23/10/2026
ပိုင်ဆိုင်နေရစဥ်မှာ တန်ဖိုးထားပါ🍁
"မမြဲခြင်းကြားက တန်ဖိုးများ"🍁
ပွင့်လန်းနေတဲ့ပန်းတစ်ပွင့်ဟာလည်း
တစ်နေ့ကျရင် နွမ်းလျရတာပဲ။
သာယာနေတဲ့နွေဦးဟာလည်း
တစ်ချိန်ကျရင် ဆောင်းဦးကို
လမ်းဖယ်ပေးရမှာပဲ။
ကြည်လင်နေတဲ့ကောင်းကင်မှာလည်း
တိမ်မည်းတွေ ဖြတ်သန်းတတ်သလို
တောက်ပနေတဲ့ကြယ်ကလေးတွေလည်း
တစ်ချိန်ကျရင် အလင်းမှိန်ရတာပဲ။
ဆုပ်ကိုင်ထားသမျှဟာ လွတ်ကျသွားတတ်ပြီး
ချစ်ခင်ရသမျှဟာလည်း ခွဲခွာရတတ်ပါတယ်။
အနီးဆုံးမှာ ရှိနေတဲ့အရာတွေတောင်
တစ်နေ့ကျရင် အဝေးဆုံးကို ရောက်သွားနိုင်ပါတယ်။
အရာအားလုံးဟာ ဖြစ်ပြီး ပျက်တတ်ပါတယ်။
ဒါဟာ ဘဝရဲ့မပြောင်းလဲတဲ့ သဘာဝတရားတစ်ခုပါ။
ဒါပေမဲ့
ဖြစ်တည်လာခြင်းတိုင်းဟာ
အဓိပ္ပာယ်မဲ့ခဲ့တာ မဟုတ်သလို
ပျက်စီးသွားခြင်းတိုင်းဟာလည်း
အဆုံးသတ်သွားခြင်း သက်သက် မဟုတ်ခဲ့ပါဘူး။
ဒါကြောင့်
ပိုင်ဆိုင်နေရစဉ်မှာ တန်ဖိုးထားပါ၊
ချစ်ခင်နေရစဉ်မှာ နွေးထွေးမှုပေးပါ၊
အတူရှိနေရစဉ်မှာ အမှတ်တရကောင်းတွေ ဖန်တီးပါ။
လောကမှာ
ထာဝရတည်မြဲမဲ့အရာဆိုတာ မရှိပေမဲ့
ခဏတာ တည်ရှိခဲ့ဖူးတဲ့အရာတွေကတော့
နှလုံးသားထဲမှာ ထာဝရအဓိပ္ပာယ်ရှိသွားနိုင်လို့ပါပဲ။ ။
#ဟန်မင်း(Nightmare&Deep)
(၂၁၊၁၀၊၂၀၂၆)
https://www.facebook.com/hanmin87
