29/10/2026
بە هەواڵی کۆچی دوایی کاک حەسەن سایەخان نیگەرانبووم…
کاک حەسەن کەسێتییەکی ڕۆشنبیر، کوردپەروەرەر و نیشتیمانپەروەر بوو…
یەکێک لە خەسڵەتە جوانەکانی ئەوەبوو هەردەم بۆچوون و ڕەخنەکانی خۆی لەسەر دۆخی خراپی حکومڕانی بە توندی و ڕاشکاوی دەخستە بەردەم بەرپرسان.
بە دەر لە دونیای سیاسەت؛ ساڵانێک لە کەلار-کۆڵانی مزگەوتەکە دوکانێکی گەورەی تەنکچێتی و کارگەی دروستکردنی موبەریدەم هەبوو، ئەنواعی پرێس و دەزگای گەورەم هەبوو، کاک حەسەنیش جگە لەو تایبەتمەندیانەی کە لەسەرەوە باسم کرد، هەروەها وەستایەکی دەستڕەنگینی کۆنکریت بوو؛ لە ساڵانی سەرەتای دوو هەزارەکاندا سەرپەرشتی کۆنکریتی هەندێک لە کۆڵانەکانی کەلاری دەکرد.
جا ئەو سەردەمە، دەهات من قاڵب و ڕاستەی کۆنکریتم بۆ درووست دەکرد، لە میانی کارکردنماندا هەندێک جار شیعر و هەندێک جار چیرۆکی چالاکییەکانی ڕێکخستنەکانی شۆڕشی، لە سەردەمی ڕژێمی بەعسدا بۆ دەگێڕامەوە؛ خۆ جارجاریش باسی دیدو ئەفکاری هەندێک لەو بیرمەندانەی بۆ دەکردم، کە لەسەردەمی گەنجێتی خۆیدا کتێبەکانیانی خوێندبونەوە…
کاک حەسەن لەو کەسانە بوو کە ڕەنگ و ڕوخسار و مانا دەدەن بە مێژووی شار.
لە خوا دەخوازم جێگای بەهەشتبێت.
