វិទ្យាល័យទេពប្រណម្យ_Tepronom High School

កិច្ចពិភាគ្សារវាងវិទ្យាល័យទេពប្រណម្យ និងសកលវិទ្យាល័យបញ្ញាសាស្រ្ត

រូបភាពស្រស់ស្អាតមិនមែនមានតែ១ពណ៌ទេ តែត្រូវបានរួមបញ្ចូលគ្នានៃពណ៌ច្រើន។ មានន័យថា ពណ៌និមួយៗសុទ្ធតែមានភារកិច្ច និងការទទួលខុសត្រូវក្នុងការបង្កើតនូវទិដ្ឋភាពនៃភាពស្រស់ស្អាត។ កាលណាពណ៌ណាមួយនៅខុសកន្លែងមិនទំនងនោះនឹងបង្កើតរូបភាពទើសភ្នែកអ្នកផងជាមិនខាន់។

នៅព្រឹកថ្ងៃទី២០ ខែឧសភា ឆ្នាំ២០២៦ នៅវិទ្យាល័យទេពប្រណម្យ បានបើកកិច្ចប្រជុំបូកសរុបការងារ និងវាយតម្លៃការចុះកម្មសិក្សារបស់លោក សុង សាវឿន គរុសិស្សនៃមជ្ឈមណ្ឌលគរុកោសល្យភូមិភាគ ខេត្តកណ្តាល ក្រោមការដឹកនាំ លោកស្រី ប៉ូលី សោភ័ណ្ឌ នាយិការង មជ្ឈមណ្ឌលគរុកោសល្យភូមិភាគ ខេត្តកណ្តាល និងលោក ផុន សុគន្ធ នាយកវិទ្យាល័យទេពប្រណម្យ ។ គណ:កម្មការវាយតម្លៃ លោកគ្រូដឹកនាំ លើកមុខវិជ្ជា ICT និងមុខវិជ្ជាភាសាអង់គ្លេស នៃមជ្ឈមណ្ឌលគរុកោសល្យភូមិភាគខេត្តកណ្តាល និងគ្រូណែនាំមុខវិជ្ជាICT និងភាសាអង់គ្លេសនៃវិទ្យាល័យទេពប្រណម្យ។

សូមថ្លែងអំណរគុណដល់លោកវេជ្ជបណ្ឌិត ឡុង វិមាន និងលោកស្រី សន សុភក្តិណា ព្រមទាំងបុត្រ ដែលជាអតីតសិស្សវិទ្យាល័យទេពប្រណម្យ។
យើងខ្ញុំក្នុងនាមជាគណៈគ្រប់គ្រង និងតំណាងឱ្យប្អូនៗសិស្សានុសិស្ស ទាំង២នាក់ សូមសម្តែងនូវការដឹងគុណយ៉ាងជ្រាលជ្រៅបំផុត ចំពោះទឹកចិត្តសប្បុរសធម៌ និងការឧបត្ថម្ភ ថវិកា ក្នុង ម្នាក់50$ របស់លោកអ្នក ដល់សិស្សានុសិស្សទាំង២នាក់រួមមាន ១. ផៃ សុងភីង ភេទស្រី ២.ពៅ សុទ្ធា ភេទប្រុស ដែលកំពុងជួបប្រទះការខ្វះខាតក្នុងជីវភាព។
ការគាំទ្រដ៏វិសេសវិសាលនេះ មិនត្រឹមតែបានជួយសម្រាលបន្ទុកគ្រួសាររបស់ពួកគេប៉ុណ្ណោះទេ ប៉ុន្តែថែមទាំងជាកម្លាំងចិត្តដ៏ធំធេង បើកផ្លូវឲ្យប្អូនៗបានបន្តការសិក្សា ដើម្បីកសាងអនាគតខាងមុខ។
សូមជូនពរ លោក និងក្រុមគ្រួសារ ជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
វិ.ទេពបប្រណម្រ, ថ្ងៃទី19 ខែឧសភា ឆ្នាំ2026

ថ្ងៃទី១២/០៥/២០២៦
លោក ម៉ៅ ច័ន្ទរក្សា នាយករង និងលោកគ្រូ សឿ គង្គា បានដឹកនាំសិស្សចូលរួមវគ្គបណ្តុះបណ្តាលស្តីពី និតិវិធី និងយុទ្ធសាស្រ្តតស៊ូមតិនៃកម្មវិធីជជែកដេញដោយយុវជនខេត្តកណ្តាល។

ថ្ងៃទី៩ ខែឧសភា ឆ្នាំ២០២៦ នៅវិទ្យាល័យទេពប្រណម្យ បានរៀបចំផ្សព្វផ្សាយ និងណែនាំការដាក់ពាក្យអាហារូបករណ៍ឧត្តមសិក្សារបស់ក្រសួងអប់រំឆ្នាំសិក្សា ២០២៦-២០២៧ ដល់ សិស្សថ្នាក់ទី១២ ចំនួន១៧៦នាក់។

ថ្ងៃ០៨/០៥/២០២៦
លោកនាយកបានចុះទៅតម្រង់ទិសសិក្សា និងស្ទង់មតិសិស្សនៅអនុវិទ្យាល័យ ហ៊ុននាង អដ្ឋរស្ស ទាក់ទងនឹងការជ្រើសរើសជំនាញសិក្សាកម្រិតថ្នាក់ទី១០ ដែលគ្រោងនឹងបន្ថែមជំនាញ ស្វ័យប្រវត្តិកម្ម រ៉ូប៉ូត និងកែច្នៃចំណីអាហារ ភេសជ្ជៈ សម្រាប់គន្លងសិក្សាវិជ្ជាជីវៈ ឆ្នាំសិក្សា២០២៦-២០២៧