សាលាមធ្យមសិក្សាសុខាភិបាលភូមិភាគកំពង់ចាម

នៅរសៀល ថ្ងៃចន្ទ ៥កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៣ ខែមីនា ឆ្នាំ២០២៦ លោកសាស្រ្តាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាម បានដឹកនាំកិច្ចប្រជុំពិភាក្សាស្តីពីការបង្កើត Test Blueprint និងកម្រងសំណួរសម្រាប់ប្រឡងបញ្ចប់ការសិក្សាផ្ទៃក្នុងរបស់និស្សិតបរិញ្ញាបត្ររងគិលានុបដ្ឋាកឱ្យស្របតាមកម្មវិធីសិក្សាផ្អែកលើសមត្ថភាព។
គួរបញ្ជាក់ដែរថា កិច្ចប្រជុំនេះបានប្រព្រឹត្តិទៅ និងសម្រេចបានតាមកម្មវិធីដែលបានគ្រោងទុក និងមានការចូលរួមពី លោក លោកស្រីសាស្រ្តាចារ្យ សាស្រ្តាចារ្យជំនួយ វេជ្ជបណ្ឌិត និងលោកគ្រូ អ្នកគ្រូទាំងអស់ ដែលបានបង្រៀននិស្សិតបរិញ្ញាបត្ររងគិលានុបដ្ឋាកតាំងពីឆ្នាំទី១ ដល់ឆ្នាំទី៣ ។

ថ្ងៃសុក្រ ២កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូនឹងថ្ងៃទី២០ ខែមីនា ឆ្នាំ២០២៦
លោកសាស្ត្រាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាម បានអនុញ្ញាតឲ្យ លោកស្រី Kyoko Koto-Shimada និងក្រុមការងារ មកពីការិយាល័យសហប្រតិបត្តិការសុខភាពអន្តរជាតិនៃវិទ្យាស្ថានគ្រប់គ្រងវិបត្តិសុខភាពជប៉ុន ជួបសំដែងការគួរសម ក្នុងគោលបំណងស្នើសុំកិច្ចសហការក្នុងការប្រមូលព័ត៌មានស្ដីពីការសិក្សាស្រាវជ្រាវក្រោមប្រធានបទ " Qualitative study on the development and implementation of the regulatory system for the nursing workforce in Cambodia over the course of the COVID-19 pandemic” ។

#ថ្ងៃចន្ទ ១៣រោច ខែផល្គុន ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ លោកសាស្ត្រាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាម បានដឹកនាំការប្រឡងបញ្ចប់ការសិក្សាផ្ទៃក្នុងលើកទី១ របស់និស្សិតថ្នាក់បរិញ្ញាបត្ររងឆ្មប ជំនាន់ទី១៥ ចាប់ពីថ្ងៃទី១៦ ដល់ថ្ងៃទី២៧ ខែមីនា ឆ្នាំ២០២៥ ដែលមាននិស្សិតសរុបចំនួន ១០០នាក់ ចែកជា១៦ក្រុម ។
- និស្សិតប្រឡងទ្រឹស្ដីមានចំនួន ០២វគ្គ៖
៙ វគ្គទី១ QCM ចំនួន ១០០ សំណួរ រយៈពេល ៩០នាទី
៙ វគ្គទី២ QCM ចំនួន ១០០ សំណួរ រយៈពេល ៩០នាទី
- និស្សិតប្រឡងអនុវត្តមានចំនួន ០៦ស្ថានីយ៍ ( ១៤ទម្រង់ការ)៖
១- ស្ថានីយ៍ទី១ ៖ ការលាងដៃ ពាក់ស្រោមដៃស្តេរីល និងដោះស្រោមដៃ
២- ស្ថានីយ៍ទី ៖ ការថែទាំវេជ្ជសាស្រ្ត
៣- ស្ថានីយ៍ទី ៖ ការថែទាំមុនសម្រាល
៤- ស្ថានីយ៍ទី ៖ បច្ចេកទេសសម្រាលកូន
៥- ស្ថានីយ៍ទី ៖ ការថែទាំទារកទើបនឹងកើត
៦- ស្ថានីយ៍ទី ៖ ការថែទាំស្រ្តីក្រោយពេលសម្រាល

កម្រងសកម្មភាពអនុស្សាវរីយ៏និស្សិតបរិញ្ញាបត្ររងឆ្មប ជំនាន់ទី១៥ ( ឆ្នាំសិក្សា២០២៤ដល់២០២៦ )ដែលត្រូវបានប្រឡងបញ្ចប់ការសិក្សាផ្ទៃក្នុងនៅសាលាមធ្យមសិក្សាសុខាភិបាលភូមិភាគកំពង់ចាម ដែលជានិស្សិតចុងក្រោយនៃកម្មវិធីសិក្សាចាស់ (Content base ) ។

សកម្មភាពនិស្សិតចុះកម្មសិក្សានៅមន្ទីពេទ្យកុមារអង្គរសៀមរាប ៖
១- និស្សិតត្រូវធ្វើការប្រឡងមុនវគ្គសិក្សាដោយទទួលបានពិន្ទុពី ៣៣% ទៅ ៧៤% និងការប្រឡងក្រោយវគ្គសិក្សាដោយទទួលបានពិន្ទុពី 84% ទៅ ៩៤% ដោយមានភាពរីកចម្រើនពី ១២% ទៅ ៥៩% បើធៀបនឹងលទ្ធផលប្រឡងមុនវគ្គសិក្សា។
២- និស្សិតបានចូលរួមរៀនក្នុងថ្នាក់លើមុខវិជ្ជាមួយចំនួនដូចជា៖ IPC, Child Protection, Compassionate Care, AMR, Nursing Care in Emergency Room, និងជំងឺពងបែក មាត់ និងដៃជើង។
✳️ សកម្មភាពនិស្សិតនៅតាមផ្នែកអនុវត្តគ្លីនិក៖
- និស្សិតត្រូវបានបែងចែកជា ៤ ក្រុម និង ៤ផ្នែករួមមាន OPD, IPD, ER/ICU/Neo, និង Surgery ដោយក្រុមនីមួយៗត្រូវធ្វើករណីសិក្សាចំនួន ០៣ ដងស្មើនឹង ១២ ករណីសិក្សាដោយសប្ដាហ៍ទី១ ទទួលបានពិន្ទុលើករណីសិក្សាពី ៨២% ទៅ ៩៣% និងសប្ដាហ៍ទី២ ទទួលបានពិន្ទុលើករណីសិក្សាពី ៩០% ទៅ ៩៥%។
- និស្សិតចូលរួមស្ដាប់របាយការណ៍ថែទាំអ្នកជំងឺ (Nursing Report) ប៉ានប្រមាណលើអ្នកជំងឹ អនុវត្តទម្រង់ការតាមផ្នែកនីមួយៗ និងរៀនពីករណីជំងឺ ។

សកម្មភាពនៃការដឹកនាំនិស្សិតបរិញ្ញាបត្ររងទន្តគិលានុបដ្ឋាកឆ្នាំទី៣ ជំនាន់ទី១៦ ចំនួន៥៤នាក់ ចុះអនុវត្តការដកធ្មេញ និងអប់រំសុខភាពមាត់ធ្មេញក្នុងឃុំមៀន ស្រុកព្រៃឈរ ខេត្តកំពង់ចាម។
---------------------------------------------
ចាប់ពីថ្ងៃទី៩ ដល់ថ្ងៃទី១១ ខែមីនា ឆ្នាំ២០២៦ លោកសាស្ត្រាចារ្យជំនួយ លី ប៉េងស៊ាន់ នាយករងសាលាមធ្យមសិក្សាសុខាភិបាលភូមិភាគកំពង់ចាម និងមន្ត្រីផ្នែកបណ្ដុះបណ្ដាលទន្តគិលានុបដ្ឋាក នៃសាលាមធ្យមសិក្សាសុខាភិបាលភូមិភាគកំពង់ចាមបានដឹកនាំនិស្សិតបរិញ្ញាបត្ររងទន្តគិលានុបដ្ឋាកឆ្នាំ
ទី៣ ជំនាន់ទី១៦ ចំនួន៥៤នាក់ ចុះអនុវត្តការដកធ្មេញនិងអប់រំសុខភាពមាត់ធ្មេញជូនដល់សិស្សានុសិស្ស និងប្រជាពលរដ្ឋក្នុងឃុំមៀន ស្រុកព្រៃឈរ ខេត្តកំពង់ចាម។🙏

ថ្ងៃពុធ ៨រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១១ ខែមីនា ឆ្នាំ២០២៦ លោកស្រី ឆឹង សុគន្ធា នាយិការងសាលាមធ្យមសិក្សាសុខាភិបាលភូមិភាគកំពង់ចាមបានអញ្ជើញចូលរួមកិច្ចប្រជុំសាមញ្ញលេីកទី២២ អាណត្តិ​ទី៤​ របស់ក្រុមប្រឹក្សាខេត្តកំពង់ចាម​ ក្រោមអធិបតីភាពដ៏ខ្ពង់ខ្ពស់ ឯកឧត្តម ខ្លូត ផន ប្រធានក្រុមប្រឹក្សាខេត្ត និង ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។

ថ្ងៃអង្គារ ៧រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែមីនា ឆ្នាំ២០២៦ លោកស្រី ស៊ឹម អេង ប្រធានការិយាល័យបច្ចេកទេសលោកស្រី ឡុង សេរីរត្នន៍ អនុប្រធានផ្នែកបណ្តុះបណ្តាលគិលានុបដ្ឋាក និងលោកស្រី ឌាប សុភី បានចុះវាយតម្លៃនិស្សិតបរិញ្ញាបត្ររងគិលានុបដ្ឋាកឆ្នាំទី៣ ជំនាន់ទី២៧ និងបានបង្រៀនផ្ទាល់នៅគ្រឹះស្ថានសម្ព័ន្ធទ្រទ្រង់កម្មសិក្សាគ្លីនីកនៃមន្ទីរពេទ្យបង្អែកខេត្តព្រៃវែង ដោយផ្តោតទៅលើទម្រង់ការដែលជាតម្រូវការគ្លីនិកមានដូចជា:
១- ការបែងចែកអ្នកជំងឺ
២- របៀបទប់ស្កាត់ការហូរឈាមខាងក្រៅ
៣- ការសង្គ្រោះការបាក់ឆ្អឹង

ថ្ងៃពុធ ១រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៤ ខែមីនា ឆ្នាំ២០២៦ លោកសាស្ត្រាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាមបានសំណេះសំណាលជាមួយ អាណាព្យាបាលនិស្សិត និងនិស្សិតថ្នាក់ឆ្នាំទី១ ផ្នែកបរិញ្ញាបត្ររង គិលានុបដ្ឋាក បរិញ្ញាបត្ររងឆ្មប និងបរិញ្ញាបត្ររង ទន្តគិលានុបដ្ឋាក ដែលទើបប្រឡងជាប់ថ្នាក់ជាតិសម្រាប់ឆ្នាំសិក្សា២០២៥-២០២៦ ។

ព្រឹកថ្ងៃសុក្រ១១កើត ខែផល្គុន ឆ្នាំម្សាញ់សប្តស័ក ព.ស.២៥៦៩ ត្រូវនឹងថ្ងៃទី២៧ ខែកុម្ភៈ ឆ្នាំ២០២៦ លោកសាស្ត្រាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាម បានជួបសំណេះសំណាលជាមួយថ្នាក់ដឹកនាំ មន្ត្រីរាជការសាលាជាស្ត្រី ព្រមទាំងបានផ្តល់ជូនក្រណាត់សំពត់ ដែលជាអំណោយដ៍ថ្លៃថ្លារបស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងលោកជំទាវ ដើម្បីប្រើប្រាស់ ក្នុងពិធីទិវាសិទ្ធនារី ៨មីនា ឆ្នាំ២០២៦ ។