06/10/2026
بەرپرسێ نڤیسینگەها ئێکەتییا ئەورۆپا بۆ نێچیرڤان بارزانی: ب گرنگیڤە تەماشەی پەیوەندییان دگەل هەرێما کوردستانێ و ئارامییا وێ دکەین
ئەڤرۆ سێشەمبێ ڕێککەفتی ٦ی چریا ئێکێ یا ٢٠٢٦ نێچیرڤان بارزانی سەرۆکێ هەرێما کوردستانێ پێشوازی ل "شتێفان ڤێنت" بەرپرسێ نوی یێ نڤیسینگەها پەیوەندیێن ئێکەتییا ئەورۆپا ل هەولێرێ کر.
د دیدارەکێ دا سەرۆکێ هەرێمێ پیرۆزباهییا دەستبکاربوونێ ل بەرپرسێ نوی یێ ئێکەتییا ئەورۆپا کر و هیڤیا سەرکەفتنێ د ئەرکێ وی دا بۆ خواست، هەروەسا سوپاسییا هاریکاری و هەماهەنگییا بەردەوام یا ئێکەتییا ئەورۆپا دگەل هەرێما کوردستانێ د بوارێن جۆراوجۆر دا دیار کر.
ژلایێ خوەڤە شتێفان ڤێنت تەکەز ل سەر وێ چەندێ کر، کو ئێکەتییا ئەورۆپا ب گرنگیڤە تەماشەی پەیوەندییان دگەل هەرێمێ و ئارامییا وێ دکەت، هەروەسا ئامادەییا ئێکەتییا ئەورۆپا بۆ پێشڤەبرنا زێدەتر یا پەیوەندییان و بەرفرەهکرنا ئاستێ هاریکارییێن هەڤپشک دەربڕی.
