គណបក្សប្រជាជនកម្ពុជា ក្រុងអរិយក្សត្រ

នាព្រឹកថ្ងៃសុក្រ ៤រោច ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៦ ខែកុម្ភៈ ឆ្នាំ២០២៦, លោក លន់ ឌុំ អនុប្រធានប្រចាំការគណបក្សក្រុង តំណាង លោក ចាន់ តារា ប្រធានគណៈកម្មាធិការគណបក្សក្រុង និងជាប្រធានក្រុមការងារស្នូល នៃ ក.ស.ព គណបក្សក្រុង និងសមាជិក ក.ស.ព ក្រុមការងារស្នូលក្រុង បានចូលរួមកិច្ចប្រជុំបូកសរុបការងារប្រចាំឆ្នាំ២០២៥ និងទិសដៅអនុវត្តបន្ដឆ្នាំ២០២៦ របស់ក្រុមការងារសម្របសម្រួលព័ត៌មាន (ក.ស.ព) របស់ក្រុមយុវជនគណបក្សខេត្តកណ្ដាល ក្រោមអធិបតីភាព លោកជំទាវ ស្រ៊ុន ស្រីនាង សមាជិកគណៈអចិន្រ្ដៃយ៍គណបក្សខេត្ត និងជាប្រធានក្រុមការងារស្នូល នៃ ក.ស.ព គណបក្សខេត្ត នៅសាលប្រជុំរំដួល ទីស្នាក់ការគណបក្សខេត្ត។

សេចក្តីថ្លែងការណ៍របស់គណបក្សប្រជាជនកម្ពុជា ច្រានចោលទាំងស្រុងនូវការចោទប្រកាន់របស់គណបក្សភឿថៃ ថាកម្ពុជាបានដាក់មីនថ្មី ដែលបណ្តាលឲ្យកងទ័ពថៃរងរបួសកាលពេលថ្មីៗនេះ។

នាថ្ងៃសៅរ៍ ៤កើត ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៥ ខែតុលា ឆ្នាំ២០២៥, លោក ចាន់ តារា ប្រធាគណៈកម្មាធិការគណបក្សប្រជាជនកម្ពុជាក្រុងអរិយក្សត្រ រួមជាមួយអនុប្រធានគណៈកម្មាធិការគណបក្សក្រុង និងសមាជិក បានចូលរួមពិធីសំណេះសំណាល និងជូនរង្វាន់ជ័យលាភីដល់សិស្សានុសិស្សប្រលងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២៥ និទ្ទេស A,B,C មកពីក្រុងអរិយក្សត្រ,ស្រុកខ្សាច់កណ្តាល,ស្រុកល្វាឯម,ស្រុកកៀនស្វាយ,ស្រុកមុខកំពូល និងស្រុកពញាឮ សរុបចំនួន ១,៤៤៤នាក់ ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូនព័ន្ធ មុនីរ័ត្ន ប្រធានក្រុមការងារគណបក្សចុះមូលដ្ឋានខេត្តកណ្តាល និងជាប្រធានក្រុមការងារចុះមូលដ្ឋាន ក្រុងអរិយក្សត្រ ស្រុកខ្សាច់កណ្តាល,ស្រុកល្វាឯម,ស្រុកកៀនស្វាយ ស្រុកមុខកំពូល និងស្រុកពញាឮ។

ដើម្បីចូលរួមអបអរសាទរ លើកទឹកចិត្តឱ្យប្អូនៗសិស្សានុសិស្ស មានការខិតខំបន្តការសិក្សា នាឱកាសនេះ ក្រុមការងារបានចែករង្វាន់ចំពោះសិស្សជ័យលាភីដែលបានប្រឡងជាប់និទ្ទេស A ក្នុងម្នាក់ទទួលបានម៉ូតូម៉ាក់ HONDA DREAM 125cc ឆ្នាំ២០២៥ ចំនួន ១គ្រឿង សរុបចំនួន ៦៣គ្រឿង ។

នាថ្ងៃពុធ ១៤រោច ខែអស្សុជ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២២ ខែតុលា ឆ្នាំ២០២៥, លោក ចាន់ តារា ប្រធានគណៈកម្មាធិការគណបក្សប្រជាជនកម្ពុជាក្រុង រួមជាមួយ ឯកឧត្តម ជ័យ រិទ្ធី ប្រធានក្រុមការងារគណបក្សចុះមូលដ្ឋានសង្កាត់ព្រែកអំពិល បានអញ្ជេីញជាអធិបតីភាព ក្នុងពិធីជួបសំណេះសំណាល សាកសួរសុខទុក្ខ ជាមួយបងប្អូនប្រជាពលរដ្ឋដែលរងគ្រោះដោយទឹកជន់លិច ចំនួន ១៣២គ្រួសារ ស្ថិតក្នុងសង្កាត់ព្រែកអំពិល ក្រុងអរិយក្សត្រ ខេត្តកណ្តាល។

ក្នុងនោះមួយគ្រួសារទទួលបាន អង្ករ ២៥គីឡូ,ទឹកត្រី ១យួរ,ទឹកស៉ីអ៉ីវ ១យួរ និងថវិកា ៤ម៉ឺនរៀល។

នាថ្ងៃអាទិត្យ ១២រោច ខែអស្សុជ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៩ ខែតុលា ឆ្នាំ២០២៥, លោក អ៊ុំ ចន អនុប្រធានគណៈកម្មាធិការគណបក្សក្រុង តំណាងលោក ចាន់ តារា ប្រធានគណៈកម្មាធិការគណបក្សក្រុង និងសមាជិក បានចូលរួមក្នុងពិធីជួបសំណេះសំណាល សាកសួរសុខទុក្ខ ជាមួយបងប្អូនប្រជាពលរដ្ឋដែលរងគ្រោះដោយទឹកជន់លិច ចំនួន ៩១គ្រួសារ ស្ថិតក្នុងសង្កាត់ព្រែកលួង ក្រុងអរិយក្សត្រ ខេត្តកណ្តាល ក្រោមអធិបតីភាព ឯកឧត្តម លីម ហ៊ុយជីវ ប្រធានក្រុមការងារគណបក្សចុះមូលដ្ឋានសង្កាត់ព្រែកលួង។

នារសៀលថ្ងៃសុក្រ ១៣កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី៥ ខែកញ្ញា ឆ្នាំ២០២៥, លោក ចាន់ តារា ប្រធានគណៈកម្មាធិការគណបក្សប្រជាជនកម្ពុជាក្រុងអរិយក្សត្រ បានដឹកនាំកិច្ចប្រជុំបូកសរុបលទ្ធផលការងារគណបក្សប្រចាំខែសីហា ឆ្នាំ២០២៥ និងទិសដៅភារកិច្ចបន្ត ស្ថិតនៅស្នាក់ការគណបក្សក្រុង ក្នុងសង្កាត់ពាមឧកញ៉ាអុង ក្រុងអរិយក្សត្រ ខេត្តកណ្តាល។

នាព្រឹកថ្ងៃសុក្រ ១៣រោច ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី២២ ខែសីហា ឆ្នាំ២០២៥, លោក ចាន់ តារា ប្រធានគណៈកម្មាធិការគណបក្សប្រជាជនកម្ពុជាក្រុងអរិយក្សត្រ រួមជាមួយអនុប្រធានគណៈកម្មាធិការគណបក្សក្រុង និងសមាជិក បានចូលរួមពិធីបិទវគ្គអប់រំនយោបាយរបស់គណបក្សខេត្តជំនាន់ទី៣៧ សម្រាប់មន្រ្តីគណបក្ស ការិយាល័យ អង្គភាពថ្នាក់ក្រុង និងសង្កាត់ នៅក្រុងអរិយក្សត្រ ស្ថិតនៅស្នាក់ការគណបក្សក្រុង ក្នុងសង្កាត់ពាមឧកញ៉ាអុង ក្រោមអធិបតីភាព ឯកឧត្តម ជាប ដាវុធ អនុប្រធានក្រុមការងារគណបក្ស ទទួលបន្ទុកចលនាយុវជនក្រុងអរិយក្សត្រ និងស្រុកល្វាឯម តំណាងដ៏ខ្ពង់ខ្ពស់ ឯកឧត្តម គង់ វិបុល រដ្ឋមន្រ្តីប្រតិភូអមនាយករដ្ឋមន្រ្តី អនុប្រធានអចិន្ត្រៃយ៍ក្រុមការងារគណបក្សចុះមូលដ្ឋានក្រុងអរិយក្សត្រ និងស្រុកល្វាឯម។

ញតិ្តថ្កោលទោស

យើងខ្ញុំទាំងអស់គ្នាជាថ្នាក់ដឹកនាំ ព្រមទាំងសមាជិក សមាជិកាគណបក្សប្រជាជនកម្ពុជាទូទាំងក្រុងអរិយក្ស សូមប្រកាសជាឱឡារិកថ្កោលទោសយ៉ាងដាច់អហង្ការ ចំពោះគម្រោងវាយប្រហារ ដោយដ្រូនចូលភូមិគ្រឹះរបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា នៃព្រះរាជាណាចក្រកម្ពុជា ក្នុងក្រុងតាខ្មៅ ខេត្តកណ្តាល។

នាព្រឹកថ្ងៃសុក្រ ៣កើត ខែពិសាខ ឆ្នាំរោង ឆស័កព.ស ២៥៦៧ ត្រូវនឹងថ្ងៃទី១០ ខែឧសភា ឆ្នាំ២០២៤, លោក អ៊ុំ ចន អនុប្រធានគណៈកម្មាធិការគណបក្សប្រជាជនកម្ពុជាក្រុងអរិយក្សត្រ និងលោក លន់ ឌុំ អនុប្រធានប្រចាំការគណៈកម្មាធិការគណបក្សប្រជាជនកម្ពុជាក្រុង រួមជាមួយ លោក លោកស្រី គណៈអចិន្រ្តៃយ៍គណបក្សប្រជាជនកម្ពុជាក្រុងអរិយក្សត្រ ព្រមទាំងសហការី បានចូលរួមអមដំណើរ ឯកឧត្តម ឆាយ ជាហេង ប្រធានក្រុមការងារ ចុះជួយសង្កាត់ព្រែកតាកូវ និង ឯកឧត្តម អេង ទីតា ប្រធានក្រុមការងារ ចុះជួយសង្កាត់ព្រែកលួង និងសហការី ចុះសំណេះសំណាល ជាមួយក្រុមប្រឹក្សាសង្កាត់ដែលជាអង្គបោះឆ្នោតរបសគណបក្សប្រជាជនកម្ពុជា។

នាព្រឹកថ្ងៃពុធ ១២កើត ខែមាឃ ឆ្នាំថោះ បញ្ច ស័ក ព.ស. ២៥៦៧ ត្រូវនឹងថ្ងៃទី២១ ខែកុម្ភៈ ឆ្នាំ២០២៤, លោក លន់ ឌុំ អនុប្រធានប្រចាំការគណៈកម្មាធិការគណបក្សប្រជាជនកម្ពុជាក្រុង តំណាងលោក ចាន់ តារា ប្រធានគណៈកម្មាធិការគណបក្សប្រជាជនកម្ពុជាក្រុង បានអញ្ជើញបើកកិច្ចប្រជុំប្រចាំខែកុម្ភៈ ឆ្នាំ២០២៤ និងទិសដៅការងារដែលត្រូវអនុវត្តន៍បន្ត ព្រមទាំងផ្សព្វផ្សាយការងារសំខាន់ៗ និងការងារពិធីបិទយុទ្ធនាការឃោសនាបោះឆ្នោត និងការងារបោះឆ្នោត ថ្ងៃទី២៤ និង ២៥ ខែកុម្ភៈ ឆ្នាំ២០២៤ ខាងមុខនេះ ស្ថិតនៅស្នាក់ការគណបក្សប្រជាជនកម្ពុជាក្រុងអរិយក្សត្រ។

នាព្រឹកថ្ងៃ​សៅរ៍ ៣រោច ខែមិគសិរ ឆ្នាំថោះ​ បញ្ចស័ក​ ព.ស.២៥៦៧​ ត្រូវនឹងថ្ងៃទី៣០ ខែធ្នូ ឆ្នាំ២០២៣​ , លោក ចាន់ តារា ប្រធានគណៈកម្មាធិការគណបក្សប្រជាជនកម្ពុជាក្រុងអរិយក្សត្រ បានដឹកនាំកិច្ចប្រជុំផ្សព្វផ្សាយលទ្ធផលមហាសន្និបាតវិសាមញ្ញតំណាងទូទាំងប្រទេស របស់គណបក្សប្រជាជនកម្ពុជា ដែលបានប្រព្រឹត្តទៅរយៈពេលពីរថ្ងៃ ៩-១០ ខែធ្នូ ឆ្នាំ២០២៣ កន្លងទៅ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ដល់សមាជិក សមាជិកាបក្សក្រុងអរិយក្សត្រ រួមមាន គណៈអចិន្រ្តៃយ៍គណបក្សក្រុង, គណៈកម្មាធិការគណបក្សក្រុង, ប្រធានគណបក្សសង្កាត់ និងប្រធានសាខាបក្សភូមិ ក្នុងក្រុងអរិយក្សត្រ ខេត្តកណ្តាល។