គណបក្សជំនាន់ថ្មីខេត្តកំពត

ប្រភព÷វិទ្យុខ្មែរប៉ុស្តិ៍(KPR)

​មេដឹកនាំគណបក្សជំនាន់ថ្មី លោក មាជ សុវណ្ណារ៉ា បានដាក់ការព្រមាន និងប្រតិកម្មយ៉ាងខ្លាំង ជុំវិញវីដេអូឃ្លីបមួយនាពេលថ្មីៗនេះ ដែលបង្ហាញពីសមត្ថកិច្ចមួយក្រុមបានទៅហាមឃាត់សិស្សមិនឱ្យជជែករឿងនយោបាយ ដោយលោកចាត់ទុកថាសកម្មភាពនេះគឺជាការរំលោភសិទ្ធិសេរីភាពរបស់ពលរដ្ឋខ្មែរយ៉ាងធ្ងន់ធ្ងរ ដែលធានាការពារដោយរដ្ឋធម្មនុញ្ញកម្ពុជា ហើយនឹងជំរុញឱ្យប្រទេសកម្ពុជារអិលទៅរកការដឹកនាំបែបផ្តាច់ការ បើប្រទេសជាតិបាត់បង់នូវពហុគំនិត ដែលជាគោលការណ៍គ្រឹះនៃរបបប្រជាធិបតេយ្យសេរីពហុបក្ស ៕ ០៦ ០៦ ២០២៦

រាយការណ៍ដោយ ៖ រិទ្ធិ រាជ

ហេតុអ្វីអ្នកនយោបាយ ឬអ្នកដឹកនាំមិនសូវបង្ហាញភាពជាគំរូដល់យុវជន អ្នកបន្តវេន ឬអ្នកជំនាន់ថ្មី?

គណបក្សជំនាន់ថ្មី/New Generation Party បង្កើតវប្បធម៌ជាគំរូពីអ្នកដឹកនាំថ្នាក់ជាតិដល់អ្នកដឹកនាំមូលដ្ឋាន សម្រាប់បង្ហាញដល់យុវជនដែលត្រៀមខ្លួនក្លាយជាអ្នកដឹកនាំបន្តវេន ។

យុវជនផ្នែកច្បាប់ដ៏ក្លាហានមោះមុត មកពីឃុំស្មោងខាងត្បូង ស្រុកកំចាយមារ ខេត្តព្រៃវែង ៕

យើងមិនត្រូវភ្លេចខ្លួន
ជាមួយអ្នកជិតខាងជាប្រវត្តិសាស្រ្តទេ
យើងត្រូវតែប្ដូរពីភាពឈឺចាប់ ទៅរកភាពខ្លាំង
និងរុងរឿងដោយចំណេះដឹង
ទើបអាចទប់ទល់នឹងសត្រូវបាន?

ភាគីថៃថា
«បើកម្ពុជាប្រើច្បាប់សមុទ្រ UNCLOS ថៃនឹងឈប់និយាយជាមួយកម្ពុជា រឿង JBC និង GBC? »។
កម្ពុជាកុំរាថយ ឱ្យដឹងស~ខ្មៅ ហើយកុំចិត្តទន់ !

ប្រភព÷វិទ្យុខ្មែរប៉ុស្តិ៍(KPR)

នៅថ្ងៃទី០៤ ខែមិថុនា ឆ្នាំ២០២៦នេះ គណបក្សជំនាន់ថ្មី បានរៀបចំពិធីមីទ្ទិញយ៉ាងគគ្រឹកគគ្រេង ដើម្បីអបអរសាទរខួបអនុស្សាវរីយ៍លើកទី២ នៃការបង្កើតឡើងគណបក្សជាផ្លូវការរបស់ខ្លួន។

ពិធីនេះត្រូវបានធ្វើឡើងក្រោមអធិបតីភាព លោកមាជ សុវណ្ណារ៉ា ប្រធានគណបក្សជំនាន់ថ្មី និងរួមទាំងវត្តមានរបស់ថ្នាក់ដឹកនាំជាន់ខ្ពស់ សមាជិក សមាជិកា និងសកម្មជនបក្សរាប់រយនាក់ ក្នុងគោលបំណងបូកសរុប
សមិទ្ធិផលការងាររយៈពេល ២ឆ្នាំកន្លងមក និងដាក់ចេញនូវទិសដៅនយោបាយថ្មីៗសម្រាប់នាពេលអនាគត ៕

រាយការណ៍ដោយ ៖ រិទ្ធិ រាជ

ប្រភព÷វិទ្យុខ្មែរប៉ុស្តិ៍(KPR)

មេដឹកនាំគណបក្សជំនាន់ថ្មី លោក មាជ សុវណ្ណារ៉ា បានបង្ហាញនូវគោលនយោបាយស្នូលរបស់គណបក្ស ដោយបានដាក់ចេញនូវយុទ្ធសាស្ត្រផ្តោតលើអាទិភាពក្រសួងចំនួន៣ ដែលលោកថាគឺជាកម្លាំងចលករដ៏មានឥទ្ធិពលក្នុងការធ្វើឱ្យប្រទេសជាតិមានភាពរឹងមាំ ខ្លាំងក្លា ព្រមទាំងអាចធានាបាននូវការការពារអធិបតេយ្យភាព និងបូរណភាពទឹកដីយ៉ាងពិតប្រាកដ ៕ ០៣ ០៦ ២០២៦

រាយការណ៍ដោយ ៖ រិទ្ធិ រាជ

លោក ដួង ច័ន្ទលីដេត ប្រធានប្រតិបត្តិគណបក្សជំនាន់ថ្មីខេត្តបាត់ដំបង
សកម្មភាពលើកស្លាកគណបក្សជំនាន់ថ្មីខេត្តបាត់ដំបង នារសៀលថ្ងៃទី០១ ខែមិថុនា ឆ្នាំ២០២៦ ៕

ប្រភព÷វិទ្យុខ្មែរប៉ុស្តិ៍(KPR)

លោក មាជ សុវណ្ណារ៉ា ប្រធានគណបក្សជំនាន់ថ្មី បានលើកឡើងពីចក្ខុវិស័យរបស់គណបក្សជំនាន់ថ្មី ទៅនឹងករណីយកិច្ចនៃការគ្រប់គ្រងជាតិ គឺការស្វែងរក និងការរក្សាសុភមង្គលជូនប្រជារាស្រ្តខ្មែរ ក្រោមសម្បជញ្ញៈ«មន្រ្តីធ្វើការដើម្បីបម្រើរាស្រ្ត រាស្រ្តធ្វើការដើម្បីបម្រើជាតិ»។

ក្នុងន័យនេះ ដើម្បីសម្រេចឱ្យដល់ទិសដៅនេះ កាតព្វកិច្ចដ៏ចម្បងរបស់ការគ្រប់គ្រងប្រទេសជាតិ ត្រូវចែកជាវិស័យធំៗរួមមាន ពន្ធដារ ប្រាក់ខែ រាជធម៌ និងមន្រ្តី៕ ០១ ០៦ ២០២៦

រាយការណ៍ដោយ ៖ រិទ្ធិ រាជ

លោក ឡេង រីម ប្រធានប្រតិបត្តិគណបក្សជំនាន់ថ្មីខេត្តកំពត
អ្នកស្រុកខេត្តកំពត អាចរកអ្នកជំនាន់ថ្មីឃើញហើយ សម្រាប់ឆ្នាំ២០២៧ & ឆ្នាំ២០២៨ ៕ ៣១ ០៥ ២០២៦

ក្នុងឱកាសពិធីលើកស្លាក និងសម្ពោធទីស្នាក់ការគណបក្សជំនាន់ថ្មីស្រុកកំពង់ត្រាច ដែលជាទីស្នាក់ការទី៥ របស់គណបក្សជំនាន់ថ្មីក្នុងខេត្តកំពត លោក យិន ឈឿន ប្រធានក្រុមការងារថ្នាក់ជាតិខេត្តកំពត បានអំពាវនាវដល់ពុកម៉ែបងប្អូនប្រជាពលរដ្ឋ និងយុវជនទាំងអស់ ឱ្យចូលរួមសកម្មភាពនយោបាយជាមួយគណបក្សជំនាន់ថ្មី និងចូលរួមឈរឈ្មោះជាបេក្ខភាពក្រុមប្រឹក្សាឃុំ-សង្កាត់ សម្រាប់ការបោះឆ្នោតអាណត្តិទី៦ នាពេលខាងមុខ។
លោកបានបញ្ជាក់ថា ការចូលរួមរបស់ប្រជាពលរដ្ឋ និងយុវជន គឺជាកម្លាំងដ៏សំខាន់ក្នុងការពង្រឹងលទ្ធិប្រជាធិបតេយ្យ ជំរុញការអភិវឌ្ឍនៅមូលដ្ឋាន និងរួមចំណែកកសាងសង្គមជាតិឱ្យមានការរីកចម្រើន ប្រកបដោយយុត្តិធម៌ តម្លាភាព និងចីរភាពសម្រាប់មនុស្សគ្រប់ជំនាន់៕ ៣១.០៥.២០២៦