23/10/2026
செவ்வணக்கம்
தோழர் A.K
திண்டிவனம் அருகே நகந்தூர் கிராமத்தில் நடுத்தர விவசாயக் குடும்பத்தில் பிறந்த தோழர் ஏ.கோதண்டம் அவர்கள் மாணவப் பருவத்திலேயே பொதுவுடமைக் கொள்கைகளால் ஈர்க்கப்பட்டு இந்திய மாணவர் சங்கத்தில் செயல்பட தொடங்கினார்.
பின் இந்திய ஜனநாயக வாலிபர் சங்கத்தை திண்டிவனம், விழுப்புரம் பகுதிகளில் வீரியமாக கொண்டு சென்று அமைப்பை வலிமையாக்கினார்.
விவசாயிகள் மற்றும் விவசாய தொழிலாளர்களை அணிதிரட்டி
தமிழ்நாடு விவசாயிகள் சங்கம், அகில இந்திய விவசாய தொழிலாளர்
சங்கம் சார்பில் அவர்களின் வாழ்வாதார பிரச்சினைக்களுக்கு களத்தில் இறங்கி போராடியவர்.
ஒருங்கிணைந்த தென்னாற்காடு மாவட்டத்தில் பல்வேறு தொழிற்சாலைகளில் தொழிற்சங்க தலைவராகவும், ஆலோசகரவும் இருந்து பல்வேறு தொழிலாளர் பிரச்சினைகளுக்கு சட்ட போராட்டத்தை முன்னெடுத்தார்.
மார்க்சிஸ்ட் கம்யூனிஸ்ட் கட்சியின் ஒருங்கிணைந்த திண்டிவனம் வட்ட செயலாளராக (இன்றைய திண்டிவனம், வானூர், மரக்காணம், மயிலம், செஞ்சி, மேல்மலையனூர்) பல கிலோமீட்டர் தூரம் சைக்கிளில் சென்று மார்க்சிஸ்ட் கட்சியை கட்டியெழுப்பியவர்.
திண்டிவனம் வட்டம் கீழ் சேவூர் கிராமத்தில் நிலைவிய அடக்குமுறைகளுக்கு எதிராக முன்னின்று போராடி வெற்றி கண்டவர்.
இன்றைய சிபிஎம் மாவட்ட தலைவர்களில் பலர் இவரால் வளர்த்தெடுக்க பட்டவர்கள்.
இந்திய மாணவர் சங்கம், இந்திய ஜனநாயக வாலிபர், அனைத்திந்திய ஜனநாயக மாதர் சங்கம் போன்ற அமைப்புகளுக்கு எப்போதும் ஆதரவும் உதவியும் செய்தவர்.
இந்திய ஜனநாயக வாலிபர் சங்கம் விழுப்புரம் - DYFI மாவட்டக்குழு
