PA Jabbar Haji Follower's

13/10/2026

04/10/2026

തെരഞ്ഞെടുപ്പ് തോൽവിയിലെ തിരുത്തൽ നടപടികളായി മലപ്പുറത്തെ അവഹേളിക്കാനാണോ നന്ദകുമാർ ഉൾപ്പെടെയുള്ളവർക്ക് സി.പി.എം നൽകിയ നിർദ്ദേശം. ഈ തിരുത്തൽ നടപടികൾ തുടർന്നാൽ പാർട്ടിയുടെ അസ്തമയം വേഗത്തിലാകും.

മലപ്പുറത്തെ വർഗീയതയുടെ പേരിൽ മുദ്രകുത്താൻ ശ്രമിക്കുന്നവർ ഈ നാടിന്റെ ചരിത്രവും മതസൗഹാർദ പാരമ്പര്യവും ആദ്യം പഠിക്കണം. മുസ്‌ലിം ലീഗിന് മാത്രമല്ല, ചെങ്കൊടിക്കും ഇടം നൽകിയ മണ്ണാണിത്. രാഷ്ട്രീയമായി വിയോജിക്കുമ്പോഴും മനുഷ്യരായി ഒന്നിച്ചുനിൽക്കുന്ന ജനതയുടെ നാട്.

മലപ്പുറത്തെ അപമാനിച്ച് രാഷ്ട്രീയ നേട്ടംകൊയ്യാമെന്ന് ആരും വ്യാമോഹിക്കേണ്ട. മലപ്പുറം വർഗീയതയുടെ കൂടല്ല, മതസൗഹാർദത്തിന്റെ കോട്ടയാണ്. ഈ നാടിന്റെ അഭിമാനത്തിന് പോറലേൽപ്പിക്കുന്ന നീക്കങ്ങളെ നേരിടാൻ ഞങ്ങൾക്ക് നന്നായറിയാം.

പി.എ. ജബ്ബാർ ഹാജി
(പ്രസിഡന്റ്, ജില്ലാ പഞ്ചായത്ത് മലപ്പുറം)

26/09/2026

പ്രിയങ്ക ഗാന്ധി എം.പി മലപ്പുറം ജില്ലാ പഞ്ചായത്ത് സന്ദർശിച്ച വേളയിൽ, സ്നേഹത്തിന്റെ ഓർമ്മകൾ നിറഞ്ഞ ഒരു ചിത്രം സ്നേഹോപഹാരമായി കൈമാറി. രാജീവ് ഗാന്ധിയും സോണിയ ഗാന്ധിയും രാഹുൽ ഗാന്ധിയും കുഞ്ഞുപ്രിയങ്കയും ഒരുമിച്ചുള്ള ആ ചിത്രം പഴയൊരു കാലത്തിന്റെ മനോഹര ഓർമ്മയായി.

നാടിന്റെ വികസനവും പ്രത്യേകിച്ച് പട്ടികവർഗ മേഖലയിലെ ആരോഗ്യപരിരക്ഷയും ഉൾപ്പെടെയുള്ള ആവശ്യങ്ങൾ പ്രിയങ്ക ഗാന്ധിയുടെ ശ്രദ്ധയിൽപ്പെടുത്തി.

✍️ പി എ ജബ്ബാർ ഹാജി

21/09/2026

നിലമ്പൂർ ചോക്കാട് ടി.കെ കോളനിയിൽ മലവെള്ളപ്പാച്ചിലിൽ ദുരന്തമുണ്ടായ സ്ഥലം മുഖ്യമന്ത്രി വി.ഡി സതീശനും മന്ത്രിമാർക്കുമൊപ്പം സന്ദർശിച്ചു.

ജീവൻ നഷ്ടപ്പെട്ടവരുടെ കുടുംബങ്ങളെ ചേർത്തുപിടിക്കാനും, കാണാതായവർക്കായുള്ള തിരച്ചിൽ ഊർജിതമായി തുടരാനും സർക്കാർ എല്ലാ സംവിധാനങ്ങളെയും ഏകോപിപ്പിക്കുന്നുണ്ട്.
ദുരന്തബാധിത കുടുംബങ്ങൾക്ക് ആവശ്യമായ എല്ലാ സഹായങ്ങളും ഉറപ്പാക്കുമെന്ന് മുഖ്യമന്ത്രി വ്യക്തമാക്കിയിട്ടുണ്ട്.

ഈ വേദനയിൽ കുടുംബങ്ങൾക്കൊപ്പം പ്രാർത്ഥനയോടെ കൂടെയുണ്ട്..

പി.എ ജബ്ബാർ ഹാജി
(പ്രസിഡന്റ്, ജില്ലാ പഞ്ചായത്ത് മലപ്പുറം)

16/09/2026

അനുഗ്രഹീതം ഈ ആദരം...

ചില നിമിഷങ്ങൾക്ക് പത്തരമാറ്റ് തിളക്കമുണ്ടാകും. നാം ചില്ലിട്ട് സൂക്ഷിച്ച് വെക്കും.

ജില്ലാ പഞ്ചായത്ത് പ്രസിഡൻ്റായി തെരഞ്ഞെടുക്കപ്പെട്ടതിന് കണ്ണിയത്ത് ഇസ്‌ലാമിക് സെൻ്ററിൻ്റെ ആദരം.

ആദരണീയനായ ജിഫ്രി തങ്ങളിൽ നിന്നും ആദരം ഏറ്റുവാങ്ങിയപ്പോൾ ഇരട്ടി മധുരം.

Jabbar Haji PA Jabbarhaji

11/09/2026

പണ്ഡിതലോകത്തിന് അറിവിന്റെ വെളിച്ചം പകർന്ന മഹാനായ കണ്ണിയത്ത് ഉസ്താദിന്റെ 34-ാം ഉറൂസ് മുബാറകിന് തുടക്കം കുറിച്ച് സമസ്തയുടെ ബഹുമാന്യനായ പ്രസിഡൻ്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ പതാക ഉയർത്തി.

കാലം എത്ര പിന്നിട്ടാലും ഉസ്താദിന്റെ വിജ്ഞാനവും ജീവിതസന്ദേശങ്ങളും പകർന്നുനൽകിയ ആത്മീയ വെളിച്ചം തലമുറകളിലേക്ക് ജ്വലിച്ചുകൊണ്ടേയിരിക്കും.

30/08/2026

ഡോ. അനിൽ മുഹമ്മദ് കൊണ്ടോട്ടി ശിഹാബ് തങ്ങൾ ഡയാലിസിസ് സെന്റർ സന്ദർശിച്ചു. സെന്ററിന്റെ പ്രവർത്തനങ്ങളും സേവനങ്ങളും നേരിൽ മനസ്സിലാക്കി.

അദ്ദേഹത്തിന്റെ സ്നേഹപൂർവ്വമായ സാന്നിധ്യവും വിലയേറിയ വാക്കുകളും പിന്തുണയും ഞങ്ങളുടെ പ്രവർത്തനങ്ങൾക്ക് വലിയ പ്രചോദനമാണ്.

കരുതലിന്റെയും കാരുണ്യത്തിന്റെയും ഈ യാത്രയിൽ ഒപ്പം നിന്നതിന് ഹൃദയം നിറഞ്ഞ നന്ദി

കൊണ്ടോട്ടി ശിഹാബ് തങ്ങൾ ഡയാലിസിസ് സെന്റർ

19/06/2026

മലപ്പുറത്തിന് യു.ഡി.എഫിന്റെ സമ്മാനം..

മലപ്പുറം ജില്ലാ പഞ്ചായത്ത് ഭരണസമിതിയുടെ ആദ്യ ബജറ്റിൽ ഏറ്റവും പ്രാധാന്യത്തോടെ പ്രഖ്യാപിച്ച പദ്ധതികളിലൊന്നായിരുന്നു മലപ്പുറത്തിനായി ആധുനിക സൗകര്യങ്ങളോടുകൂടിയ ഒരു ക്യാൻസർ സെന്റർ. ജില്ലയിലെ അനേകം പാവപ്പെട്ട ക്യാൻസർ രോഗികൾ ചികിത്സയ്ക്കായി മറ്റു ജില്ലകളിലേക്കും സംസ്ഥാനങ്ങളിലേക്കും ദുരിതയാത്ര നടത്തേണ്ടിവരുന്ന യാഥാർത്ഥ്യം ഏറെ വേദനയോടെ കണ്ടതാണ് ഈ ആശയത്തിന് പിന്നിൽ.

സാമ്പത്തികമായും മാനസികമായും വലിയ ഭാരമാണ് ആ കുടുംബങ്ങൾ സഹിക്കുന്നത്. ആ വേദനകളെ അടുത്തറിഞ്ഞപ്പോഴാണ് മലപ്പുറത്തിന് സ്വന്തം ക്യാൻസർ ആശുപത്രി എന്ന സ്വപ്നം ജില്ലാ പഞ്ചായത്ത് ബജറ്റിൽ പ്രഖ്യാപിച്ചത്. ഈ ആവശ്യവുമായി സംസ്ഥാന സർക്കാരിനെ സമീപിച്ച് ജില്ലാ പഞ്ചായത്തിന്റെ ഭാഗത്ത് നിന്ന് ബജറ്റ് നിർദ്ദേശം സമർപ്പിച്ചിരുന്നു. ഞങ്ങളുടെ ആവശ്യം UDF സർക്കാർ പരിഗണിച്ചതിന്റെ സന്തോഷ വാർത്തയാണ് ഇന്ന് ലഭിച്ചത്.

കേരളത്തിന്റെ മുഖ്യമന്ത്രി അവതരിപ്പിച്ച യു.ഡി.എഫ് സർക്കാരിന്റെ ആദ്യ ബജറ്റിൽ തന്നെ മലപ്പുറത്തിന്റെ ആധുനിക ക്യാൻസർ സെന്ററിനായി 10 കോടി രൂപ വകയിരുത്തിയിരിക്കുന്നു.
ഇത് വെറും ഒരു ഫണ്ട് അനുവദിക്കൽ മാത്രമല്ല. പാവപ്പെട്ട രോഗികളുടെ കണ്ണീരൊപ്പുന്ന, അവരെ ചേർത്തുപിടിക്കുന്ന, ജനങ്ങളുടെ ആരോഗ്യസുരക്ഷയെ മുൻനിർത്തുന്ന യു.ഡി.എഫ് സർക്കാരിന്റെ ജനപക്ഷ നയത്തിന്റെ പ്രഖ്യാപനമാണ്.

മലപ്പുറത്തിന്റെ സ്വപ്നങ്ങൾക്ക് കരുത്തേകിയ സംസ്ഥാന സർക്കാരിനും, മുഖ്യമന്ത്രി വി.ഡി സതീശനും എല്ലാ പിന്തുണയും നൽകിയ പാണക്കാട് സയ്യിദ് സാദിഖലി ശിഹാബ് തങ്ങൾക്കും മന്ത്രി പി.കെ കുഞ്ഞാലിക്കുട്ടി സാഹിബിനും ഹൃദയം നിറഞ്ഞ അഭിവാദ്യങ്ങൾ.

✍️ പി.എ ജബ്ബാർ ഹാജി
(പ്രസിഡന്റ്, ജില്ലാ പഞ്ചായത്ത് മലപ്പുറം)

16/06/2026

സ്നേഹം കൊണ്ട് പണിതെടുത്ത ഒരു ബന്ധത്തിന്റെ മനോഹരമായ തുടർച്ചയാണിത്. സുലൈമാൻ ഹാജി മുസ്‌ലിം ലീഗ് പ്രസ്ഥാനത്തോടൊപ്പം ഉണ്ടാകും.

2021ലെ നിയമസഭാ തെരഞ്ഞെടുപ്പിൽ എൽ.ഡി.എഫ് സ്ഥാനാർഥിയായിരുന്ന കാട്ടുപരുത്തി സുലൈമാൻ ഹാജി ഇന്ന് മുസ്‌ലിം ലീഗിന്റെ പച്ചകൊടിക്ക് കീഴിൽ ഞങ്ങളോടൊപ്പം ചേർന്നിരിക്കുകയാണ്. ഈ നിമിഷം എനിക്ക് വെറും ഒരു രാഷ്ട്രീയ നേട്ടമല്ല, ഹൃദയത്തോട് ചേർത്തുവച്ച ഒരു സുഹൃത്തിന്റെ വിശ്വാസത്തിന്റെ സാക്ഷ്യപ്പെടുത്തലാണ്.

തിരഞ്ഞെടുപ്പിന് ശേഷവും ഞങ്ങളുടെ ആത്മബന്ധം തുടർന്നു. പലപ്പോഴും സംസാരിക്കുകയും ചിന്തകൾ പങ്കുവെക്കുകയും ചെയ്തു. കഴിഞ്ഞ ഏതാനും മാസങ്ങളായി നടന്ന ആത്മാർത്ഥമായ ചർച്ചകളുടെയും പരസ്പര വിശ്വാസത്തിന്റെയും ഒടുവിലാണ് അദ്ദേഹം യാതൊരു ഉപാധികളും ഇല്ലാതെ മുസ്‌ലിം ലീഗിന്റെ ഭാഗമാകാൻ തീരുമാനിച്ചത്.

ഈ യാത്രയിൽ അദ്ദേഹത്തിന്റെ ആഗ്രഹങ്ങൾ പാർട്ടി നേതൃത്വത്തെ അറിയിക്കാനും, പാണക്കാട് സയ്യിദ് സാദിഖലി ശിഹാബ് തങ്ങൾ, കുഞ്ഞാലിക്കുട്ടി സാഹിബ് ഉൾപ്പെടെയുള്ള നേതാക്കളുമായി തുടർച്ചയായി ആശയവിനിമയം നടത്തി അദ്ദേഹത്തിന്റെ വരവിന് വഴിയൊരുക്കാനും എനിക്ക് കഴിഞ്ഞു എന്നത് വലിയ സന്തോഷമാണ്. പാർട്ടിയുടെ മുതുവല്ലൂർ പഞ്ചായത്ത് കമ്മിറ്റിയും കൊണ്ടോട്ടി മണ്ഡലം കമ്മിറ്റിയും മനസ്സ് നിറഞ്ഞു അദ്ദേഹത്തെ സ്വീകരിച്ചു. പാണക്കാട് സാദിഖലി ശിഹാബ് തങ്ങൾ പാർട്ടിയുടെ അംഗത്വം നൽകി.

ഇന്ന് ഈ ആലിംഗനത്തിൽ ഞാൻ കാണുന്നത് ഒരു രാഷ്ട്രീയ പ്രവർത്തകന്റെ പാർട്ടി പ്രവേശനം മാത്രമല്ല, വിശ്വാസം കൊണ്ടും സ്നേഹം കൊണ്ടും പണിതെടുത്ത ഒരു ബന്ധത്തിന്റെ മനോഹരമായ തുടർച്ചയാണ്.

പ്രിയ സുഹൃത്ത് സുലൈമാൻ ഹാജിക്കും മനയിൽ സിദ്ദീഖിനും മുസ്‌ലിം ലീഗ് കുടുംബത്തിലേക്ക് ഹൃദയം നിറഞ്ഞ സ്വാഗതം..

പി എ ജബ്ബാർ ഹാജി
(പ്രസിഡന്റ്, ജില്ലാ പഞ്ചായത്ത് മലപ്പുറം)