Contact information, map and directions, contact form, opening hours, services, ratings, photos, videos and announcements from ឯកឧត្តមបណ្ឌិត ងួន ញុិល - H.E Nguon Nhel, Phnom Penh.
ជីវប្រវត្តិសង្ខេប
១- នាមត្រកូល និង នាមខ្លួន ងួន ញ៉ិល, អក្សរឡាតាំងៈ NGUON Nhel, ភេទៈ ប្រុស
២- ទីកន្លែងកំណើត: ភូមិត្រពាំងជ្រៃ, ឃុំបល្ល័ង្ក, ស្រុកបារាយណ៍, ខេត្តកំពង់ធំ
៣- កម្រិតវប្បធម៌ទូទៅ និងការបណ្តុះបណ្តាល ៖
ក-កម្រិតវប្បធម៌ទូទៅៈ ឧត្តមសិក្សា ផ្នែកវិទ្យាសាស្ត្រសង្គម និង បណ្ឌិតកិត្តិយស ផ្នែក វិទ្យាសាស្រ្តនយោបាយ ។
ខ-កម្រិតបណ្តុះបណ្តាលវិជ្ជាជីវៈ សញ្ញាប័ត្រនៃមហាវិទ្យល័យគរុកោសល្យ (គ្រូបង្រៀន) ។
គ-
ចំណេះដឹងភាសាបរទេសៈ ចេះភាសាបារាំង អង់គ្លេស អាចនិយាយបាន និង សរសេរបាន ។
៤- ប្រវត្តិការងារ (ធ្វើអ្វី ? នៅឯណា ?)
ក - មុនឆ្នាំ ១៩៩៤
- ១៩៦៥-១៩៧០ ៖ ធ្វើគ្រូបង្រៀននៅតាំងក្រសាំង ស្រុកសន្ទុក
- ១៩៧០-១៩៧៥ ៖ មន្ត្រីធ្វើការនៅអធិការដ្ឋានបឋមសិក្សាខេត្តកំពង់ធំ និងនាយកការិយាល័យចិត្តសាស្រ្តគរុកោសល្យ និង ការិយាល័យបុគ្គលិកទទួលបន្ទុកបន្ថែមជានាយតំបន់អធិការកិច្ចស្រុកកំពង់ស្វាយ ។
- ១៩៧៥-១៩៧៩ ៖ ជាទាសករក្នុងរបប ប៉ុលពត (គេចាត់តាំងអោយឡើងត្នោតយកទឹកធ្វើស្ករ) ។
- ១៩៧៩-១៩៨០ ៖ ជាប្រធានភូមិត្រពាំងជ្រៃ, ប្រធានឃុំបល្ល័ង្ក, ប្រធានស្រុកបារាយណ៍ ដោយប្រជាជនបោះឆ្នោតជ្រើសតាំង ទាំង៣លើក ។
- ១៩៨០-១៩៨៤ ៖ ធ្វើប្រធានខេត្ត និងប្រធាននគបាលខេត្ត និងជាលេខាបក្សយោធាខេត្តកំពង់ធំ ។
- ១៩៨៤-១៩៨៨ ៖ ជាលេខាបក្សទីក្រុងភ្នំពេញ លេខាបក្សយោធាក្រុងភ្នំពេញ ។
- ១៩៨៨-១៩៩៣ ៖ ជារដ្ឋមន្ត្រីក្រសួងកសិកម្ម និងអគ្គនាយកចំការកៅស៊ូរ ។
ខ - ពីឆ្នាំ១៩៩៤ ដល់បច្ចុប្បន្ន (រយៈពេល៥ អាណត្តិ)
- អាណត្តិទី១ ៖ ជាសមាជិករដ្ឋសភាមណ្ឌលកំពង់ធំ និងជាអនុប្រធានគណៈកម្ម-ការទី ៩ នៃរដ្ឋសភា ។
- អាណត្តិទី ២ ៖ ជាអនុប្រធានទី ២ រដ្ឋសភា នៃព្រះរាជាណាចក្រកម្ពុជា ។
- អាណត្តិទី ៣-៤ ៖ ជាអនុប្រធានទី ១ រដ្ឋសភា នៃព្រះរាជាណាចក្រកម្ពុជា ។
- អាណត្តិទី ៥ ៖ ជាអនុប្រធានទី ១ រដ្ឋសភា ក៏ប៉ុន្តែនៅ ខែសីហា ឆ្នាំ២០១៤ ដោយមានការឯកភាពនយោបាយ ត្រូវបានជ្រើសតាំងជាអនុប្រធានទី ២ វិញ ។
គ - មុខតំណែងក្នុងគណបក្សបច្ចុប្បន្នៈ សមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលគណបក្សប្រជា ជនកម្ពុជាចុះជួយខេត្តកំពង់ធំ ។
