Rekxrawi Zad ڕێکخراوی زاد

زاد پڕۆژەی خوانی جەژن لە غەززە ڕادەگەیەنێت

دوای سێ ساڵ لە جەنگ و نەهامەتی و نالەباری، ئێستا کاتی پێکەنین و دڵخۆشکردنی غەززەییەکانە. ڕێکخراوی زاد پرۆژەی «خوانی جەژن» ڕادەگەیەنێت؛ ئەمەش هەوڵێکە بۆ دڵخۆشکردنی خێزانەکانی غەززە و گەڕانەوەی خەندەیە بۆ سەر لێوی منداڵان لە ڕۆژانی جەژندا، با ئەم جەژنە دیاری و بەخشینەکانتان بۆ دڵخۆشکردنی منداڵانی غەززە بێت.

چاوەڕوانیی منداڵانی غەززە درێژ مەکەن؛ بە تەنها 50 دۆلار ببە بە دابینکەری خۆراکی جەژن و سڕینی فرمێسکی دایکێک و مژدەی جەژنێکی شایستە بۆ منداڵان.

ئێستا دەتوانن هاوکارییەکانتان بنێرن بۆ غـ.ـەززە لە ڕێگای FIB و FastPay و باڵانس، یاخود سەردانی لقەکانی زاد بکەن:

07770021122
07518010020
07708010020
بۆ ناردنی هاوکاریی بۆ خەڵکی غـ.ـەززە لە ڕێگەی بانکی ڕافیدەین:

4729713406
07770021122

ئەو بەڕێزانەی کە لە دەرەوەی وڵاتن دەتوانن هاوکارییەکانیان بە حەواڵە بنێرن بۆ غـ.ـەززە لە ڕێگەی نوسینگەی سلێمانی

07518010013

لقی سلێمانی زاد پێشوازی لە ڕێکخراوی بەراتی مرۆیی دەکات

لە لایەن بەرپرس و ئەندامانی لقی سلێمانی ڕێکخراوی زاد پێشوازی لە ڕێکخراوی «بەراتی مرۆیی» کرا، ئەم سەردانەش بە مەبەستی نزیکبوونەوە و دروستکردنی کاری هەماهەنگی لە نێوان هەردوو ڕێکخراوە لەپێناو خزمەتکردنی زیاتری نەخۆشە هەژارەکان.

سەنتەری پزیشکیی زاد و ئەکادیمیای جودی بەهاوبەشی، چالاکییەکی زانستیی گرنگیان بەڕێوەبرد

ئەمڕۆ شەممە 16/5، بە ئامادەبوونی ژمارەیەک لە پزیشکان، مامۆستایانی ئاینی و کارمەندانی تەندروستی، خولی «فیقھی پزیشکی بۆ یەکەی چاودێریی ورد (ICU)» لە ڕوانگەی شەرعی، پزیشکی و یاساییەوە بە سەرکەوتوویی بەڕێوەچوو.

لە چوارچێوەی خولەکەدا، پانێڵێکی زانستی بۆ گفتوگۆکردن لەسەر گرنگترین بابەتە شەرعی، پزیشکی و یاساییەکان پەیوەندیدار بە یەکەی چاودێریی ورد ئەنجامدرا، بە بەشداربوونی:
• بەڕێز حاکم بەختیار محمد ـ پسپۆڕی یاسا و مافی گشتی
• پ.د. بەختیار نجم‌الدین ـ پسپۆڕی زانستە ئیسلامییەکان
• د. زانا عومەر کاکە عبداللە ـ پسپۆڕی مێشک و دەمار
• د. نڤین سەڵاحەددین عەزیز ـ پسپۆڕی بێهۆشکردن و چاودێریی ورد

ئامادەبووان بە گرنگییەوە گوێگری گفتوگۆ زانستی و هەستیارەکانی پانێڵستەکان بوون و لە کۆتایی پانێڵەکەدا، پرسیار و پێشنیازەکانیان ئاراستەی پسپۆڕان کرد.

هەروەها لە تەوەری کۆتایی خولەکەدا، بەڕێز پ.د. عبدالواحید محمد ساڵح سیمینارێکی تایبەتی پێشکەش کرد بە ناونیشانی:
«حوکم و شێوازی مامەڵەکردن لەگەڵ نەخۆش لە کاتی سەرەمەرگ و دوای مردن»

لە کۆتای چالاکییەکەدا، بەشداربووان جەختیان لەسەر گرنگیی هاوکاری و هاوتەریببوونی نێوان شەرعزانان، پزیشکان و یاساناسان کردەوە، بۆ ئەوەی بڕیارە پزیشکییە هەستیارەکان بە شێوەیەکی شەرعی، زانستی و یاسایی وەربگیرێن؛ بە مەبەستی پێشکەشکردنی خزمەتگوزاریی باشتر بۆ ئەو نەخۆشانەی پێویستیان بە چاودێریی ورد هەیە.

مژدەبێت.. ١٦ ئازار کۆتاییان هات و ١٦ ژیان نوێ بوونەوە!

​الحمدلله، سوپاس بۆ خودای گەورە کە تەنها لە ماوەی یەک حەفتەدا، ڕێکخراوی زاد توانی ١٦ نەشتەرگەریی جۆراوجۆر بۆ نەخۆشانی هەژار و لێقەوماو ئەنجام بدات. ئەمە تەنها سەرکەوتن نییە، بەڵکو مژدانەیەکە بۆ هەموو ئەو بەخشندە بێدەنگانەی کە بوونە هۆکاری گەڕانەوەی هیوا. ​ئەی ئەو بەخشەرەی کە بە نییەتێکی پاک و بە نهێنی دەبەخشیت؛ دڵنیابە ئەمڕۆ کە تۆ بوویتە سێبەر بۆ ئەم نەخۆشانە، خودای میهرەبان لەو ڕۆژەی هیچ سێبەرێک نییە، لەژێر سێبەری عەرشی خۆیدا جێت دەکاتەوە.

​کاروانەکەمان بەردەوامە.. وەرە و بە بەخشینەکەت ببە بە کلیلێک بۆ کردنەوەی دەرگای نەشتەرگەرییەکی تر و مسۆگەرکردنی ئەمانی قیامەتت.

بۆ گەیاندنی هاوکارییەکانتان بە نەخۆشەکانی کوردستان: فاستپەی - باڵانس - هەژماری بانکی (FIB):
(07708107676 _ 07518010021)

هەژماری بانکی ڕافیدەینی زاد بۆ هاوکاری نەخۆشەکانی کوردستان

07708107676
910139545701

بۆ بەشداریکردن لە پڕۆژەکانی دەخیلە خێرخوازییەکان و کەفالەتی نەخۆش:
07708107676

خولی «فیقھی پزیشکی بۆ یەکەی چاودێریی ورد»

بە ئامادەبوونی ژمارەیەک لە پزیشک و پسپۆڕانی بانگهێشتکراو، بۆ گفتوگۆکردن لەسەر گرنگترین بابەتە پزیشکی و شەرعییە پەیوەندیدارەکان بە چاودێریی ورد (ICU) ، هیوادارین ئەم خولە ببێتە هۆی زیاتر بەهێزکردنی زانیاری و ڕوونکردنەوە و وەڵامدانەوەی دەیان پرسیاری ئاڵۆز و بابەتە فیقھییەکانی نێو چاودێریی ورد.