CPP-ppspsd- ឃុំបុស្បូវ

ក្រុមការងាររាជរដ្ឋាភិបាលចុះមូលដ្ឋានឃុំបុស្បូវ ដឹកនាំដោយលោកបណ្ឌិត កែ មុន្ធីវុធ និងសហការី បានអញ្ជើញចូលរួមក្នុងពិធីវេទិកា សាធារណៈប្រចាំឆ្នាំ២០២៦ របស់ឃុំបុស្បូវ ស្រុកព្រះនេត្រព្រះ
ក្នុងឱកាសនោះ ក៏មានការអញ្ជើញចូលរួមពីលោក កែវ ប៊ុនយឿន ប្រធានក្រុមប្រឹក្សា​ស្រុកព្រះនេត្រព្រះ លោក ហឿន វីរៈ អភិបាល នៃគណៈអភិបាលស្រុកព្រះនេត្រព្រះ លោក ជា យុទ្ធីរុណ ប្រធានមន្ទីរអភិវឌ្ឍន៍ជនបទ​ខេត្តបន្ទាយមានជ័យ ព្រមទាំងមន្ត្រីរាជការ កងកម្លាំង អាជ្ញាធរមូលដ្ឋាន និងបងប្អូនប្រជាពលរដ្ឋ សរុបចំនួន ១៤៤រូប ក្នុងនោះស្ត្រី ៣២រូប។
វេទិកាសាធារណៈនេះ ត្រូវបានរៀបចំឡើងក្នុងគោលបំណង ដើម្បីពិគ្រោះយោបល់ ស្តាប់សំណូមពរ និងរួមគ្នាដោះស្រាយបញ្ហាពាក់ព័ន្ធនឹងការផ្តល់សេវាសាធារណៈ និងការអនុវត្ត​គោល​នយោបាយ​ភូមិ ឃុំសុវត្ថិភាពជូនប្រជាពលរដ្ឋ ព្រមទាំងបញ្ហា​ប្រឈម​នានា​ដែលកើតមាននៅតាមភូមិ និងមូលដ្ឋានឃុំបុស្បូវ។

បុស្បូវ ៩.៥.២៦

សកម្មភាពក្រុមការងារថ្នាក់ជាតិចុះជួយឃុំព្រះនេត្រព្រះ ដឹកនាំដោយ លោកបណ្ឌិត កែ មុន្ធីវុធ ប្រធានក្រុមការងារ និងសហការី បានអញ្ជើញចូលរួមកិច្ចប្រជុំ​ពិភាក្សាការងារ​ជាមួយលោក ឈួន រ៉ន ប្រធានគណៈកម្មាធិការគណបក្សឃុំព្រះនេត្រព្រះ
+កិច្ចប្រជុំបានផ្តោតលើការពិភាក្សា និងពិនិត្យវឌ្ឍនភាពការងារសំខាន់ៗ ដូចខាងក្រោម៖
១. ពិនិត្យ និងធ្វើបច្ចុប្បន្នភាពការងារសមាជិកបក្ស ដែលសម្រេចបានចុះក្នុងប្រព័ន្ធបោះឆ្នោតឱ្យបានតាមផែនការកំណត់។
២. ពង្រឹងការងារជីវភាពនយោបាយ សតិអារម្មណ៍ និងសាមគ្គីភាពផ្ទៃក្នុងរបស់សមាជិកបក្ស ឆ្ពោះទៅសម្រេចបានការគាំទ្រទាំងបរិមាណនិងគុណភាព។
ឃុំព្រះនេត្រព្រះ ៨ .០៥.២៦

សកម្មភាពក្រុមការងារចុះជួយឃុំបុស្បូវ ដឹកនាំដោយលោក​បណ្ឌិត កែ​ មុន្ធីវុធ​ ប្រធានក្រុមការងារចុះមូលដ្ឋានឃុំបុស្បូវ​ និងសហការី​ បានអញ្ជើញទៅសួរសុខទុក្ខលោក ប៊ុន ហេង សមាជិកក្រុមប្រឹក្សាឃុំបុស្បូវ ដែលកំពុងសម្រាកព្យាបាលជំងឺនៅមន្ទីរពេទ្យមិត្តភាពខ្មែរ-សូវៀត។
៣០ .០៤ .២៦

នៅរសៀលថ្ងៃទី៤ ខែមេសា ឆ្នាំ២០២៦ ក្រុមការងារចុះជួយឃុំបុស្បូវ ដឹកនាំដោយលោកបណ្ឌិត កែ មុន្ធីវុធ នឹងសហការីដោយមានការអញ្ជើញចូលរួមពីលោកមេឃុំ និងក្រុមប្រឹក្សាឃុំ បានប្រគេនទេយ្យទានគ្រឿងឧបភោគ និងបរិភោគរបស់ក្រុមការងារថ្នាក់ស្រុកដូចជា អង្ករ ទឹកសុទ្ធ មី ត្រីខ ទឹកស៊ីអ៊ីវ ព្រមទាំងបានប្រគេនបច្ច័យដល់ព្រះសង្ឃគង់នៅវត្តតាមវត្តនានាស្ថិតនៅក្នុងឃុំបុស្បូវ។
បុស្បូវ ៤ .០៤ .២៦

កាលពីថ្ងៃទី៣ ខែមេសា ឆ្នាំ២០២៦ ក្រុមការងារថ្នាក់ជាតិចុះជួយឃុំបុស្បូវ លោកបណ្ឌិត កែ មុន្ធីវុធ បានអញ្ជើញចូលរួមជាគណៈអធិបតីក្នុងពិធីសំណេះសំណាលជាមួយយុវជនគណបក្ស ចំនួន៩ ភូមិ។ ទន្ទឹមនឹងនេះ ក៏មានការអញ្ជើញចូលរួមពីលោក ហឿន វីរៈ ប្រធានគណបក្សស្រុកព្រះនេត្រព្រះ លោក ហែម សារិន អនុប្រធានគណបក្សស្រុក ព្រមទាំងលោកប្រធានគណបក្សឃុំ លោក លោកស្រី មេភូមិទាំង៩ និងសមាជិក សមាជិកាគណបក្ស សរុបចំនួន ១១៥រូប (ស្ត្រី៤៧ រូប)។

គណបក្សឃុំបុស្បូបានរៀបចំកិច្ចប្រជុំការងារគណ:អចិន្ទ្រៃយ៍គណបក្សដើម្បីពិភាក្សានិងពិនិត្យ បញ្ជីឈ្មោះសមាជិកបក្ស ក្នុងប្រព័ន្ធក្រោមអធិតីភាពលោក បណ្ឌិត កែ មុន្ធីវុធ ប្រធានក្រុមការងារថ្នាក់កណ្ដាល ចុះជួយមូលដ្ឋានឃុំបុស្បូវ។
ដោយមានសមាសភាពចូលរួម លោក ហែម សារិន អនុប្រធានគណបក្សស្រុក លោក សារិន ភត្រា ក្រុមការងារចុះជួយមូលដ្ឋានឃុំបុស្បូវ លោកប្រធានគណបក្សឃុំ និងសមាជិកអចិន្ត្រៃយ៍គណបក្សឃុំ។
បុស្បូវ .ថ្ងៃទី១៤ ខែមីនា ឆ្នាំ២០២៦

សកម្មភាពក្រុមការងារចុះជួយឃុំបុស្បូវ សហការជាមួយក្រុមប្រឹក្សាឃុំបុស្បូវ យុវជនឃុំបុស្បូវ មន្រ្តីកសិកម្មឃុំ​ និងបងប្អូនជនភាសសឹក​ បានចុះប្រមូលផលបន្លែលើកទី២ សម្រាប់​ប្រគេន​ព្រះសង្ឃ​នៅវត្តប្រសាទស្រកណ្តាល (ខ្ចាស់) វត្តត្របែក និងវត្តបុស្បូវ ​ព្រមទាំងជូន​ដល់​បងប្អូន​ជនភៀស​ ​កងទ័ព​ និង​​កុមារ​កំព្រា​វិសាខានៃក្ដីសង្ឃ​វត្តខ្ចាស់​ ខេត្តបន្ទាយមានជ័យ​ នៅមណ្ឌលវត្តខ្ចាស់​ ខេត្តបន្ទាយមានជ័យ។
បុស្បូវ 30.1.2026

ក្រុមការងារថ្នាក់ជាតិចុះជួយឃុំបុស្បូវ ដឹកនាំដោយលោកបណ្ឌិត កែ មុន្ធីវុធ និងសហការី បានចូលរួមពិធីប្រគល់បន្លែដែលបានមកពីសួនបន្លែជូនបងប្អូនវីរះកងទ័ព ក្រោមអធិបតីភាពឯកឧត្តម គង់ ច័ន្ទវាសនា ប្រធានក្រុមការងារថ្នាក់ជាតិចុះជួយស្រុកព្រះនេត្រព្រះ ឯកឧត្តម ងិន ឆាយ អនុប្រធានក្រុមការងារថ្នាក់ជាតិចុះជួយស្រុកព្រះនេត្រព្រះព្រមទាំងមានការអញ្ជើញចូលរួមពីឯកឧត្តម លោកជំទាវ អភិបាលរងខេត្ត អភិបាលស្រុក ក្រុមប្រឹក្សាស្រុក និងអាជ្ញាធរដែនដី។
ថ្ងៃទី២៤ ខែមករា ឆ្នាំ២០២៦

សកម្មភាពក្រុមការងារថ្នាក់កណ្តាលចុះជួយឃុំបុស្បូវ ដឹកនាំដោយលោក ហេង ឈុនហ៊ី និងសហការី ដោយមានការចូលរួមពីព្រះសង្ឃតំណាងវត្តខ្ចាស់​ ក្រុមប្រឹក្សាស្រុកព្រះនេត្រព្រះ តំណាងស្រុកព្រះនេត្រព្រះ​ ក្រុមប្រឹក្សាឃុំបុស្បូវ មន្រ្តីកសិកម្មឃុំ​ និងជនភៀសសឹក​ បានចុះប្រមូលផលបន្លែ​សម្រាប់ចែកជូនបងប្អូនជនភៀសសឹក​ និងបានចែកជូនដល់បងប្អូនជនភៀសសឹក នៅមណ្ឌលវត្តខ្ចាស់​ ខេត្តបន្ទាយមានជ័យ។
បុស្បូវ ២៣.១.២៦