ML Phimuk

ថ្ងៃអាទិត្យ ១៥កើតខែមិគសិរឆ្នាំរការ ពស ២៥៦១ ត្រូវនឹងថ្ងៃទី ០៣ខែធ្នូ គស ២០១៧ ដឹកនាំមន្ត្រីកែលំអរសោភណ័ភាពមុខស្នាក់ការគណបក្សប្រជាជនកម្ពុជា ស្រុកពញាឮ ខេត្តកណ្តាល

ព្រឹកថ្ងៃទី២២ខែឧសភាឆ្នាំ២០១៧ សម្ភោធផ្លូវបេតុងប្រវែង១០០០ម៉ែត្រ នៅភូមិបឹងជន្លេន ឃុំឬស្សីជ្រោយ ក្រោមអធិបតីភាព ឯកឧត្តម ម៉ៅភីរុណ អភិបាលខេត្តកណ្តាល

ព្រឹកថ្ងៃទី២៥ខែកុម្ភះឆ្នាំ២០១៧ សហការជាមួយប្រតិភូសាខាកាកបាទក្រហមខេត្តកណ្តាល ដឹកនាំដោយលោកអុិនយ៉ុម អនុប្រធានកិត្តិយសសាខា បាននាំយកអំណោយផ្តល់ជូនគ្រួសាររងគ្រោះដោយសារភ្លេីងឆេះផ្ទះ​ និងចាស់ជរាគ្មានទីពឹង ចំនួន៥គ្រួសារ នៅភូមិព្រែកផ្តៅ ឃុំរកាកោងទី១ ស្រុកមុខកំពូល

ថ្ងៃទី៦ខែគុម្ភះឆ្នាំ២០១៧ ក្នុងនាមជាប្រធានកិត្តិយសសមាគមអតីតយុទ្ធកម្ពុជាស្រុកមុខកំពូល អនុវត្តតាមការណែនាំ របស់ឯកឧត្តម នាយឧត្តមសេនីយ គន់គីម អគ្គមេបញ្ជាការរងនិងជានាយសេនាធិការចំរុះកងយោធពលខេមរភូមិន្ទ អនុប្រធាននិងជាអគ្គលេខាធិការសមាគមអតីត យុទ្ធជនកម្ពុជា តំណាងឯកឧត្តម ម៉ៅភីរុណ អភិបាលខេត្ត និងជាប្រធានកិត្តិយសសមាគមអតីតយុទ្ធជនកម្ពុជាខេត្តកណ្តាល បានដឹកនាំមន្ត្រីនិងកងកម្លាំងនាំយកថវិកា និងសម្ភារះមួយចំនួនឧបត្ថម្ភដល់គ្រួសារសពលោក សុខសេង ជាអតីតយុទ្ធជន នៅភូមិក្រោលគោ ឃុំសំបួរមាសស្រុកមុខកំពូល

ការដោះស្រាយសំណូមពររបស់ប្រជាជនឃុំសំបួរមាសនិង ឃុំស្វាយអំពារ ធ្វេីការឈួសសម្រួលផ្លូវ៧មករា ដោយមានការឧបត្ថម្ភគាំទ្រពីសំណាក់ឯកឧត្តមវង្សីវិស្សុត ប្រធានក្រុម ការងារថ្នាក់ជាតិចុះជួយស្រុកមុខកំពូល ឯកឧត្តម ម៉ៅភីរុណ អភិបាលខេត្តកណ្តាល បានសំរួលជំហានទី១ ឈួសឆាយគៀរ ប្រវែងជាង៣គម និងលេីកតួផ្លូវបានប្រវែងជាង ១គម នៅពេលខាងមុខនឹងដំណេីការលេីកតួផ្លូវបន្តរទៀត

ថ្ងៃទី២៧ខែធ្នូឆ្នាំ២០១៦ ខ្ញុំបានដឹកនាំសម្រួលលើកតួផ្លូវលំ ៧មករា ពីភូមិអំពិលទឹក ឃុំសំបួរមាស មកផ្លូវជាតិលេខ៦ គិតត្រឹមម៉ោង ១៧ បានប្រវែងជាង ១០០០ម៉ែត្រហើយ ប្រើពេលប្រហែល មួយសប្តាហ៌ទៀតទើបបានស្អាតមួយជំហ៊ាន តែនៅ រដូវប្រាំង ២០១៧ ខាងមុខត្រូវលើកកំពស់ជាង ១ម៉ែត្រទៀតទើប ប្រសើរ តែយើងចាំបាច់ត្រូវគៀងគររកមូលនិធិដើម្បីអនុវត្តគម្រោងនេះ។

ព្រឹកថ្ងៃទី២៦ខែធ្នូឆ្នាំ២០១៦ ខ្ញុំដឹកនាំកងកម្លាំងមន្ត្រីមូលដ្ឋាន និងប្រជាជនបណ្តោះទឹកដែលដក់លើផ្លូវលំ៧មករា មុននឹងបន្ថែមដីសលើតួផ្លូវ សម្រួលឱយប្រជាជនធ្វើដំណើរបានស្រួលនៅពេលខាងមុខ

ខ្ញុំយកថ្ងៃអាទិត្យ បុណ្យគ្រិស្មាក លះបង់ពេលវេលា ជួបជុំគ្រួសារ ដើម្បីធ្វើការសម្រួលផ្លូវលំដែលខូចខាតដោយសារទឹកលិច ដែលបង្កការលំបាកដល់ការធ្វើដំណើររបស់ប្រជាជន ពិសេស ប្រជាជនរស់នៅ ឃុំសំបួរមាស ដែលត្រូវធ្វើដំណើរមកផ្លូវជាតិលេខ៦ ផ្លូវនេះមួយផ្នែកធំ នៅក្នុងទឹកដី ខណ្ឌ័ជ្រោយចង្វារ តែបើមិនសម្រួលនៅចាំមើលអ្នកដែលលំបាកក្នុងការធ្វើដំណើរ គឺប្រជាជនសំបួរមាស ដូច្នេះដើម្បីបំរើប្រជាជនទោះបីលំបាកបន្តិចតែយើងត្រូវជំនះនូវឧបសគ្គនោះ ... ពេលវេលា២ឬ៣ ថ្ងៃ ទៀតធ្វើដំណើរបានស្រួលហើយ។

រសៀលថ្ងៃព្រហស្បត្តិទី ២២ ខែធ្នូ ឆ្នាំ២០១៦ ខ្ញុំបានចុះពិនិត្យការរអិលបាក់ច្រាំងទន្លេនៅវត្តកែវមុន្នីជោត ហៅវត្តរកាកោង ឃុំរកាកោងទី១ ស្រុកមុខកំពូល តាមការពិនិត្យជាក់ស្តែងឃើញថានៅចំណុចនោះ មានទឹកជ្រាបជាប្រចាំ ការរអិលបាក់ម្យ៉ាងអាចមកពីខ្សែទឹកទន្លេមេគង្គបុកចំ ព្រោះកន្លែងនោះទន្លេកោង ហើយម្យ៉ាងទៀតអាចមកពីការជ្រាបទឹក ពីទឹកស្រះ ឬទឹកបឹង ។ ដើម្បីទប់ទល់នឹងការរអិលនេះ ត្រូវជួសជុលច្រាំងឡើងវិញដោយបច្ចេកទេសជំនាញ កំរិតខ្ពស់ និង កែប្រភពមូលហេតុដែលបង្កមួយចំនួន ចំណុចនេះកន្លងមកយើងបានចាក់ថ្មភ្នំច្រើនរយឡាន រួចហើយដែរ។

នៅរសៀលថ្ងៃទី២០ខែធ្នូឆ្នាំ២០១៦ បានចុះពិនិត្យការជួសជុលផ្លូវលំ ដោយក្រាលថ្មភ្នំ នៅភូមិវត្តចាស់ ឃុំព្រែកដំបង ដោយបានជួបសំណេះសំណាល ជាមួយបងប្អូនរស់នៅតាមដងផ្លូវ ប្រកបដោយ មនោសញ្ចេតនារីករាយ បានបន្ថែមថ្មមួយចំនួនទៀត តាមសំណូមពររបស់ប្រជាជន

ផ្ទះបងប្អូនដែលលិចទឹកនៅភូមិស្ពានថ្មី ឃុំរកាកោងទី២ កាលពីប៉ុន្មានថ្ងៃមុននោះ ថ្ងៃនេះបានបូមចេញអស់ហើយ បងប្អូនចេញចូលផ្ទះលែងលយទឹកហើយ