នាយកដ្ឋានជំរុញទេសចរណ៍ក្នុងស្រុក និងអប់រំការយល់ដឹងជាសាធារណៈនៃក្រសួងទេសចរណ៍

ទីស្តីការក្រសួង: នៅថ្ងៃទី១៥-១៦ ខែកក្តដា ឆ្នាំ២០២៦ នាយកដ្ឋានជំរុញទេសចរណ៍ក្នុងស្រុកនិងអប់រំការយល់ដឹងជាសាធារណៈ បានសហការជាមួយនាយកដ្ឋានរដ្ឋបាលនិងកិច្ចការទូទៅ និងនាយកដ្ឋានធនធានមនុស្ស បានរៀបចំសិក្ខាសាលា បណ្ដុះបណ្ដាលពង្រឹង ពង្រីកចំណេះដឹងបន្ថែមជូនមន្ត្រីរាជការក្រសួងទេសចរណ៍ អំពីការប្រើប្រាស់បណ្ដាញផ្សព្វផ្សាយសង្គម ការផលិតមាតិកា និងការជំរុញផ្សព្វផ្សាយព័ត៌មានទេសចរណ៍កម្ពុជា ក្រោមអធិបតីភាព ឯកឧត្តម ហ៊ុល សីលា អនុរដ្ឋលេខាធិការក្រសួងទេសចរណ៍។
ជាលទ្ធផលទទួលបានពីសិក្ខាសាលា មានដូចខាងក្រោម៖
១.បានយល់ដឹងច្បាស់ពីការប្រើប្រាស់បណ្តាញសង្គមរហូតដល់៧០%
២.យល់ថាសិក្ខាសាលាមានអត្ថប្រយោជន៍ ៨៩%
៣.ចង់អោយមានរៀបចំសិក្ខាសាលាបែបនេះ ៩១%។

សមាគមជំរុញការអភិវឌ្ឍវប្បធម៌ និងសិល្បៈចិន ប្តេជ្ញាសហការជាមួយក្រសួងទេសចរណ៍ ក្នុងការជំរុញការផ្លាស់ប្តូរវប្បធម៌ និងការផ្សព្វផ្សាយទេសចរណ៍រួមគ្នា កម្ពុជា-ចិន ដើម្បីធ្វើឱ្យវិស័យទេសចរណ៍រវាងប្រទេសទាំងពីរកាន់តែមានភាពរីកចម្រើន។ ការប្ដេជ្ញានេះត្រូវបានលើកឡើងក្នុងកិច្ចពិភាក្សាការងាររវាងលោក ហួត ហាក់ រដ្ឋមន្រ្តីក្រសួងទេសចរណ៍ ជាមួយលោក លោក Yang Xiaoyang ប្រធានសមាគមជំរុញការអភិវឌ្ឍវប្បធម៌ និងសិល្បៈចិន នារសៀលថ្ងៃទី១៥ ខែកក្កដា ឆ្នាំ២០២៦ នៅរដ្ឋធានីប៉េកាំង។

លម្អិត៖ https://kh.cc-times.com/posts/29797