसा खुंगुर सरगियारी आरो नेहाथारि महरै मुस्रि मनुज सरगियारी।गोदान मावफुं आफादनि साफ्रोमबो बिबानगिरि मोननि सिम बरायनाय थाबाय।

गोदान मावफुं आफाद खाग्राबारि गुदि बर' थुनलाइ आफाद 2023-2026

खालार -16 नबेम्बर 2023
71 थि बर' थुनलाइ आफादनि जोनोम सान फालिनायजों लोगोसे खाग्राबारि गुदि बर' थुनलाइ आफादनि खुंगा 32 थि बोसोरारि जथुमा।जायगा - खाग्राबारि जनता गेजेर/ गोजौ फरायसालि। हाबाफारि खौ बेखेवनानै होयो बि ति आर नि मावफुं सोद्रोमा मुस्रि दावबायसा बर' बिथाङा। गाहाय आलासि महरै नुजाथि फैयो भेरगाव जिल्ला बर' थुनलाइ आफादनि नेहाथारि मुस्रि बाबुल अखाफोर बर' बिथाङा।मख'नो गोनांदि बे हाबाफारिनि गेजेरजोंनो "हालामनि बाख्रि " मुंनि गांसे सेथि बोसोर सेथि बिसाननि द' दानारि लाइसि बेखेवनाय जायो। बेखौ बेखेवदोंमोन बि ति आर नि मावफुं सोद्रोमा मुस्रि दावबायसा बर' बिथाङा।

बोसोरनि जोबथा मावफुं मेलनि सावमु