حملة عودة سن الحضانة لسبع سنوات في الأردن

السلام عليكم،

اليوم بدنا نحكي عن أقوى فريق بالعالم... مش ريال مدريد ولا برشلونة...

فريق "الاتفاقيات الدولية"!

هذا الفريق ما بظهر إلا لما نحكي عن تعديل قوانين الأسرة أو الحضانة.

بتحكيله: الطفل لازم يكون إله علاقة حقيقية مع أبوه.

برد عليك فوراً: "مستحيل! الأردن موقّع على اتفاقيات دولية!"

بتحكيله: طيب القوانين بكل دول العالم بتتعدل.

برد عليك: "مستحيل! اتفاقيات دولية!"

بتحكيله: طيب الطفل من حقه يعيش مع أبوه وأمه ويكونوا جزء من حياته.

برد عليك: "سيداو... اتفاقيات دولية... المباراة انتهت!"

طيب يا جماعة الخير... بما إنكم فتحتوا ملف الاتفاقيات الدولية، خلينا نفتحه كله، مش صفحة ونص ونسكر الكتاب.

الأردن موقّع على اتفاقيات كثيرة، منها اتفاقيات تتحدث عن حق الطفل بعلاقته مع والديه، وعن مصلحته الفضلى، وعن الحفاظ على الروابط الأسرية.

والأردن كذلك موقّع على اتفاقيات تنص على عدم جواز حبس الإنسان لمجرد العجز عن الوفاء بالتزام مالي.

هون فجأة بصير عندهم انقطاع بالإنترنت!

الاتفاقية بتختفي.

الملف بضيع.

والطابعة بتخرب.

والقمر الصناعي بيفصل.

وما حدا بعود يتذكر كلمة "اتفاقيات دولية"!

يعني الاتفاقيات بالنسبة لبعض الناس زي البوفيه المفتوح...

بندين سلطة وبندين حلويات والباقي "مش موجود بالمطعم".

إذا كانت الاتفاقيات الدولية حجة، فهي حجة بكل بنودها.

وإذا كانت ليست قرآناً منزلاً ويمكن تفسيرها وتطبيقها بطرق مختلفة، فبطلوا تستخدموها كفزاعة كلما طالب أب بحقه أو طالب طفل بأبوه.

والأجمل من هيك إنهم بحكولك:
"القانون مستحيل يتغير."

وكأنهم بحكوا عن قانون الجاذبية مش تشريع بشري!

يا جماعة، قوانين العالم كلها تغيرت آلاف المرات.

دساتير تعدلت.

أنظمة سقطت.

تشريعات تبدلت.

وهم لسه مقتنعين إن قانون الأسرة الأردني نازل مع نظام التشغيل الأساسي للكوكب وما بصير يتحدث!

الخلاصة:

ما بزبط تاخذوا من الاتفاقيات الدولية البنود اللي بتخدمكم وتتركوا الباقي.

وما بزبط تعتبروا كل مطالبة بالإصلاح مؤامرة كونية.

وما بزبط يظل الطفل أكبر الخاسرين في هذه المعادلة.

أما إحنا، فالنفس الطويل عنا مش شعار...

النفس الطويل عنا بطولة دوري.

ومباراة الحقوق لسه بأول الموسم، ولسه الحكم ما صفر نهاية المباراة.

شو الفرق بين تربية الولد عند أبوه وتربية الولد في دار جده أبو أمه؟

عند الأب:
فيه مدرب واحد، خطة واحدة، وتعليمات واحدة.

أما في دار الجد أحياناً:
الجد مدرب.
والخال مساعد مدرب.
والخالة محلل فني.
والجدة رئيسة النادي.
وكل واحد عنده تكتيك مختلف!

الأب يقول: "الولد لازم يدرس."
يطلع رأي ثاني: "لسه صغير."

الأب يقول: "لازم يكون في حزم."
يطلع رأي ثالث: "ديروا بالكم على نفسيته."

الأب يقول: "لازم يتحمل مسؤولية."
يطلع رأي رابع: "خلوه يعيش طفولته."

وفي النهاية الولد يحتار:
مين أسمع؟
ومين صاحب القرار؟
ومين المرجعية الحقيقية؟

التربية ليست اجتماع مجلس إدارة كل مساء.
الطفل يحتاج إلى وضوح وثبات واستقرار في القرارات، لا إلى عشرات الأصوات المتعارضة.

والمشكلة أن بعض الناس يعتبر أي محاولة من الأب لوضع حدود أو قواعد جريمة تستحق الاعتراض، فيصبح المعيار ليس: "ما مصلحة الطفل؟"
بل: "كيف نعمل عكس ما يريد الأب؟"

وعندما يكبر الطفل وهو غير معتاد على الانضباط أو احترام الحدود، يبدأ الجميع بالسؤال:
"يا ترى شو السبب؟"

الطفل يحتاج الحب، نعم.
لكنه يحتاج أيضاً الحزم والتوجيه وتحمل المسؤولية.
فالحب بلا حدود تربية ناقصة، والحزم بلا رحمة تربية ناقصة، والطفل يحتاج الاثنين معاً.













#الأردن #عمان #الزرقاء

⚽️ بيان من لجنة الفار الدولية لحقوق الطفل! ⚽️
السلام عليكم ورحمة الله وبركاته،
في عالم كرة القدم، إذا حُرم لاعب من فريقه بدون سبب، تقوم الدنيا ولا تقعد، وتشتغل الكاميرات والإعادات البطيئة ولجنة الفار.
أما عند بعض أطفال الطلاق، فيتم حرمانهم من والدهم لسنوات طويلة، وكأن الأمر لا يستحق حتى مراجعة لقطة واحدة!
الاتفاقية الدولية لحقوق الطفل تتحدث عن حق الطفل في الحفاظ على علاقته بوالديه وعدم فصله عنهما إلا لضرورات حقيقية تتعلق بمصلحته الفضلى. بينما على أرض الواقع، نجد أطفالاً يكبرون وهم يرون والدهم ساعات محدودة، أو خلف مواعيد وإجراءات ومعارك قضائية لا تنتهي.
الطفل ليس كأساً يحصل عليه طرف ويُحرم منه الطرف الآخر.
الطفل ليس صفقة انتقالات صيفية.
الطفل ليس ورقة ضغط ولا أداة انتقام.
الطفل يحتاج أمه... ويحتاج أباه أيضاً.
الغريب أن الجميع يتحدث عن حقوق الطفل، لكن عندما يطالب الطفل بحقه في وجود والده في حياته، يتحول الموضوع فجأة إلى صمت تكتيكي أشبه بفريق متقدم بهدف في الدقيقة 90 ويضيع الوقت عند الراية الركنية!
نحن لا نطالب بحرمان أم من طفلها، بل نطالب بحق الطفل الطبيعي في أب حاضر في حياته، يربيه ويشاركه أفراحه وأحزانه ومدرسته ومستقبله.
فإذا كانت مصلحة الطفل هي المعيار الحقيقي، فالسؤال البسيط هو:
كيف تكون مصلحة الطفل في تقليص دور والده إلى مجرد زائر في حياته؟


ً


ً





#الأردن
#عمان #الزرقاء

السلام عليكم ورحمة الله وبركاته

يبدو أن دوري الطلاق الأردني وجد نسخة جديدة من قصة "نيغريرا"...

زمان كنا نسمع بعض جماهير ريال مدريد ع الطالعة والنازلة:
"برشلونة اشترى الحكام!"
"نيغريرا!"
"نيغريرا!"

واليوم في بعض قضايا الطلاق صار عندنا نسخة محلية:

ليش الأب يطالب بأولاده؟
"متعاطي."

ليش بدنا نمنعه من الحضانة؟
"متعاطي."

ليش بدنا نمنعه من اتخاذ أي دور بحياة أولاده؟
"متعاطي."

ليش بدنا نمنعه يشوف أولاده؟
"متعاطي."

وكأن التهمة أصبحت بطاقة جاهزة تُشهر فور الحديث عن حق الأب بأبنائه.

طيب تعالوا نرجع للأرقام بدل الشعارات.

إذا كانت الإحصائيات الرسمية تتحدث عن نسب تتراوح تقريباً بين 0.11% و0.31% من السكان، فكيف أصبح فجأة عدد هائل من الآباء متعاطين بمجرد دخولهم المحكمة الشرعية ؟

هل نحن أمام وباء مخفي لا تعرفه الدولة؟
أم أن التهمة أصبحت عند البعض حجة سهلة لتشويه صورة الأب وإضعاف موقفه أمام المجتمع وأمام أولاده؟

نعم، هناك متعاطون ويجب محاسبتهم.
لكن أيضاً هناك آلاف الآباء الشرفاء الذين يدفعون ثمن اتهامات لا تثبتها الأدلة.

العدالة لا تقوم على التعميم.
والأب لا يفقد حقه بأولاده بسبب اتهام متداول أو رواية تُكرر كثيراً.

في كرة القدم لا تُحسم المباريات بالهتافات.
وفي قضايا الأسرة لا تُحسم الحقوق بالشعارات.

الملعب للأدلة...
وليس للاتهامات الجاهزة.

قبل نهائي دوري أبطال أوروبا... تعالوا نحكي عن النهائي الحقيقي اللي بعض الآباء عايشينه كل يوم 😏⚽
في بعض الحالات، القصة مش بس حرمان أب من أولاده...

لا يا سيدي، هون إحنا داخلين على خطة تكتيكية من مستوى نهائي دوري الأبطال! 🏆

أول بند بالخطة:
لازم الولاد يقتنعوا من وهمه صغار إن أبوهم هو الخصم التاريخي للفريق!

ليش؟

عشان في خوف مزمن من اليوم اللي يكبر فيه الولد ويكتشف الحقيقة ويحكي:
"أنا بدي أقضي وقت مع أبوي."

هون بتبلش حملة الدعاية الإعلامية...
الأب يتحول لشرير الموسم، وهي تصير الملاك الحارس ونبع الحنان الرسمي للنادي. 😇

وبنفس الوقت؟
ركض ماراثوني على النفقة والحضانة والسكن وبدل تعليم وفواتير علاج وهمية
وبعد كل هالمباريات تقولك:
"لسا مش مكفّي!"

يا جماعة الخير...
الناس المحترمة بتوصل لاتفاقات ودية، اصطحاب ومبين ودي، ونفقات ودية...
مش كل مباراة لازم تروح لركلات ترجيح ومحاكم. ⚽

البند الثاني:

لازم تنقطع علاقة الأب بأولاده قد ما بتقدر...

عشان ما يعرف شو بصير...
ولا مين داخل على التشكيلة...
ولا مين طالع منها...
ولا مين فعلاً بصرف...
ولا مين عامل حاله هداف وهو أصلاً احتياط. 😏

البند الثالث:

إذا الولاد اقتنعوا إن أبوهم هو سبب كل مصايب الكرة الأرضية...

بصير عادي يشوفوه رايح جاي على المحاكم ودور الرعاية وما يهتز لهم جفن.

بالعكس...

بتنحسب إلها ثلاث نقاط كاملة وجدول ترتيب ممتاز! 🏅

البند الرابع:

بعد انتهاء الحضانة...

يكون المشروع نجح بالكامل.

الولاد صاروا مقتنعين بالرواية الجاهزة، ويكملوا المباراة لحالهم والتخيير لصالح الحاضنة

كأنها أكاديمية كروية لتخريج جيل جديد من القضايا والملفات. 😅

أما إذا احتاج الموضوع فواتير علاج أو مصاريف إضافية...

فبعض الناس بتصير عندها خيال إبداعي أكثر من لجان الـVAR نفسها. 📋😂

وبعدين تسمع التصريح الصحفي المعتاد:

"مهو أبوهم تاركهم وما بسأل عنهم وراميهم"

مع إن الجميع عارف إنه أصلاً مستني رؤية أولاده كأنه مستني تذكرة نهائي دوري الأبطال!

وأحياناً يضيع يوم إجازته كامل ومشاوير وسفر من محافظة لمحافظة ، وبالآخر يظل مش عارف إذا رح يشوف أولاده ولا لأ حسب المزاج.

وإذا حكيت لحد:
"أنا محروم من أولادي."

يرد عليك بكل ثقة:
"أكيد إنت اللي تاركهم."

هيك بتكون عملية البرمجة نجحت 100% ✅

لأن الكوميديا السوداء بالملف كله...

إنه مهما كانت النتيجة...

ومهما كانت الوقائع...

ومهما اختلفت الظروف...

الحكم صافِر قبل ما تبدأ المباراة:

🚨 المتهم الأول والأخير دائماً هو الأب.















#الأردن

السلام عليكم… عيدكم مبارك 🌙⚽

زمان كانت الحياة الزوجية مباراة فيها مدرب، خطة، واحترام لقوانين اللعب…
اليوم صرنا بدوري أبطال النسوية، أي كلمة من الرجل بتنحسب فاول وكرت أحمر مباشر 😅

إذا طلب من زوجته احترامه صار:
“نرجسي”
إذا قال بدي كلمة طيبة صار:
“متحكم”
إذا رفض طلب مستحيل صار:
“أشباه رجال”
وإذا حكى عن القوامة قالوا عنه:
“رجعي متخلف من العصر الحجري” 😂

الأجيال السابقة ما كانت تعرف قاموس:
“توكسك، ريد فلاق، ذكورية سامة، ابن أمه، متسلط”
لأن مفهوم الأسرة كان قائم على المودة والاحترام والتوازن، مش على مباراة تحدي وكسر عظم.

اليوم كثير من حالات الطلاق لما تسمع السبب الحقيقي تكتشف إنه المشكلة مش تعنيف ولا ظلم… المشكلة إنه الزوجة لا تريد أي مسؤولية أو طاعة أو التزام، لكن بنفس الوقت تريد كل الامتيازات والخدمات وكأن الزوج ATM مع خدمة توصيل مجانية 24 ساعة 🤖💸

صار الحديث عن طاعة الزوج “عبودية”
والحديث عن واجبات الزوجة “استنقاص”
وجلوس المرأة في بيتها صار عند البعض وكأنه هبوط للدرجة الثانية، رغم أن الإسلام كرّم المرأة وصانها وأعطاها حقوقها وواجباتها بتوازن عادل.

لكن بعض الحركات النسوية حولت المباراة من “حقوق” إلى “احتلال كامل لنصف ملعب الرجل” 😅
بدها حقوقها… وحقوق الرجل… والرجل يقوم بواجباته وواجباتها معًا، وإذا اعترض تبدأ الجماهير بالصراخ والهجوم عليه وكأنه ضيع ضربة جزاء بالدقيقة 90 ⚽🔥

يطالبون بالمساواة الكاملة… لكن القرآن قال:
(وَلِلرِّجَالِ عَلَيْهِنَّ دَرَجَةٌ)

ويطالبون أن تكون المرأة ندًا مطابقًا للرجل في كل شيء… بينما القرآن قال:
(وَلَيْسَ الذَّكَرُ كَالْأُنْثَى)

ثم تسمع دموع التماسيح:
“لم يستوصوا بنا خيرًا يا رسول الله”
لكن أول ما تتحدث عن حسن التبعل والاحترام وطاعة الزوج… يبدأ الشتم والتخوين والهجوم وكأنك أعلنت حرب عالمية 😅

اليوم بعض التعليقات والمنشورات على السوشيال ميديا تكشف حجم الكراهية تجاه الرجال، ثم يأتيك من يقول:
“المرأة لا تسترجل إلا إذا وجدت زوجها ليس رجلًا”

وكأن تعريف الرجولة صار حسب مزاج الجمهور النسوي ولجنة الـVAR 😄
مرة الرجل الحقيقي هو الصراف…
ومرة السائق…
ومرة الخادم…
ومرة الذي لا يقول “لا” أبدًا!

الرجولة ليست حسب هوى أحد، ولا حسب قائمة الطلبات الشهرية…
فالأسرة شراكة، وليست مباراة طرف فيها مطلوب منه الركض طوال التسعين دقيقة بينما الطرف الآخر يجلس على دكة الاحتياط وينتقد الأداء فقط ⚽

🎉⚽
كل عام وكل أب بألف خير…
وكل عام و”دوري حرمان الآباء” داخل موسم العيد بقوانين ما بتتغير.

في أول أيام عيد الأضحى، في آباء كثير قاعدين على دكة الاحتياط…
لا شافوا أولادهم،
لا سمعوا “بابا عيدك مبارك”،
ولا حتى قدروا يعملوا حضن سريع بدل الوقت الضائع.

كم أب اليوم فاتح ألبوم الصور أكثر من باب البيت؟
كم أب فرحة العيد عنده ناقصة لأن التشكيلة نزلت من غير أولاده؟
كم أب صار أقصى طموحه “زيارة شرعية” بدل ما يكون أساسي بحياة أولاده؟

وكم جد وجدة قاعدين يتفرجوا على المباراة من المدرجات…
محرومين من شوفة الأحفاد،
وكأن صلة الرحم صارت مخالفة تستوجب كرت أحمر.

المضحك المبكي…
إنه أول ما الأب يشتكي،
بطلعلك محلل قانوني من استوديو “تفاهم مع الحاضنة”.

يا سلام!
يعني الحاضنة اللي مانعة التواصل،
واللي مسكرة خط التمرير بالكامل،
هي نفسها اللي مطلوب من الأب يفاوضها وكأنه داخل فترة انتقالات شتوية!

وبعدها يبدأ المؤتمر الصحفي المعتاد:
“الأب وحش كاسر”…
“الأب ظالم”…
“الأب خطر على الأطفال”…

طيب إذا الأب خطر لهالدرجة…
ليش أول ما يجي وقت النفقة بصير سوبرمان المسؤول عن كل شيء؟
وليش وقت المدارس والعلاج والمصاريف بتصيروا تتذكروا إنه “ولي أمر”؟

إلى متى رح تضلوا تكابروا على الغلط؟!
اللي ما بشوف من الغربال بكون أعمى…
بس الظاهر هون الموضوع مش ضعف نظر…
هون في ناس شالت الشاشة كلها وقررت ما تشوف كمية الظلم الواقعة على الأب.

أب صار حلمه بالعيد:
يشوف أولاده ساعة…
يسمع صوتهم…
أو حتى صورة جديدة بدل صور السنة الماضية.

هذا مش “تنظيم حضانة”…
هذا اسمه قطع رحم.

وهل تعلم؟
أكيد تعلموا…
بس عاملين حالكم حكم المباراة لما يتغاضى عن ضربة جزاء واضحة بالدقيقة التسعين. ⚽💔









#الأردن #عمان #الزرقاء

في هذا اليوم العظيم، يوم استقلال المملكة الأردنية الهاشمية الثمانين، وصلت رسالة جلالة الملك عبدالله الثاني ابن الحسين إلى هواتف الأردنيين جميعًا، رسالة تحمل روح الأب القريب من شعبه، الأب لكل الأردنيين… للنساء، وللأطفال، وللآباء أيضًا.

نرفع أسمى آيات التهنئة والتبريك لسيد البلاد بمناسبة عيد الاستقلال الثمانين، ونسأل الله أن يديم على الأردن الأمن والاستقرار تحت الراية الهاشمية.

وفي هذا اليوم الوطني، نتوجه إلى جلالة الملك بنداء إنساني من قلوب آلاف الآباء المحرومين من أبنائهم، وآلاف الأطفال الذين كبروا على الفقد والاشتياق.

يا صاحب الجلالة…
كما عهدناك نصيرًا للعدل والرحمة، نناشدكم النظر بعين العطف والإنصاف لكل أب حُرم من أطفاله، ولكل طفل حُرم من دفء والده.

نرجو منكم كفّ الظلم الواقع على الآباء والأطفال، وإعادة التوازن والعدالة بما يحفظ مصلحة الأسرة الأردنية كاملة، فالأب ليس زائرًا في حياة أبنائه… بل سند وأمان وشريك حقيقي في تربيتهم وحياتهم.

حمى الله الأردن، وحفظ جلالة الملك، وكل عام ووطننا بألف خير.









#الأردن #عمان #الزرقاء
#رؤيا


#اكسبلور

أهلًا بكم في مباراة الموسم:
“الولاية الشرعية ” ضد “الواقع المرير FC United” ⚽😂

المعلق الرياضي يقول:
الأب على الورق هو الولي الشرعي… لكن يبدو إن الولاية موجودة فقط في كتيّب التعليمات، زي لاعب احتياط ما حدا نزّله الملعب من ٢٠١٠.

الأب يحاول يدخل المدرسة يسأل عن مستوى ابنه الدراسي…
أوووووه! الأمن يتدخل!
“كابتن ممنوع تدخل… معكش حضانة!”
وكأنك داخل غرفة الـVAR مش مدرسة ابنك 🤡

يحاول يراجع المركز الصحي:
“آسفين يا كابتن… ما بتقدر تعرف إذا ابنك أخذ مطعوم ولا لا.”
يعني حتى النتيجة المباشرة للمباراة ممنوع تشوفها 😂

ابنك بالمستشفى؟
بدك ورقة من المحكمة عشان تشوفه…
كأنك طالب تصريح دخول نهائي كأس العالم مش داخل تطمن على ابنك!

أما إذا رحت عالمدرسة كثير وسألت كثير؟
بيطلعلك الحكم بالكرت الأحمر مباشرة:
“اطلع برا يا كابتن!” 🟥😂

لكن استنوا الهجمة المرتدة الخطيرة…

إذا إجى عريس لبنتك وقلت “لا”؟
فجأة القانون يتذكر إنك “الولي الشرعي العظيم” 🤡⚽
تدخل بتقنية الـVAR القضائي:
“الحكم قرر وجود عضل ولي!”
والقاضي يستلم ضربة الجزاء ويسجل الهدف غصبن عن شاربك 😂

يعني بالمختصر:
بالدراسة؟ مش ولي.
بالعلاج؟ مش ولي.
بالمستشفى؟ مش ولي.
بالمتابعة والتربية؟ مش ولي.

لكن عند النفقة؟
أهلاً وسهلاً بالكابتن والقائد والأسطورة وصاحب الرقم 10 😂💸

عن أي ولاية بتحكوا يا جماعة؟
هاي مش ولاية…
هاي لاعب ATM مربوط بعقد طويل الأمد 🤡⚽















#الأردن