Betri sveit- fyrir okkur öll

21/08/2026

Á fundi sveitarstjórnar þann 19. ágúst var tekinn fyrir Úrskurður í máli nr. MRN26030073 er varðar
skólaakstur barna með ótilgreint lögheimili;

Andres Bertelsen lagði fram eftirfarandi bókun;
Bókun Ö-lista vegna skólaaksturs barna með ótilgreint lögheimili;
Ö-listinn telur mikilvægt að öll börn sem búa í Grímsnes- og Grafningshreppi og stunda nám við Kerhólsskóla njóti eins jafnræðis og kostur er þegar kemur að aðgengi að skóla og skólaakstri.
Núverandi fyrirkomulag leiðir til þess að börn sem hafa lögheimili skráð ótilgreint innan sveitarfélagsins njóta ekki sama aðgangs að skólaakstri og önnur börn, þrátt fyrir að búa í sveitarfélaginu og sækja sama skóla. Að mati Ö-listans er mikilvægt að leita leiða til að draga úr þessari mismunun í framkvæmd.

Börn eiga ekki að þurfa að bera afleiðingar af því hvernig lögheimili þeirra er skráð.
Ö-listinn leggur því til að sveitarstjórn bjóði foreldrum og forráðamönnum þeirra barna sem málið varðar til fundar hið fyrsta, með það að markmiði að fara yfir stöðuna og leita sameiginlega að raunhæfum, öruggum og kostnaðarlega skynsamlegum lausnum.
Meðal þeirra leiða sem skoðaðar verði er að foreldrar geti komið börnum sínum á fyrirfram ákveðna viðkomustaði á núverandi akstursleiðum skólabíla eða að börnin verði sótt við skilgreinda afleggjara eða safnstaði, líkt og tíðkast hefur áður.
Markmiðið á ekki að vera að flækja skólaakstur eða leggja óhóflegan kostnað á sveitarfélagið. Markmiðið er að finna sanngjarna lausn sem nýtir það kerfi sem þegar er til staðar og tryggir um leið að aðstæður barnanna verði eins jafnar og mögulegt er.
Ö-listinn telur að í máli sem þessu eigi fyrsta skref sveitarfélagsins að vera samtal og lausnaleit, en ekki útilokun.
Ö-listinn óskar eftir að sveitarstjórn samþykki að boðað verði til fundar með foreldrum og forráðamönnum þeirra barna sem málið varðar og að í framhaldinu verði lagðar fyrir sveitarstjórn tillögur að útfærslu skólaaksturs fyrir þennan hóp.

Nánar má lesa um málið og afgreiðslu meirihluta sveitarstjórnar hér;

Fundargerðin var færð í tölvu og hana ritaði Fjóla Steindóra Kristinsdóttir.Guðmundur Finnbogason oddviti setti fund, bauð fundargesti velkomna og leitaði athugasemda við fundarboð, engar athugasemdir voru við boðun fundarins.Oddviti leitar afbrigða.Samþykkt samhljóða.a) Skipan f...

22/06/2026

Á 618. fundi sveitarstjórnar Grímsnes- og Grafningshrepps, sem haldinn var þann 16. júní 2026, voru teknar fyrir tvær tillögur frá Rögnu Ívarsdóttur, fulltrúa Ö-listans. Tillögurnar snúa annars vegar að þjónustu við íbúa með ótilgreint lögheimili og hins vegar að skipulagsmálum í frístundabyggðum hreppsins. Hér á eftir er farið yfir efni tillagnanna og afgreiðslu sveitarstjórnar á þeim.

Fyrra málið:
Undirrituð leggur til að sveitarstjórn Grímsnes- og Grafningshrepps dragi til baka ákvörðun er samþykkt var á fundi Skóla- og velferðarþjónustu Árnesþings (SVÁ) frá 24. september 2025 um að heimila starfsmönnum að veita ekki þjónustu til íbúa með ótilgreint lögheimili.

Úr fundargerð Skóla- og velferðarþjónustu Árnesþings (SVÁ) frá 24. september 2025:
„Stjórn samþykkir samhljóða að veita starfsmönnum byggðasamlagsins ekki heimild til að skipuleggja eða veita þjónustu til aðila sem eru með ótilgreint lögheimili. Forsendur fyrir þjónustu Skóla- og velferðarþjónustu Árnesþings bs er skráning lögheimilis í íbúðarhúsnæði.„

7. Samþykkt stjórnar SVÁ um þjónustu við íbúa með ótilgreint lögheimili.
Fyrir liggur erindi frá Rögnu Ívarsdóttur þar sem lagt er til að ákvörðun stjórnar Skóla- og velferðarþjónustu Árnesþings bs. frá 24. september 2025 verði dregin til baka.
Sveitarstjórn bendir á að sú ákvörðun sem vísað er til var tekin af stjórn Skóla- og velferðarþjónustu Árnesþings bs. en ekki af sveitarstjórn Grímsnes- og Grafningshrepps. Sveitarstjórn hefur því ekki heimild til að afturkalla eða fella úr gildi umrædda ákvörðun. Erindinu er vísað til stjórnar Skóla- og velferðarþjónustu Árnesþings bs. til umfjöllunar og afgreiðslu þegar ný stjórn hefur tekið til starfa.

Seinna málið:
Undirrituð leggur til að sveitarstjórn Grímsnes- og Grafningshrepps felli úr gildi samþykkt þá sem gerð var samhljóða á 604. fundi sveitarstjórnar þann 26. nóvember 2025: „Sveitarstjórn samþykkir samhljóða að synja öllum nýjum deiliskipulagstillögum fyrir frístundabyggð, tillögum um fjölgun frístundahúsalóða innan þegar deiliskipulagðra frístundasvæða og öllum tillögum um verulegar breytingar innan þegar deiliskipulagðra frístundasvæða. Jafnframt er ákveðið að hafna öllum breytingum á aðalskipulagi sem varða frístundabyggðir. Þetta á ekki við um þau mál sem þegar hafa verið samþykkt til auglýsingar.“

8. Skipulagsmál í frístundabyggðum tillaga um niðurfellingu samþykktar frá 26. nóvember 2025.
Fyrir liggur erindi frá Rögnu Ívarsdóttur þar sem lagt er til að samþykkt sveitarstjórnar frá 26. nóvember 2025 um meðferð skipulagsmála í frístundabyggðum verði felld úr gildi.
Sveitarstjórn samþykkir samhljóða að fella úr gildi samþykkt sveitarstjórnar frá 26. nóvember 2025, sem laut að frestun á afgreiðslu skipulagsbreytinga í frístundabyggðum. Sveitarstjórn áréttar að skipulagsmál sæta hefðbundinni málsmeðferð og einstaklingsbundinni afgreiðslu í samræmi við gildandi lög, reglur og stefnu sveitarfélagsins. Sú óvissa sem fyrri sveitarstjórn vísar til í bókun sinni á 604. fundi sveitarstjórnar Grímsnes- og Grafningshrepps er enn fyrir hendi og verður það þar til að viðunandi lausn finnst á þessum málum. Alþingi þarf að koma að þeirri vinnu og hafa þar samráð og samvinnu með sveitarfélögum í landinu.

Guðmundur Finnbogason oddviti setti fund, bauð fundargesti velkomna og leitaði athugasemda við fundarboð, engar athugasemdir voru við boðun fundarins.

12/06/2026

Í upphafi kjörtímabils nýrrar sveitarstjórnar.

Þau voru mörg og stór málin sem voru á dagskrá á 617. fundi sveitarstjórnar sem haldinn var í stjórnsýsluhúsinu Borg þann 3. júní síðastliðinn. Þetta var fyrsti fundur nýs kjörtímabils þar sem nýir fulltrúar skiptu með sér verkum.

Samvinna meirihluta og minnihluta í sveitarstjórnum byggist á gagnkvæmu trausti, upplýsingamiðlun og virðingu fyrir ólíkum hlutverkum. Þó að meirihlutinn fari með stjórn sveitarfélagsins kveða lög og góðir stjórnsýsluhættir á um að minnihlutinn eigi rétt á aðkomu að málum. Góð samvinna í sveitarstjórn er oftar en ekki lykillinn að árangursríkri stjórnsýslu, öflugri uppbyggingu og bættri þjónustu við íbúa sveitarfélaga.

Sveitarstjórnarfulltrúar eru og eiga að vera sjálfstæðir í störfum sínum, einungis bundnir af lögum og eigin sannfæringu um afstöðu til einstakra mála eins og kveðið er á um í sveitarstjórnarlögum.

Við sögðum það í aðdraganda kosninganna að við vildum stækka borðið og sú afstaða okkar hefur ekki tekið breytingum, síður en svo. Framundan eru fjögur ár þar sem við munum starfa af heilindum fyrir íbúa sveitarfélagsins og tryggja að allar raddir fái að heyrast við borðið.

Andres Bertelsen, fulltrúi Ö-lista í sveitarstjórn: [email protected]
Ragna Ívars, varamaður í sveitarstjórn: [email protected]

Hér má nálgast fundargerð fyrsta fundar sveitarstjórnar á þessu kjörtímabili:

Ragnheiður Eggertsdóttir setti fundinn sem sá fulltrúi sem hefur lengstan starfsaldur í sveitarstjórn og stýrði honum í samræmi við sveitarstjórnarlög þar til oddviti var kjörinn.

16/05/2026

🌿 Gleðilegan kjördag 🌿

Í dag veljum við ekki bara fólk í sveitarstjórn.
Við veljum hvernig samfélag við viljum byggja saman næstu árin.

Við í Betri sveit trúum á samfélag þar sem allir fá að tilheyra, þar sem rödd fólks skiptir máli og þar sem stjórnsýslan vinnur fyrir íbúana af ábyrgð, gagnsæi og heilindum.

Við viljum þakka öllum þeim sem hafa átt samtal við okkur síðustu vikur, komið með hugmyndir, gagnrýni, stuðning og trú á betri framtíð fyrir sveitarfélagið okkar.

Nú er komið að ykkur, kæru íbúar.
Nýtið kosningaréttinn. Rödd ykkar skiptir máli.

X - Ö
Betri sveit- fyrir okkur öll 🌱

15/05/2026

Skilaboð til þín 💚

15/05/2026

Við biðjum ekki aðeins um atkvæði. Við biðjum um traust.
Atkvæði þitt mun skipta máli 💚

15/05/2026

Við viljum vinna fyrir okkur öll 💛
Andres Bertelsen

14/05/2026

Við skiptum öll máli 💚

14/05/2026

Gróðrarstöðin Sunna á Sólheimum bauð gestum að koma í dag að tína sér tómata í fötur. Takk fyrir okkur

14/05/2026

Við viljum vinna fyrir okkur öll 💚