ជា ពិសី - Chea Pisey អភិបាលខណ្ឌទួលគោក

ញត្តិគាំទ្រ

យើងខ្ញុំទាំងអស់គ្នាជាថ្នាក់ដឹកនាំ សមាជិក សមាជិកា នៃក្រុមការងារគ្រប់គ្រងសិស្ស-និស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត (អ.ម.ត) ក្រុមទី៣ សូមគាំទ្រយ៉ាងពេញទំហឹងចំពោះសេចក្តីប្រកាសដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈសេចក្តីថ្លែងការណ៍ពិសេស នៅរសៀល ថ្ងៃទី២ ខែមិថុនា ឆ្នាំ២០២៦ ស្តីពី ដំណោះស្រាយរបស់រាជរដ្ឋាភិបាលពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ. ដោយក្នុងនោះ សម្តេច ធិបតីនាយករដ្ឋមន្ត្រី បានបង្ហាញយ៉ាងច្បាស់លាស់អំពីចំណាត់ការរបស់រាជរដ្ឋាភិបាលកម្ពុជា ក្នុងការជូនដំណឹងទៅភាគី ថៃ និងអគ្គលេខាធិការអង្គការសហប្រជាជាតិ ដើម្បីចាប់ផ្តើមដំណើរការយន្តការផ្សះផ្សារដោយបង្ខំ ក្រោមអនុសញ្ញាអង្គការ សហប្រជាជាតិស្តីពីនីតិសមុទ្រ (UNCLOS) បន្ទាប់ពីការដកខ្លួនរបស់ភាគីថៃ ចេញពី អនុស្សរណៈ នៃការយោគយល់គ្នាឆ្នាំ ២០០១ ដែលជាមូលដ្ឋានគតិយុត្តិតែមួយគត់សម្រាប់ការចរចាទ្វេភាគីស្វែងរកដំណោះស្រាយ ដោយសន្តិវិធីលើការទាមទារ ដែនសមុទ្រត្រួតស៊ីគ្នារវាងប្រទេសទាំងពីរ អស់រយៈពេល ២៥ឆ្នាំកន្លងមកនេះ។

ការសម្រេចចិត្តរបស់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់បំផុតរបស់ សម្តេចធិបតីនាយករដ្ឋមន្ត្រី ក្នុងការអនុវត្តយន្តការផ្សះផ្សារដោយបង្ខំ គឺបានបង្ហាញឱ្យឃើញយ៉ាងច្បាស់អំពីឆន្ទៈរបស់ព្រះរាជាណាចក្រកម្ពុជា ក្នុងការ ស្វែងរកដំណោះស្រាយដោយភាពស្របច្បាប់ សន្តិវិធី និងយុត្តិធម៌នៅចំពោះមុខអន្តរជាតិ ក្នុងការដោះស្រាយការទាមទារ ដែនសមុទ្រត្រួតស៊ីគ្នារវាងប្រទេសទាំងពីរ បន្ទាប់ពីការដោះស្រាយដោយសន្តិវិធីក្នុងក្របខណ្ឌទ្វេភាគី ត្រូវបានប្រើប្រាស់ អស់លទ្ធភាព។

ជាថ្មីម្តងទៀត យើងខ្ញុំទាំងអស់គ្នា សូមប្រកាសគាំទ្រយ៉ាងឱឡារឹកចំពោះសេចក្តីថ្លែងការណ៍ដ៏ខ្ពង់ខ្ពស់បំផុត របស់ សម្តេចធិបតីនាយករដ្ឋមន្ត្រី ដែលបានសម្រេចអនុវត្តយន្តការផ្សះផ្សារដោយបង្ខំក្នុងការដោះស្រាយការទាមទារ ដែនសមុទ្រត្រួតស៊ីគ្នារវាងប្រទេសទាំងពីរ ដោយក្តីសង្ឃឹមយ៉ាងមុតមាំថា ភាគីម្ខាងទៀតនឹងប្រកាន់ខ្ជាប់នូវឆន្ទៈ នៃការ ចូលរួមយន្តការនេះ ដែលជាការលើកកម្ពស់កិច្ចសន្ទនាដោយសន្តិវិធី និងស្របតាមច្បាប់អន្តរជាតិ។

ថ្ងៃទី៣០ ខែឧសភា ឆ្នាំ២០២៦ លោក ជា ពិសី អភិបាលខណ្ឌទួលគោក បានចាត់ឱ្យលោក ហ៊ាង វិទ្យា ប្រធានសណ្តាប់ធ្នាប់ខណ្ឌ នាំយកអំណោយជាថវិកាឧបត្ថមចំនួន ៤០០,០០០ ម៉ឺនរៀល និងគ្រឿងឧបភោគបរិភោគមួយចំនួនផ្ដល់ជូនប្រជាការពារខណ្ឌ ទួលគោក ដែលបានគ្រោះថ្នាក់ចរាចរណ៍ និងកំពុងសម្រាកព្យាបាលនៅមន្ទីរពេទ្យ បច្ចុប្បន្នទីលំនៅរបស់គាត់រស់នៅភូមិកំរៀង សង្កាត់ព្រៃវែង ខណ្ឌដង្កោ រាជធានីភ្នំពេញ។

ក្នុងនាមក្រុមប្រឹក្សាខណ្ឌទួលគោក គណៈអភិបាលខណ្ឌទួលគោក មន្រ្តីរាជការ កងកម្លាំង ប្រជាពលរដ្ឋទាំងអស់ក្នុងខណ្ឌទួលគោក និងក្នុងនាមខ្ញុំបាទផ្ទាល់ សូមគាំទ្រយ៉ាងពេញទំហឹងចំពោះសេចក្ដីប្រកាសដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈសេចក្តីថ្លែងការណ៍ពិសេស នៅរសៀល ថ្ងៃទី២ ខែមិថុនា ឆ្នាំ២០២៦ ស្តីពី «ដំណោះស្រាយរបស់រាជរដ្ឋាភិបាលពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ» ដោយក្នុងនោះ សម្ដេចធិបតីនាយករដ្ឋមន្ត្រី បានបង្ហាញយ៉ាងច្បាស់លាស់អំពីចំណាត់ការរបស់រាជរដ្ឋាភិបាលកម្ពុជា ក្នុងការជូនដំណឹងទៅភាគីថៃ និងអគ្គលេខាធិការអង្គការសហប្រជាជាតិ ដើម្បីចាប់ផ្ដើមដំណើរការ
យន្តការផ្សះផ្សារដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) បន្ទាប់ពីការដកខ្លួនរបស់ភាគីថៃ ចេញពីអនុស្សរណៈ នៃការយោគយល់គ្នាឆ្នាំ២០០១ ដែលជាមូលដ្ឋានគតិយុត្តិតែមួយគត់សម្រាប់ការចរចាទ្វេភាគីស្វែងរកដំណោះស្រាយ ដោយសន្តិវិធីលើការទាមទារដែនសមុទ្រត្រួតស៊ីគ្នារវាងប្រទេសទាំងពីរ អស់រយៈពេល ២៥ឆ្នាំកន្លងមកនេះ។

ការសម្រេចចិត្តរបស់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់បំផុតរបស់ សម្ដេចធិបតីនាយករដ្ឋមន្តី ក្នុងការអនុវត្តយន្តការផ្សះផ្សារដោយបង្ខំ គឺបានបង្ហាញឱ្យឃើញយ៉ាងច្បាស់អំពីឆន្ទៈរបស់ព្រះរាជាណាចក្រកម្ពុជា ក្នុងការ ស្វែងរកដំណោះស្រាយដោយភាពស្របច្បាប់ សន្តិវិធី និងយុត្តិធម៌នៅចំពោះមុខអន្តរជាតិ ក្នុងការដោះស្រាយការទាមទារ ដែនសមុទ្រត្រួតស៊ីគ្នារវាងប្រទេសទាំងពីរ បន្ទាប់ពីការដោះស្រាយដោយសន្តិវិធីក្នុងក្របខណ្ឌទ្វេភាគី ត្រូវបានប្រើប្រាស់
អស់លទ្ធភាព។

ជាថ្មីម្តងទៀត យើងខ្ញុំទាំងអស់គ្នា សូមប្រកាសគាំទ្រយ៉ាងឱឡារឹកចំពោះសេចក្តីថ្លែងការណ៍ដ៏ខ្ពង់ខ្ពស់បំផុត របស់ សម្ដេចធិបតីនាយករដ្ឋមន្ត្រី ដែលបានសម្រេចអនុវត្តយន្តការផ្សះផ្សារដោយបង្ខំក្នុងការដោះស្រាយការទាមទារ ដែនសមុទ្រត្រួតស៊ីគ្នារវាងប្រទេសទាំងពីរ ដោយក្តីសង្ឃឹមយ៉ាងមុតមាំថា ភាគីម្ខាងទៀតនឹងប្រកាន់ខ្ជាប់នូវឆន្ទៈ នៃការចូលរួមយន្តការនេះ ដែលជាការលើកកម្ពស់កិច្ចសន្ទនាដោយសន្តិវិធី និងស្របតាមច្បាប់អន្តរជាតិ។

ដោយអនុវត្តតាមអនុក្រឹត្យលេខ០៣ អនក្រ.បក ចុះថ្ងៃទី០៥ ខែមករា ឆ្នាំ២០២៦ និងបទញ្ជាលេខ០១ បប ចុះថ្ងៃទី១៤ ខែកក្កដា ឆ្នាំ២០២៥ របស់រាជរដ្ឋាភិបាល និងក្រោមការដឹកនាំរបស់ឯកឧត្តមអភិបាល នៃគណៈអភិបាលរាជធានីភ្នំពេញ

នៅថ្ងៃទី២ ខែមិថុនា ឆ្នាំ២០២៦ លោក ជា ពិសី អភិបាល នៃគណៈអភិបាលខណ្ឌ និងជាប្រធានគណៈបញ្ជាការឯកភាពរដ្ឋបាលខណ្ឌទួលគោក បានដឹកនាំ និងប្រគល់ភារកិច្ចជូនគណៈអភិបាលខណ្ឌ ដឹកនាំកម្លាំងចុះរដ្ឋបាល និងស្រង់ស្ថិតិជនបរទេសនៅតាមបុរី សណ្ឋាគារ ខុនដូ អាផាតមិន ការដ្ឋានសំណង់ អគារស្នាក់នៅរួម ផ្ទះសំណាក់ និងផ្ទះជួល នៅតាមសង្កាត់ទាំង១០ បានចំនួន ១៩ទីតាំង មានជនបរទេសស្នាក់នៅសរុបចំនួន ១២៧នាក់ ស្រី៤១នាក់ មានចំនួន២៧សញ្ជាតិ មានលិខិតឆ្លងដែន និងទិដ្ឋការត្រឹមត្រូវ ពុំបានរកឃើញបទល្មើសតាមប្រព័ន្ធបច្ចេកវិទ្យា (Online Scams) កើតឡើងឡើយ។

ថ្ងៃទី២ ខែមិថុនា ឆ្នាំ២០២៦ ខ្ញុំបានចូលរួមក្នុងកិច្ចប្រជុំតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា Online Scams នៅក្រសួងមហាផ្ទៃ។

ដោយអនុវត្តតាមអនុក្រឹត្យលេខ០៣ អនក្រ.បក ចុះថ្ងៃទី០៥ ខែមករា ឆ្នាំ២០២៦ និងបទញ្ជាលេខ០១ បប ចុះថ្ងៃទី១៤ ខែកក្កដា ឆ្នាំ២០២៥ របស់រាជរដ្ឋាភិបាល និងក្រោមការដឹកនាំរបស់ឯកឧត្តមអភិបាល នៃគណៈអភិបាលរាជធានីភ្នំពេញ

ថ្ងៃទី០១ ខែមិថុនា ឆ្នាំ២០២៦ ក្រុមការងារចម្រុះដឹក​នាំ​ដោយ ឯកឧត្តម ឯក ឃុនដឿន អភិបាលរង នៃគណៈអភិបាលរាជធានីភ្នំពេញ និងឯកឧត្តម ជា ពិសី អភិបាលខណ្ឌទួលគោក និងជាប្រធានគណៈបញ្ជាការឯកភាពខណ្ឌទួលគោក ដោយបានកិច្ចសម្រប​សម្រួលផ្លូវច្បាប់ពីលោក ញ៉ាន បូរី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យរដ្ឋបាលទីតាំងខុនដូTK STAR អាគារលេខ១០០ ស្ថិតនៅផ្លូវលេខ៥១៦ កែងផ្លូវលេខ៣១៥ ភូមិ០១ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ ក្រុមការងារចម្រុះបានត្រួតពិនិត្យខុនដូខាងលើពីជាន់ទី១ ដល់ជាន់ទី២៦ ជាលទ្ធផល ក្រុមប្រតិបត្តិការ បានធ្វើការឃាត់ខ្លួនជនបរទេសសរុប ៧នាក់ស្រី០១នាក់(ពាក់ព័ន្ធល្បែងស៊ីសងអនឡាញ០១នាក់ប្រុសជនជាតិកូរ៉េខាងត្បូងនឹស្នាក់នៅខុសច្បាប់គ្នានលិខិតឆ្លងដែន០៦នាក់ជនជាតិចិន០៣នាក់ ជនជាតិកូរ៉េខាងត្បូង០១នាក់ ជនជាតិកេនយ៉ា០១នាក់ និងជនជាតិអ៊ូហ្គាដា០១នាក់ និងបានដកហូតវត្ថុតាងជាសម្ភារ:នៅក្នុងបន្ទប់១៣០៨ CPU ចំនួន០២គ្រឿង, ទូរស័ព្ទចំនួន០៣គ្រឿង, ម៉ូនីទ័រ ចំនួន០៤គ្រឿង និងបន្ទប់១៣០៩ CPU ចំនួន០១គ្រឿង, ទូរស័ព្ទចំនួន០២គ្រឿង, ម៉ូនីទ័រ ចំនួន០២គ្រឿង។ ចំពោះជនបរទេសសរុប ៧នាក់ស្រី០១នាក់បានបញ្ជូនទៅកាន់អធិការដ្ឋាននគរបាលខណ្ឌទួលគោក ដើម្បីបន្តនីតិវិធី ដោយឡែកសម្ភារ:ខាងលើត្រូវបានបញ្ជូនទៅកាន់ការិយាល័យបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី ។