Commission of Economics Terminology

បណ្ណឥណពន្ធ
អ. debit card
បណ្ណដែលគេប្រើសម្រាប់ទូទាត់ជំនួសសាច់ប្រាក់ក្នុងការទិញទំនិញឬសេវា ដោយទូទាត់ផ្ទាល់ពីក្នុងគណនីធនាគាររបស់ម្ចាស់បណ្ណ។

បណ្ណឥណទាន
អ. credit card
បណ្ណដែលគេប្រើទិញទំនិញឬសេវា ហើយទូទាត់ទៅតាមចំនួនសាច់ប្រាក់ដែលបានអនុញ្ញាតដោយមិនមានការទូទាត់ភ្លាមៗឱ្យទៅធនាគារទេ ប៉ុន្តែអ្នកកាន់បណ្ណអាចសងប្រាក់ទៅធនាគារវិញតាមកាលកំណត់។

សភាផាត់ទាត់
អ. clearing house
កន្លែងដែលតំណាងឱ្យធនាគារផ្សេងៗជួបជុំគ្នាដើម្បីបញ្ជាក់និងទូទាត់មូលប្បទានបត្រនិងសមតុល្យជាមួយគ្នា។

ជញ្ជីងទូទាត់
អ. balance of payment
កំណត់ត្រាប្រតិបត្តិការសេដ្ឋកិច្ចរវាងនិវេសនជននិងអនិវេសនជននៅក្នុងពេលវេលាជាក់លាក់មួយ។
ប្រតិបត្តិការនេះត្រូវធ្វើឡើងដោយបុគ្គល សហគ្រាស និងស្ថាប័នសាធារណៈ។

អ្នកជំនាញគណនេយ្យនិងសវនកម្ម
អ. professional accountant
បុគ្គលដែលមានជំនាញនិងបទពិសោធខាងគណនេយ្យនិងសវនកម្ម ក្នុងការបង្កើតនិងរក្សាទុករាល់កំណត់ត្រាហិរញ្ញវត្ថុសម្រាប់បុគ្គលឬក្រុមហ៊ុន។

ស្ថាប័នសាធារណៈ
អ. public institution
ស្ថាប័ននៃអង្គការនីតិបញ្ញត្តិ អង្គការនីតិប្រតិបត្តិ និងអង្គការតុលាការនៃព្រះរាជាណាចក្រកម្ពុជា រាប់បញ្ចូលទាំងគ្រឹះស្ថានសាធារណៈរដ្ឋបាលផង។

ស្ដង់ដាគណនេយ្យអន្តរជាតិ
អ. international accounting standard
ស្ដង់ដាគណនេយ្យឬស្ដង់ដាសវនកម្ម ដោយរាប់បញ្ចូលទាំងបច្ចុប្បន្នកម្មចំពោះស្ដង់ដានីមួយៗនោះផងដែរ ដែលចេញផ្សាយដោយក្រុមប្រឹក្សាស្ដង់ដាគណនេយ្យអន្តរជាតិនិងសហព័ន្ធគណនេយ្យករអន្តរជាតិ។

ផលប្រយោជន៍
អ. benefit
អត្ថប្រយោជន៍ ប្រាក់ចំណេញ ចំណូល ឬប្រាក់សន្សំដែលទទួលបានពីសកម្មភាពសេដ្ឋកិច្ចណាអ្វីមួយ។

ថ្លៃដើម
អ. cost
ចំនួនទឹកប្រាក់ដែលត្រូវទូទាត់ឬត្រូវចំណាយដើម្បីទិញឬទទួលបាននូវអ្វីមួយ។

ការវិភាគថ្លៃដើមនឹងផលប្រយោជន៍ / ការវិភាគថ្លៃដើម-ផលប្រយោជន៍
អ. cost-benefit analysis
ការប្រៀបធៀបថ្លៃដើមទៅនឹងផលប្រយោជន៍ក្នុងការសម្រេចចិត្ត ដើម្បីអនុវត្តគម្រោងឬកម្មវិធីណាមួយ។