រដ្ឋបាលសង្កាត់គោកឃ្លាង

នៅព្រឹកថ្ងៃទី៣០ ខែឧសភា ឆ្នាំ២០២៦ រដ្ឋបាលសង្កាត់គោកឃ្លាង បានរៀបចំសំអាតអនាម័យបរិស្ថាន តាមបណ្តោយផ្លូវ៥៨P ស្ថិតនៅក្នុងភូមិរោងចក្រ និងភូមិដីថ្មី សង្កាត់គោកឃ្លាង មានប្រវែង ១,៨៥៣ម៉ែត្រ ដោយមានសមាសភាពចូលរួមរបស់ក្រុមប្រឹក្សាសង្កាត់ បុគ្គលិក ភ្ញាក់ងារអនាម័យសង្កាត់ ក្រុមការងារក្រុមហ៊ុន 800 Super មេភូមិ អនុភូមិ សមាជិកភូមិ មេហាសិបខ្នង ប្រជាការពារ និងរួមជាមួយក្រុមការងារ ព្រះវិហារសាសនាចក្រនៃព្រះរយេស៊ូគ្រីស្ទនៃពួកបរិសុទ្ធថ្ងៃចុងក្រោយ។

រដ្ឋបាលសង្កាត់សូមអំពាវនាវដល់បងប្អូនប្រជាពលរដ្ឋក្នុងមូលដ្ឋានយើងទាំងអស់ សូមចូលរួមទុកដាក់វិចខ្ចប់សំរាមឲ្យបានត្រឹមត្រូវ កុំបោះចោលពាសវាលពាសកាល នៅតាមទីសាធារណៈ ដែលបង្ករជាផលប៉ះពាល់ដល់សោភណ្ឌភាពតាមដងផ្លូវ និង ប៉ះពាល់សុខភាពក្នុងការរស់នៅប្រចាំថ្ងៃ ។

#រដ្ឋបាលរាជធានីភ្នំពេញ #បរិស្ថានស្អាត #រដ្ឋបាលសង្កាត់គោកឃ្លាង #រួមគ្នាសម្អាតអនាម័យបរិស្ថាន #រដ្ឋបាលខណ្ឌសែនសុខ

នៅព្រឹកថ្ងៃទី ២៨ ខែឧសភា ឆ្នាំ២០២៦ ដោយមានការយកចិត្តទុកដាក់ពីលោក ញ៉ាត សាម៉េត ចៅសង្កាត់គោកឃ្លាង អំពីអនាម័យបរិស្ថានសុខភាពក្នុងការរស់នៅរបស់បងប្អូនប្រជាពលរដ្ឋ រដ្ឋបាលសង្កាត់បានសហការជាមួយ សហគ្រាសគ្រប់គ្រងសំរាមសំណល់រឹងទីប្រជុំជនរាជធានីភ្នំពេញ បានដាក់គ្រឿងចក្រកាយដេប៉ូសំរាមរាយប៉ាយ ស្ថិតនៅចំណុចដីឡូតិ៍មួយកន្លែងជាប់ជាមួយនឹងផ្សាររីករាយចាស់ ភូមិគោកឃ្លាង ដែលបងប្អូនប្រជាពលរដ្ឋដែលរស់នៅម្ដុំនេះ តែងតែបោះចោលសំរាមនៅទីតាំងខាងលើ បង្ករជាគំនរសំរាមយ៉ាងធំ ដែលបង្កឲ្យមានផលប៉ះពាល់អនាម័យបរិស្ថាន ក្លិនមិនល្អ ប៉ះពាល់ដល់សុខភាពក្នុងការរស់នៅ ។

ក្រោយគេឈូសឆាយ សហគ្រាសគ្រប់គ្រងសំរាមសំណល់រឹង ទីប្រជុំជនរាជធានីភ្នំពេញ ក៏បានដឹកយកសំរាមទាំងអស់នេះចេញពីកន្លែងដីឡូនេះផងដែរ ។

រដ្ឋបាលសង្កាត់សូមអំពាវនាវដល់បងប្អូនប្រជាពលរដ្ឋក្នុងមូលដ្ឋានយើងទាំងអស់ សូមចូលរួមទុកដាក់វិចខ្ចប់សំរាមឲ្យបានត្រឹមត្រូវ កុំបោះចោលពាសវាលពាសកាល នៅតាមទីសាធារណៈ ដែលបង្ករជាផលប៉ះពាល់សោភណ្ឌភាពអនាម័យបរិស្ថានក្នុងមូលដ្ឋាន ប៉ះពាល់សុខភាពក្នុងការរស់នៅប្រចាំថ្ងៃ ។

ការបោះចោលសំរាមតាមទីសាធារណៈមិនត្រឹមតែបំផ្លាញសោភណភាពប៉ុណ្ណោះទេ ថែមទាំងបង្ក៖
👉ការស្ទះប្រព័ន្ធប្រឡាយ-លូ៖ នាំឱ្យមានទឹកជន់លិច និងមានសំរាមរាយប៉ាយរាល់ពេលមានភ្លៀងធ្លាក់
👉ប្រភពមេរោគ៖ បង្កជាក្លិនស្អុយរលួយ និងជាជម្រកសត្វកណ្តុរ មូស រុយ... ដែលធ្វើឱ្យប៉ះពាល់ដល់សុខភាពរបស់ប្រជាជន។
**យើងរួមគ្នាបញ្ឈប់ការបោះចោលសំរាមតាមទីសាធារណៈនានា និងចូលរួមទុកដាក់សំរាមក្នុងធុងឱ្យបានត្រឹមត្រូវ។
👉សូមចាំថា "ទីក្រុងស្អាត ផ្ដើមចេញពីយើងទាំងអស់គ្នា"

#រដ្ឋបាលសង្កាត់គោកឃ្លាង #បរិស្ថានស្អាតនាំមកនូវសុខភាពល្អ

រដ្ឋបាលសង្កាត់គោកឃ្លាង មានការចូលរួមពីលោកមេភូមិដីថ្មីព្រមទាំងប្រជាពលរដ្ឋក្នុងភូមិ បាននាំយកស្បៀងគ្រឿងឧបភោគបរិភោគ សម្ភារ:មួយចំនួន បែងចែក ជូនដល់វីរកងទ័ពជួរមុខកំពុងឈរជេីងការពារព្រំដែន តាមគោលដៅមួយចំនួនរួមមាន ភ្នំខ្មោច តាថាវ ភ្នំទ្រព្យ ពយតាឌី តំបន់មុំបី អានសេះ និងកងពលលេខ១ ។
កាលពីថ្ងៃទី ២៣ ខែឧសភា ឆ្នាំ២០២៦

រដ្ឋបាលសង្កាត់គោកឃ្លាង សូមថ្លែងអំណរគុណ សប្បុរសជន ក្នុងមូលដ្ឋានសង្កាត់ទាំងអស់ ដែលបានចូលរួមឧបត្ថម្ភនូវគ្រឿងឧបភោគបរិភោគ តាមរយ:រដ្ឋបាលសង្កាត់គោកឃ្លាង ដើម្បីជូនដល់វីរកងទ័ពជួរមុខការពារបូរណភាពទឹកដីនៃព្រះរាជាណាចក្រកម្ពុជារបស់យើង ។🇰🇭🙏🇰🇭🙏🇰🇭🙏

#រដ្ឋបាលសង្កាត់គោកឃ្លាង #ភូមិដីថ្មី