Lyhong Entertainment

👉ការប៉ះពាល់ដល់ជីវភាពឯកជន
👉«បទរំលោភលើលំនៅឋាន» អ្នកប្រព្រឹត្តបទល្មើស គឺមានចេតនាទុច្ចរិតយ៉ាងច្បាស់លាស់ក្នុងការប្រព្រឹត្ត និងចូលក្នុងលំនៅឋានរបស់ភាគីម្ខាងទៀតដោយពុំមានការអនុញ្ញាត ស្តែងឡើងតាមរូបភាពហិង្សា ឬឧបាយកលទុច្ចរិត។ ប៉ុន្តែបទល្មើសនេះមិនអាចកើតឡើងបានទេ ក្នុងករណីដែលមានការអនុញ្ញាតពីម្ចាស់លំនៅឋាន ឬច្បាប់បានអនុញ្ញាត។
👉«រំលោភលើលំនៅឋាន» ជាប្រភេទបទល្មើសមជ្ឈិម ដែលមានចែងនៅក្នុងក្រមព្រហ្មទណ្ឌ ត្រង់មាត្រា២៩៩ ហើយត្រូវបានកំណត់និយមន័យថា ជាអំពើប្រព្រឹត្តដោយមានហិង្សា ការបង្ខិតបង្ខំ ការគំរាមកំហែង ឬឧបាយកលចូលទៅក្នុងលំនៅឋានអ្នកដទៃនោះ ត្រូវផ្តន្ទាទោសដាក់ពន្ធនាគារពី ១ (មួយ) ខែ ទៅ ១ (មួយ) ឆ្នាំ និងពិន័យជាប្រាក់ពី ១០០.០០០ (មួយសែន) រៀល ទៅ ២.០០០.០០០ (ពីរលាន) រៀល លើកលែងតែករណីដែលច្បាប់អនុញ្ញាត។ តាមរយៈនិយមន័យខាងលើនេះ មានន័យថា រាល់សកម្មភាពដែលចូលទៅក្នុងលំនៅឋានរបស់អ្នកដទៃ ដោយមិនមានច្បាប់អនុញ្ញាត និងដោយប្រើហិង្សា ធ្វើការបង្ខិតបង្ខំ ការគំរាមកំហែង ឬដោយប្រើល្បិចកល (ការឡើង ឬ ផ្លោះរបង) ដោយមិនមានការអនុញ្ញាតពីម្ចាស់លំនៅឋាន។
👉មាត្រា ៣០០ នៃក្រមព្រហ្មទណ្ឌក៏បានកំណត់ថា បទល្មើសរំលោភលើលំនៅឋាន នឹងត្រូវផ្តន្ទាទោសដោយមានស្ថានទម្ងន់ទោស ក្នុងករណីដែលចារី (អ្នកប្រព្រឹត្ត) ជាអ្នករាជការសាធារណៈ នៅក្នុងក្របខ័ណ្ឌនៃមុខងាររបស់ខ្លួន ឬក្នុងឱកាសបំពេញមុខងាររបស់ខ្លួន ចូលទៅក្នុងលំនៅឋានរបស់អ្នកដទៃដោយគ្មានការយល់ព្រមពីម្ចាស់ផ្ទះទេនោះ ត្រូវផ្តន្ទាទោសដាក់ពន្ធនាគារពី ១ (មួយ) ឆ្នាំ ទៅ ២ (ពីរ) ឆ្នាំ និងពិន័យជាប្រាក់ពី ២.០០០.០០០ (ពីរលាន) រៀល ទៅ ៤.០០០.០០០ (បួនលាន) រៀល លើកលែងតែករណីដែលច្បាប់អនុញ្ញាត ។

ការកំហែងយក

👉មាត្រា ៣៦៣ និយមន័យនៃការកំហែងយក
អំពើកំហែងយក គឺជាអំពើដែលប្រព្រឹត្តដោយការប្រើហិង្សា ការគំរាម កំហែងថា នឹងប្រើហិង្សា ឬដោយការបង្ខិតបង្ខំ ដើម្បីទទួលបាននូវ៖
១-ហត្ថលេខា ឬស្នាមម្រាមដៃ ។
២-ការសន្យា ឬការបោះបង់ចោលអ្វីមួយ ។
៣-ការបង្ហាញអាថ៌កំបាំងណាមួយ ។
៤-ការប្រគល់មូលនិធិ តម្លៃ ឬទ្រព្យសម្បត្តិអ្វីមួយ ។
👉មាត្រា ៣៦៤ ទោសដែលត្រូវអនុវត្ត
អំពើកំហែងយក ត្រូវផ្តន្ទាទោសដាក់ពន្ធនាគារពី ២ (ពីរ) ឆ្នាំ ទៅ ៥ ឆ្នាំ និងពិន័យជាប្រាក់ពី ៤.០០០.០០០ (បួនលាន) រៀល ទៅ ១០.០០០.០០០ (ដប់លាន) រៀល ។
មាត្រា ៣៦៥ ស្ថានទម្ងន់ទោសទាក់ទងទៅនឹងជនរងគ្រោះ
អំពើកំហែងយក ត្រូវផ្តន្ទាទោសដាក់ពន្ធនាគារពី ៥ (ប្រាំ) ឆ្នាំ ទៅ ១០ (ដប់) ឆ្នាំ កាលបើអំពើនេះបានប្រព្រឹត្តទៅលើ ៖
១-បុគ្គលដែលទន់ខ្សោយពិសេស ដោយមូលហេតុអាយុនៃ បុគ្គលនោះ ។
២-នារីមានគភ៌ កាលបើគភ៌ ត្រូវបានគេឃើញជាក់ស្តែង ឬកាលបើ ជនល្មើសបានដឹង ។
៣-បុគ្គលដែលទន់ខ្សោយពិសេស ដោយមូលហេតុនៃជំងឺ ឬពិការភាព កាលបើស្ថានភាពបុគ្គលនេះត្រូវបានគេឃើញជាក់ស្តែង ឬកាលបើជនល្មើសបានដឹង ។
👉មាត្រា ៣៦៦ ស្ថានទម្ងន់ទោសដោយសារការប្រើប្រាស់អាវុធ
អំពើកំហែងយក ត្រូវផ្តន្ទាទោសដាក់ពន្ធនាគារពី ៧ (ប្រាំពីរ) ឆ្នាំ ទៅ ១៥ (ដប់ប្រាំ) ឆ្នាំ កាលបើបទល្មើសនេះប្រព្រឹត្តដោយមានការប្រើ ប្រាស់អាវុធ ឬដោយ ការគំរាមកំហែងនឹងអាវុធ ។
👉មាត្រា ៣៦៧ ស្ថានទម្ងន់ទោសដោយសារមានការកាត់អវយវៈ ឬពិការភាព
អំពើកំហែងយក ត្រូវផ្តន្ទាទោសដាក់ពន្ធនាគារពី ១០ (ដប់) ឆ្នាំ ទៅ ២០ (ម្ភៃ) ឆ្នាំ ប្រសិនបើអំពើនេះប្រព្រឹត្តមុនពេល ក្នុងពេល ឬក្រោយពេលប្រើហិង្សាដែល នាំឱ្យមានការកាត់អវយវៈ ឬពិការភាព ជាអចិន្ត្រៃយ៍ ។
👉មាត្រា ៣៦៨ ស្ថានទម្ងន់ទោសដោយសារការធ្វើទារុណកម្ម ឬអំពើឃោរឃៅ
អំពើកំហែងយក ត្រូវផ្តន្ទាទោសដាក់ពន្ធនាគារពី ១៥ (ដប់ប្រាំ) ឆ្នាំ ទៅ ៣០ (សាមសិប) ឆ្នាំ ប្រសិនបើអំពើនេះប្រព្រឹត្តមុនពេល ក្នុងពេល ឬក្រោយពេលប្រើ ទារុណកម្ម ឬអំពើឃោរឃៅ ។
👉មាត្រា ៣៦៩.- ស្ថានទម្ងន់ទោសដោយសារមរណភាពនៃជនរងគ្រោះ
អំពើកំហែងយក ត្រូវផ្តន្ទាទោសដាក់ពន្ធនាគារពី ១៥ (ដប់ប្រាំ) ឆ្នាំ ទៅ ៣០ (សាមសិប) ឆ្នាំ ប្រសិនបើអំពើនេះប្រព្រឹត្តឡើងមុនពេល ក្នុងពេល ឬក្រោយពេល ប្រើហិង្សាដែលបណ្តាលឱ្យជនរងគ្រោះ ស្លាប់ ដោយគ្មានចេតនាសម្លាប់។

ជញ្ជីគ្មានស្រមោល​ ភាគទំនាស់ដីធ្លីអ្នកជិតខាង

👉👉ដំណោះស្រាយទំនាស់ដីធ្លីនៅកម្ពុជាតាមរយៈ
១.ក្រុមប្រឹក្សាឃុំសង្កាត់
២.គណៈកម្មការសុរិយោដី
៣.គណៈកម្មការរដ្ឋបាល
៤.អាជ្ញាធរជាតិដោះស្រាយទំនាស់ដីធ្លី
៥.តុលាការ

✔✔មាត្រា ៥៤៨.- បទសូកប៉ាន់សាក្សី
ត្រូវផ្ដន្ទាទោសដាក់ពន្ធនាគារពី ៥ (ប្រាំ) ឆ្នាំ ទៅ ១០ (ដប់) ឆ្នាំ រាល់បុគ្គលណា ដែលប្រគល់ឱ្យសាក្សីដោយផ្ទាល់ ឬប្រយោល នូវអំណោយ ជំនូន ការសន្យា ឬ អត្ថប្រយោជន៍អ្វីមួយ ដើម្បី :
១-មិនធ្វើជាសាក្សី ។
២-ផ្ដល់សក្ខីកម្មភូតកុហក ។
✔✔មាត្រា ៥៤៧.- បទស៊ីសំណូករបស់សាក្សី ដើម្បីធ្វើសក្ខីកម្មក្លែងក្លាយ
ត្រូវផ្ដន្ទាទោសដាក់ពន្ធនាគារពី ៥ (ប្រាំ) ឆ្នាំ ទៅ ១០ (ដប់) ឆ្នាំ អំពើរបស់ សាក្សីណាដែលទទូចសុំ ឬយល់ព្រមទទួលយកដោយផ្ទាល់ ឬប្រយោលនូវអំណោយ ជំនូន ការសន្យា ឬអត្ថប្រយោជន៍អ្វីមួយ ដើម្បី :
១-មិនធ្វើជាសាក្សី ។
២-ផ្ដល់សក្ខីកម្មភូតកុហក ។
✔✔មាត្រា ៥៤៦.- បទសម្លុតសាក្សី
គ្រប់អំពើសម្លុត ដែលប្រព្រឹត្ដដោយចារីតែម្នាក់ឯង ឬដោយមានការព្រមព្រៀង ជាមួយតតិយជន ដើម្បីញុាំងឱ្យសាក្សីកុំឆ្លើយ ឬឱ្យផ្ដល់ដោយផ្ទាល់មាត់ ឬដោយ លាយលក្ខណ៍អក្សរនូវសក្ខីកម្មភូតកុហក ត្រូវផ្ដន្ទាទោសដាក់ពន្ធនាគារពី ២ (ពីរ) ឆ្នាំ ទៅ ៥ (ប្រាំ) ឆ្នាំ និងពិន័យជាប្រាក់ពី ៤.០០០.០០០ (បួនលាន) រៀល ទៅ ១០.០០០.០០០ (ដប់លាន) រៀល ។
ត្រូវផ្ដន្ទាទោសដាក់ពន្ធនាគារពី ៥ (ប្រាំ) ឆ្នាំ ទៅ ១០ (ដប់) ឆ្នាំ ប្រសិនបើ បទល្មើសនេះ សម្ដែងចេញជាលទ្ធផល ។

និយមន័យនៃការឆបោក និង បទបន្លំ
✔មាត្រា ៣៧៧. និយមន័យនៃការឆបោក
អំពើឆបោក គឺជាអំពើបន្លំចំពោះរូបវន្ដបុគ្គល ឬនីតិបុគ្គលណាមួយ ដោយប្រើ ឈ្មោះក្លែង ដោយអះអាងទៅលើឋានៈក្លែង ដោយរំលោភលើឋានៈពិតប្រាកដ ឬ ដោយប្រើឧបាយកលទុច្ចរិត ហើយដូចេ្នះបានទទួលពីបុគ្គលនេះ ដែលនាំឱ្យខូច ប្រយោជន៍របស់បុគ្គលនេះ ឬរបស់តតិយជននូវ :
១-ការប្រគល់មូលនិធិ តម្លៃ ឬទ្រព្យសម្បត្ដិអ្វីមួយ ។
២-ការផ្គត់ផ្គង់សេវា ។
៣-ការធើ្វលិខិតដែលមានតម្លៃជាកាតព្វកិច្ច ឬជាការឱ្យរួចពីកាតព្វកិច្ច។
✔មាត្រា ៣៧៨.ទោសដែលត្រូវអនុវត្ដ
អំពើឆបោក ត្រូវផ្ដន្ទាទោសដាក់ពន្ធនាគារពី ៦ (ប្រាំមួយ) ខែ ទៅ ៣ (បី) ឆ្នាំ
និងពិន័យជាប្រាក់ពី ១.០០០.០០០ (មួយលាន) រៀល ទៅ ៦.០០០.០០០ (ប្រាំមួយ លាន) រៀល។
✔មាត្រា ៣៨៤. បទបន្លំ
អំពើបន្លំ គឺជាអំពើរបស់បុគ្គលដែលដឹងខ្លួនថាគ្មានលទ្ធភាពដាច់ខាតនឹងបង់ ថ្លៃ ឬដែលសមេ្រចចិត្ដមិនបង់ថ្លៃ :
១-ឱ្យគេបម្រើម្ហូបអាហារ ឬភេសជ្ជៈនៅក្នុងរង្គសាល ភោជនីយដ្ឋាន ឬនៅ ក្នុងគ្រឹះស្ថានដទៃទៀត ដែលបើកចំហដល់សាធារណជន ។
២-ឱ្យគេប្រគល់បន្ទប់មួយ និងកាន់កាប់បន្ទប់នេះនៅក្នុងសណ្ឋាគារ ឬគ្រឹះស្ថាន ដទៃទៀត ដែលបើកចំហដល់សាធារណជន ។
៣-ឱ្យគេដឹកជញ្ជូនខ្លួនតាមត្រីចក្រយាន តាមរថយន្ដឈ្នួល ឬតាមមធ្យោបាយ ដឹកជញ្ជូនផេ្សងទៀត ។
អំពើបន្លំ ត្រូវផ្ដន្ទាទោសដាក់ពន្ធនាគារពី ៦ (ប្រាំមួយ) ថ្ងៃ ទៅ ៣ (បី) ខែ និងពិន័យជាប្រាក់ពី ១០០.០០០ (មួយសែន) រៀល ទៅ ៥០០.០០០ (ប្រាំសែន) រៀល ។