Khov Chhay

03/09/2026

កម្មវិធីបើក ព្រឹត្តិការណ៍ គុនខ្មែរជើងឯកទ្វីបអាស៊ី លើកទី១ ឆ្នាំ២០២៦ ទីក្រុងកឹងធើ សាធារណរដ្ឋសង្គមនិយមវៀតណាម

The 1st Asian Kun Khmer Championship 2026, Can Tho City, Vietnam.

02/09/2026

ព្រឹត្តិការណ៍ Kombat Kun Khmer លើកទី២ នៅថ្ងៃទី២៦ ខែកញ្ញា ឆ្នាំ២០២៦ ចាប់ពីម៉ោង ៦ យប់តទៅ ទីតាំងសាលកីឡាសម្តេចពិជ័យសេនា (ស្តាតចាស់)។
សូមកុំភ្លេចចូលរួមគាំទ្រទាំងអស់គ្នា។

The 2nd Kombat Kun Khmer event will be held on September 26, 2026, from 6 pm onwards, at the Samdech Pichey Sena Sports Hall (Old Stadium).
Please don't forget to join in and support us all.

01/09/2026

ខ្ញុំបាទ ក្នុងនាមជាប្រធានសហព័ន្ធកីឡាប្រដាល់គុនខ្មែរ បានចុះហត្ថលេខាលើសេចក្តីសម្រេចដាក់ពិន័យក្លឹបមហិទ្ធិឫទ្ធិគុនខ្មែរល្វាឯម ជាការបំពេញតួនាទី និងការទទួលខុសត្រូវជាប្រធានស្ថាប័ន ឯកភាពតាមសំណើរបស់អនុគណៈកម្មការវិន័យ និងស្មារតីអង្គប្រជុំរបស់សហព័ន្ធ។

មុនឈានដល់ការដាក់ពិន័យនេះ អនុគណៈកម្មការវិន័យបានអញ្ជើញប្រធានក្លឹបមកអប់រំណែនាំចំនួន៣លើករួចមកហើយ អំពីការគោរព និងអនុវត្តបទបញ្ជាផ្ទៃក្នុង និងលក្ខន្តិកៈរបស់សហព័ន្ធ ក្នុងនាមជាក្លឹបសមាជិកក្រោមអាណាព្យាបាលរបស់សហព័ន្ធ។

គោលបំណងនៃការដាក់ពិន័យនេះ គឺមិនមែនក្នុងន័យកំហឹង គំនុំ ឬជាន់ពន្លិចអ្នកណាឡើយ ប៉ុន្តែជាការពង្រឹងច្បាប់ វិន័យ ការទទួលខុសត្រូវការអនុវត្តលក្ខន្តិកៈ បទបញ្ជាផ្ទៃក្នុងរបស់សហព័ន្ធឱ្យមានប្រសិទ្ធភាព និងស្មើភាពចំពោះសមាជិកទាំងអស់។ ការរីកចម្រើនរបស់គុនខ្មែរត្រូវការទាំងសមត្ថភាពបច្ចេកទេស សាមគ្គីភាព និងការទទួលខុសត្រូវរបស់អ្នកពាក់ព័ន្ធគ្រប់រូប។ ការគោរពវិន័យជាមូលដ្ឋានសំខាន់ក្នុងការរក្សាសណ្តាប់ធ្នាប់ កិត្តិយស និងទំនុកចិត្តចំពោះវិស័យគុនខ្មែរទាំងមូល។

ខ្ញុំបាទគោរពផ្តល់តម្លៃចំពោះការរួមចំណែករបស់គ្រប់ក្លឹប គ្រូបង្វឹក និងកីឡាករ កីឡាការិនី ក្នុងការអភិវឌ្ឍគុនខ្មែរ។ ទន្ទឹមនឹងនេះ យើងទាំងអស់គ្នាត្រូវរួមគ្នាថែរក្សាតម្លៃនៃការគោរពស្ថាប័ន និងដោះស្រាយការខ្វែងគំនិតតាមរយៈការពិភាក្សាប្រកបដោយសុជីវធម៌ និងតាមយន្តការរបស់សហព័ន្ធ។

ខ្ញុំបាទសង្ឃឹមថា វិធានការវិន័យនេះនឹងជំរុញឱ្យមានការពិនិត្យកែលម្អ និងការចូលរួមអនុវត្តគោលការណ៍របស់សហព័ន្ធឱ្យបានត្រឹមត្រូវ ដើម្បីយើងអាចបន្តរួមគ្នាអភិវឌ្ឍ និងលើកកម្ពស់គុនខ្មែរប្រកបដោយសាមគ្គីភាព និងកិត្តិយស។

ក្នុងនាមជាប្រធានសហព័ន្ធ ខ្ញុំបាទមានការទទួលខុសត្រូវចំពោះការអនុវត្តសេចក្តីសម្រេចរួម ការរក្សាវិន័យ និងការការពារផលប្រយោជន៍រួមរបស់ស្ថាប័ន និងវិស័យគុនខ្មែរទាំងមូល។

សូមពុកម៉ែបងប្អូន អ្នកស្នេហាវិស័យកីឡាប្រដាល់គុនខ្មែរទាំងអស់ មេត្តាយល់យោគ និងចូលរួមគាំទ្រការអនុវត្តច្បាប់បានខ្ជាប់ខ្ជួនទាំងអស់គ្នា ដើម្បីអោយកីឡាអត្តសញ្ញាណជាតិយើងរីកចម្រើនប្រកបដោយស្ថិរភាព និងចីរភាព។

#គុនខ្មែរ #សហព័ន្ធកីឡាប្រដាល់គុនខ្មែរ

01/09/2026

គ្មានការធ្វើកំណែទម្រង់ណាមួយដែលងាយស្រួលនោះទេ។ ប៉ុន្តែកំណែទម្រង់មួយដែលអាចជោគជ័យទៅបានគឺផ្អែកទៅលើកត្តាសំខាន់ៗបួន ៖

១. ចក្ខុវិស័យច្បាស់លាស់ (ដោយផ្អែកលើមូលដ្ឋាននៃផលប្រយោជន៍រួម និងយូរអង្វែង)
២. ការប្តេជ្ញាចិត្តខ្ពស់ (របស់អ្នកអនុវត្តន៍)
៣. ការចូលរួមដោយស្មោះត្រង់ (ពីគ្រប់ភាគីពាក់ព័ន្ធ)
៤. ការលះបង់ (ផលប្រយោជន៍បុគ្គលទោះបីក្នុងកម្រិតណាមួយ ដើម្បីផលប្រយោជន៍រួម)

ប្រភព: អត្ថបទរបស់សម្តេចបវរធិបតី

01/09/2026

31/08/2026

ខ្ញុំបាទ សូមគោរពជូនពរ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក្នុងឱកាសចម្រើនជន្មាយុគម្រប់ ៤៥ឆ្នាំ ឈានចូល ៤៦ឆ្នាំ សូមឯកឧត្តម មានសុខភាពល្អបរិបូរណ៍ បញ្ញាញាណវៀងវៃ ទទួលបានជោគជ័យគ្រប់ភារកិច្ចការងារ និងមានសុភមង្គលក្នុងគ្រួសារជារៀងរហូត។

30/08/2026

28/08/2026

27/08/2026

អគារពហុពាណិជ្ជកម្មជីបម៉ុង
ល្ងាចថ្ងៃទី២៧ ខែសីហា ឆ្នាំ២០២៦

ខ្ញុំបាទមានកិត្តិយសបានចូលរួមជាគណៈអធិបតី ជាមួយអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស ក្នុងពិធីសន្និសីទសារព័ត៌មាន ស្តីពីការបញ្ជូនអត្តពលិកគុនខ្មែរកម្ពុជា ចូលរួមព្រឹត្តិការណ៍ «គុនខ្មែរជើងឯកទ្វីបអាស៊ីលើកទី១ ឆ្នាំ២០២៦» (1st Asian Kun Khmer Championship 2026)។

ព្រឹត្តិការណ៍ដ៏មានសារៈសំខាន់ និងជាប្រវត្តិសាស្ត្រនេះ នឹងប្រព្រឹត្តទៅចាប់ពីថ្ងៃទី១ ដល់ថ្ងៃទី៨ ខែកញ្ញា ឆ្នាំ២០២៦ នៅទីក្រុងកឹនធើ នៃសាធារណរដ្ឋសង្គមនិយមវៀតណាម ដោយមានប្រទេសចូលរួមចំនួន១៤។ សហព័ន្ធកីឡាប្រដាល់គុនខ្មែរកម្ពុជា នឹងបញ្ជូនអត្តពលិកសរុបចំនួន ៦៦នាក់ ទៅចូលរួមប្រកួតប្រជែង ដើម្បីដណ្តើមមេដាយ និងកិត្តិយសជូនជាតិ។

ការរៀបចំព្រឹត្តិការណ៍គុនខ្មែរជើងឯកទ្វីបអាស៊ីជាលើកដំបូងនេះ គឺជាជំហានដ៏ធំមួយនៃដំណើរអភិវឌ្ឍ និងផ្សព្វផ្សាយគុនខ្មែរទៅកាន់ឆាកអន្តរជាតិ។ ព្រឹត្តិការណ៍នេះមិនត្រឹមតែផ្តល់ឱកាសឱ្យអត្តពលិកគុនខ្មែរបានបង្ហាញសមត្ថភាព ផ្លាស់ប្តូរបទពិសោធន៍ និងបង្កើនគុណភាពបច្ចេកទេសប៉ុណ្ណោះទេ ប៉ុន្តែក៏ជាវេទិកាដ៏សំខាន់សម្រាប់ពង្រឹងស្តង់ដារប្រកួត ការរៀបចំព្រឹត្តិការណ៍ និងសមត្ថភាពរបស់មន្ត្រីបច្ចេកទេស អាជ្ញាកណ្តាល និងចៅក្រមផងដែរ។

លើសពីនេះ ព្រឹត្តិការណ៍នេះបានបង្ហាញឱ្យឃើញពីការរីកចម្រើន និងការទទួលស្គាល់គុនខ្មែរកាន់តែទូលំទូលាយនៅតាមបណ្តាប្រទេសក្នុងទ្វីបអាស៊ី ព្រមទាំងរួមចំណែកពង្រឹងចំណងមិត្តភាព កិច្ចសហប្រតិបត្តិការ និងការផ្លាស់ប្តូរវប្បធម៌រវាងប្រជាជាតិទាំងឡាយ តាមរយៈវិស័យកីឡា។

ខ្ញុំបាទជឿជាក់ថា ជើងឯកអាស៊ីលើកទី១នេះ នឹងក្លាយជាគ្រឹះដ៏រឹងមាំសម្រាប់ការរៀបចំព្រឹត្តិការណ៍ជាបន្តបន្ទាប់ និងជាកម្លាំងជំរុញដ៏សំខាន់ឱ្យគុនខ្មែរ ដែលជាកេរដំណែលដ៏មានតម្លៃរបស់បុព្វបុរសខ្មែរ កាន់តែល្បីល្បាញ រីកចម្រើន និងឈានឆ្ពោះទៅកាន់ពិភពលោក។

ខ្ញុំបាទសូមថ្លែងអំណរគុណយ៉ាងជ្រាលជ្រៅចំពោះអ្នកឧកញ៉ា លាង ម៉េង និងក្រុមហ៊ុន ខ្មែរ ប៊ែវើរីជីស ដែលបានឧបត្ថម្ភគាំទ្រទាំងស្រុងដល់បេសកកម្មរបស់ក្រុមកីឡាគុនខ្មែរកម្ពុជា។ ការគាំទ្រនេះ គឺជាការចូលរួមចំណែកដ៏មានតម្លៃក្នុងការលើកកម្ពស់កីឡាគុនខ្មែរ និងកិត្យានុភាពជាតិកម្ពុជាលើឆាកអន្តរជាតិ។

សូមជូនពរដល់ប្រតិភូ ថ្នាក់ដឹកនាំ គ្រូបង្វឹក និងអត្តពលិកគុនខ្មែរកម្ពុជាទាំងអស់ ទទួលបានសុខភាពល្អ សុវត្ថិភាព និងជោគជ័យក្នុងបេសកកម្មដ៏មានកិត្តិយសនេះ ដើម្បីនាំយកមេដាយ និងមោទនភាពជូនជាតិមាតុភូមិ។


#គុនខ្មែរ