ស្នងការដ្ឋាននគរបាលខេត្តកែប - Police Commissariat of Kep Province

នៅព្រឹកថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦

លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប អញ្ជើញចូលរួមពិធីប្រកាសចូលកាន់មុខតំណែង អភិបាលរង នៃគណៈអភិបាលខេត្តកែប ចំនួន៣រូប ក្រោមអធិបតីភាព ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅសាលប្រជុំធំសេះស សាលាខេត្តកែប។

លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប ផ្ញើសារលិខិតគោរពជូនពរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក្នុងឱកាសជ័យមង្គលដ៏ឧត្តុង្គឧត្តម នៃពិធីខួបកំណើត។

ខ្ញុំសូមសម្តែងនូវការគាំទ្រយ៉ាងពេញទំហឹងចំពោះចំណាត់ការរបស់រាជរដ្ឋាភិបាល ជាពិសេសជំហរមុតមាំរបស់ប្រមុខរាជរដ្ឋាភិបាលក្នុងការដោះស្រាយបញ្ហាជាមួយភាគីថៃ ដោយផ្អែកលើមូលដ្ឋានច្បាប់អន្តរជាតិ ដើម្បីចាប់ផ្តើមដំណើរការយន្តការផ្សះផ្សារដោយបង្ខំ ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) បន្ទាប់ពីភាគីថៃបានដកខ្លួនជាឯកតោភាគីពីអនុស្សរណៈនៃការយោគយល់គ្នាឆ្នាំ២០០១ (MOU 2001) ដែលជាក្របខណ្ឌទ្វេភាគីតែមួយគត់ក្នុងការដោះស្រាយដោយសន្តិវិធី នូវការទាមទារដែនសមុទ្រត្រួតស៊ីគ្នារវាងប្រទេសទាំងពីរ។

សាររបស់ សម្តេចមហាបវរធិបតី គឺជាឱកាសដើម្បីឱ្យបងប្អូនប្រជាពលរដ្ឋខ្មែរទាំងក្នុង និងក្រៅប្រទេស បានស្វែងយល់កាន់តែច្បាស់អំពីស្ថានភាពជាក់ស្តែង ជំហរម៉ឺងមាត់ និងការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ក្នុងការការពារផលប្រយោជន៍ស្របច្បាប់របស់ជាតិ ដោយឈរលើមូលដ្ឋានគតិយុត្តិនៃច្បាប់អន្តរជាតិ។ សារនេះ ក៏ជាការបញ្ជាក់នូវជំហររបស់កម្ពុជា ក្នុងការបន្តដោះស្រាយបញ្ហាចំពោះមុខប្រកបដោយភាពច្បាស់លាស់ និងសុឆន្ទៈ ផ្អែកលើគោលការណ៍ច្បាប់អន្តរជាតិ សន្តិវិធី និងកិច្ចសហប្រតិបត្តិការ។

សូមបងប្អូនជនរួមជាតិទាំងអស់ បន្តតាមដានដោយយកចិត្តទុកដាក់ ព្រមទាំងផ្តល់ជំនឿទុកចិត្ត និងការគាំទ្រយ៉ាងមោះមុតដល់រាជរដ្ឋាភិបាល ក្នុងការដោះស្រាយបញ្ហាព្រំដែន ទាំងលើគោក និងលើសមុទ្រជាមួយប្រទេសជិតខាង។

I would like to express my full support for the measures undertaken by the Royal Government of Cambodia, particularly the firm and principled stance of the Head of the Royal Government in resolving differences with the Thai side in accordance with international law. This includes the decision to initiate the compulsory conciliation mechanism under UNCLOS, following the unilateral withdrawal by the Thai side from the MOU 2001, which constituted the only bilateral mechanism for the peaceful resolution of overlapping maritime claims between the two countries.

The message of Samdech Moha Borvor Thipadei represents an important opportunity to inform the Cambodian people of the actual situation, the principled position, and the high level of attention and responsibility demonstrated by the RGC in safeguarding the national interests of Cambodia in accordance with international law. It also reaffirms Cambodia’s stance and continued efforts in resolving the differences with clarity and good faith, based on the principles of international law, peaceful means, and cooperation.

May we all continue to follow this matter closely and extend our trust, unity, and steadfast support to the Royal Government in the efforts to resolve border issues, both on land and at sea, with neighboring countries.

កម្លាំងនគរបាលចរាចរណ៍ផ្លូវគោក បន្តចុះសម្រួលចរាចរណ៍ រៀបចំសណ្ដាប់ធ្នាប់ នៅតាមសាលារៀន

ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯកឧត្ដមបណ្ឌិត សោម ពិសិដ្ឋ អភិបាលខេត្ដកែប និងការដឹកនាំបញ្ជាណែនាំផ្ទាល់ពី លោកឧត្ដមសេនីយ៍ទោ សម្បត្តិ សុធារដ្ឋ ស្នងការនគរបាលខេត្ដកែប
នៅថ្ងៃទី៣ ខែមិថុនា ឆ្នាំ២០២៦ កម្លាំងនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកែប បន្តចុះសម្រួលចរាចរណ៍ រៀបចំសណ្ដាប់ធ្នាប់ នៅតាមដងផ្លូវសាធារណៈ និងតាមសាលារៀនជូនបងប្អូនប្រជាពលរដ្ឋ លោកគ្រូ អ្នកគ្រូ និងក្មួយៗសិស្សានុសិស្ស៕

លោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប ជំរុញការផ្ដល់សេវាសាធារណៈ ជូនប្រជាពលរដ្ឋ

ខេត្តកែប ៖ ដោយអនុវត្តតាមអនុសាសន៍ដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការជំរុញដឹកនាំផ្ទាល់ ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅថ្ងៃទី៣ ខែមិថុនា ឆ្នាំ២០២៦ ផែនការងារអត្តសញ្ញាណកម្ម បានដឹកនាំមន្ត្រីនគរបាលជំនាញចំណុះឲ្យផែន បំពេញបែបបទថតអត្តសញ្ញាណប័ណ្ណសញ្ជាតិខ្មែរ និងប្រគល់សៀវភៅស្នាក់នៅ ជូនប្រជាពលរដ្ឋ។

សូមជំរាបជូនថា : បងប្អូនប្រជាពលរដ្ឋ ដែលប្រើប្រាស់អត្តសញ្ញាណប័ណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ៕

លោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប ជំរុញការផ្ដល់សេវាសាធារណៈ ជូនប្រជាពលរដ្ឋ

ខេត្តកែប ៖ ដោយអនុវត្តតាមអនុសាសន៍ដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការជំរុញដឹកនាំផ្ទាល់ ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅថ្ងៃទី២ ខែមិថុនា ឆ្នាំ២០២៦ ផែនការងារអត្តសញ្ញាណកម្ម បានដឹកនាំមន្ត្រីនគរបាលជំនាញចំណុះឲ្យផែន បំពេញបែបបទថត និងប្រគល់អត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋ។

សូមជំរាបជូនថា : បងប្អូនប្រជាពលរដ្ឋ ដែលប្រើប្រាស់អត្តសញ្ញាណប័ណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ៕