30/05/2026
គណៈគ្រប់គ្រង វត្តកំពង់ថ្ម សូមថ្លែងអំណរគុណយ៉ាង
ជ្រាលជ្រៅចំពោះបងស្រី ឡេ សុភ័ក្ត្រា និងក្រុមគ្រួសារ
ដែលបានចូលរួមថ្លៃធ្វើក្ដារចាស់ទុំប្រគេនលោកឪព្រះគ្រូ
ចៅអធិការចំនួន ៣០ ដុល្លារ ។
ក្នុងឱកាសឆ្នាំថ្មី ឆ្នាំមមី អដ្ឋស័ក ដ៏បវរថ្លៃថ្លា មហាប្រសើរ
ចូរកើតមានដល់បងស្រី និងក្រុមគ្រួសារ បានសមប្រកប
ដោយពុទ្ធមង្គលពរ ៤ប្រការគឺ៖ អាយុ វណ្ណ: សុខ: ពល
កុំបីឃ្លៀងឃ្លាតឡើយ ។
••━━━━•✥•❉•✥•━━━━••
ចូលរួមបណ្ដាញសង្គមខាងក្រោមនេះ
• Join Telegram: https://t.me/kampongthmar168
• Join Group FB: https://www.facebook.com/share/g/1DHiHEhTsU/
••━━━━•✥•❉•✥•━━━━••
ថ្ងៃសៅរ៍ ១៤កើត ខែជេស្ឋ ឆ្នាំមមី
អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី៣០ ខែឧសភា ឆ្នាំ២០២៦
17/05/2026
ការលួចរបស់សង្ឃនេះគឺបណ្ដាលមកពីខ្លួនឯង(ចោរ)ខ្វះខាតក្រទើបសម្រេចចិត្តមកលួចទាំងកម្រោល! តែមិនគិតថា៖មូលហេតុនាំឱ្យខ្វះខាតក្រមកពីផលកម្មពីការលួចសោះទើបនាំឱ្យខ្វះខាតក្ររកយ៉ាងណាក៏មិនចេះសល់សោះ🙏
បាបកម្ម បាបកម្ម បាបកម្ម
16/05/2026
ការលួចទ្រព្យសម្បត្តិរបស់ព្រះសង្ឃ ឬទ្រព្យសម្បត្តិវត្តអារាម គឺជាទង្វើ
ខុសឆ្គងយ៉ាងធ្ងន់ធ្ងរទាំងក្នុងផ្នែក វិន័យព្រះពុទ្ធសាសនា និង ច្បាប់រដ្ឋ៖
១. ក្នុងផ្នែកព្រះពុទ្ធសាសនា (វិន័យ)អទិន្នាទាន៖ ការកាន់យកទ្រព្យដែលគេមិនបានឱ្យ គឺជាសីលមួយក្នុងចំណោមសីល៥ ដែលពុទ្ធបរិស័ទត្រូវរក្សា។បាបកម្មធ្ងន់ធ្ងរ៖ ការលួចរបស់សង្ឃត្រូវបានចាត់ទុកថាជាបាបកម្មធ្ងន់ (ទម្ងន់ទោសខ្លាំងជាងការលួចរបស់គ្រហស្ថធម្មតា) ព្រោះ
វាជាទ្រព្យសម្បត្តិដែលពុទ្ធបរិស័ទបានឧទ្ទិសថ្វាយដោយសទ្ធាជ្រះថ្លាសម្រាប់ទ្រទ្រង់សាសនា។
២. ក្នុងផ្នែកច្បាប់ព្រហ្មទណ្ឌនៃព្រះរាជាណាចក្រកម្ពុជាតាម ក្រម
ព្រហ្មទណ្ឌឆ្នាំ២០០៩ ការលួចត្រូវបានកំណត់ជាបទល្មើសព្រហ្មទណ្ឌ៖
បទល្មើសលួច (មាត្រា ៣៥៣)៖ គឺជាអំពើដកហូតដោយទុច្ចរិតនូវ
ទ្រព្យសម្បត្តិរបស់អ្នកដទៃ ដើម្បីយកមកធ្វើជាកម្មសិទ្ធិរបស់ខ្លួន។
ទោសទណ្ឌ៖ អ្នកប្រព្រឹត្តអាចប្រឈមនឹងការផ្ដន្ទាទោសដាក់ពន្ធនាគារ
និងពិន័យជាប្រាក់។ បើការលួចនោះមានស្ថានទម្ងន់ទោស (ដូចជា
ការប្រើហិង្សា ឬលួចក្នុងទីសក្ការបូជា) ទោសនឹងកាន់តែធ្ងន់ធ្ងរ។
ផលវិបាកក្នុងសង្គមប៉ះពាល់តម្លៃសាសនា៖ ទង្វើបែបនេះធ្វើឱ្យបាត់បង់
សេចក្ដីថ្លៃថ្នូរ និងប៉ះពាល់ដល់សទ្ធារបស់ពុទ្ធបរិស័ទ។ ការអនុវត្តច្បាប់៖
សមត្ថកិច្ចនឹងចាត់វិធានការតាមផ្លូវច្បាប់យ៉ាងម៉ឺងម៉ាត់ចំពោះជនដែល
ប្រព្រឹត្តទង្វើនេះ ទោះបីជាបុគ្គលនោះជាគ្រហស្ថ ឬជាសង្ឃក៏ដោយ។
សរុបរួមមក៖ ការលួចរបស់សង្ឃមិនត្រឹមតែនាំមកនូវការដាក់ទោស
តាមផ្លូវច្បាប់ប៉ុណ្ណោះទេ ប៉ុន្តែថែមទាំងនាំមកនូវការតិះដៀលពីសង្គម
និងបាបកម្មតាមផ្លូវសាសនាទៀតផង។
16/05/2026
គណៈគ្រប់គ្រង វត្តកំពង់ថ្ម សូមថ្លែងអំណរគុណយ៉ាង
ជ្រាលជ្រៅចំពោះបងប្រុស ស៊ិន សុថុនា និងក្រុមគ្រួសារ
ដែលបានចូលរួមថ្លៃធ្វើក្ដារចាស់ទុំប្រគេនលោកឳព្រះគ្រូ
ចៅអធិការចំនួន ៤៥០,០០០ រៀល ។
ក្នុងឱកាសឆ្នាំថ្មី ឆ្នាំមមី អដ្ឋស័ក ដ៏បវរថ្លៃថ្លា មហាប្រសើរ
ចូរកើតមានដល់ញោមញាតិ លោក លោកស្រី បានសម
ប្រកបដោយពុទ្ធមង្គលពរ ៤ប្រការគឺ៖ អាយុ វណ្ណ: សុខ:
ពល កុំបីឃ្លៀងឃ្លាតឡើយ ។
••━━━━•✥•❉•✥•━━━━••
ចូលរួមបណ្ដាញសង្គមខាងក្រោមនេះ
• Join Telegram: https://t.me/kampongthmar168
• Join Group FB: https://www.facebook.com/share/g/1DHiHEhTsU/
••━━━━•✥•❉•✥•━━━━••
ថ្ងៃសៅរ៍ ១៥រោច ខែពិសាខ ឆ្នាំមមី
អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី១៦ ខែឧសភា ឆ្នាំ២០២៦
15/05/2026
🔊វ៉ឺតៗមកញោមញាតិ
មកថតអត្តសញ្ញាណប័ណ្ឌ
នៅ វត្តកំពង់ថ្ម ថ្ងៃនេះ
14/05/2026
🔊 ស្អែកនេះញោមញាតិណា
ចង់ថតអត្តសញ្ញាណប័ណ្ណថ្មី ឬអត្តសញ្ញាណប័ណ្ណហួសសុពលភាពសូមមកកាន់ វត្តកំពង់ថ្ម នាថ្ងៃស្អែក!
មន្ត្រីនគរបាលផ្នែកអត្តសញ្ញាណកម្មរង់ចាំញាតិញោមមកថត!
14/05/2026
គណ:គ្រប់គ្រង អាចារ្យ គណ:កម្មការ វត្តកំពង់ថ្ម
បាននិមន្ត/បានចូលរួមកម្មវិធី បើកបវេសនកាលសិក្សា
ទូទាំងស្រុកសន្ទុក ឆ្នាំសិក្សា ២០២៦ - ២០២៧ ។
ទីកន្លែងវត្តគោកទិល ហៅវត្តធម្មនាថ ឃុំតាំក្រសាំង ស្រុកសន្ទុក
ខេត្តកំពង់ធំ ដោយមានការនិមន្ត-អញ្ជើញចូលរួមអំពីសំណាក់
ព្រះរាជាគណៈ ព្រះមេគណ និងសហការី ព្រះគ្រូអនុគណស្រុក
និងសហការី ព្រះចៅអធិការ សមណសិស្ស លោក នៅ សម:
ប្រធានក្រុមប្រឹក្សាស្រុក លោកអភិបាល នៃគណ:អភិបាលស្រុក
មេឃុំ មន្ត្រីរាជការគ្រូឧទ្ទេសាចារ្យ អាចារ្យ គណ:កម្មការវត្ត
ពុទ្ធបរិស័ទជិតឆ្ងាយ សរុប ២៦១អង្គ/នាក់ ។
11/05/2026
បណ្ដាំក្រមង៉ុយ
កុំខ្ជិលកុំល្ងង់ពេក ខំរៀនលេខរៀនអក្ខរា
រៀនគ្រប់សព្វធម៌អាថិ ប្រាជ្ញាផ្សំនឹងគំនិត ។
លោកសង្ឃខ្លះចេះស្ទើរ ចេះភ្លើៗធ្វើឲ្យភ្លាត់
ព្រះអង្គទ្រង់សន្មត សិក្ខាបទដល់ឥឡូវ ។
ឪពុកម្តាយស្លូតត្រង់ ចិត្តមិនចង់ឲ្យកូនខ្លៅ
ជេរវាយស្តីប្រេដៅ ឲ្យកូនចៅបានចេះដឹង ។
ឪពុកគ្មានតំរិះ ឃើញកូនចេះមិនដែលខឹង
ឃើញកូនខំប្រិតប្រឹង ឪពុកដឹងតែងត្រេកអរ ។
ដាស់តឿនកើនរំលឹក ជេរល្ងាចព្រឹកខ្លាចកូនក្រ
ចង់ឲ្យតែកូនល្អ លោមអង្វរឲ្យកូនខំ ។
កូនកាចបំពេញទុក្ខ ម្តាយឪពុកមានបារម្ភ
កូនស្លូតដឹងគួរសម មេបាថ្កុំថ្កើងកេរ្តិ៍ឈ្មោះ ។
ឪពុកម្តាយក្សត់ខ្សោយ កុំបណ្តោយឲ្យអាប់យស
ខំរៀនឲ្យបានខ្ពស់ គ្រាន់សង្រ្គោះដល់មេបា ។
អ្នកល្ងង់ហេតុពីខ្ជិល ឥតមន្ទិលរឿងធម៌អាថិ
គួរកូនចៅសិក្សា រៀនអក្ខរាទាំងប្រុសស្រី ។
______________________________
ជាបទព្រហ្មគីតិ និពន្ធឡើងក្នុងរវាងឆ្នាំ១៩៣៥
ដោយកវីក្រមង៉ុយ ។
10/05/2026
ឱ្យទានតាមរបៀប ៥យ៉ាងនឹងបានផលច្រើន
——————————————————
ការផ្តល់ទាន បើឱ្យតែមិនស្រួលផល នៃទាននោះនឹង
បានត្រឡប់មកវិញមានប្រមាណតិចតួច ព្រោះហេតុនោះ
អ្នករាប់អានព្រះពុទ្ធសាសនាគប្បីចូលអានអត្ថបទមួយនេះ
នឹងបានប្រយោជន៍ច្រើនដល់ការធ្វើទាន សមស្របទៅ
នឹងការចំណាយទ្រព្យធនរបស់ខ្លួន ។
១-សទ្ធាយ ទានំ ទេតិ ឲ្យទានដោយសទ្ធា គឺឲ្យដោយជឿជាក់
ថាផលរបស់ទាននេះពិតជាមានផលដោយពិតប្រាកដ ដូចព្រះអង្គ
សម្តែងអាសនិសង្សថា ម្នាលភិក្ខុទាំងឡាយ បុគ្គលណាឲ្យទាន
ដោយសទ្ធា បុគ្គលនោះកើតក្នុងទីណាៗ រមែងជាអ្នកស្ដុកស្ដម្ភ
ដោយភោគសម្បត្តិ ។
២- សក្កច្ចំ ទានំ ទេតិ ឲ្យទានដោយសេចក្ដីគោរព គឺឲ្យដោយ
យកចិត្តទុកដាក់ដោយគោរពក្នុងទាន និងបុគ្គលដែលជាអ្នកទទួល
ឬថាឲ្យដោយដៃខ្លួនឯងផ្ទាល់ មិនមែនឲ្យដោយការបោះបោក
ជាដើម ដូចទ្រង់ត្រាស់អានិសង្សថា ម្នាលភិក្ខុទាំងឡាយបុគ្គលឲ្យ
ទានដោយគោរព បុគ្គលនោះកើតក្នុងទីណាៗ ជារមែងជាអ្នកមាន
ទ្រព្យស្ដុកស្ដម្ភ ទោះកូនក្ដី ប្រពន្ធក្ដី ខ្ញុំបម្រើក្ដី អ្នកធ្វើការងារក្ដី តែងជា
អ្នកស្ដាប់បង្គាប់ដោយល្អ ។
៣- កាលេន ទានំ ទេតិ ឲ្យទានតាមកាល គឺឲ្យទានតាមកាលដែល
គួរឲ្យ។ កាលដែលគួរឲ្យទាន ឈ្មោះថា កាលទាន មាន៥យ៉ាងគឺ ឲ្យ
ទានដល់អ្នកមកថ្មី១ ឲ្យទាន់ដល់អ្នកមានដំណើរ១ ឲ្យទានដល់
អ្នកមានជំងឺ១ ឲ្យទានក្នុងពេលអត់បាយ១ ផ្តល់ស្រូវថ្មី ផ្លែឈើដំបូង
ដល់បុគ្គលអ្នកមានសីល១។ បុគ្គលឲ្យទានតាមកាលដ៏គួរបែបនេះ
ទោះកើតក្នុងទីណាៗ ជាបុគ្គលស្ដុកស្ដម្ភ មានទ្រព្យច្រើន មានភោគៈ
ច្រើន ហើយ ភោគៈដ៏ពោរពេញរមែងកើតមានតាមកាលដ៏គួរដល់
បុគ្គលនោះវិញ ។
៤- អនុគ្គហិតចិត្តោ ទានំ ទេតិ ឲ្យទាន់ដោយចិត្តអនុគ្រោះ គឺឲ្យ
ដោយមិនមានចិត្តសោកស្ដាយ ឬថាឲ្យដោយចង់ឲ្យអ្នកទទួលបាន
នូវសេចក្ដីសុខ ក្តីសប្បាយ ដោយមិនចង់ឲ្យគេតបស្នងអ្វីមកវិញ
ឡើយ។ បុគ្គលឲ្យទានដោយចិត្តអនុគ្រោះ បែបនេះកើតក្នុងទីណាៗ
ជាអ្នកស្ដុកស្ដម្ភ មានទ្រព្យច្រើន និងជាអ្នកបរិភោគក្នុងកាមគុណ៥ ដ៏
លើសលុប ។
៥- អត្តានញ្ច បរញ្ច អនុបហច្ច ទានំ ទេតិ ឲ្យទានដោយមិន
បៀតបៀនខ្លួនឯង និងអ្នកដទៃ គឺសំដៅដល់ការឲ្យទានដោយមិន
មើលងាយគុណទាំងឡាយ បុគ្គលឲ្យទានដោយមិនបានបៀតបៀន
ខ្លួនឯង និងអ្នកដទៃបែបនេះ ទោះកើតក្នុងទីណាៗ រមែងជាអ្នកមាន
ទ្រព្យស្ដុកស្ដម្ភ និងមិនមានសេចក្ដីអន្តរាយ នៃភោគៈទាំងឡាយ
ឡើយ ។
14/05/2026
11/05/2026
10/05/2026