ណុះ ស្លេះ NOS SLES

Jumaat
Komport province

#ខេត្តកំពត
05/06/2026

انا لله وانا اليه راجعون
យប់មិញ យើងខ្ញុំមានទុក្ខយ៉ាងក្រៀមក្រំ ដោយបងជីទួតមួយរបស់ខ្ញុំ ម៉ូត មូសា បានលាពួកខ្ញុំគ្មានថ្ងៃវិលវិញ។

ខ្ញុំ និងភរិយា បានត្រឹមតែចូលរួមរំលែកទុក្ខដ៏ក្រៀមក្រំពីចម្ងាយជាមួយបងស្រី សាន់ អៃសះ និងឯកឧត្ដមក្មួយ ម៉ូត ម៉ុស្តើត និងក្រុមគ្រួសារ

ខ្ញុំសូមទូអា សុំពីអល់ឡោះ សូមមេត្តាប្រោសប្រទាននូវក្ដីប្រណីមេត្តា ករុណា ដោយក្ដីសណ្ដោស និងសូមប្រទានជូនគាត់នូវ ពើរកាត់ រ៉ោះម៉ាត់ និងទីកន្លែងដ៏ល្អនាថ្ងៃអាឃីរ៉ាត់កុំបីខានឡើយ។
آمين يارب العالمين

ឯកឧត្តម ណុះ ស្លេះ រដ្ឋលេខាធិការ នៃក្រសួងអប់រំ យុវជន និងកីឡា បានទទួលជួបពិភាក្សាការងារជាមួយ ថ្នាក់ដឹកនាំអង្គការមូលនិធិកុមារពិការ និងអង្គការ Children's Charity Cambodia លើគម្រោងកសាងសួនកម្សាន្តឆ្លាតវៃសម្រាប់កុមារ (Sensory Playgrounds) ធំជាងគេនៅអាស៊ីអាគ្នេយ៍។
----------------------------------
រាជធានីភ្នំពេញ៖ នាព្រឹកថ្ងៃអង្គារ ទី១៩ ខែឧសភា ឆ្នាំ២០២៦ ឯកឧត្តម ណុះ ស្លេះ រដ្ឋលេខាធិការ នៃក្រសួងអប់រំ យុវជន និងកីឡា បានទទួលជួបពិភាក្សាការងារជាមួយថ្នាក់ដឹកនាំអង្គការមូលនិធិកុមារពិការ និងអង្គការ Children's Charity Cambodia ដើម្បីពិភាក្សាលើគម្រោងកសាងសួនកម្សាន្តឆ្លាតវៃសម្រាប់កុមារ (Sensory Playgrounds)។

តាមរយៈជំនួបនេះ តំណាងអង្គការដៃគូបានបង្ហាញពីផែនការមហិច្ឆតាក្នុងការបង្កើត «សួនកម្សាន្ត Sensory Playgrounds» ដ៏ធំជាងគេបង្អស់នៅក្នុងតំបន់អាស៊ីអាគ្នេយ៍។ គម្រោងសួនកម្សាន្តប្រភេទថ្មីនេះ ត្រូវបានផ្តួចផ្តើមឡើងដោយអង្គការដៃគូទាំងពីរ ក្នុងគោលបំណងអនុញ្ញាតឱ្យកុមារទទួលបាននូវការកម្សាន្តបែបស្ថាបនា ដែលជួយអភិវឌ្ឍវិញ្ញាណ និងប្រាជ្ញាស្មារតីរបស់ពួកគេ ជាពិសេសគឺការឆ្លើយតបទៅនឹងតម្រូវការរបស់កុមារមានពិការភាព និងកុមារដែលមានតម្រូវការអប់រំពិសេស។

បន្ទាប់ពីបានស្ដាប់បទបង្ហាញយ៉ាងលម្អិត តាងនាមថ្នាក់ដឹកនាំក្រសួងអប់រំ យុវជន និងកីឡា ឯកឧត្តមរដ្ឋលេខាធិការ បានសម្តែងនូវការគាំទ្រយ៉ាងពេញទំហឹងចំពោះគម្រោងខាងលើ និងបានផ្តល់អនុសាសន៍ណែនាំបន្ថែមលើការងារសម្របសម្រួល និងកិច្ចសហប្រតិបត្តិការនានា ដើម្បីធានាឱ្យគម្រោងដ៏មានសារៈសំខាន់របស់អង្គការអាចដំណើរការទៅមុខដោយរលូន ព្រមទាំងសម្រេចបានសមិទ្ធផលក្នុងពេលឆាប់ៗខាងមុខ។ គម្រោងនេះនឹងផ្តល់ឱកាសឱ្យកុមារកម្ពុជា ជាពិសេសកុមារមានពិការភាព ទទួលបានការអភិវឌ្ឍប្រាជ្ញាស្មារតីប្រកបដោយបរិយាបន្ន។

ឯកឧត្តមបន្តថា គម្រោងដ៏មានសារៈសំខាន់នេះ គឺអនុវត្តស្របទៅនឹងគោលការណ៍របស់ក្រសួងអប់រំ យុវជន និងកីឡា និងគោលនយោបាយរបស់រាជរដ្ឋាភិបាល ពិសេសស្របតាមអនុសាសន៍ប្រកបដោយគតិបណ្ឌិតរបស់ សម្ដេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដាក់ចេញនូវវិធានការគន្លឹះចំនួន ៤ ក្នុងគោលដៅពង្រឹងគុណភាពអប់រំនៅតាមគ្រឹះស្ថានសិក្សារដ្ឋ ចាប់ពីថ្នាក់មត្តេយ្យសិក្សា រហូតដល់មធ្យមសិក្សា រួមមាន៖
១. ការពង្រឹងអភិបាលកិច្ចសាលារៀន
២. ការពិនិត្យ កែសម្រួល រៀបចំកម្មវិធីសិក្សា និងសកម្មភាពក្រៅម៉ោងសិក្សា
៣. ការយកចិត្តទុកដាក់លើសុខភាពរបស់សិស្ស
៤. ភាពជាដៃគូរដ្ឋ និងសហគមន៍ ដើម្បីលើកកម្ពស់ការអប់រំ។

ឯកឧត្តម ណុះ ស្លេះ បានសង្កត់ធ្ងន់ថា ក្រសួងអប់រំ យុវជន និងកីឡា តែងតែស្វាគមន៍ជានិច្ចចំពោះរាល់ការខិតខំប្រឹងប្រែងរបស់អង្គការដៃគូក្នុងការជំរុញគម្រោងនេះឱ្យទទួលបានជោគជ័យ។ ក្រសួងនឹងបន្តគាំទ្រយ៉ាងសកម្មលើគម្រោងបង្កើតសួនកម្សាន្តឆ្លាតវៃនេះ ដែលវានឹងក្លាយជា សួនគំរូដ៏សំខាន់មួយនៅកម្ពុជា និងនៅក្នុងតំបន់ផងដែរ។

ជាមួយគ្នានោះដែរ ឯកឧត្តមរដ្ឋលេខាធិការ ក៏បានលើកទឹកចិត្ត និងស្នើឱ្យអង្គការដៃគូពិនិត្យលទ្ធភាព បន្តពង្រីកការជួយគាំទ្រក្នុងការបង្កើតសួនកម្សាន្តដែលមានលក្ខណៈពិសេសបែបនេះឱ្យបានកាន់តែច្រើននៅតាមសាលារៀននានា ទូទាំងប្រទេស ពិសេសគឺនៅតាមបណ្តា «សាលាអប់រំពិសេស» ដើម្បីផ្តល់ឱកាសស្មើៗគ្នាចំពោះកុមារគ្រប់រូបនៅកម្ពុជា៕

រាជធានីភ្នំពេញ: នារសៀល ថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តម ណុះ ស្លេះ រដ្ឋលេខាធិការ ក្រសួងអប់រំ យុវជន និងកីឡា បានដឹកនាំក្រុមការងារ អញ្ជើញចូលជួបសម្តែងការគួសម និងពិភាក្សាការងារជាមួយ ឯកឧត្តម សាស្ត្រាចារ្យបណ្ឌិត Mesut Özcan ឯកអគ្គរដ្ឋទូតនៃសាធារណរដ្ឋទួកគីយេ ប្រចាំព្រះរាជាណាចក្រកម្ពុជា ដែលទើបទទួលបានការតែងតាំងថ្មី។

ក្នុងជំនួបពិភាក្សានោះ ភាគីទាំងពីរបានផ្លាស់ប្តូរមតិយោបល់គ្នាទៅវិញទៅមកប្រកបដោយភាពជិតស្និទ្ធ ដោយផ្តោតលើការបន្តជំរុញ និងពង្រឹងកិច្ចសហប្រតិបត្តិការលើវិស័យអប់រំ ដើម្បីពង្រីកឱកាសសិក្សា និងការអភិវឌ្ឍធនធានមនុស្ស រវាងប្រទេសទាំងពីរឱ្យកាន់តែរីកចម្រើនបន្ថែមទៀត៕

ខេត្តរតនៈគីរី

15/05/2026

កិច្ចប្រជុំរបស់ឯកឧត្តម ណុះ ស្លេះ រដ្ឋលេខាធិការ ក្រសួងអប់រំ យុវជន និងកីឡា និងលោក Flavio Bonetti តំណាងUNESCO ស្តីពីការអនុការអនុវត្តកម្មវិធីអក្ខរកម្មតាមរោងចក្រ FLP នៅអាគារ ចៅពញាហុក ។