មតិប្រជាពលរដ្ឋ

ឯកឧត្តម ឈឹម សៅគី អញ្ជើញដឹកនាំគណៈកម្មការអន្តរក្រសួង ចុះត្រួតពិនិត្យ វាយតម្លៃបញ្ចប់សុពលភាព លេីការងារថែទាំខួបផ្លូវដោយក្រាលកៅស៊ូ (DBST) បន្ថែមពីលេី (Reseal DBST) ប្រវែង ៩ ២៧០ ម នៅស្រុករលាប្អៀរ ខេត្តកំពង់ឆ្នាំង

[English Below] ខេត្តកំពង់ឆ្នាំង ៖ នាថ្ងៃសុក្រ ៥រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦ ឯកឧត្តម ឈឹម សៅគី រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំគណៈកម្មការអន្តរក្រសួង រួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ វាយតម្លៃបញ្ចប់សុពលភាព លេីការងារថែទាំខួបផ្លូវដោយក្រាលកៅស៊ូ (DBST) បន្ថែមពីលេី (Reseal DBST) ចំនួន ១កំណត់ ប្រវែង ៩ ២៧០ ម ទទឺង ៥,៥ម គូសគំនូសចរាចរណ៍ទំហំ ១ ៨៥៤ម ចាប់ពី គម០៧+៦០០ ដល់គម១៦+៨៧០ ស្ថិតនៅក្នុងឃុំពង្រ ឃុំបន្ទាយព្រាល និងឃុំក្រាំងស្គារ ស្រុករលាប្អៀរ ខេត្តកំពង់ឆ្នាំង អនុវត្តដោយនាយកដ្ឋានផ្លូវលំជនបទ។

កិច្ចត្រួតពិនិត្យ និងវាយតម្លៃមានការចូលរួមពី ឯកឧត្តម ឈន សេដ្ឋា និងលោកជំទាវ ឯក គន្ធវារី អនុរដ្ឋលេខាធិការ ក្រុមការ គ.ត.វ. នៃក្រសួងអភិវឌ្ឍន៍ជនបទ តំណាងនាយកដ្ឋានផ្លូវលំជនបទ និងតំណាងអង្គភាពលទ្ធកម្ម។

ទន្ទឹមនេះ ឯកឧត្តមរដ្ឋលេខាធិការប្រចាំការ បានជួបសំណេះសំណាលជាមួយប្រជាពលរដ្ឋរស់នៅតាមដងផ្លូវទាំងនេះ ហើយពួកគាត់បង្ហាញនូវសេចក្តីរំភើបរីករាយដែលទទួលបាននូវសមិទ្ធផលថ្មីបន្ថែមទៀតពីរាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ បានស្ថាបនាឡើងក្រោមគោលនយោបាយ និងយុទ្ធសាស្រ្តអភិវឌ្ឍន៍ប្រទេសជាតិ ដើម្បីជំរុញការអភិវឌ្ឍ សេដ្ឋកិច្ច និងសង្គមកម្ពុជា ក្នុងគោលដៅសម្រេចឱ្យបានចក្ខុវិស័យ “កម្ពុជាក្លាយជាប្រទេសមានប្រាក់ចំណូលខ្ពស់ក្នុងឆ្នាំ២០៥០”។

បន្ទាប់ពីបានត្រួតពិនិត្យ និងប្រជុំពិភាក្សាជាមួយអ្នកទទួលការ អ្នកបច្ចេកទេស និងគណៈកម្មការអន្តរក្រសួងរួចមក គណៈកម្មការបានឯកភាពទទួលយកបញ្ចប់សុពលភាពការងារគម្រោងខាងលើ និងសូមឱ្យអ្នកទទួលការបន្តការងារថែទាំផ្លូវនេះបន្ថែមទៀត៕

Kampong Chhnang Province: On June 5, 2026, His Excellency Chhim Saoky, Permanent Secretary of State, representative the high esteem of His Excellency Chhay Rithisen, Minister of Rural Development, led an inter-ministerial committee including the Ministry of Rural Development and the Ministry of Economy and Finance to inspect and evaluate the validity of the maintenance work of asphalt road (DBST) plus resealing (Reseal DBST) of 1 set, 9,270 m long, 5.5 m wide, with traffic markings of 1,854 m wide, from km 07+600 to km 16+870, located in Pong commune, Banteay Preal commune and Kraing Sker commune, Rolaya Phair district, Kampong Chhnang province, implemented by the Department of Rural Roads.

The inspection and evaluation was attended by His Excellency Chhorn Setha and Her Excellency Ek Kunveary, Undersecretary of State, CEC, representatives of the Department of Rural Roads, and representatives of the Procurement Unit.

At the same time, His Excellency the Permanent Secretary of State met with residents living along these roads, and they expressed their excitement at receiving new achievements from the Royal Government of Cambodia through the Ministry of Rural Development, established under the National Development Policy and Strategy to promote the development of Cambodia’s economy and society, with the goal of achieving the vision of “Cambodia becoming a high-income country by 2050.”

After inspecting and discussing with the contractors, technicians, and the inter-ministerial committee, the committee agreed to accept the termination of the above project and asked the contractors to continue the maintenance work on this road.

សិក្ខាសាលាស្ដីពី ការបិទបញ្ចប់ការអនុវត្តគម្រោងអាហារូបត្ថម្ភនៅកម្ពុជា
——
សៀមរាប៖ នាថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦ លោកជំទាវវេជ្ជបណ្ឌិត ប្រាក់ សោភ័ណនារី រដ្ឋលេខាធិការក្រសួងសុខាភិបាល និងជានាយកគម្រោងអាហារូបត្ថម្ភនៅកម្ពុជា បានអញ្ជើញជាគណៈអធិបតី និងដឹកនាំសិក្ខាសាលាស្ដីពី ការបិទបញ្ចប់ការអនុវត្តគម្រោងអាហារូបត្ថម្ភនៅកម្ពុជា នៅខេត្តសៀមរាប។

គួរជម្រាបផងដែរថា សិក្ខាសាលានេះធ្វើឡើងក្នុងគោលបំណងដើម្បី៖
១. បូកសរុបលទ្ធផលដែលគម្រោងសម្រេចបាន ធៀបនឹងគោលដៅគម្រោង
២. ចែករំលែកបទពិសោធន៍ និងមេរៀនដែលទទួលបាន និងអនុសាសន៍នានា ដើម្បីយកទៅរៀបចំ និងអនុវត្តសម្រាប់គម្រោងក្រោយៗទៀត និង
៣. យន្តការផ្ទេរភារកិច្ចជូនដល់អាជ្ញាធរមូលដ្ឋាន ឬដៃគូពាក់ព័ន្ធ ដើម្បីធានាថាប្រតិបត្តិការមួយចំនួននឹងនៅតែបន្ត និងមាននិរន្តរភាពក្រោយពេលគម្រោងបានបិទបញ្ចប់។

ជាកិច្ចចាប់ផ្តើម លោកជំទាវនាយកគម្រោង ក៏បានថ្លែងអំណរគុណដល់អង្គភាពពាក់ព័ន្ធទាំងអស់រួមមាន ក្រសួងសេដ្ឋកិច្ចនិងហិរញ្ញវត្ថុ លេខាធិការដ្ឋានគ.ជ.អ.ប WB, GFF, DFAT, KfW, ទីភ្នាក់ងារជាតិបញ្ជាក់ចំណាយ នាយកដ្ឋាន និងមជ្ឍមណ្ឌលជាតិនៃក្រសួងសុខាភិបាល មន្ទីរសុខាភិបាលខេត្ត និងអាជ្ញាធរថ្នាក់ក្រោមជាតិ ដែលបានចូលរួមសហការ ឧបត្ថម្ភ គាំទ្រដល់ការអនុវត្តគម្រោងអាហារូបត្ថម្ភនៅកម្ពុជា ក្នុងរយះពេល ៦ឆ្នាំកន្លងមកនេះ។ ទន្ទឹមនឹងនោះ លោកជំទាវក៏បានថ្លែងនូវការកោតសរសើរចំពោះការសម្រេចបាននូវលទ្ធផលគួរជាទីមោទន ដែលមិនត្រឹមតែឆ្លើយតបទៅតាមគោលដៅរបស់គម្រោងប៉ុណ្ណោះទេ ប៉ុន្តែថែមទាំងសូចនាកស្ទើរតែទាំងអស់សម្រេចបានលើសពីគោលដៅដែលបានរំពឹងទុក។

ជាចុងក្រោយ លោកជំទាវនាយកគម្រោងបានផ្ដាំផ្ញើរ និងជម្រុញដល់អង្គភាពអនុវត្តទាំងអស់ ឲ្យពន្លឿនសកម្មភាពដែលនៅសេសសល់ ឲ្យបានចប់សព្វគ្រប់ត្រឹមបំណាច់ខែមិថុនានេះ។ លោកជំទាវនាយកគម្រោង ក៏បានសំណូមពរដល់រដ្ឋបាលឃុំសង្កាត់ និងមន្ត្រីសុខាភិបាលគ្រប់ជាន់ថ្នាក់រក្សានូវកិច្ចសហការ និងបន្តយន្តការអនុវត្តការងារដោយប្រើប្រាស់វិធីសាស្ត្រ ចំណេះដឹង និងសម្ភារដែលគម្រោងបានផ្ដល់ជូនយកទៅធ្វើការអប់រំសុខភាពដល់ប្រជាពលរដ្ឋឲ្យបានជាប់ជាប្រចាំ ពិសេសពង្រឹងការចូលរួមរបស់អ្នកថែទាំកុមារ ក៏ដូចជាការតាមដាននិងលើកកម្ពស់ការលូតលាស់របស់កុមារ និងជម្រុញការមកប្រើប្រាស់សេវានៅមូលដ្ឋានសុខាភិបាលឲ្យបានច្រើន។

សូមជម្រាបជូនថាកិច្ចប្រជុំនេះ មានការអញ្ជើញចូលរួមពី ឯកឧត្តម នី គឹមសាន ឯកឧត្តម នី គឹមសាន អនុប្រធានលេខាធិការដ្ឋាន គ.ជ.អ.ប និងជានាយកគម្រោងអាហារូបត្ថម្ភនៅកម្ពុជា លោកស្រី CHIHO SUZIKI តំណាងធនាគាពិភពលោក, តំណាងគម្រោងហិរញ្ញប្បទានសកលគាំទ្រស្រ្តីគ្រប់រូប កុមារគ្រប់រូប (GFF), តំណាងក្រសួងការបរទេស និងពាណិជ្ជកម្មអូស្ត្រាលី (DFAT), តំណាងទីភ្នាក់ងារបញ្ជាក់ចំណាយ, តំណាងក្រសួងសេដ្ឋកិច្ច និងហិរញ្ញវត្ថុ លោកស្រីអភិបាលរងនៃគណៈអភិបាលខេត្តទាំង៩ ឯកឧត្តមប្រធាន និងអនុប្រធានមន្ទីរសុខាភិបាល នៃរដ្ឋបាលខេត្តទាំង៩ និងលោក លោកស្រី ប្រធាន ការិយាល័យស្រុកប្រតិបត្តិទាំង២៣, ថ្នាក់ដឹកនាំ និងមន្ត្រីអង្គភាពអនុវត្តគម្រោង, ទីប្រឹក្សាសម្របសម្រួលខេត្ត និង មន្ត្រីរដ្ឋបាលស្រុកទទួលបន្ទុកស្រ្តី និងកុមារ និងលោក លោកស្រី ជាមន្ត្រីសុខាភិបាលនៃមន្ទីរពេទ្យបង្អែកថ្នាក់ស្រុកកម្រិត១ និង២ សរុប ចំនួន ២៣០រូប។

ខេត្តកំពង់ឆ្នាំង ៖ នាព្រឹកថ្ងៃសុក្រ ៥រោច ខែជេស្ឋ ឆ្នាំ មមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦ លោកស្រី ឈិន សារី ប្រធានគណៈកម្មាធិការគណបក្សប្រជាជនកម្ពុជា ឃុំចោងម៉ោង តំណាងឯកឧត្តមបណ្ឌិត នួន ដាញ៉ិល ប្រធានក្រុមការងារគណបក្សថ្នាក់កណ្តាលចុះមូលដ្ឋានឃុំចងម៉ោង បាននាំយកថវិកាចំនួន ១៤០ ០០០រៀល របស់ក្រុមការងារថ្នាក់កណ្តាល និងឃុំ ដើម្បីចូលរួមបុណ្យសពលោកតា ពេញ តង សមាជិកគណបក្សប្រជាជនកម្ពុជា នៅភូមិអលង្កែរ ឃុំចោងម៉ោង ដែលបានទទួលមរណភាព នៅថ្ងៃទី៤ ខែមិថុនា ឆ្នាំ២០២៦ ដោយជរាពាធ ក្នុងជន្មាយុ ៨០ឆ្នាំ៕

ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការរៀបចំឯកសារស្ដីពី ការកំណត់និងការពិពណ៌នាមុខតំណែងវិជ្ជាជីវៈអភិវឌ្ឍន៍ជនបទ

[English Below] រាជធានីភ្នំពេញ៖ នាព្រឹកថ្ងៃសុក្រ ៥រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦ នៅទីស្តីការក្រសួង ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការរៀបចំឯកសារស្ដីពីការកំណត់ និងការពិពណ៌នាមុខតំណែងវិជ្ជាជីវៈអភិវឌ្ឍន៍ជនបទ ដោយមានការអញ្ជើញចូលរួមពីសំណាក់ ឯកឧត្ដមរដ្ឋលេខាធិការប្រចាំការ ឯកឧត្ដម លោកជំទាវ ជាថ្នាក់ដឹកនាំ និងមន្ដ្រីជំនាញ ព្រមទាំងក្រុមការងារលេខាធិការដ្ឋានកែទម្រង់សាធារណៈនៃក្រសួងអភិវឌ្ឍន៍ជនបទ ។

អង្គប្រជុំបានធ្វើការពិនិត្យ ពិភាក្សាយ៉ាងល្អិតល្អន់ និងផ្ដល់ធាតុចូលដ៏មានសារសំខាន់ជាច្រើន ដើម្បីបំពេញបន្ថែមលើឯកសារស្ដីពីការកំណត់និងការពិពណ៌នាមុខតំណែងវិជ្ជាជីវៈអភិវឌ្ឍន៍ជនបទ ដែលក្រុមការងារលេខាធិការដ្ឋានបានរៀបចំ ឱ្យបានគ្រប់ជ្រុងជ្រោយ មានសង្គតិភាពជាមួយអនុក្រឹត្យលេខ ២៣៧ អនក្រ.បក ស្ដីពី ការរៀបចំនិងការប្រព្រឹត្តទៅរបស់ក្រសួងអភិវឌ្ឍន៍ជនបទ និងឱ្យស្របតាមវិធានការគន្លឹះក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលក្នុងនីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិតរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា៕

Phnom Penh: On the morning of Friday, June 5, 2026, at the Ministry’s headquarters, H.E. Chhay Rithisen, Minister of Rural Development, chaired a meeting to review progress on drafting documents concerning the definition and job descriptions of professional positions in rural development. The session was attended by the Permanent Secretary of State, senior leaders and technical specialists, and the working group of the Secretariat for Public Administration Reform of the Ministry of Rural Development.
The meeting conducted a careful review and discussion, providing numerous substantive inputs to refine and complete the draft documents so they are comprehensive and coherent with Sub Decree No. 237 ANKr.BK on the organization and functioning of the Ministry of Rural Development, and aligned with the key measures of the Royal Government’s public administration reform in the Seventh Legislature of the National Assembly, under the principled leadership of Samdech Moha Bovor Thipadei Hun Manet, Prime Minister of the Kingdom of Cambodia.

ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំពិនិត្យ និងជ្រើសរើសខ្សែផ្លូវសម្រាប់ផែនការ ៣ឆ្នាំរំកិល របស់ក្រសួងអភិវឌ្ឍន៍ជនបទ

[English Below] រាជធានីភ្នំពេញ៖ នាថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦ នៅទីស្ដីការក្រសួង ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំពិនិត្យ និងជ្រើសរើសខ្សែផ្លូវសម្រាប់ដាក់បញ្ចូលទៅក្នុងគម្រោងឆ្នាំ ២០២៧ និងផែនការ ៣ឆ្នាំរំកិល (ឆ្នាំ២០២៧-២០២៩) របស់ក្រសួងអភិវឌ្ឍន៍ជនបទ ដោយប្រើប្រាស់ថវិការបស់រាជរដ្ឋាភិបាល។ កិច្ចប្រជុំមានការអញ្ជើញចូលរួមដោយផ្ទាល់ពីសំណាក់ ឯកឧត្តមរដ្ឋលេខាធិការប្រចាំការ ឯកឧត្តម ថ្នាក់ដឹកនាំ និងមន្ដ្រីបច្ចេកទេសនៃនាយកដ្ឋានផ្លូវលំជនបទ ដោយឡែកមន្ទីរអភិវឌ្ឍន៍ជនបទទាំង ២៥ រាជធានី-ខេត្ត អញ្ជើញចូលរួមតាមរយៈប្រព័ន្ធនិម្មិត (Zoom Meeting)។ អង្គប្រជុំបានពិនិត្យយ៉ាងល្អិតល្អន់លើគម្រោងសំណើខ្សែផ្លូវដែលបានស្នើឡើងដោយផ្អែកលើអាទិភាពសំខាន់ៗ ដែលស្របតាមផែនការខ្សែផ្លូវមេរបស់ក្រសួងដែលមានសក្កានុពលខ្ពស់ បម្រើដល់គ្រប់វិស័យរបស់រាជរដ្ឋាភិបាល។

អញ្ជើញមានប្រសាសន៍ដឹកនាំកិច្ចប្រជុំ ឯកឧត្តមរដ្ឋមន្ដ្រី បានគូសបញ្ជាក់ជូនថា ដើម្បីចូលរួមអភិវឌ្ឍសង្គមជាតិឱ្យមានការរីកចម្រើន ប្រកបដោយបរិយាបន្ន និងដើម្បីកាត់បន្ថយគម្លាតរវាងទីប្រជុំជន និងតំបន់ជនបទ ក្រសួងអភិវឌ្ឍន៍ជនបទ បាននិងកំពុងយកចិត្តទុកដាក់ក្នុងការអភិវឌ្ឍហេដ្ឋារចនាសម្ព័ន្ធជនបទ ដើម្បីឱ្យមានការតភ្ជាប់ និងមានភាពប្រទាក់ក្រឡា ក្នុងគោលដៅជួយជំរុញឱ្យមានកំណើនសកម្មភាពសេដ្ឋកិច្ច និងបង្កការងាយស្រួយដល់ប្រជាពលរដ្ឋទទួលបានសេវាសាធារណៈផងដែរ។ ជាចុងក្រោយ ឯកឧត្តមរដ្ឋមន្ដ្រី បានផ្ដល់អនុសាសន៍ដល់ថ្នាក់ដឹកនាំ និងមន្ដ្រីបច្ចេកទេសទាំងអស់ឱ្យបន្ដអនុវត្តការងារសាងសង់ហេដ្ឋារចនាសម្ព័ន្ធគមនាគមន៍ជនបទឱ្យមានគុណភាព និងប្រកបដោយភាពធន់ ដើម្បីរួមចំណែកក្នុងការបង្កើនប្រសិទ្ធភាពនៃកំណែទម្រង់លើគម្រោងវិនិយោគសាធារណៈរបស់រាជរដ្ឋាភិបាល ក៏ដូចជាធ្វើឱ្យសម្រេចបាននូវគោលដៅនៃគោលនយោបាយជាតិស្ដីពីការអភិវឌ្ឍជនបទឆ្នាំ២០២៥-២០៣៥ និងចូលរួមចំណែកសម្រេចនូវយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលអាណត្តិទី៧ នៃរដ្ឋសភា ក្រោមការដឹកនាំបន្ដវេនប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

Phnom Penh: On Thursday, June 4, 2026, at the Ministry’s headquarters, H.E. Chhay Rithisen, Minister of Rural Development, chaired a meeting to review and select road alignments for inclusion in the 2027 project portfolio and the Ministry’s three year rolling plan for 2027–2029, to be financed by the Royal Government. Attending in person were the Permanent Secretary of State, senior leaders, and technical officials from the Department of Rural Roads, while the 25 capital–provincial Departments of Rural Development joined virtually via Zoom.

The meeting conducted a detailed review of proposed road segments submitted for consideration, prioritizing those that align with the Ministry’s master rural road network and offer high potential to serve cross cutting government objectives.

In his guidance, the Minister underscored that, to advance inclusive and environmentally sound national development and narrow the urban–rural gap, the Ministry has been prioritizing rural infrastructure that improves connectivity and network resilience. He noted that better rural links will stimulate economic activity and ease public access to essential services.

In closing, the Minister instructed leaders and technical teams to continue delivering rural transport infrastructure with quality and resilience, thereby contributing to the effectiveness of public investment reforms and to achieving the National Policy on Rural Development 2025–2035. He further emphasized alignment with Phase I of the Royal Government’s Pentagonal Strategy of the Seventh Legislature of the National Assembly, under the steady and principled leadership of Samdech Moha Bovor Thipadei Hun Manet, Prime Minister of the Kingdom of Cambodia.

អបអរសាទរខួបលើកទី៣០ ទិវាបរិស្ថានជាតិ និងបរិស្ថានពិភពលោក ៥ មិថុនា ១៩៩៦ - ៥ មិថុនា ២០២៦

សារលិខិត របស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ គោរពជូនពរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក្នុងឱកាសដ៏មហានក្ខត្តឫក្សឧត្តុង្គឧត្តមនៃខួបចម្រើនជន្មាយុគម្រប់៤៥ ឈានចូល ៤៦ឆ្នាំ

ខេត្តកំពង់ឆ្នាំង ៖ នាព្រឹកថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ត្រូវនឹងថ្ងៃទី៣ ខែមិថុនា ឆ្នាំ២០២៦ លោកស្រី ឈិន សារី ប្រធានគណៈកម្មាធិការគណបក្សប្រជាជនកម្ពុជា ឃុំចោងម៉ោង តំណាងឯកឧត្តមបណ្ឌិត នួន ដាញ៉ិល ប្រធានក្រុមការងារគណបក្សថ្នាក់កណ្តាលចុះមូលដ្ឋានឃុំចោងម៉ោង បាននាំយកថវិកាចំនួន ១២០ ០០០រៀល របស់ក្រុមការងារថ្នាក់កណ្តាល និងឃុំ ដើម្បីចូលរួមបុណ្យសពលោក ជុំ រ៉ុន សមាជិកគណបក្សប្រជាជនកម្ពុជា នៅភូមិអលង្កែរ ឃុំចោងម៉ោង ដែលបានទទួលមរណភាព នៅថ្ងៃទី២ ខែមិថុនា ឆ្នាំ២០២៦ ដោយរោគាពាធក្នុងជន្មាយុ ៦០ឆ្នាំ៕

ឯកឧត្ដម ឆាយ ឫទ្ធិសែន អញ្ជើញជាកិត្តិយសក្នុងពិធីសម្ពោធអគារកម្ពស់៣ជាន់ សមិទ្ធផលនានា នៅវិទ្យាស្ថានជាតិអប់រំកាយ និងកីឡា

[English Below] រាជធានីភ្នំពេញ៖ នាព្រឹកថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាកិត្តិយសក្នុងពិធីសម្ពោធអគារកម្ពស់៣ជាន់ និងសមិទ្ធផលនានា នៅក្នុងវិទ្យាស្ថានជាតិអប់រំកាយ និងកីឡា ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ស្ថិតក្នុងសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។

ជាមួយនឹងការសម្ពោធសមិទ្ធផលនានា នាឱកាសនោះ ក៏មានពិធីប្រគល់សញ្ញាបត្រគ្រូបង្រៀនកម្រិតមូលដ្ឋាន និងសញ្ញាបត្របរិញ្ញាបត្រអប់រំឯកទេសអប់រំកាយ ជូនដល់គរុសិស្ស គរុនិស្សិតជ័យលាភីសរុបចំនួន ៣៨០នាក់ នារីចំនួន ៦៨នាក់។ ក្នុងនោះគរុសិស្សបញ្ចប់ការបណ្ដុះបណ្ដាលគ្រូបង្រៀនកម្រិតមូលដ្ឋាន(១២+២) ឯកទេសអប់រំកាយ និងកីឡា ចំនួន ៣១៤នាក់ នារីចំនួន ៥៨នាក់ និងគរុនិស្សិតបញ្ចប់ការបណ្ដុះបណ្ដាលគ្រូបង្រៀនកម្រិតមូលដ្ឋាន(១២+៤) ថ្នាក់បរិញ្ញាបត្រឯកទេសអប់រំកាយ និងកីឡា ចំនួន ៦៦នាក់ នារីចំនួន ១០នាក់។ ក្នុងឱកាសអញ្ជើញសម្ពោធសមិទ្ធផលថ្មី និងប្រគល់សញ្ញាបត្រដល់គរុសិស្ស-គរុនិស្សិតអប់រំកាយ សម្តេចធិបតី ហ៊ុន ម៉ាណែត បានថ្លែងថា ការកសាងនូវសាលា និងសមិទ្ធផលនានានូវពេលនេះ គឺជាការខិតខំរបស់រាជរដ្ឋាភិបាល ក្នុងការលើកកម្ពស់វិស័យអប់រំ ការអប់រំកាយ និងកីឡា។ សម្ដេចធិបតី បានមានប្រសាសន៍បញ្ជាក់បន្ថែមទៀតថា ការកសាង និងការការពារជាតិរឹងមាំ គឺអាស្រ័យទៅលើមនុស្សរឹងមាំ, មនុស្សរឹងមាំ គឺអាស្រ័យទៅលើការវិនិយោគទៅលើធនធានមនុស្ស នៅក្នុងសង្គមកិច្ច ទាំងវិស័យអប់រំ និងវិស័យសុខាភិបាលនេះឯង។

គួររំលឹកជូនដែរថា ក្នុងស្មារតីចូលរួមអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា ក្រសួងអប់រំ យុវជន និងកីឡា បន្តផ្តល់អាទិភាពដល់អនុវិស័យអប់រំកាយ និងកីឡា ដោយផ្សាភ្ជាប់នឹងការអប់រំ និងការបន្តជំរុញចលនា “យុវជនម្នាក់ ចេះកីឡាមួយប្រភេទយ៉ាងតិចប្រចាំជីវិត”៕

Phnom Penh: On Wednesday morning, June 3, 2026, H.E. Chhay Rithisen, Minister of Rural Development, attended as guest of honor the inauguration of a three story building and other achievements at the National Institute of Physical Education and Sports, under the high presidency of Samdech Moha Bovor Thipadei Hun Manet, Prime Minister of the Kingdom of Cambodia, in Svay Pak Sangkat, Russei Keo District, Phnom Penh.

Alongside the inaugurations, a ceremony was held to confer basic teacher certificates and bachelor’s degrees in physical education to a total of 380 graduating teacher trainees, including 68 women. Of these, 314 graduates (including 58 women) completed the basic teacher training program (12+2) specializing in physical education and sports, and 66 graduates (including 10 women) completed the basic teacher training program (12+4) at the bachelor’s level in physical education and sports.

In his remarks marking the inauguration and the conferment of degrees, Prime Minister Hun Manet stated that the construction of the new facilities and the broader achievements reflect the Royal Government’s efforts to advance education, physical education, and sports. He emphasized that building and safeguarding a strong nation depends on strong people—and strong people, in turn, depend on sustained investment in human resources across society, particularly in the education and health sectors.

It should be recalled that, within the spirit of implementing Phase I of the Royal Government’s Pentagonal Strategy, the Ministry of Education, Youth and Sport continues to prioritize physical education and sports in connection with general education, while promoting the nationwide movement “Each youth masters at least one sport for life.”

ឯកឧត្តមបណ្ឌិត នួន ដាញ៉ិល រួមជាមួយក្រុមសភាអាល្លឺម៉ង់ ចុះពិនិត្យ និងវាយតម្លៃអំពីវឌ្ឍនភាពការងារសាងសង់ផ្លូវចំនួន១ខ្សែ និងជួបសំណេះសំណាលជាមួយនឹងអាជ្ញាធរ និងប្រពលរដ្ឋ នៅស្រុកបារាយណ៍ ខេត្តកំពង់ធំ

[English Below] ខេត្តកំពង់ធំ ៖ នាថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦ ឯកឧត្តមបណ្ឌិត នួន ដាញ៉ិល រដ្ឋលេខាធិការ និងជានាយកកម្មវិធីអភិវឌ្ឍន៍ជនហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយថ្នាក់ដឹកនាំ និង មន្ត្រីនៃអង្គភាពគ្រប់គ្រងកម្មវិធី RID4CAM និងមានការអញ្ជើញចូលរួមអមដំណើរដោយក្រុមទីប្រឹក្សាបច្ចេកទេស (PIC) និងមន្ទីរអភិវឌ្ឍន៍ជនបទខេត្តកំពង់ធំ បានអញ្ជើញចូលរួមអមដំណើរក្រុមបេសកកម្មម្ចាស់ជំនួយ ដឹកនាំដោយលោក Thomas Rachel សមាជិកគណកម្មាធិការកិច្ចសហប្រតិបត្តិការ និងការអភិវឌ្ឍ នៃសភាអាល្លឺម៉ង់ (The Committee on Economic Cooperation and Development, German Bundestag) រួមជាមួយតំណាងស្ថានទូតនៃសាធារណរដ្ឋសហព័ន្ធអាល្លឺម៉ង់ប្រចាំកម្ពុជា និងធនាគារអភិវឌ្ឍន៍អាល្លឺម៉ង់ (KfW) ប្រចាំកម្ពុជា ដើម្បីចុះពិនិត្យ និងវាយតម្លៃអំពីវឌ្ឍនភាពការងារសាងសង់ផ្លូវចំនួន១ខ្សែ (ទួលដំណាក់-គូរ) មានប្រវែង ៥ ៥០០ម៉ែត្រ ស្ថិតនៅក្នុងភូមិទួលដំណាក់ ឃុំចុងដូង ស្រុកបារាយណ៍ ខេត្តកំពង់ធំ ក្នុងក្របខណ្ឌកម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) និងបានជួបសំណេះសំណាលជាមួយនឹងអាជ្ញាធរ និងប្រពលរដ្ឋដែលជាអ្នកទទួលផលផងដែរ៕

Kampong Thom Province: On June 2, 2026, His Excellency Dr. Nuon Daniel, Secretary of State and Director of the Rural Infrastructure Development for Cambodia (RID4CAM) Program, Representative the high esteem of His Excellency Chhay Rithisen, Minister of Rural Development, along with leaders and officials of the RID4CAM Program Management Unit, the PIC and the Kampong Thom Provincial Rural Development Department, accompanied a donor mission led by Mr. Thomas Rachel, Member of the Committee on Economic Cooperation and Development, German Bundestag, along with representatives of the Embassy of the Federal Republic of Germany in Cambodia and the German Development Bank (KfW) in Cambodia, to inspect and assess the progress of the construction of a road (Toul Damnak-Kur) with a length of 5,500 meters in Toul Damnak Village, Chong Doung Commune, Baray District, Kampong Thom Province, within the framework of the Rural Infrastructure Development for Cambodia (RID4CAM) Program, and met with authorities and beneficiaries.