23/10/2026
Giorronadas Natzionales de is Giogos de sa Gentilesa, Murera s’at a fàghere bella cun sa gentilesa
Una banca biaita, sa “Pitza de sa Gentilesa”, is lìteras a sa Sìndiga e una cadena de faeddos gentiles: fintzas in Murera is giornadas dedicadas a sa gentilesa
In su tzentru istòricu de Murera, una banca s’est colorada de biaitu pro diventare sa Banca de sa Gentilesa, pronta a retzire is faeddos e is pensamentos gentiles de totus is tzitadinos.
Ma is initziativas pro is Giorronadas Natzionales de is Giogos de sa Gentilesa, chi ocannu tenent comente tema “Costruiamo bellezza”, no acabant in sa banca.
Una de is initziativas est sa Pitza de sa Gentilesa: ordinende sa pitza preferida in una de is pitzerias de fidùtzia, at a bastare agiùnghere una paràula gentile in su momentu de s’òrdine. Sa pitza at a èssere trasformada in unu bellu coro, pro fàghere diventare fintzas una chena una ocasione de gentilesa.
A is pipios e a is pipias est dedicada, inveces, una proposta dedicada a su futuru de Murera. Is pitzocos ant a pòdere iscrìere una lìtera a sa Sìndaga, cun is ideas insoro pro fàghere Murera semper prus bella. Is lìteras podent èssere preparadas in domo e entregadas a is maistros in iscola; apustis ant a èssere postos in una casscita ispetziale destinada a su Comune, chi at a èssere a disponimentu pro tota sa chida chi benit
Pro is dies de sa manifestatzione est prevìdida fintzas una cadena de sa gentilesa: pro partetzipare bastat a iscrìere una lìtera a duos amigos. Chie retzit sa lìtera at a iscrìere issu etotu a duos amigos, cuntribuende a ispàrghere paràulas positivas e gestos de gentilesa.
Un’invitu, dunque, a totu sa comunidade a fàghere de sa gentilesa unu gestu de cada die e a contribuire, a manera sua, a fàghere Murera semper prus bella.
Suia Comune di Muravera
