សហភាពសហព័ន្ធយុវជនកម្ពុជារាជធានីភ្នំពេញ

សហភាពសហព័ន្ធយុវជនកម្ពុជា រាជធានីភ្នំពេញ គាំទ្រយ៉ាងពេញទំហឹង ចំពោះការសម្រេចចិត្តដ៏ម៉ឺងម៉ាត់ និងចំណាត់ការដ៏ជាក់លាក់ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្តីពី “ដំណោះស្រាយរបស់រាជរដ្ឋាភិបាល ពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ”។

ការសម្រេចចិត្តដ៏ម៉ឺងម៉ាត់ និងចំណាត់ការដ៏ជាក់លាក់របស់រាជរដ្ឋាភិបាល ក្នុងការដោះស្រាយបញ្ហាតំបន់សមុទ្រត្រួតស៊ីគ្នាដោយសន្តិវិធី និងផ្អែកតាមគោលការណ៍ច្បាប់អន្តរជាតិ តាមរយៈយន្តការផ្សះផ្សាដោយបង្ខំ និងក្រោមអនុសញ្ញាសហប្រជាជាតិស្តីពីនីតិសមុទ្រ (UNCLOS) គឺជាដំណោះស្រាយផ្សះផ្សាដ៏ត្រឹមត្រូវបំផុត ដោយអ្នកជំនាញផ្សះផ្សាអន្តរជាតិ ដែលនឹងផ្តល់ភាពយុត្តិធម៌សម្រាប់ប្រទេសទាំងពីរ ដោយរក្សាបាននូវអធិបតេយ្យភាពជាតិ បូរណភាពទឹកដី និងកសាងបាននូវព្រំដែនមិត្តភាព សន្តិភាព កិច្ចសហប្រតិបត្តិការ ការគោរពគ្នាទៅវិញទៅមក និងការអភិវឌ្ឍ។

តំណតេលេក្រាម៖ 👉 https://t.me/uyfc_pp

អបអរសាទរ ខួបលើកទី៧៧ ទិវាកុមារអន្តរជាតិ ១មិថុនា និងខួបលើកទី២៥ ទិវាពិភពលោកប្រឆាំងពលកម្មកុមារ ១២មិថុនា និងទិវាកុមារកម្ពុជា ឆ្នាំ២០២៦ ក្រោមប្រធានបទ «សន្តិភាពជាមូលដ្ឋានគ្រឹះនៃការគោរព និងកិច្ចគាំពារសិទ្ធិកុមារ» និង «ប្ដេជ្ញាលុបបំបាត់ទម្រង់ធ្ងន់ធ្ងរនៃពលកម្មកុមារនៅគ្រប់ខ្សែច្រវាក់ផលិតកម្ម ដើម្បីកសាងភាពធន់ និងការងារសមរម្យ»

កុមារគឺជាធនធានដ៏មានតម្លៃនិងមិនអាចខ្វះបានសម្រាប់ការអភិវឌ្ឍប្រទេសជាតិ។ ជាក់ស្តែង យុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលបានកំណត់យក «មនុស្ស» ជាវិស័យ អាទិភាពចម្បងបំផុតក្នុងចំណោមអាទិភាពទាំង៥។ ការវិនិយោគលើសុខុមាលភាព សុវត្ថិភាព និងការអភិវឌ្ឍកុមារនៅថ្ងៃនេះ គឺជាការកសាងមូលដ្ឋានគ្រឹះដ៏រឹងមាំនៃមូលធនមនុស្សប្រកបដោយសក្តានុពល ដើម្បីជំរុញសន្ទុះការអភិវឌ្ឍកម្ពុជាឱ្យកាន់តែរីកចម្រើននិងរុងរឿងនាពេលអនាគត។

រាជរដ្ឋាភិបាល នៅតែបន្តយកចិត្តទុកដាក់ក្នុងការដោះស្រាយបញ្ហាប្រឈមនានារបស់កុមារ ជាពិសេសការបង្ការទប់ស្កាត់និងឆ្លើយតបចំពោះអំពើហិង្សាលើកុមារ ពលកម្មកុមារ សុវត្ថិភាពកុមារតាមប្រព័ន្ធអនឡាញ ដោយជួយគាំទ្រដល់កុមាររងគ្រោះ និងងាយរងគ្រោះពីហានិភ័យ ការគំរាមកំហែង ការកេងប្រវ័ញ្ច និងការរំលោភបំពានគ្រប់ទម្រង់បានទាន់ពេលវេលាប្រកបដោយប្រសិទ្ធភាព ដើម្បីឱ្យកុមាររស់នៅនិងអភិវឌ្ឍដោយសុខដុមរមនាក្រោមម្លប់សន្តិភាព។

តំណតេលេក្រាម៖ 👉 https://t.me/uyfc_pp

💡ពុទ្ធឱវាទ៖ «លោភៈ ទោសៈ មោហៈ កើតចេញអំពីខ្លួន រមែងសម្លាប់បុរសដែលមានចិត្តអាក្រក់ ដូចផ្លែឫស្សីសម្លាប់ដើមឫស្សី»

អនុមោទនាថ្ងៃឧបោសថសីល 🙏🪷

តំណតេលេក្រាម៖ 👉 https://t.me/uyfc_pp

💡សញ្ញាទាំង 6 ប្រាប់ថាអ្នកអាចនឹងមានបញ្ហារឿងលុយ 💵💰‼️
1. មានបំណុលច្រើនកន្លែងនិងបង់លែងរួច
2. យកលុយទៅវិនិយោគតាមគេតាមឯង
3. មិនដឹងថាលុយដែលរកបានចាយលេីអ្វីខ្លះ
4. ចូលចិត្តដកលុយចាយមុនដកសន្សំ
5. ទិញរបស់របរដើម្បីផ្គាប់ចិត្តអ្នកដទៃ
6. មិនចូលចិត្តរៀនសូត្រអំពីចំណេះដឹងហិរញ្ញវត្ថុ

ប្រភព៖ លុយខ្ញុំ-My Money

តំណតេលេក្រាម៖ 👉 https://t.me/uyfc_pp

ថ្ថ្ងៃនេះ កាលពីឆ្នាំមុន គឺជាថ្ងៃដែលលោកព្រិន្ទបាលឯក សួន រ៉ោន ត្រូវបានកងកម្លាំងយោធាថៃបាញ់ប្រហារយ៉ាងព្រៃផ្សៃ ឃោរឃៅ និងអមនុស្សធម៌បំផុតនៅលើដែនអធិបតេយ្យនៃព្រះរាជាណាចក្រកម្ពុជា ដែលជាសោកនាដកម្មដ៏ខ្មៅងងឹតមួយក្នុងប្រវត្តិសាស្ត្រ និងជាភស្តុតាងនៃអំពើឈ្លានពានដ៏កម្រោលពីសំណាក់ភាគីថៃមកលើបូរណភាពទឹកដីខ្មែរ។

គ្រាប់កាំភ្លើងដែលបានទម្លុះរាងកាយលោកព្រិន្ទបាលឯក សួន រ៉ោន មិនត្រឹមតែឆក់យកអាយុជីវិតវីរយុទ្ធជនម្នាក់ប៉ុណ្ណោះទេ ប៉ុន្តែបានបំបែកបេះដូងកូនខ្មែរគ្រប់រូប និងបន្សល់ទុកនូវស្នាមរបួសដ៏ឈឺចាប់គ្មានអ្វីប្រៀបផ្ទឹមបាន។ ឈាមដែលបានស្រក់លើដីមាតុភូមិ គឺជាសក្ខីភាពជាប្រវត្តិសាស្ត្រនៃការលះបង់ដ៏ឧត្តុង្គឧត្តម និងជាសម្រែកដ៏សែនសោកសង្រេង និងឈឺចាប់ជាទីបំផុតប្រឆាំងនឹងអំពើរំលោភបំពានលើអធិបតេយ្យភាពជាតិ ដែលមិនអាចលុបបំបាត់ចេញពីការចងចាំរបស់ប្រជាជាតិខ្មែរបានជាដាច់ខាត។

វីរភាព និងការប្ដូរផ្ដាច់របស់វីរយុទ្ធជនខ្មែរ ដែលបានពលីជីវិតដើម្បីការពារបូរណភាពទឹកដី គឺជាពន្លឺដាស់ស្មារតីស្នេហាជាតិដ៏អមតៈ ដែលនឹងបន្តដុតបញ្ឆេះឆន្ទៈកូនខ្មែរគ្រប់ជំនាន់ ឱ្យក្រោកឈររួមសាមគ្គីគ្នាការពារអធិបតេយ្យភាព កិត្តិយស និងសេចក្ដីថ្លៃថ្នូររបស់ជាតិខ្មែរជារៀងរហូត។

សូមឧទ្ទិសមហាកុសលជូនដល់វិញ្ញាណក្ខន្ធលោក ព្រិន្ទបាលឯក សួន រ៉ោន និងវីរយុទ្ធជនខ្មែរទាំងអស់ ឱ្យបានចាប់កំណើតសុគតិភពកុំបីឃ្លៀងឃ្លាតឡើយ។ គំរូវីរភាពរបស់វីរយុទ្ធជនខ្មែរគ្រប់រូបនឹងចារឹកជាប់នៅក្នុងក្រអៅបេះដូងរបស់ប្រជាជនខ្មែរជានិរន្តរ៍។

តំណតេលេក្រាម៖ 👉 https://t.me/uyfc_pp

យើងត្រៀមខ្លួនរួចហើយដើម្បីបង្ហាញស្មារតីជាតិរួមគ្នា!🇰🇭
ល្ងាច​នេះ នៅពហុកីឡដ្ឋានជាតិអូឡាំពិក ចាប់ពីម៉ោង ០៥:៤០ នាទីល្ងាចតទៅ!

(ផ្សាយផ្ទាល់លើទំព័រ សហភាពសហព័ន្ធយុវជនកម្ពុជារាជធានីភ្នំពេញ)
#ដាស់ស្មារតីជាតិ #២៨ឧសភា


តំណតេលេក្រាម៖ 👉 https://t.me/uyfc_pp

ថ្ងៃនេះគឺជាខួបមួយឆ្នាំ នៃការបាញ់សម្លាប់កងទ័ពកម្ពុជា ១រូប គឺ ព្រិន្ទបាលឯក សួន រ៉ោន ដែលជាវីរកងទ័ពឈរជើងការពារនៅតំបន់មុំបី។

ក្រុមគ្រួសារសហភាពសហព័ន្ធ យុវជនកម្ពុជាសូមគោរពដល់ដួងវិញ្ញាណក្ខណ្ឌវីរៈកងកម្លាំងទាំងអស់ដែលបានពលីជីវិតក្នុងបុព្វហេតុការពារជាតិមាតុភូមិ។

យើងចងចាំមិនភ្លេចនូវការឈឺចាប់ និងការប្រមាទមកលើជាតិសាសន៍របស់យើង។ ថ្ងៃនេះ ជាការចងចាំ និងរំឭកដល់កូនខ្មែរគ្រប់រូបឱ្យមានស្មារតីជាតិគ្រប់កាលៈទេសៈ នៅចំពោះមុខការគម្រាមកំហែង និងហានិភ័យគ្រប់បែបយ៉ាងមកលើសន្តិភាព និងសេចក្តីសុខសាន្តរបស់ជាតិ។ យើងសូមប្រកាសតាំងចិត្តថានឹងរួបរួមគ្នាជាធ្លុងមួយដើម្បីក្រោកឡើងលើកតម្កើងកិត្យានុភាពជាតិ ជ្រោងទង់មោទនភាពឱ្យកាន់តែខ្ពស់ត្រដែតជានិច្ច និងរួមគ្នាការពារជាតិទោះត្រូវលះបង់ក្នុងតម្លៃណាក៏ដោយ។

🇰🇭បេសកកម្មនៃយុទ្ធនាការណ៍ «ដាស់ស្មារតីជាតិ» គឺចងចាំមេរៀនឈឺចាប់ឆ្នាំ២០២៥ ប្រែក្លាយទៅជាកម្លាំងចិត្ត ដាស់តឿនស្មារតី ដើម្បីពង្រឹងភាពរឹងមាំរបស់ជាតិ។

គោលបំណងនៃយុទ្ធនាការណ៍ «ដាស់ស្មារតីជាតិ»
- ជំរុញការចងចាំផ្សារភ្ជាប់ជាមួយការឈឺចាប់ប្រែក្លាយជាកម្លាំងជំរុញទឹកចិត្តរបស់ប្រជាជនដើម្បីពង្រឹងសមត្ថភាពរបស់ខ្លួន ស្ថាប័នរបស់ខ្លួន និងសម្រាប់អភិវឌ្ឍប្រទេសជាតិឱ្យកាន់តែរឹងមាំ។
- បញ្ចៀសការបង្ហោះគំនុំគុំកួន ការសងសឹក ទស្សនៈជ្រុលនិយមចង្អៀតចង្អល់ដោយមិនបំភ្លេចការឈឺចាប់ដែលបានកើតឡើង។
- បង្ហាញឱ្យឃើញថាទោះស្ថិតនៅក្នុងកាលៈទេសៈណាក៏ដោយ កម្ពុជានៅតែតស៊ូជម្នះនូវបញ្ហាជាមួយ ស្មារតីរួបរួម ជួយគ្នាក្នុងគ្រាលំបាកដែលមិនអាចបំបែកបំបាក់បាន។
- បង្កើតជាវេទិកាជំរុញជាចលនាផ្សារភ្ជាប់ជាមួយដៃគូឱ្យមានភាពជាម្ចាស់ការក្នុងការផ្សព្វផ្សាយ និងជំរុញសកម្មភាពបន្ត។
- ពង្រឹងស្មារតី និងត្រៀមខ្លួនឱ្យបានរួចរាល់ក្នុងការប្រឈមរាល់ការគម្រាមគំហែងហានិភ័យដែលអាចនឹងកើតមានឡើងនាថ្ងៃអនាគត។

#ដាស់ស្មារតីជាតិ
#២៨ឧសភា



🇰🇭 Day of Reckoning - ដាស់ស្មារតីជាតិ