دەستەی پاراستن و چاککردنی ژینگە - هيئة حماية وتحسين البيئة

تیمێکی فەرمانگەی کاروباری هونەری لە دەستەی ژینگە سەردانی ژووری بازرگانی و پیشەسازی کرد
رۆژی دووشەممە رێکەوتی ٢٠٢٦/٦/١ تیمێکی فەرمانگەی کاروباری هونەری لەدیوانی دەستەی پاراستن و چاککردنی ژینگە سەردانی ژووری بازرگانی و پیشەسازیان کرد.
ئامانج لەم سەردانە بۆ هەماهەنگی و ئاشنابوون بوو بە یاسا و ڕێنماییەکانی یەکتر و تاوتوێکردنی ئەو پرۆژانەی لەڕێگەی ژووری بازرگانی و پیشەسازی لە پارێزگاکان و ئیدارە سەربەخۆکان ئاراستەی فەرمانگەکانی ژینگە دەکرێن بە مەبەستی وەرگرتنی رەزامەندی ژینگەیی و جێبەجێکردنی مەرجە ژینگەییەکان.
لە کۆتاییدا، هەردوولا هاوڕابوون لەسەر گرنگی هەنگاوەکانی جێبەجێکردنی مەرج و ڕێنماییە ژینگەییەکان لەسەر پرۆژەکان و بەرەو پێشچوونی کەرتی پیشەسازی و بازرگانی هەروەها هەماهەنگی زیاتر لەنێوان هەردوولا بۆ پاراستنی ژینگەی هەرێمی کوردستان کە گەورەترین سەرمایەی هەمووانە.