05/10/2026
7వ తేదీన ప్రధాన మంత్రి శ్రీ నరేంద్ర మోదీ గారి పేరిట ఇంద్రకీలాద్రిలో ప్రత్యేక పూజలు
- ఉప ముఖ్యమంత్రి శ్రీ పవన్ కళ్యాణ్ గారి ఆదేశాలతో పూజలు చేయించనున్న రాజ్యసభ సభ్యులు శ్రీ లింగమనేని రమేష్ గారు
అక్టోబర్ 7వ తేదీనాటికి ప్రధానమంత్రి శ్రీ నరేంద్ర మోదీ 25 సంవ‌త్స‌రాల ప్రజా ప్రస్థానం పూర్తి చేస్తున్న సంద‌ర్భంగా విజ‌య‌వాడ ఇంద్ర‌కీలాద్రిలోని శ్రీ కనకదుర్గమ్మవారి దేవాల‌యంలో శ్రీ న‌రేంద్ర‌మోడీ గారి పేరిట ప్రత్యేక పూజాకార్య‌క్ర‌మాల‌ను రాజ్యసభ సభ్యులు లింగమనేని ర‌మేశ్ నిర్వహించనున్నారు.
2001లో గుజరాత్ ముఖ్యమంత్రిగా ప్రారంభమైన ఆయన పజ్రా ప్రస్థానం యాత్ర 2014 నుంచి దేశ ప్రధాన మంత్రిగా మొత్తం 25 ఏళ్లగా దిగ్విజయంగా కొనసాగుతోంది. ఈ నేపథ్యంలో 25 ఏళ్ల శ్రీ మోదీ ప్రజా ప్రస్థానాన్ని పురస్కరించుకొని - ఆంధ్రప్రదేశ్ ఉప ముఖ్యమంత్రి, జనసేన పార్టీ అధ్యక్షుడు శ్రీ పవన్ కళ్యాణ్ గారి ఆదేశాల మేరకు రాజ్యసభ సభ్యులు శ్రీ లింగమనేని రమేష్ ఈ పూజా కార్యక్రమాలు నిర్వహించనున్నారు. ఇంద్రకీలాద్రిపై కొలువైన శ్రీ కనకదుర్గమ్మ అమ్మవారి ఆలయంలో 7వ తేదీ తెల్లవారుజామున విశిష్టమైన ఖడ్గమాల అర్చన నిర్వహించనున్నారు. ప్రధాన మంత్రిగా దేశ సేవలో నిరంతరం నిమగ్నమైన శ్రీ నరేంద్ర మోదీ గారికి అమ్మవారి సంపూర్ణ ఆశీస్సులు లభించాలని, ఆయనకు ఆయురారోగ్యాలతో దీర్ఘాయుష్షు కలగాలని, పాలనలో మరింత శక్తి సామర్థ్యాలు కలగాలని ఆకాంక్షిస్తూ ఈ ప్రత్యేక పూజను నిర్వహించనున్నారు. దేశాన్ని ‘వికసిత్ భారత్’ లక్ష్యం వైపు ముందుకు తీసుకెళ్తున్న ప్రధాని శ్రీ మోదీ గారి నాయకత్వం మరింత బలోపేతం కావాలని, ఆయనకు కనకదుర్గమ్మవారి దీవెనలు ఎల్లవేళలా ఉండాలని ఈ ప్రత్యేక పూజలు చేపడుతున్నారు. ఈ పవిత్ర క్షేత్రంలో నిర్వహించే ఖడ్గమాల పూజకు ప్రత్యేక ఆధ్యాత్మిక ప్రాధాన్యం ఉంది. ఖడ్గమాల పూజను తెల్లవారుజామున బహ్మముహూర్త సమయంలో అంత‌రాల‌యంలో నిర్వహిస్తారు. జ‌గ‌ద్గురువులు ఆది శంకరాచార్యులు ఇంద్రకీలాద్రిలో ప్రతిష్టించిన శ్రీ చక్రానికి ఖడ్గమాల స్తోత్రంతో పూజా కార్యక్రమాలు నిర్వహిస్తే అమ్మవారి అనుగ్రహంతో పాటు ఆధ్యాత్మిక శక్తి, రక్షణ, శాంతి, సంకల్పసిద్ధి కలుగుతుందని భక్తుల విశ్వాసం.
అత్యంత పవిత్రమైన ఇంద్రకీలాద్రి క్షేత్రంలో ప్రధానమంత్రి శ్రీ నరేంద్ర మోదీ గారి పేరిట ఎన్నో ప్రత్యేకతలు కలిగిన ఖడ్గమాల పూజ నిర్వహణతో ఆయనకు సంపూర్ణ ఆరోగ్యం, దీర్ఘాయుష్షు, శక్తి సామర్థ్యాలు లభిస్తాయి. దేశ సేవలో ఆయన కొనసాగిస్తున్న నిరంతర కృషికి కనకదుర్గమ్మవారి ఆశీస్సులు లభించాలని, దేశం మరింత బలమైన, సుసంపన్నమైన, ఆత్మనిర్భరమైన భారతదేశంగా అభివృద్ధి చెందాలని, ‘వికసిత్ భారత్’ సంకల్పం సాకారం కావాలని ఉద్దేశ్యంతో శ్రీ లింగమనేని రమేష్ ఈ ప్రత్యేక పూజలు నిర్వ‌హిస్తున్నారు.
Narendra Modi Pawan Kalyan Shataghni News
