WIN News

នៅវេលាម៉ោង១៦:១០នាទីល្ងាច ថ្ងៃទី៤ ខែមិថុនា ឆ្នាំ២០២៦ មានករណីអគ្គិភ័យឆេះមួយកន្លែង នៅចំណុចរោងចក្រផលិតចានស្នោ ស្ថិតនៅភូមិសាលា សង្កាត់ទៀន ខណ្ឌដង្កោ។

ហេតុការណ៍​អគ្គិភ័យឆាបឆេះនេះ សមត្ថកិច្ចកំពុងស្រាវជ្រាវ។ អគ្គិភ័យនេះធ្វើឱ្យឆេះខូចខាតរោងចក្រសង់ពីដែកប្រក់ស័ង្កសី ទំហំ ៥០០០ម៉ែត្រការ៉េ ចំនួន ០១រោងចក្រ (ខូចខាត ៨០% ) រួមមានម៉ាស៊ីនទាញស្នោ ចំនួន ០១គ្រឿង, ចានស្នោផលិតរួចចំនួន ៤០,០០០បេ (១បេមាន៧០០ចាន) និងស្នោមិនទាន់ផលិតចំនួន ៤០០ដុំ។

នៅវេលាម៉ោង១៧:៣០នាទីល្ងាច ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ១៨គ្រឿង ប្រេីប្រាស់ទឹកអស់ចំនួន ៣៦ឡាន ស្មើនឹង ២១៦ម៉ែត្រគូប និងរថយន្តជំនួយ:

-រថយន្តអគ្គិភ័យក្រសួងមហាផ្ទៃ ចំនួន ០៤គ្រឿង ប្រើប្រាស់ទឹកអស់ចំនួន ០៣ឡាន ស្មើនឹង ១៨ម៉ែត្រគូប ។
-រថយន្តអគ្គិភ័យបុរីប៉េងហួត ចំនួន ០២គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ២០ម៉ែត្រគូប ។
-រថយន្តអគ្គិភ័យក្រុមហ៊ុនស្រាបៀរកម្ពុជា ចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប៕

link Youtube WINNews: https://www.youtube.com/channel/UCJiTs2CERJpEDGGs_47KR-Q
link Page WINNews:
https://www.facebook.com/share/1F5Z88PiFM/?mibextid=wwXIfr
link Tik Tok WINNews:
https://www.tiktok.com/.com?_r=1...

ប្រភព៖ ស្នងការដ្ឋាននគរបាលរាជធានីភ្នំពេញ ចុះនៅថ្ងៃទី០៥ ខែមិថុនា ឆ្នាំ២០២៦
កែសម្រួលដោយ៖ លោក ប៉ុម ស៊ាងហេង

មេដឹកនាំ​ចិន​លោក ស៊ី ជីនពីង ធ្វើ​ដំណើរ​ទៅ​កូរ៉េ​ខាង​ជើង​បញ្ជាក់​នៅ​សប្តាហ៍​ក្រោយ

(ប្រទេសចិន)៖ ប្រធានាធិបតីចិន លោក ស៊ី ជីនពីង នឹងបំពេញទស្សនកិច្ចនៅកូរ៉េខាងជើង នៅថ្ងៃចន្ទ និងថ្ងៃអង្គារសប្តាហ៍ក្រោយនេះ ក្នុងការបង្ហាញអំពីទំនាក់ទំនងដ៏រឹងមាំរបស់ប្រទេសទាំងពីរ។

តាមការអញ្ជើញរបស់មេដឹកនាំកូរ៉េខាងជើង លោក គីម ជុងអ៊ុន លោក Xi នឹងទៅបំពេញទស្សនកិច្ចផ្លូវរដ្ឋនៅសាធារណរដ្ឋប្រជាធិបតេយ្យប្រជាមានិតកូរ៉េ ចាប់ពីថ្ងៃទី ៨ ដល់ថ្ងៃទី ៩ ខែមិថុនា នេះបើយោងតាមការចុះផ្សាយរបស់ ស៊ីនហួរ នៅព្រឹកថ្ងៃសុក្រ ដោយដកស្រង់សេចក្តីថ្លែងការណ៍របស់នាយកដ្ឋានអន្តរជាតិនៃគណៈកម្មាធិការមជ្ឈិមបក្សកុម្មុយនិស្តចិន។

ដំណើរ​ទស្សនកិច្ច​នេះ​នឹង​ជា​លើក​ទី​ពីរ​របស់​លោក Xi ទៅ​កាន់​កូរ៉េ​ខាង​ជើង។ ប្រធានាធិបតី​ចិន​បាន​ធ្វើ​ទស្សនកិច្ច​នៅ​ឆ្នាំ ២០១៩ មុន​នឹង​ការ​រាតត្បាត​នៃ​មេរោគ​កូវីដ១៩ បាន​បិទ​ច្រក​ព្រំដែន​រវាង​ប្រទេស​ជាច្រើន​ឆ្នាំ។

ទីក្រុងប៉េកាំង និងទីក្រុងព្យុងយ៉ាងកំពុងមានការប្រុងប្រយ័ត្នក្នុងការកសាងទំនាក់ទំនងឡើងវិញបន្ទាប់ពីភាពឯកោដែលទាក់ទងគ្នាជាច្រើនឆ្នាំដោយសារជំងឺរាតត្បាត ការមិនពេញចិត្តរបស់កូរ៉េខាងជើងចំពោះការគាំទ្ររបស់ប្រទេសចិនចំពោះការរំសាយអាវុធនុយក្លេអ៊ែរ និងការកក់ទុករបស់ទីក្រុងប៉េកាំងជុំវិញកិច្ចសហប្រតិបត្តិការយោធាដែលកំពុងកើនឡើងរបស់ទីក្រុងព្យុងយ៉ាងជាមួយទីក្រុងម៉ូស្គូ។

កាល​ពី​ខែ​កញ្ញា​ឆ្នាំ​មុន លោក Kim បាន​ចូល​រួម​ក្នុង​ការ​ដង្ហែ​ក្បួន​យោធា​ក្នុង​ទីក្រុង​ប៉េកាំង​ដើម្បី​រំលឹក​ខួប​លើក​ទី ៨០ នៃ​ការ​បញ្ចប់​សង្រ្គាម​លោក​លើក​ទីពីរ។

វា​ជា​ការ​ចូលរួម​លើក​ដំបូង​របស់​លោក Kim ក្នុង​ព្រឹត្តិការណ៍​ពហុភាគី​ដ៏​សំខាន់​មួយ ដោយ​បង្ហាញ​ខ្លួន​ជាមួយ​លោក Xi និង​ប្រធានាធិបតី​រុស្ស៊ី Vladimir Putin។

នៅក្នុងកិច្ចពិភាក្សាជាមួយលោក Kim មួយថ្ងៃបន្ទាប់ពីការដង្ហែក្បួន លោក Xi បាននិយាយថា ទីក្រុងប៉េកាំងបានយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណីរវាងចិន និងកូរ៉េខាងជើង ហើយថា "មិនថាទិដ្ឋភាពអន្តរជាតិអាចវិវឌ្ឍយ៉ាងណាទេ ជំហរនេះនឹងនៅតែមិនផ្លាស់ប្តូរ"។

មួយខែក្រោយមក នាយករដ្ឋមន្ត្រីចិន លោក Li Qiang បានទៅបំពេញទស្សនកិច្ចនៅទីក្រុងព្យុងយ៉ាង ដើម្បីចូលរួមព្រឹត្តិការណ៍រំលឹកខួបលើកទី ៨០ នៃការបង្កើតគណបក្សកាន់អំណាចរបស់ប្រទេសកូរ៉េខាងជើង។

ក្នុង​ដំណើរ​ទស្សន​កិច្ច​កម្រិត​ខ្ពស់​នៅ​កូរ៉េ​ខាង​ជើង​លោក Zhao Leji មន្ត្រី​ជាន់​ខ្ពស់​ទី​បី​របស់​ប្រទេស​ចិន​បាន​ធ្វើ​ដំណើរ​ទៅ​ក្រុង​ព្យុងយ៉ាង​ដើម្បី​ជួប​លោក Kim ក្នុង​ឆ្នាំ ២០២៤។

លោក Zhao បានប្រកាសថា ឆ្នាំ ២០២៤ ដែលជាខួបលើកទី ៧៥ នៃទំនាក់ទំនងការទូតទ្វេភាគី ដែលជាឆ្នាំនៃមិត្តភាព។ ថ្វីបើ​មាន​ការ​កំណត់​បែប​នេះ​ក៏ដោយ ក៏​ប្រទេស​ទាំង​ពីរ​មិន​បាន​រៀបចំ​ពិធី​អបអរ​អ្វី​ធំដុំ​នៅ​ក្រោយ​ឆ្នាំ​នោះ​ដែរ។

link Youtube WINNews: https://www.youtube.com/channel/UCJiTs2CERJpEDGGs_47KR-Q
link Page WINNews:
https://www.facebook.com/share/1F5Z88PiFM/?mibextid=wwXIfr
link Tik Tok WINNews:
https://www.tiktok.com/.com?_r=1...

ប្រភព៖ South China Morning Post ចុះនៅថ្ងៃទី០៥ ខែមិថុនា ឆ្នាំ២០២៦
កែសម្រួលដោយ៖ លោក ប៉ុម ស៊ាងហេង

សម្តេចបវរធិបតី ហ៊ុ​ន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី៥ ខែមិថុនា ឆ្នាំ២០២៦នេះ បានបង្ហោះសារអបអរសាទរ ខួបលើកទី៣០ (៥ មិថុនា ១៩៩៦ - ៥ មិថុនា ២០២៦) ទិវាបរិស្ថានជាតិ និងបរិស្ថានពិភពលោក ក្រោមប្រធានបទ៖ «សំណល់សូន្យ»។

ទិវានេះ រៀបចំឡើងដើម្បីលើកកម្ពស់ការយល់ដឹងអំពីបរិស្ថាន និងជំរុញចលនាប្រជាពលរដ្ឋ ព្រះសង្ឃ កងកម្លាំងប្រដាប់អាវុធ មន្ត្រីរាជការគ្រប់លំដាប់ថ្នាក់ សិស្ស និស្សិត និងសាធារណជនទាំងអស់ ចូលរួមឱ្យបានផុសផុល ក្នុងកិច្ចគាំពារបរិស្ថាន (គុណភាពខ្យល់ ទឹក សំឡេង) ការគ្រប់គ្រងសំរាម ប្លាស្ទិក និងសំណល់រឹង ដើម្បីរួមគ្នាការពារភពផែនដីយើង ឱ្យមានភាពស្អាត បៃតង និងចីរភាព ជាឧត្តមប្រយោជន៍ ដល់សង្គម និងមនុស្សជាតិគ្រប់ជំនាន់៕

link Youtube WINNews: https://www.youtube.com/channel/UCJiTs2CERJpEDGGs_47KR-Q
link Page WINNews:
https://www.facebook.com/share/1F5Z88PiFM/?mibextid=wwXIfr
link Tik Tok WINNews:
https://www.tiktok.com/.com?_r=1...

UPDATE: កម្ពុជាបានជ្រើសរើសអ្នកច្បាប់អន្តរជាតិ២រូប ដើម្បីធ្វេីជាគណៈកម្មការ​ផ្សះផ្សាដោយបង្ខំ​ ក្រោមអនុសញ្ញាអង្គការសហប្រជាជាតិស្តីពីនិតិសមុទ្រ​ (UNCLOS)​ ខណៈដែលភាគីថៃ មានពេល២១ថ្ងៃ ដើម្បីជ្រើសរើស

(ភ្នំពេញ)៖ កម្ពុជា បានជ្រើសរើសរួចហើយនូវអ្នកច្បាប់អន្តរជាតិដ៏ឆ្នើម២រូប ដើម្បីធ្វេីជាគណៈកម្មការ​ផ្សះផ្សាដោយបង្ខំ​ ក្រោមអនុសញ្ញាអង្គការសហប្រជាជាតិស្តីពីនិតិសមុទ្រ​ (UNCLOS)​ ខណៈដែលភាគីថៃ មានពេល២១ថ្ងៃ ដើម្បីជ្រើសរើសអ្នកច្បាប់របស់ខ្លួន សម្រាប់ការតតាំងគ្នានៅអង្គការសហប្រជាជាតិ។ នេះបើតាម ការបញ្ជាក់របស់ លោក ចាន់ រតនា​ អ្នកនាំពាក្យក្រសួងការបរទេស ដល់បណ្តាញព័ត៌មាន Fresh News។

ការបញ្ជាក់អំពីការជ្រើសរើសអ្នកច្បាប់អន្តរជាតិ២រូបនេះ បានធ្វើឡើងនៅក្នុងជំនួបរវាង ឧបនាយករដ្ឋមន្រ្តី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ជាមួយប្រធាន និងតំណាងបេសកកម្មការទូត និងអង្គការអន្តរជាតិនានានៅរាជធានីភ្នំពេញសរុបចំនួន៤៧រូប កាលពីរសៀលថ្ងៃទី២ ខែមិថុនា ឆ្នាំ២០២៦។

ជំនួបនេះធ្វើឡើងបន្ទាប់ពីរាជរដ្ឋាភិបាលកម្ពុជា កាលពីថ្ងៃទី០២ ខែមិថុនា ឆ្នាំ២០២៦ បានផ្ញើលិខិតជូនដំណឹងជាផ្លូវការទៅកាន់ភាគីថៃ និងអគ្គលេខាធិការអង្គការសហប្រជាជាតិ ដើម្បីចាប់ផ្តើមដំណើរការនៃយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ដើម្បីដោះស្រាយពាក់ព័ន្ធនឹងការទាមទារដែនសមុទ្រត្រួតស៊ីគ្នា ជាមួយប្រទេសថៃ។

លោក ចាន់ រតនា អ្នកនាំពាក្យក្រសួងការបរទេស បានឱ្យដឹងថា ក្រោយទទួលបានសេចក្តីជូនដំណឹងផ្លូវការពីភាគីកម្ពុជា ថៃមានពេល២១ថ្ងៃ ដើម្បីជ្រើសរើសគណៈកម្មការ​ផ្សះផ្សារបស់ខ្លួនចំនួន២រូប​។ ក្នុងយន្តការនេះ គណៈកម្មការ​ផ្សះផ្សា២រូប ត្រូវបានជ្រើសរើសដោយកម្ពុជា ២រូប នឹងត្រូវបានជ្រើសរើសដោយភាគីថៃ ចំណែក១រូបទៀត ជ្រើសរើសរួមគ្នា។ ក្នុងករណីដែលភាគីថៃ មិនអាចជ្រើសរើសបានក្នុងរយៈពេល២១ថ្ងៃ នោះអង្គការសហប្រជាជាតិ នឹងជ្រើសរើសជំនួស។

បើតាមប្រភពក្រៅផ្លូវការបានឱ្យដឹងថា អ្នកច្បាប់អន្តរជាតិ២រូប ដែលកម្ពុជាបានជ្រើសរើសនោះ រួមមាន៖

១៖ លោក Peter Taksoe-Jensen ជាមន្រ្តីជាន់ខ្ពស់ផែ្នកច្បាប់អន្តរជាតិក្រសួងការបរទេស និងជាអ្នកការទូតអាជីព របស់ប្រទេសដាណឺម៉ាក។ លោកធ្លាប់ធ្វេីជាអគ្គរាជទូតប្រចាំប្រទេសជប៉ុន អាមេរិក និងឥណ្ឌា ធ្លាប់ជាជំនួយការផ្នែកច្បាប់របស់អគ្គលេខាធិការអង្គការសហប្រជាជាតិ លោកប៉ាន គីម៉ូន។ ចន្លោះឆ្នាំ ២០១៦ ដល់២០១៨ លោកធ្លាប់ធ្វេីជាប្រធានគណៈកម្មការសម្របសម្រួលជម្លោះដែនសមុទ្ររវាងអូស្រ្តាលី និងទីម័រ របស់អង្គការសហប្រជាជាតិស្តីពីនិតិសមុទ្រ។

២៖ លោកសាស្រ្តាចារ្យ Jean-Marc Thouvenin ជាអគ្គលេខាធិការបណ្ឌិតសភាច្បាប់អន្តរជាតិក្រុងឡាអេ និងជាសមាជិកនៃវិទ្យាស្ថានអន្តរជាតិដឺត្រយ (Institute de Droit International)។ ធ្លាប់ជាសមាជិកមជ្ឈមណ្ឌលច្បាប់អន្តរជាតិនៃសាកលវិទ្យាល័យបារីស ណាត់ទែរ៉េ (Universite Paris-Nanterre)។ ធ្លាប់ជាទីបឹក្សាតុលាការយុត្តិធម៌អន្តរជាតិ (ICJ) របស់អង្គការសហប្រជាជាតិ។

អ្នកនាំពាក្យក្រសួងការបរទេសកម្ពុជា បានបន្ថែមថា ក្នុងករណីដែលគណៈកម្មការត្រូវបានជ្រើសរើសរួចហើយ គណៈកម្មការនេះនឹងដើរតួជាអ្នកសម្របសម្រួលលើការងារដោះស្រាយវិវាទដែនសមុទ្ររវាងកម្ពុជា-ថៃ ដោយមាននីតិវិធីជាបន្តបន្ទាប់។

ការប្រកាសប្រើប្រាស់យន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) របស់កម្ពុជា ដើម្បីដោះស្រាយពាក់ព័ន្ធនឹងការទាមទារដែនសមុទ្រត្រួតស៊ីគ្នា ជាមួយប្រទេសថៃ បានធ្វើឡើងបន្ទាប់ពីប្រទេសថៃ បានប្រកាសជាផ្លូវការអំពីការដកខ្លួនចេញពី អនុស្សរណៈនៃការយោគយល់គ្នាឆ្នាំ ២០០១ ឬ ហៅថា MoU ២០០១ ដែលជាយន្តការទ្វេភាគីរវាងកម្ពុជា-ថៃ ក្នុងការដោះស្រាយបញ្ហាព្រំដែនទឹក។

នេះករណីទី២ ក្នុងប្រវត្តិសាស្រ្តរបស់ UNCLOS ដែលកម្ពុជាសង្ឃឹមយ៉ាងមុតមាំថា ដំណើរការនេះនឹងបង្ហាញជាថ្មីម្តងទៀត នូវតម្លៃពិតប្រាកដនៃច្បាប់អន្តរជាតិ និងការដោះស្រាយជម្លោះដោយសន្តិវិធី។ ការប្រើប្រាស់យន្តការផ្សះផ្សាដោយបង្ខំនេះ មិនមែនជាការបង្កើនភាពតានតឹងនោះទេប៉ុន្តែ ផ្ទុយទៅវិញ ជាការខិតខំប្រឹងប្រែងដោះស្រាយជម្លោះ តាមរយៈការចរចារវាងប្រទេសទាំងពីរ ក្រោមការសម្របសម្រួលរបស់អ្នកជំនាញផ្សះផ្សាអន្តរជាតិ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់យ៉ាងច្បាស់ថា ការប្រើប្រាស់យន្តការផ្សះផ្សាដោយបង្ខំ នៅក្រោមអនុសញ្ញា UNCLOS មិនមានន័យថា កម្ពុជា ងាកចេញពីការសន្ទនានោះទេ។ ប៉ុន្តែ ផ្ទុយទៅវិញ, កម្ពុជាកំពុងនាំយកការសន្ទនាចូលទៅក្នុងក្របខណ្ឌអន្តរជាតិដែលមានរចនាសម្ព័ន្ធច្បាស់លាស់ និង ដែលទទួលស្គាល់ដោយប្រទេសទាំងពីរ៕

link Youtube WINNews: https://www.youtube.com/channel/UCJiTs2CERJpEDGGs_47KR-Q
link Page WINNews:
https://www.facebook.com/share/1F5Z88PiFM/?mibextid=wwXIfr
link Tik Tok WINNews:
https://www.tiktok.com/.com?_r=1...

ប្រភព៖ Fresh News ចុះនៅថ្ងៃទី០៤ ខែមិថុនា ឆ្នាំ២០២៦
កែសម្រួលដោយ៖ លោក ប៉ុម ស៊ាងហេង

សម្តេចតេជោ ហ៊ុន សែន បង្ហាញចំណារចំនួន៤ ពាក់ព័ន្ធកំណែទម្រង់សេដ្ឋកិច្ចនៃការប្រមូលពន្ធដារ

(ភ្នំពេញ)៖ នៅរសៀលថ្ងៃទី០៤ ខែមិថុនា ឆ្នាំ២០២៦ សម្តេចតេជោ ហ៊ុន សែន ប្រមុខរដ្ឋស្តីទីនៃកម្ពុជា បានបង្ហាញចំណារដ៏មុតស្រួចដូចផ្លែដាវចំនួន៤ ផ្ញើជូនលោក គង់ វិបុល ពាក់ព័ន្ធកំណែទម្រង់សេដ្ឋកិច្ចនៃការប្រមូលពន្ធដារ។

ជាមួយរូបភាពចំណារ និង សម្តេចតេជោ ហ៊ុន សែន ក៏បានភ្ជាប់ជាមួយសំណេរបានបញ្ជាក់នៅលើបណ្តាញសង្គមយ៉ាងដូច្នេះថា៖

ខ្ញុំទើបរកឃើញចំណាររបស់ខ្ញុំលើលិខិតរបស់ ឯកឧត្តម គង់ វិបុល ទាក់ទងដល់កំណែទម្រង់ហិរញ្ញវត្ថុសាធារណៈ ពិសេសការប្រមូលចំណូលចូលថវិកាជាតិ។ ការលូកដៃរបស់នាយករដ្ឋមន្ត្រី ចូលគាំទ្រអង្គភាពពន្ធដារមិនត្រឹមតែមិនមែនជាកំហុសនោះទេ ប៉ុន្តែវាបង្ហាញនូវចំណុចខ្លាំងដើម្បីជោគជ័យកំណែទម្រង់រដ្ឋដែលក្នុងនោះ កំណែទម្រង់ហិរញ្ញវត្ថុសាធារណៈជាគន្លឹះសម្រាប់ជោគជ័យនៃកំណែទម្រង់វិស័យផ្សេងទៀត។

ចំណារទាំង៤នេះជាចលកររុញច្រានកម្ពុជាឲ្យចេញផុតពីកង្វះសាច់ប្រាក់បើកបៀវត្តន៍ (ប្រាក់ខែតិចហើយអត់សាច់ប្រាក់បើកជូនទៀត) មកជាមានសាច់ប្រាក់បើកជាមួយ និងការបង្កើនបៀវត្តន៍ជូនមន្ត្រីរាជការ កងកម្លាំង ប្រដាប់អាវុធ។ យើងមានសាច់ប្រាក់សម្រាប់ការវិនិយោគសាធារណៈដូចជា ផ្លូវស្ពាន ប្រឡាយទឹក សាលារៀន មន្ទីរពេទ្យ និងការចំណាយលើការអនុវត្តន៍គោលនយោបាយគាំពារសង្គម ។ល។

ភាពធន់ខាងសេដ្ឋកិច្ចរបស់យើងបង្ហាញច្បាស់ពីដំណាក់ការកូវីដ១៩ ឆ្នាំ២០២០ រហូតមកដល់នេះដែលយើងមានសាច់ប្រាក់គ្រប់គ្រាន់ដំឡើងបៀវត្តន៍ និងបើកបៀវត្តន៍២ដងក្នុងមួយខែ ជាមួយនិងការអនុវត្តន៍គោលនយោបាយគាំពារសង្គម និងការវិនិយោគសាធារណៈផ្សេងទៀត។

ចំណាររបស់ខ្ញុំនាពេលនោះមុតជាងផ្លែដាវទៅទៀត តែខ្ញុំមិនខ្លាច មិនចុះញ៉ម ព្រោះវាជាផលប្រយោជន៍ជាតិ និងប្រជាជន។ ម្យ៉ាងទៀតប្រទេសកម្ពុជាខុសប្លែកពី ប្រទេសផ្សេងទៀត ព្រោះយើងត្រូវរៀបចំឡើងវិញទាំងអស់ក្រោយរបបប៉ុលពត ដូចនេះតម្រូវឲ្យនាយករដ្ឋមន្ត្រី មានសេចក្តីក្លាហានហ៊ានធ្វើ និងហ៊ានទទួលខុសត្រូវ។សូមអធ្យាស្រ័យដោយចំណាររបស់ខ្ញុំអក្សរមិនស្អាតថែមទាំងខុសអក្ខរាវិរុទ្ធទៀតផង៕

link Youtube WINNews: https://www.youtube.com/channel/UCJiTs2CERJpEDGGs_47KR-Q
link Page WINNews:
https://www.facebook.com/share/1F5Z88PiFM/?mibextid=wwXIfr
link Tik Tok WINNews:
https://www.tiktok.com/.com?_r=1...

ថ្ងៃទី០៤ ខែមិថុនា ឆ្នាំ២០២៦
កែសម្រួលដោយ៖ លោក ប៉ុម ស៊ាងហេង

ក្រសួងមហាផ្ទៃបានប្រកាសនៅថ្ងៃពុធថា ប៉ូលីសគុយវ៉ែតបានចាប់ខ្លួនបុរសម្នាក់ដែលបានលួចប្រាក់ជិត ២១,០០០ គីយ៉ាន់ដាយពីការិយាល័យប្តូរប្រាក់មួយកន្លែងនៅ Shaab ខណៈពេលដែលកំពុងកាន់កាំភ្លើងក្លែងក្លាយ។

ប៉ូលីសបានទៅដល់កន្លែងកើតហេតុបន្ទាប់ពីទទួលបានការហៅទូរស័ព្ទសង្គ្រោះបន្ទាន់ពីបុគ្គលិកនៅមជ្ឈមណ្ឌលប្តូរប្រាក់ដែលបានរាយការណ៍ពីការប្លន់ប្រដាប់អាវុធ។ ពួកគេបានពិពណ៌នាអំពីជនសង្ស័យ ដោយនិយាយថាគាត់បានពាក់ម៉ាស់ វាយប្រហារបុគ្គលិក និងលួចប្រាក់ជារូបិយប័ណ្ណផ្សេងៗគ្នាដែលមានតម្លៃប្រហែល ២១,០០០ គីយ៉ាន់ដាយ ...

វីដេអូឃ្លីបដ៏ល្បីមួយអំពីភោជនីយដ្ឋានចិនមួយកន្លែងនៅក្នុងសង្កាត់ហួយខ្វាង ទីក្រុងបាងកក បានបង្កឱ្យមានសំណួរជាច្រើនអំពីច្បាប់ទូទាត់ប្រាក់នៅក្នុងប្រទេសថៃ។

ករណីនេះពាក់ព័ន្ធនឹងការអះអាងថា ភោជនីយដ្ឋានបានបដិសេធការទូទាត់ជាប្រាក់បាតថៃ ហើយទទួលយកតែប្រាក់យន់ ឬបណ្តាញទូទាត់ប្រាក់ចិនប៉ុណ្ណោះ។

សមាគមមេធាវីការពារក្តីថៃ (ATTA) និយាយថា អាជ្ញាធរគួរតែផ្ទៀងផ្ទាត់ការពិតជាមុនសិន ប៉ុន្តែប្រសិនបើការចោទប្រកាន់នេះជាការពិត ច្បាប់ត្រូវតែត្រូវបានអនុវត្តយ៉ាងម៉ឺងម៉ាត់ ដើម្បីការពារប្រព័ន្ធហិរញ្ញវត្ថុរបស់ប្រទេសថៃ។

BREAKING: អ៊ីស្រាអែល និងលីបង់ បានព្រមព្រៀងគ្នាលើបទឈប់បាញ់ ដែលជាការទម្លាយភាពទាល់ច្រកផ្នែកការទូតដ៏សំខាន់មួយ ដែលសម្របសម្រួលដោយសហរដ្ឋអាមេរិក។

កិច្ចព្រមព្រៀងនេះត្រូវបានសម្រេចបន្ទាប់ពីការចរចាជាច្រើនថ្ងៃ ដែលដឹកនាំដោយរដ្ឋបាលលោក Trump ដោយប្រទេសទាំងពីរប្តេជ្ញាបញ្ឈប់អរិភាព និងបន្តការចរចាដោយផ្ទាល់ ដែលមានគោលបំណងឆ្ពោះទៅរកកិច្ចព្រមព្រៀងសន្តិភាពដ៏ទូលំទូលាយមួយ។

បទឈប់បាញ់នៅតែមានលក្ខខណ្ឌ លើការបញ្ចប់ការវាយប្រហាររបស់ក្រុមហេសបូឡា ការដកយុទ្ធជនចេញពីភាគខាងត្បូងប្រទេសលីបង់ និងការទប់ស្កាត់ការវិលត្រឡប់របស់ក្រុមប្រដាប់អាវុធមកកាន់តំបន់នោះ។

សារជូនពរ៖ តាងនាមថ្នាក់ដឹកនាំក្រសួងការពារជាតិ ព្រមទាំងនាយទាហាន នាយទាហានរង និងពលទាហាន នៃកងយោធពលខេមរភូមិន្ទ

ក្នុងឱកាសដ៏មហានក្ខត្តឫក្ស ប្រកបដោយសេចក្តីសោមនស្សរីករាយ ក្នុងពិធីចម្រើនជន្មាយុគម្រប់ ៤៥ ឈានចូល ៤៦ឆ្នាំ ដែលប្រព្រឹត្តទៅនៅថ្ងៃទី០៤ ខែមិថុនា ឆ្នាំ២០២៦

សូមជូននូវសព្ទសាធុការពរជ័យ បវរសួស្តី សិរីមង្គល​ វិបុលសុខ មហាប្រសើរ ជូនចំពោះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សូមបានសមប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។